Codex Sinaiticus: Κατὰ Λουκᾶν
- Κατὰ Λουκᾶν 10:31
κατα ϲυγκυριαν δε ϊερευϲ τιϲ κατεβαινεν εν τη οδω εκεινη και ϊδων αυτον αντιπαρηλθεν
- Κατὰ Λουκᾶν 10:33
ϲαμαριτηϲ δε τιϲ οδευων ηλθεν κατ αυτον και ϊδων εϲπλαγχνιϲθη
- Κατὰ Λουκᾶν 10:34
και προϲελθων κατεδηϲεν τα τραυματα αυτου επιχεων ελεον και οινον επιβιβαϲαϲ δε αυτον επι το ϊδιον κτηνοϲ ηγαγεν αυτον ειϲ πανδοκιον και επεμεληθη αυτου
- Κατὰ Λουκᾶν 10:35
και επι την αυριον εκβαλων δυο δηναρια εδωκεν τω πανδοκει και ειπεν αυτω επιμεληθητι αυτου και ο τι αν προϲδαπανηϲηϲ εν τω επανερχεϲθε με αποδωϲω ϲοι
- Κατὰ Λουκᾶν 10:36
τιϲ τουτων τριων πληϲιον δοκει ϲοι γεγονεναι του εμπεϲοντοϲ ειϲ τουϲ ληϲταϲ
- Κατὰ Λουκᾶν 10:37
ο δε ειπεν ο ποιηϲαϲ το ελεοϲ μετ αυτου ειπεν δε αυτω ο ιϲ πορευου και ϲοι ποιει ομοιωϲ
- Κατὰ Λουκᾶν 10:38
εν δε τω πορευεϲθαι αυτουϲ αυτοϲ ειϲηλθεν ειϲ κωμην τινα γυνη δε τιϲ ονοματι μαρθα ϋπεδεξατο αυτον ειϲ την οικιαν
- Κατὰ Λουκᾶν 10:39
και αι τηδε ην αδελφη καλουμενη μαριαμ και παρακαθεϲθιϲα προϲ τουϲ ποδαϲ του κυ ηκουε τον λογον αυτου ·
- Κατὰ Λουκᾶν 10:40
η δε μαρθα περιεϲπατο περι πολλην διακονιαν επιϲταϲα δε ειπεν κε ου μελι ϲοι οτι η αδελφη μου μονην με κατελιπεν διακονιν ειπε ουν αυτη ϊνα μοι ϲυναντιλαβητε
- Κατὰ Λουκᾶν 10:41
αποκριθειϲ δε ειπεν αυτη ο κϲ μαρθα μαρθα μεριμναϲ και θορυβαζη περι πολλα
- Κατὰ Λουκᾶν 10:42
ολιγων δε εϲτιν η ενοϲ μαρια γαρ την αγαθην μεριδα εξελεξατο ητιϲ ουκ αφερεθηϲεται αυτηϲ ·
- Κατὰ Λουκᾶν 11:1
και εγενετο εν τω ειναι αυτον εν τοπω τινι προϲευχομενον ωϲ επαυϲατο ειπεν τιϲ των μαθητων αυτου προϲ αυτον κε διδαξον ημαϲ προϲευχεϲθαι καθωϲ εδιδαξεν τουϲ μαθηταϲ αυτου
- Κατὰ Λουκᾶν 11:2
ειπεν δε αυτοιϲ οταν προϲευχηϲθε λεγετε · πατερ αγιαϲθητω το ονομα ϲου · ελθατω η βαϲιλια ϲου · γενηθητω το θελημα ϲου ωϲ εν ουρανω ουτω και επι γηϲ
- Κατὰ Λουκᾶν 11:3
τον αρτον ημων τον επιουϲιον δοϲ ημιν καθ ημεραν
- Κατὰ Λουκᾶν 11:4
και αφεϲ ημιν ταϲ αμαρτιαϲ ημων ωϲ και αυτοι αφιεμεν παντι οφιλοντι ημιν και μη ειϲενεγκηϲ ημαϲ ειϲ πιραϲμον
- Κατὰ Λουκᾶν 11:5
και ειπεν προϲ αυτουϲ τιϲ εξ υμων εξει φιλον και πορευϲεται προϲ αυτον μεϲονυκτιου και ειπη αυτω φιλε χρηϲον μοι τριϲ αρτουϲ
- Κατὰ Λουκᾶν 11:6
επιδη φιλοϲ μου παρεγενετο εξ οδου προϲ με και ουκ εχω ο παραθηϲω αυτω
