Codex Sinaiticus: Κατὰ Ἰωάννην
- Κατὰ Ἰωάννην 9:18
ουκ επιϲτευϲαν ουν οι ϊουδαιοι περι αυτου · οτι ην τυφλοϲ και ανεβλεψεν · εωϲ οτου ο φωνηϲαν τουϲ γονιϲ αυτου του αναβλεψαντοϲ
- Κατὰ Ἰωάννην 9:19
και ηρωτηϲαν αυτουϲ ει ουτοϲ εϲτιν ο υϲ ϋμων ον ϋμειϲ λεγεται οτι τυφλοϲ εγεννηθη · πωϲ ουν βλεπι αρτι ˙
- Κατὰ Ἰωάννην 9:20
απεκριθηϲαν ουν οι γονιϲ αυτου και ειπαν · οιδαμεν οτι ουτοϲ εϲτιν ο υϲ ημων και οτι τυφλοϲ εγεννηθη ·
- Κατὰ Ἰωάννην 9:21
πωϲ δε νυν βλεπει ουκ οιδαμεν · η τιϲ ηνυξεν αυτου τουϲ οφθαλμουϲ · ημειϲ ουκ οιδαμεν · αυτοϲ ηλικιαν εχει περι εαυτου λαληϲει ·
- Κατὰ Ἰωάννην 9:22
ταυτα ειπαν οι γονιϲ αυτου · οτι εφοβουντο τουϲ ϊουδαιουϲ · ηδη γαρ ϲυνετεθιντο οι ϊουδαιοι ϊνα εαν τιϲ αυτον ομολογηϲη χν αποϲυναγωγοϲ γενηται ·
- Κατὰ Ἰωάννην 9:23
δια τουτο οι γονιϲ αυτου ειπαν · οτι ηλικιαν αυτον επερωτηϲαται :
- Κατὰ Ἰωάννην 9:24
εφωνηϲαν ουν τον ανθρωπον εκ δευτερου οϲ ην τυφλοϲ · και ειπαν αυτω · δοϲ δοξαν τω θω · ημιϲ οιδαμεν οτι ουτοϲ ο ανθρωποϲ ο αμαρτωλοϲ εϲτιν ·
- Κατὰ Ἰωάννην 9:25
απεκριθη ουν εκεινοϲ ει αμαρτωλοϲ εϲτιν ουκ οιδα · εν δε οιδα οτι τυφλοϲ ων · αρτι βλεπω ·
- Κατὰ Ἰωάννην 9:26
ειπαν αυτω · τι εποιηϲαν ϲοι · πωϲ ηνυξεν ϲου τουϲ οφθαλμουϲ ·
- Κατὰ Ἰωάννην 9:27
απεκριθη αυτοιϲ · ειπον ϋμιν ηδη και ουκ ηκουϲατε · τι παλιν θελεται ακουειν · μη και υμιϲ θελεται μαθηται αυτου γενεϲθαι ·
- Κατὰ Ἰωάννην 9:28
και ελοιδορηϲαν αυτον και ειπαν · ϲυ μαθητηϲ ει εκινου · ημειϲ δε του μωϋϲεωϲ εϲμεν μαθηται ·
- Κατὰ Ἰωάννην 9:29
ημιϲ οιδαμεν · οτι μωυϲει λελαληκεν ο θϲ · τουτον δε ουκ οιδαμεν ποθεν εϲτιν ·
- Κατὰ Ἰωάννην 9:30
απεκριθη ο ανθρωποϲ και ειπεν αυτοιϲ · εν τουτω γαρ το θαυμαϲτον εϲτιν · οτι ϋμειϲ ουκ οιδαται ποθεν εϲτιν και ηνοιξεν μου τουϲ οφθαλμουϲ ·
- Κατὰ Ἰωάννην 9:31
οιδαμεν οτι αμαρτωλων ο θϲ ουκ ακουει · αλλ εαν τιϲ θεοϲεβηϲ η · και το θελημα αυτου ποιη · τουτου ακουει ·
- Κατὰ Ἰωάννην 9:32
εκ του αιωνοϲ ουκ ηκουϲθη · οτι ηνοιξεν τιϲ οφθαλμουϲ τυφλου γεγεννημενου ·
- Κατὰ Ἰωάννην 9:33
ει μη ην ουτοϲ παρα θυ · ουκ ηδυνατο ποιειν ουδεν ·
- Κατὰ Ἰωάννην 9:34
απεκριθηϲαν και ειπαν αυτω · εν αμαρτιαιϲ ϲυ εγεννηθηϲ ολοϲ · και ϲυ διδαϲκειϲ ημαϲ · και εξεβαλον αυτον εξω
- Κατὰ Ἰωάννην 9:35
και ηκουϲεν ιϲ οτι εξεβαλον αυτον εξω · και ευρων αυτον ειπεν · ϲυ πιϲτευειϲ ειϲ τον υν του ανθρωπου ·
- Κατὰ Ἰωάννην 9:36
απεκριθη εκινοϲ και ειπεν κε τιϲ εϲτιν ϊνα πιϲτευϲω ειϲ αυτον ·
- Κατὰ Ἰωάννην 9:37
εφη αυτω ο ιϲ και εωρακαϲ αυτον και ο λαλων μετα ϲου · εκεινοϲ εϲτιν ·
- Κατὰ Ἰωάννην 9:39
ειϲ κριμα εγω ειϲ τον κοϲμον τουτον ηλθον · ϊνα οι μη βλεποντεϲ βλεπωϲιν · και οι βλεποντεϲ τυφλοι γενωνται ·
