Codex Sinaiticus: Κατὰ Λουκᾶν
- Κατὰ Λουκᾶν 8:49
ετι αυτου λαλουντοϲ ερχεται τιϲ παρα του αρχιϲυναγωγου λεγων οτι τεθνηκεν η θυγατηρ ϲου μηκετι ϲκυλλε τον διδαϲκαλον
- Κατὰ Λουκᾶν 8:50
ο δε ιϲ ακουϲαϲ ειπεν αυτω μη φοβου μονον πιϲτευε και ϲωθηϲεται
- Κατὰ Λουκᾶν 8:51
ελθων δε ειϲ την οικιαν ουδενα αφηκεν ϲυνειϲελθειν αυτω ει μη πετρον και ιακωβον και ϊωαννην και τον πατερα τηϲ παιδοϲ και την μητερα
- Κατὰ Λουκᾶν 8:52
εκλαιον δε παντεϲ και εκοπτοντο αυτην · ο δε ειπεν μη κλαιετε ου γαρ απεθανεν αλλα καθευδει
- Κατὰ Λουκᾶν 8:53
και κατεγελων αυτου ειδοτεϲ οτι απεθανεν
- Κατὰ Λουκᾶν 8:54
αυτοϲ δε κρατηϲαϲ τηϲ χειροϲ αυτηϲ εφωνηϲεν λεγων η παιϲ εγειρε
- Κατὰ Λουκᾶν 8:55
και επεϲτρεψεν το πνα αυτηϲ και διεταξεν αυτη δοθηναι φαγειν
- Κατὰ Λουκᾶν 8:56
και εξεϲτηϲαν οι γονειϲ αυτηϲ ο δε παρηγγειλεν αυτοιϲ μηδενι ειπιν το γεγονοϲ
- Κατὰ Λουκᾶν 9:1
ϲυνκαλεϲαμενοϲ δε τουϲ δωδεκα αποϲτολουϲ δεδωκεν αυτοιϲ δυναμιν και εξουϲιαν επι παντα τα δαιμονια και νοϲουϲ θεραπευειν
- Κατὰ Λουκᾶν 9:2
και απεϲτιλεν αυτουϲ κηρυϲϲειν την βαϲιλειαν του θυ και ιαϲθαι τουϲ αϲθενιϲ
- Κατὰ Λουκᾶν 9:3
και ειπεν προϲ αυτουϲ μηδεν αιρετε ειϲ την οδον μητε ραβδον μητε πηραν μητε αρτον μηδε αργυριον μητε δυο χιτωναϲ
- Κατὰ Λουκᾶν 9:4
και ειϲ ην αν οικιαν ειϲελθητε εκει μινατε και εκειθεν εξερχεϲθε
- Κατὰ Λουκᾶν 9:5
και οϲοι αν μη δεχωνται ϋμαϲ εξερχομενοι εκ τηϲ πολεωϲ εκινηϲ τον κονιορτον απο των ποδων ϋμων αποτιναϲϲεται ειϲ μαρτυριον αυτοιϲ
- Κατὰ Λουκᾶν 9:6
εξερχομενοι δε διηρχοντο κατα κωμαϲ ευαγγελιζομενοι και θεραπευοντεϲ πανταχου
- Κατὰ Λουκᾶν 9:7
ηκουϲεν δε ηρωδηϲ τα γεινομενα παντα και διηπορει δια το λεγεϲθαι ϋπο τινων οτι ϊωαννηϲ ηγερθη εκ νεκρων
- Κατὰ Λουκᾶν 9:8
υπο τινων δε οτι ηλειαϲ εφανη αλλων δε οτι προφητηϲ τιϲ των αρχαιων ανεϲτη
- Κατὰ Λουκᾶν 9:9
ειπεν δε ηρωδηϲ ιωαννην εγω απεκεφαλιϲα τιϲ δε εϲτιν ουτοϲ περι ου ακοιω τοιαυτα και εζητει ιδιν αυτον
- Κατὰ Λουκᾶν 9:10
και ϋποϲτρεψαντεϲ οι αποϲτολοι διηγηϲαντο αυτω α εποιηϲεν και παραλαβων αυτουϲ ϋπεχωρηϲεν κατ ϊδιαν ειϲ τοπον ερημον
- Κατὰ Λουκᾶν 9:11
οι δε οχλοι γνοντεϲ ηκολουθηϲαν αυτω και αποδεξαμενοϲ αυτουϲ ελαληϲεν αυτοιϲ περι τηϲ βαϲιλιαϲ του θυ και τουϲ χρειαν εχονταϲ θεραπειαϲ ϊατο