- Κατὰ Λουκᾶν 11:7
κακεινοϲ εϲωθεν αποκριθειϲ ειπη μη μοι κοπουϲ παρεχε ηδη η θυρα κεκλιϲται και τα παιδια μου ειϲ την κοιτην μετ εμου ειϲιν και ου δυναμαι αναϲταϲ δουναι ϲοι
- Κατὰ Λουκᾶν 11:8
λεγω ϋμιν ει και ου δωϲει αυτω αναϲταϲ δια το ειναι φιλον αυτου δια δε την αναιδιαν αυτου εγερθειϲ δωϲει αυτω οϲων χρηζει
- Κατὰ Λουκᾶν 11:9
καγω ϋμιν λεγω αιτειτε και δοθηϲεται ϋμιν ζητειτε και ευρηϲετε κρουετε και ανυγηϲεται ϋμιν ·
- Κατὰ Λουκᾶν 11:10
παϲ γαρ ο αιτων λαμβανει ˙ και ο ζητων ευριϲκει και τω κρουοντι ανυγηϲετε
- Κατὰ Λουκᾶν 11:11
τιϲ δε εξ υμων τον πατερα αιτηϲει αρτον μη λιθον επιδωϲει αυτω η ϊχθυν μη αντι ϊχθυοϲ οφιν επιδωϲει αυτω
- Κατὰ Λουκᾶν 11:12
η και αιτηϲει ωον μη επιδωϲει αυτω ϲκορπιον
- Κατὰ Λουκᾶν 11:13
ει ουν ϋμιϲ πονηροι οντεϲ οιδαται δοματα αγαθα διδοναι τοιϲ τεκνοιϲ ϋμων ποϲω μαλλον ο πατηρ εξ ουρανου δωϲει πνα αγιον τοιϲ αιτουϲιν αυτον
- Κατὰ Λουκᾶν 11:14
και ην εκβαλλων δαιμονιον κωφον εγενετο δε του δαιμονιου εξελθοντοϲ ελαληϲεν ο κωφοϲ και εθαυμαϲαν οι οχλοι ·
- Κατὰ Λουκᾶν 11:15
τινεϲ δε εξ αυτων ειπον εν βεεζεβουλ τω αρχοντι των δαιμονιων εκβαλλει τα δαιμονια
- Κατὰ Λουκᾶν 11:16
ετεροι δε πιραζοντεϲ ϲημιον εξ ουρανου εζητουν παρ αυτου
- Κατὰ Λουκᾶν 11:17
αυτοϲ δε ειδωϲ αυτων τα διανοηματα ειπεν αυτοιϲ παϲα βαϲιλεια διαμεριϲθειϲα εφ εαυτην ερημουται και οικοϲ επι οικον πιπτει
- Κατὰ Λουκᾶν 11:18
ει δε και ο ϲαταναϲ εφ εαυτον εμεριϲθη πωϲ ϲταθηϲεται η βαϲιλεια αυτου τι λεγετε εν βεεζεβουλʼ εκβαλλειν με τα δαιμονια
- Κατὰ Λουκᾶν 11:19
ει δε εγω εν βεεζεβουλ εκβαλλω τα δαιμονια οι υϊοι υμων εν τινι εκβαλλουϲιν δια τουτο αυτοι κριται εϲονται ϋμων
- Κατὰ Λουκᾶν 11:20
ει δε εν δακτυλω θυ εκβαλλω τα δαιμονια αρα εφθαϲεν εφ υμαϲ η βαϲιλεια του θυ
- Κατὰ Λουκᾶν 11:21
οταν ϊϲχυροϲ καθωπλιϲμενοϲ φυλαϲϲη την εαυτου αυλην εν ειρηνη εϲται τα ϋπαρχοντα αυτου
- Κατὰ Λουκᾶν 11:22
επαν δε ϊϲχυροτεροϲ αυτου εϲτιν επελθων νικηϲη αυτον την πανοπλιαν αυτου ερει εφ η επεποιθει και τα ϲκυλα αυτου διαδιδωϲιν
- Κατὰ Λουκᾶν 11:23
ο μη ων μετ εμου κατ εμου εϲτιν και ο μη ϲυναγων μετ εμου ϲκορπιζει με
- Κατὰ Λουκᾶν 11:24
οταν το ακαθαρτον πνα εξελθη απο του ανθρωπου διερχεται δι ανυδρων τοπων ζητουν αναπαυϲιν και μη ευριϲκον λεγει υποϲτρεψω ειϲ τον οικον μου οθεν εξηλθον
- Κατὰ Λουκᾶν 11:25
και ελθον ευριϲκι ϲεϲαρωμενον και κεκοϲμημενον
- Κατὰ Λουκᾶν 11:26
τοτε πορευετε και […]αραλαμβανι επτα ετερα πνατα πονηροτερα εαυτου επτα · και ειϲελθοντα κατοικει εκει και γινετε τα εϲχατα του ανου εκεινου χειρονα των πρωτων
- Κατὰ Λουκᾶν 11:27
εγενετο δε εν τω λεγειν αυτον ταυτα επαραϲα τιϲ φωνην γυνη εκ του οχλου ειπεν αυτω μακαρια κοιλια η βαϲταϲαϲα ϲε και μαϲτοι ουϲ εθηλαϲαϲ
- Κατὰ Λουκᾶν 11:28
αυτοϲ δε ειπεν μενουν μακαριοι οι ακουοντεϲ τον λογον του θυ και φυλαϲϲοντεϲ τον λογον του θυ
- Κατὰ Λουκᾶν 11:29
των δε οχλων επαθροιζομενων ηρξατο λεγειν η γενεα αυτη γενεα πονηρα εϲτιν ϲημιον ζητει και ϲημιον ου δοθηϲεται αυτη ει μη το ϲημιον ϊωνα
- Κατὰ Λουκᾶν 11:30
καθωϲ εγενετο ιωναϲ τοιϲ νινευειταιϲ ϲημειον ουτωϲ εϲται και ο υϲ του ανθρωπου τη γενεα ταυτη
- Κατὰ Λουκᾶν 11:31
βαϲιλιϲϲα νοτου εγερθηϲεται εν τη κριϲει μετα των ανθρωπων τηϲ γενεαϲ ταυτηϲ και κατακρινι αυτουϲ οτι ηλθεν εκ των περατων τηϲ γηϲ ακουϲαι την ϲοφιαν ϲολομωνοϲ και ϊδου πλειον ϲολομωνοϲ ωδε ·
- Κατὰ Λουκᾶν 11:32
ανδρεϲ νινευειται αναϲτηϲονται εν τη κριϲι μετα τηϲ γενεαϲ ταυτηϲ και κατακρινουϲιν αυτην οτι μετενοηϲαν ειϲ το κηρυγμα ιωνα και ϊδου πλειον ιωνα ωδε
- Κατὰ Λουκᾶν 11:33
ουδειϲ λυχνον αψαϲ ειϲ κρυπτην τιθηϲιν ουδε υπο τον μοδιον αλλ επι την λυχνιαν · ϊνα οι ειϲπορευομενοι το φωϲ βλεπουϲιν ·
- Κατὰ Λουκᾶν 11:34
ο λυχνοϲ του ϲωματοϲ εϲτιν ο οφθαλμοϲ ϲου οταν ο οφθαλμοϲ ϲου απλουϲ η και ολον το ϲωμα ϲου φωτινον εϲτιν επαν δε πονηροϲ η και το ϲωμα ϲου ϲκοτινον
- Κατὰ Λουκᾶν 11:35
ϲκοπι ουν μη το φωϲ το εν ϲοι ϲκοτοϲ εϲτιν
- Κατὰ Λουκᾶν 11:36
ει ουν το […]μα ϲου ολον φωτινον μη εχον τι μεροϲ ϲκοτινον εϲται φωτινον ολον ωϲ οταν λυχνοϲ τη αϲτραπη φωτιζη ϲε
- Κατὰ Λουκᾶν 11:37
εν δε τω λαληϲαι ερωτα αυτον φαριϲαιοϲ οπωϲ αριϲτηϲη παρ αυτω ειϲελθων δε ανεπεϲεν
- Κατὰ Λουκᾶν 11:38
ο δε φαριϲαιοϲ ϊδων εθαυμαϲεν οτι ου πρωτον εβαπτιϲθη προ του αριϲτου
- Κατὰ Λουκᾶν 11:39
ειπεν δε ο κϲν προϲ αυτον νυν ϋμειϲ οι φαριϲαιοι το εξωθεν του ποτηριου και του πινακοϲ καθαριζεται ˙ το δε εϲωθεν ϋμων γεμει αρπαγηϲ και πονηριαϲ
- Κατὰ Λουκᾶν 11:40
ο αφρονεϲ ουχ ο ποιηϲαϲ το εξωθεν και το εϲωθεν εποιηϲεν .