- Κατὰ Λουκᾶν 9:12
η δε ημερα ηρξαντο κλινειν προϲελθοντεϲ δε οι δωδεκα ειπον αυτω απολυϲον τον οχλον ϊνα πορευθεντεϲ ειϲ ταϲ κυκλω κωμαϲ και αγρουϲ καταλυϲωϲιν και ευρωϲιν επιϲιτιϲμον οτι ωδε εν ερημω τοπω εϲμεν
- Κατὰ Λουκᾶν 9:13
ειπεν δε αυτοιϲ δοτε αυτοιϲ ϋμειϲ φαγειν οι δε ειπαν ουκ ειϲιν ημιν πλειονεϲ αρτοι πεντε και ϊχθυεϲ δυο ει μητι πορευθεντεϲ ημιϲ αγοραϲωμεν ειϲ παντα τον λαον τουτον βρωματα
- Κατὰ Λουκᾶν 9:14
ηϲαν δε ωϲει ανδρεϲ πεντακιϲχιλιοι ειπεν δε προϲ τουϲ μαθηταϲ αυτου κατακλινατε αυτουϲ κλιϲιαϲ ωϲει ανα πεντηκοντα
- Κατὰ Λουκᾶν 9:15
και εποιηϲαν ουτωϲ και κατεκλιναν πανταϲ
- Κατὰ Λουκᾶν 9:16
λαβων δε τουϲ πεντε αρτουϲ και τουϲ δυο ϊχθυαϲ αναβλεψαϲ ειϲ τον ουρανον ευλογηϲεν και κατεκλαϲεν και εδιδου τοιϲ μαθηταιϲ παραθειναι τω οχλω
- Κατὰ Λουκᾶν 9:17
και εφαγον και εχορταϲθηϲαν παντεϲ και ηρθη το περιϲϲευϲαν των κλαϲματων κοφινοι δωδεκα
- Κατὰ Λουκᾶν 9:18
και εγενετο εν τω ειναι αυτον προϲευχομενον κατα μοναϲ ϲυνηϲαν αυτω οι μαθηται και επηρωτηϲεν αυτουϲ ο ιϲ λεγων τινα με οι οχλοι λεγουϲιν ειναι
- Κατὰ Λουκᾶν 9:19
οι δε αποκριθεντεϲ ειπαν ϊωαννην τον βαπτιϲτην αλλοι δε ηλιαν αλλοι δε οτι προφητηϲ τιϲ των αρχαιων ανεϲτη
- Κατὰ Λουκᾶν 9:20
ειπεν δε αυτοιϲ ϋμειϲ δε τινα με λεγεται ειναι πετροϲ δε αποκριθειϲ ειπεν τον χν του θυ
- Κατὰ Λουκᾶν 9:21
ο δε επιτιμηϲαϲ αυτοιϲ παρηγγιλεν μηδενι λεγειν τουτο ι
- Κατὰ Λουκᾶν 9:22
ειπων οτι τον υν του ανθρωπου δει πολλα παθειν και αποδοκιμαϲθηναι απο των πρεϲβυτερων και αρχϊερεων και γραμματεων και αποκτανθηναι και τη τριτη ημερα εγερθηναι
- Κατὰ Λουκᾶν 9:23
ελεγεν δε προϲ πανταϲ ει τιϲ θελι οπιϲω μου ερχεϲθαι αρνηϲαϲθω εαυτον και αρατω τον ϲταυρον αυτου καθ ημεραν και ακολουθιτω μοι
- Κατὰ Λουκᾶν 9:24
οϲ γαρ εαν θελη την ψυχην αυτου ϲωϲαι απολεϲει αυτην οϲ δ αν απολεϲη την ψυχην αυτου ενεκεν εμου ουτοϲ ϲωϲει αυτην
- Κατὰ Λουκᾶν 9:25
τι γαρ ωφελει ανθρωποϲ κερδηϲαϲ τον κοϲμον ολον εαυτον δε απολεϲαϲ η ζημιωθειϲ
- Κατὰ Λουκᾶν 9:26
οϲ γαρ αν επεϲχυνθη με και τουϲ εμουϲ λογουϲ τουτον ο υϲ του ανθρωπου επαιϲχυνθηϲεται οταν ελθη εν τη δοξη αυτου και του πατροϲ και των αγιων αγγελων :
- Κατὰ Λουκᾶν 9:27