- Κατὰ Λουκᾶν 11:41
πλην τα ενοντα δοτε ελεημοϲυνην και ϊδου παντα καθαρα ϋμιν εϲτιν ˙
- Κατὰ Λουκᾶν 11:42
αλλα ουαι ϋμιν τοιϲ φαριϲαιοιϲ οτι αποδεκατουται το ηδυϲμον και το πηγανον και το λαχανον και παρερχεϲθαι την κριϲιν και την αγαπην του θυ ταυτα εδει ποιϲαι κακεινα μη αφειναι
- Κατὰ Λουκᾶν 11:43
ουαι ϋμιν φαριϲαιοι οτι αγαπατε την πρωτοκαθεδριαν εν ταιϲ ϲυναγωγαιϲ και τουϲ αϲπαϲμουϲ εν ταιϲ αγοραιϲ ˙
- Κατὰ Λουκᾶν 11:44
ουαι ϋμιν οτι εϲτε ωϲ τα μνημια τα αδηλα και οι ανθρωποι οι περιπατουντεϲ επανω ουκ οιδαϲιν ˙
- Κατὰ Λουκᾶν 11:45
αποκριθειϲ δε τιϲ των νομικων λεγει αυτω διδαϲκαλε ταυτα λεγων και ημαϲ ϋβριζειϲ ·
- Κατὰ Λουκᾶν 11:46
ο δε ειπεν και ϋμιν τοιϲ νομικοιϲ ουαι οτι φορτιζετε τουϲ ανθρωπουϲ φορτια δυϲβαϲτακτα και αυτοι ενι των δακτυλων υμων ου προϲψαυετε τοιϲ φορτιοιϲ
- Κατὰ Λουκᾶν 11:47
ουαι ϋμιν οτι οικοδομειτε τα μνημια των προφητων και οι πατερεϲ ϋμων απεκτιναν αυτουϲ
- Κατὰ Λουκᾶν 11:48
αρα μαρτυρεϲ εϲτε και ϲυνευδοκειτε τοιϲ εργοιϲ των πατερων ϋμων οτι αυτοι μεν απεκτιναν αυτουϲ ϋμειϲ δε οικοδομειτε
- Κατὰ Λουκᾶν 11:49
δια τουτο και η ϲοφια του θυ ειπεν αποϲτελω ειϲ αυτουϲ προφηταϲ και αποϲτολουϲ και εξ αυτων αποκτινουϲιν και διωξουϲιν
- Κατὰ Λουκᾶν 11:50
ϊνα εκζητηθη το αιμα παντων των προφητων το εκχυννομενον απο καταβοληϲ κοϲμου απο τηϲ γενεαϲ ταυτηϲ
- Κατὰ Λουκᾶν 11:51
απο αιματοϲ αβελʼ εωϲ αιματοϲ ζαχαριου του απολομενου μετοξυ του θυϲιαϲτηριου και του οικου ναι λεγω ϋμιν εκζητηθηϲεται απο τηϲ γενεαϲ ταυτηϲ
- Κατὰ Λουκᾶν 11:52
ουαι ϋμιν τοιϲ νομικοιϲ οτι ηρατε την κλειδα τηϲ γνωϲεωϲ αυτοι ουκ ειϲηλθατε και τουϲ ειϲερχομενουϲ εκωλυϲατε ·
- Κατὰ Λουκᾶν 11:53
κακειθεν εξελθοντοϲ αυτου ηρξαντο οι γραμματειϲ και οι φαριϲαιοι δινωϲ ενεχιν και αποϲτοματιζειν αυτον περι πλειονων
- Κατὰ Λουκᾶν 11:54
ενεδρευοντεϲ θηρευϲαι τι εκ του ϲτοματοϲ αυτου
- Κατὰ Λουκᾶν 12:1
εν οιϲ επιϲυναχθιϲων των μυριαδων του οχλου ωϲτε καταπατειν αλληλουϲ ηρξατο λεγειν προϲ τουϲ μαθηταϲ αυτου πρωτον προϲεχετε εαυτοιϲ απο τηϲ ζυμηϲ των φαριϲαιων ητιϲ εϲτιν ϋποκριϲιϲ ˙
- Κατὰ Λουκᾶν 12:2
ουδεν κεκαλυμμενον εϲτιν ο ουκ αποκαλυφθηϲεται ˙ και κρυπτον ο ου γνωϲθηϲεται ˙
- Κατὰ Λουκᾶν 12:3
ανθ ων οϲα εν τη ϲκοτια ειπατε εν τω φωτι ακουϲθηϲεται και ο προϲ το ουϲ ελαληϲατε εν τοιϲ ταμιοιϲ κηρυχθηϲεται επι των δωματων ·
- Κατὰ Λουκᾶν 12:4
λεγω δε υμιν τοιϲ φιλοιϲ μου · μη φοβηθητε απο των αποκτεννοντων το ϲωμα · και μετ αυτα μη εχοντων περιϲϲοτερον τι ποιηϲαι
- Κατὰ Λουκᾶν 12:5
ϋποδιξω υμιν τινα φοβηθητε τον μετα το αποκτειναι εχοντα εξουϲιαν εμβαλλειν ειϲ την γεενναν ναι λεγω ϋμιν τουτον φοβηθηται
- Κατὰ Λουκᾶν 12:6
ουχι πεντε ϲτρουθια πωλουνται αϲϲαριων δυο και εν εξ αυτων ουκ εϲτιν επιλεληϲμενον ενωπιον του θυ
- Κατὰ Λουκᾶν 12:7
αλλα και αι τριχεϲ τηϲ κεφαληϲ ϋμων παϲαι ηριθμηνται μη ουν φοβειϲθε πολλων ϲτρουθιων διαφερετε
- Κατὰ Λουκᾶν 12:8
λεγω δε ϋμιν οτι παϲ οϲ αν ομολογηϲη εν εμοι εμπροϲθεν των ανθρωπων και ο υϲ του ανθρωπου ομολογηϲει εν αυτω εμπροϲθεν […]
- Κατὰ Λουκᾶν 12:9
ο δε αρνηϲαμενοϲ με ενωπιον των ανθρωπων · απαρνηϲεται ενωπιον των αγγελων του θυ
- Κατὰ Λουκᾶν 12:10
και παϲ οϲ αιρει λογον ειϲ τον ϋϊον του ανθρωπου αφεθηϲεται αυτω τω δε ειϲ το αγιον πνα βλαϲφημουντι ουκ αφεθηϲεται
- Κατὰ Λουκᾶν 12:11
οταν δε ειϲφερωϲιν ϋμαϲ ειϲ ταϲ ϲυναγωγαϲ και ταϲ αρχαϲ και ταϲ εξουϲιαϲ μη μεριμνηϲητε πωϲ η τι απολογηϲηϲθε η τι ειπητε
- Κατὰ Λουκᾶν 12:12
το γαρ αγιον πνα διδαξει ϋμαϲ εν αυτη τη ωρα α δει ειπειν
- Κατὰ Λουκᾶν 12:13
ειπεν δε τιϲ εκ του οχλου αυτω διδαϲκαλε ειπε τω αδελφω μου μεριϲαϲθε μετ εμου την κληρονομιαν
- Κατὰ Λουκᾶν 12:14
ο δε ειπεν αυτω ανθρωπε τιϲ με κατεϲτηϲεν κριτην η μεριϲτην εφ υμων
- Κατὰ Λουκᾶν 12:15
ειπεν δε προϲ αυτουϲ οραται και φυλαϲϲεϲθαι απο παϲηϲ πλεονεξιαϲ οτι ουκ εν τω περιϲϲευειν τινι η ζωη αυτου εϲτιν εκ των υπαρχοντων αυτου ˙
- Κατὰ Λουκᾶν 12:16
ειπεν δε παραβολην προϲ αυτουϲ λεγων · ανθρωπου τινοϲ πλουϲιου ευφορηϲεν η χωρα
- Κατὰ Λουκᾶν 12:17
και διελογιζετο εν εαυτω λεγων τι ποιηϲω οτι ουκ εχω που ϲυναξω τουϲ καρπουϲ μου ˙
- Κατὰ Λουκᾶν 12:18
και ειπεν τουτο ποιηϲω καθελω μου ταϲ αποθηκαϲ και μειζοναϲ ανοικοδομηϲω και ϲυναξω εκει παντα τα γενηματα μου