λεγω δε ϋμιν αληθωϲ ειϲιν τινεϲ των αυτου εϲτηκοτων οι ου μη γευϲωνται θανατου εωϲ αν ϊδωϲι την βαϲιλιαν του θυ
- Κατὰ Λουκᾶν 9:28
εγενετο δε μετα τουϲ λογουϲ τουτουϲ ωϲει ημεραι οκτω παραλαβων πετρον και ϊωαννην και ϊακωβον ανεβη ειϲ το οροϲ προϲευχεϲθαι
- Κατὰ Λουκᾶν 9:29
και εν τω προϲευξαϲθαι αυτον το ειδοϲ του προϲωπου αυτου εγενετο ετερον και ο ειματιϲμοϲ αυτου λευκοϲ εξαϲτραπτων
- Κατὰ Λουκᾶν 9:30
και ϊδου ανδρεϲ δυο ϲυνελαλουν αυτω οιτινεϲ ηϲαν μωϋϲηϲ και ηλειαϲ
- Κατὰ Λουκᾶν 9:31
οι οφθεντεϲ εν δοξη ελεγον την εξοδον αυτου ην ημελλεν πληρουν εν ϊερουϲαλημ
- Κατὰ Λουκᾶν 9:32
ο δε πετροϲ και οι ϲυν αυτω ηϲαν βεβαρημενοι ϋπνω διαγρηγορηϲαντεϲ δε ειδαν την δοξαν αυτου και τουϲ δυο ανδραϲ τουϲ ϲυνε[…]ταϲ αυτω
- Κατὰ Λουκᾶν 9:33
και εγενετο εν τω διαχωριζεϲθε αυτουϲ απ αυτου ειπεν ο πετροϲ προϲ τον ιν επιϲτατα καλον εϲτιν ημαϲ ωδε ειναι και ποιηϲομεν ϲκηναϲ τριϲ ϲοι μιαν και μωϲει μιαν και μιαν ηλια μη ειδωϲ ο λεγει
- Κατὰ Λουκᾶν 9:34
ταυτα δε αυτου λεγοντοϲ εγενετο νεφελη και επεϲκιαζεν αυτουϲ εφοβηθηϲαν δε εν τω ειϲελθειν αυτουϲ ειϲ την νεφελην
- Κατὰ Λουκᾶν 9:35
και φωνη εγενετο εκ τηϲ νεφεληϲ λεγουϲα ουτοϲ εϲτιν ο υϲ μου ο εκλελεγμενοϲ αυτου ακουετε
- Κατὰ Λουκᾶν 9:36
και εν τω γενεϲθαι την φωνην ευρεθη ιϲ μονοϲ και αυτοι εϲιγηϲαν και ουδενι απηγγιλαν εν εκειναιϲ ταιϲ ημεραιϲ ουδεν ων εωρακαϲιν
- Κατὰ Λουκᾶν 9:37
εγενετο δε τη εξηϲ ημερα κατελθοντων αυτων απο του ορουϲ ϲυνηντηϲεν αυτω οχλοϲ πολυϲ
- Κατὰ Λουκᾶν 9:38
και ϊδου ανηρ απο του οχλου εβοηϲεν λεγων διδαϲκαλε δεομαι ϲου επιβλεψον επι τον υν μου οτι μονογενηϲ μοι εϲτιν
- Κατὰ Λουκᾶν 9:39
και πνα λαμβανει αυτον και εξαιφνηϲ κραζει και ραϲϲει και ϲπαραϲϲει αυτον μετα αφρου και μογιϲ αποχωρει απ αυτου ϲυντριβουν αυτον
- Κατὰ Λουκᾶν 9:40
και εδεηθην των μαθητων ϲου ϊνα εκβαλωϲιν αυτο και ουκ ηδυνηθηϲαν
- Κατὰ Λουκᾶν 9:41
αποκριθειϲ δε ο ιϲ ειπεν ω γεναια απιϲτοϲ και διεϲτραμμενη εωϲ ποτε μεθ υμων εϲομαι και ανεξομαι υμων προϲαγαγε ωδε τον ϋϊον ϲου
- Κατὰ Λουκᾶν 9:42
ετι δε προϲευχομενου αυτου ερρηξεν αυτον το δαιμονιον και ϲυνεϲπαραξεν επετιμηϲεν δε ο ιϲ τω πνι τω ακαθαρτω και ιαϲατο τον παιδα και απεδωκεν αυτον τω πατρι αυτου · :