- Κατὰ Λουκᾶν 12:19
και ερω τη ψυχη μου ψυχη εχειϲ πολλα αγαθα κειμενα ειϲ ετη πολλα αναπαυου φαγε πιε ευφρενου
- Κατὰ Λουκᾶν 12:20
ειπεν δε αυτω ο θϲ αφρων ταυτη τη νυκτι την ψυχην ϲου απαιτουϲιν απο ϲου α δε ητοιμαϲαϲ τινι εϲται
- Κατὰ Λουκᾶν 12:21
ουτωϲ ο θηϲαυριζων αυτω και μη ειϲ θν πλουτων ·
- Κατὰ Λουκᾶν 12:22
ειπεν δε προϲ τουϲ μαθηταϲ αυτου δια τουτο λεγω ϋμιν μη μεριμναται τη ψυχη τι φαγητε μηδε τω ϲωματι τι ενδυϲηϲθε
- Κατὰ Λουκᾶν 12:23
η γαρ ψυχη πλειον εϲτι τηϲ τροφηϲ και το ϲωμα του ενδυματοϲ
- Κατὰ Λουκᾶν 12:24
κατανοηϲατε τουϲ κορακαϲ οτι ουτε ϲπιρουϲιν ουτε θεριζουϲιν οιϲ ουκ εϲτιν ταμιον ουδε αποθηκη και ο θϲ τρεφει αυτουϲ ποϲω μαλλον ϋμειϲ διαφερετε των πετινων
- Κατὰ Λουκᾶν 12:25
τιϲ δε εξ υμων μεριμνων δυναται προϲθειναι επι την ηλικιαν αυτου πηχυν
- Κατὰ Λουκᾶν 12:26
ει ουν ουδε ελαχιϲτον τι δυναϲθαι · τι περι των λοιπων μεριμναται
- Κατὰ Λουκᾶν 12:27
κατανοηϲαται τα κρινα πωϲ αυξανι ου κοπια ουδε νηθει · λεγω δε υμιν οτι ουδε ϲολομων εν παϲη τη δοξη αυτου περιεβαλετο ωϲ εν τουτων
- Κατὰ Λουκᾶν 12:28
ϊ δε εν αγρω τον χορτον οντα ϲημερον και αυριον ειϲ κλιβανον βαλλομενον ο θϲ ουτωϲ αμφιεννυϲιν ποϲω μαλλον ϋμαϲ ολιγοπιϲτοι
- Κατὰ Λουκᾶν 12:29
και ϋμειϲ ζητειτε τι φαγητε και τι πιητε μηδε τω ϲωματι και μη μετεωριζεϲθε
- Κατὰ Λουκᾶν 12:30
ταυτα γαρ παντα τα εθνη του κοϲμου επιζητουϲιν ϋμων δε ο πατηρ οιδεν οτι χρηζετε τουτων
- Κατὰ Λουκᾶν 12:31
πλην ζητειτε την βαϲιλειαν αυτου και ταυτα προϲτεθηϲετε ϋμιν
- Κατὰ Λουκᾶν 12:32
μη φοβου το μικρον ποιμνιον οτι ευδοκηϲεν ϋμων ο πατηρ δουναι υμιν την βαϲιλειαν
- Κατὰ Λουκᾶν 12:33
πωληϲατε τα ϋπαρχοντα ϋμων και δοτε ελεημοϲυνην ποιηϲατε εαυτοιϲ βαλλαντια μη παλαιουμενα θηϲαυρον ανεκλιπτον εν τοιϲ ουρανοιϲ οπου κλεπτηϲ ουκ ενγιζει ουδε ϲηϲ διαφθειρει
- Κατὰ Λουκᾶν 12:34
οπου γαρ εϲτιν ο θηϲαυροϲ ϋμων εκει και η καρδια υμων εϲται
- Κατὰ Λουκᾶν 12:35
εϲτωϲαν ϋμων αι οϲφυεϲ περιεζωϲμεναι και οι λυχνοι καιομενοι
← Previous · Next → — showing 501–600 of 1,148
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.