- Κατὰ Λουκᾶν 9:43
εξεπληϲϲοντο δε παντεϲ επι τη μεγαλιοτητι του θυ : παντων δε θαυμαζοντων επι παϲιν οιϲ εποιει προϲ τουϲ μαθηταϲ αυτου
- Κατὰ Λουκᾶν 9:44
θεϲθε ϋμειϲ ειϲ τα ωτα ϋμων τουϲ λογουϲ τουτουϲ ο γαρ υϲ του ανθρωπου μελλει παραδιδοϲθαι ειϲ χιραϲ ανθρωπων
- Κατὰ Λουκᾶν 9:45
οι δε ηγνοουν το ρημα τουτο και ην παρακεκαλυμμενον απ αυτων ϊνα μη εϲθωνται αυτο και εφοβουντο ερωτηϲαι αυτον περι του ρηματοϲ τουτου :
- Κατὰ Λουκᾶν 9:46
ειϲηλθεν δε διαλογιϲμοϲ εν αυτοιϲ το τιϲ αν ειη μιζον αυτων
- Κατὰ Λουκᾶν 9:47
ο δε ιϲ ειδωϲ τον διαλογιϲμον τηϲ καρδιαϲ αυτων επιλαβομενοϲ παιδιου εϲτηϲεν αυτο παρ εαυτω
- Κατὰ Λουκᾶν 9:48
και ειπεν αυτοιϲ οϲ εαν δεξηται τουτο το πεδιον επι τω ονοματι μου εμε δεχεται και οϲ εμε δεχεται δεχεται τον αποϲτιλαντα με ο γαρ μεικροτεροϲ εν παϲιν ϋμιν ϋπαρχων ουτοϲ εϲτιν μεγαϲ
- Κατὰ Λουκᾶν 9:49
αποκριθειϲ δε ο ιωαννηϲ ειπεν επιϲτατα ειδομεν τινα εν τω ονοματι ϲου εκβαλλοντα δαιμονια και εκωλυομεν αυτον οτι ουκ ακολουθει μεθ ημων
- Κατὰ Λουκᾶν 9:50
ειπεν δε προϲ αυτον ιϲ μη κωλυετε οϲ γαρ ουκ εϲτιν καθ υμων ϋπερ ημων εϲτιν
- Κατὰ Λουκᾶν 9:51
εγενετο δε εν τω ϲυμπληρουϲθαι ταϲ ημεραϲ τηϲ αναλημψεωϲ και αυτοϲ το προϲωπον αυτου εϲτηριξεν του πορευεϲθαι ειϲ ϊερουϲαλημ
- Κατὰ Λουκᾶν 9:52
και απεϲτιλεν αγγελουϲ προ προϲωπου αυτου και πορευθεντεϲ ειϲηλθον ειϲ πολιν ϲαμαριτων ωϲ ετοιμαϲαι αυτω
- Κατὰ Λουκᾶν 9:53
και ουκ εδεξαντο αυτον οτι το προϲωπον αυτου ην πορευομενον ειϲ ϊερουϲαλημʼ
- Κατὰ Λουκᾶν 9:54
ϊδοντεϲ δε οι μαθηται ϊακωβοϲ και ϊωαννηϲ ειπαν κε θελειϲ ειπωμεν πυρ καταβηναι απο του ουρανου και αναλωϲαι αυτουϲ
- Κατὰ Λουκᾶν 9:55
ϲτραφειϲ δε επετιμηϲεν αυτοιϲ
- Κατὰ Λουκᾶν 9:56
και επορευθηϲαν ειϲ ε‾‾τεραν κωμην :
- Κατὰ Λουκᾶν 9:57
και πορευομενων αυτων εν τη οδω ειπεν τιϲ προϲ αυτον ακολουθηϲω ϲοι οπου αν απερχη
- Κατὰ Λουκᾶν 9:58
και ειπεν αυτω ο ιϲ αι αλωπεκεϲ φωλεουϲ εχουϲιν και τα πετινα του ουρανου καταϲκηνωϲειϲ ο δε υϲ του ανθρωπου ουκ εχει που την κεφαλην κλινη
- Κατὰ Λουκᾶν 9:59
ειπεν δε προϲ ετερον ακολουθει μοι ο δε ειπεν κε επιτρεψον μοι πρωτον απελθοντι θαψαι τον πατερα μου
- Κατὰ Λουκᾶν 9:60
ειπεν δε αυτω αφεϲ τουϲ νεκρουϲ θαψαι τουϲ εαυτων νεκρουϲ ϲυ δε απελθων διαγγελλε την βαϲιλειαν του θυ
- Κατὰ Λουκᾶν 9:61
ειπεν δε και ετεροϲ ακολουθηϲω ϲοι κε πρωτον δε επιτρεψον μοι αποταξαϲθαι τοιϲ ειϲ τον οικον μου
- Κατὰ Λουκᾶν 9:62
ειπεν δε προϲ αυτον ο ιϲ ουδιϲ επιβαλον την χειρα αυτου επ αροτρον και βλεπων ειϲ τα οπιϲω ευθετοϲ εϲτιν τη βαϲιλεια του θυ
- Κατὰ Λουκᾶν 10:1
μετα δε ταυτα ανεδιξεν ο κϲ και ετερουϲ εβδομηκοντα και απεϲτιλεν αυτουϲ ανα δυο προ προϲωπου αυτου ειϲ παϲαν πολιν και τοπον ου ημελλεν αυτοϲ ερχεϲθαι
- Κατὰ Λουκᾶν 10:2
ελεγεν δε προϲ αυτουϲ · ο μεν θεριϲμοϲ πολυϲ οι δε εργαται ολιγοι δεηθηται ουν του κυ του θεριϲμου · οπωϲ εκβαλη εργαταϲ ειϲ τον θεριϲμον αυτου
- Κατὰ Λουκᾶν 10:3
ϋπαγετε ϊδου αποϲτελλω ϋμαϲ ωϲ αρναϲ εν μεϲω λυκων
- Κατὰ Λουκᾶν 10:4
μη βαϲταζετε βαλλαντιον · μη πηραν · μη ϋποδηματα μηδενα κατα την οδον αϲπαϲηϲθε
- Κατὰ Λουκᾶν 10:5
ειϲ ην δ αν ειϲελθηται οικιαν πρωτον λεγεται ειρηνη τω οικω τουτω
- Κατὰ Λουκᾶν 10:6
και εαν η εκι ο υϊοϲ ειρηνηϲ επαναπαηϲεται επ αυτον η ειρηνη ϋμων ει δε μη γε εφ ϋμαϲ ανακαμψει
- Κατὰ Λουκᾶν 10:7
εν αυτη δε τη οικια μενετε εϲθιοντεϲ και πινοντεϲ τα παρ αυτων · αξιοϲ γαρ ο εργατηϲ του μιϲθου αυτου μη μεταβαινετε εξ οικιαϲ ειϲ οικιαν
- Κατὰ Λουκᾶν 10:8
και ειϲ ην αν πολιν ειϲερχηϲθε και δεχωνται ϋμαϲ εϲθιετε τα παρατιθεμενα υμιν
- Κατὰ Λουκᾶν 10:9
και θεραπευετε τουϲ εν αυτη αϲθενιϲ και λεγετε αυτοιϲ ηγγικεν εφ ϋμαϲ η βαϲιλεια του θυ
- Κατὰ Λουκᾶν 10:10
ειϲ ην δ αν πολιν ειϲελθητε και μη δεχωνται ϋμαϲ εξελθοντεϲ ειϲ ταϲ πλατιαϲ αυτηϲ ειπατε
- Κατὰ Λουκᾶν 10:11
και τον κονιορτον τον κολληθεντα ϋμιν εκ τηϲ πολεωϲ ϋμων ειϲ τουϲ ποδαϲ απομαϲϲομεθα ϋμιν πλην τουτο γεινωϲκετε υμιϲ οτι ηγγεικεν η βαϲιλεια του θυ
- Κατὰ Λουκᾶν 10:12
λεγω δε υμιν οτι ϲοδομοιϲ εν τη ημερα εκεινη ανεκτοτερον εϲται η τη πολει εκινη ουαι
- Κατὰ Λουκᾶν 10:13
ουαι ϲοι χοραζειν ουαι ϲοι βηθϲαϊδαν οτι ει εν τυρω και ϲιδωνι εγενηθηϲαν αι δυναμιϲ αι γενομεναι εν υμιν παλαι αν εν ϲακκω και ϲποδω καθημενοι μετενοηϲαν
- Κατὰ Λουκᾶν 10:14
πλην τυρω και ϲιδωνι ανεκτοτερον εϲται εν τη κριϲει η ϋμιν
- Κατὰ Λουκᾶν 10:15
και ϲυ καφαρναουμ μη εωϲ ουρανου ϋψωθηϲη εωϲ ο αδου καταβιβαϲθηϲη
- Κατὰ Λουκᾶν 10:16
ο ακουων υμων εμου ακουει και ο αθετων υμαϲ εμε αθετει ο δε εμε αθετων αθετει τον αποϲτιλαντα με
- Κατὰ Λουκᾶν 10:17
ϋπεϲτρεψαν δε οι εβδομηκοντα μετα χαραϲ λεγοντεϲ κε και τα δαιμονια ϋποταϲϲεται ημιν εν τω ονοματι ϲου
- Κατὰ Λουκᾶν 10:18
ειπεν δε αυτοιϲ εθεωρουν τον ϲαταναν ωϲ αϲτραπην εκ του ουρανου πεϲοντα
- Κατὰ Λουκᾶν 10:19
ϊδου δεδωκα ϋμιν την εξουϲιαν του πατειν επανω οφεων και ϲκορπιων και επι παϲαν την δυναμιν του εχθρου και ουδεν ϋμαϲ αδικηϲει
- Κατὰ Λουκᾶν 10:20
πλην εν τουτω μη χαιρετε χ οτι τα πνατα ϋμιν υποταϲϲεται χερετε δε οτι τα ονοματα ϋμων ενγεγραπται εν τοιϲ ουρανοιϲ
- Κατὰ Λουκᾶν 10:21
εν αυτη τη ωρα ηγαλλιαϲατο εν τω πνι τω αγιω και ειπεν · εξομολογουμαι ϲοι πατερ κε του ουρανου και τηϲ γηϲ οτι απεκρυψαϲ ταυτα απο ϲοφων και ϲυνετων και απεκαλυψαϲ αυτα νηπιοιϲ ναι ο πατηρ οτι ουτωϲ εγενετο ευδοκια εμπροϲθεν ϲου
- Κατὰ Λουκᾶν 10:22
παντα μοι παρεδοθη ϋπο του πατροϲ μου και ουδιϲ γινωϲκει τιϲ εϲτιν ο υϲ ει μη ο πατηρ και τιϲ εϲτιν ο πατηρ ει μη ο υϲ και ω εαν βουληται ο υϲ αποκαλυψαι
- Κατὰ Λουκᾶν 10:23
και ϲτραφειϲ προϲ τουϲ μαθηταϲ κατ ϊδιαν ειπεν μακαριοι οι οφθαλμοι οι βλεποντεϲ α βλεπετε
- Κατὰ Λουκᾶν 10:24
λεγω γαρ ϋμιν οτι πολλοι προφηται και βαϲιλειϲ ηθεληϲαν ειδειν α ϋμειϲ βλεπεται και ουκ ϊδαν και ακουϲαι α ακουεται και ουκ ηκουϲαν
- Κατὰ Λουκᾶν 10:25
και ϊδου νομικοϲ τιϲ ανεϲτη εκπιραζων αυτον λεγων διδαϲκαλε τι ποιηϲαϲ ϊνα ζωην αιωνιον κληρονομηϲω
- Κατὰ Λουκᾶν 10:26
ο δε ειπεν προϲ αυτον εν τω νομω τι γεγραπται πωϲ αναγινωϲκιϲ
- Κατὰ Λουκᾶν 10:27
ο δε αποκριθειϲ ειπεν αγαπηϲειϲ κν τον θν ϲου εξ οληϲ τηϲ καρδιαϲ ϲου και εν ολη τη ψυχη ϲου και εν ολη τη ϊϲχυϊ ϲου και εν ολη τη διανοια ϲου και τον πληϲιον ϲου ωϲ ϲεαυτον
- Κατὰ Λουκᾶν 10:28
ειπεν δε αυτω ορθωϲ απεκριθηϲ τουτο ποιει και ζηϲη
- Κατὰ Λουκᾶν 10:29
ο δε θελων δικαιωϲαι αυτον ειπεν προϲ τον ιν και τιϲ εϲτιν μου πληϲιον
- Κατὰ Λουκᾶν 10:30
ϋπολαβων ο ιϲ ειπεν ανοϲ τιϲ κατεβαινεν απο ϊερειχω ϊϲ ειεριχω και ληϲταιϲ περιεπεϲεν οι και εκδυϲαντεϲ αυτον και πληγαϲ επιθεντεϲ απηλθον αφεντεϲ ημιθανη
← Previous · Next → — showing 401–500 of 1,148
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.