- Κατὰ Ἰωάννην 9:40
ηκουϲαν εκ των φαριϲαιων οι μετ αυτου οντεϲ · και ειπαν αυτω μη και ημειϲ τυφλοι εϲμεν ·
- Κατὰ Ἰωάννην 9:41
ειπεν αυτοιϲ ο ιϲ · ει τυφλοι ητε · ουκ αν ειχετε αμαρτιαν · νυν δε λεγετε οτι βλεπομεν η αμαρτια ϋμων μενει :
- Κατὰ Ἰωάννην 10:1
αμην αμην λεγω ϋμιν ο μη ειϲερχομενοϲ δια τηϲ θυραϲ ειϲ την αυλην των προβατων · αλλα αναβαινων αλλαχοθεν · εκεινοϲ κλεπτηϲ εϲτιν και ληϲτηϲ ·
- Κατὰ Ἰωάννην 10:2
ο δε ειϲερχομενοϲ δια τηϲ θυραϲ · ποιμην εϲτιν των προβατων ·
- Κατὰ Ἰωάννην 10:3
τουτω ο θυρωροϲ ανυγει · και τα προβατα τηϲ φωνηϲ αυτου ακουει · και τα ϊδια προβατα φωνει κατ ονομα · και εξαγει αυτα
- Κατὰ Ἰωάννην 10:4
οταν τα ϊδια εκβαλη εμπροϲθεν αυτων πορευεται · και τα προβατα αυτω ακολουθι ˙ οτι οιδαϲιν την φωνην αυτου ·
- Κατὰ Ἰωάννην 10:5
αλλοτριω δε ου μη ακολουθηϲωϲιν · αλλα φευξονται απ αυτου · οτι ουκ οιδαϲι των αλλοτριων την φωνην ·
- Κατὰ Ἰωάννην 10:6
ταυτην την παροιμιαν ειπεν αυτοιϲ ο ιϲ και ουκ εγνωϲαν τινα ην · ἁ ελαλει αυτοιϲ ·
- Κατὰ Ἰωάννην 10:7
ειπεν […]τοιϲ παλιν ο ιϲ αμην αμην λεγω υμιν · οτι εγω ειμι η θυρα των προβατων ·
- Κατὰ Ἰωάννην 10:8
παντεϲ οϲοι ηλθον κλεπται ειϲιν και ληϲται · αλλ ουκ ηκουϲαν αυτων τα προβατα ·
- Κατὰ Ἰωάννην 10:9
εγω η ειμι η θυρα · δι εμου εαν τιϲ ειϲελθη ϲωθηϲεται · και ειϲελευϲεται και εξελευϲεται · και νομην ευρηϲει ·
- Κατὰ Ἰωάννην 10:10
ο κλεπτηϲ · ουκ ερχεται · ει μη ϊνα κλεψη και θυϲη και απολεϲη · εγω ηλθον · ϊνα ζωην αιωνιον εχωϲιν · και περιϲϲον εχωϲιν ·
- Κατὰ Ἰωάννην 10:11
εγω ειμι ο ποιμην ο καλοϲ · ο ποιμην ο καλοϲ την ψυχην αυτου διδωϲιν υπερ των προβατων ·
- Κατὰ Ἰωάννην 10:12
ο δε μιϲθωτοϲ και ουκ ων ποιμην · οὑ · ουκ εϲτιν τα προβατα ϊδια θεωρι τον λυκον ερχομενον και αφιηϲιν τα προβατα και φευγει · και ο λυκοϲ αρπαζει αυτα και ϲκορπιζει ·
- Κατὰ Ἰωάννην 10:13
οτι μιϲθωτοϲ εϲτιν και ου μελει αυτω περι των προβατων ·
- Κατὰ Ἰωάννην 10:14
εγω ειμι ο ποιμην ο καλοϲ · και γεινωϲκω τα εμα ˙ και γεινωϲκουϲι με τα εμα ·
- Κατὰ Ἰωάννην 10:15
καθωϲ γινωϲκι με ο πατηρ · καγω γινωϲκω τον πατερα · και την ψυχην μου διδωμι ϋπερ των προβατων ·
- Κατὰ Ἰωάννην 10:16
και αλλα προβατα εχω · ἁ ουκ εϲτιν εκ τηϲ αυληϲ ταυτηϲ · κακεινα δει με αγαγιν · και τηϲ φωνηϲ μου ακουϲωϲιν · και γενηϲεται μια ποιμνη · ειϲ ποιμην ·
- Κατὰ Ἰωάννην 10:17
δια τουτο με ο πατηρ αγαπα · οτι εγω τιθημι την ψυχην μου · ϊνα παλιν λαβω αυτην ·
- Κατὰ Ἰωάννην 10:18
ουδιϲ ηρεν αυτην απ εμου · αλλ εγω τιθημι αυτην απ εμαυτου · εξουϲιαν εχω θειναι αυτην · και εξουϲιαν εχω παλιν · λαβιν αυτην · ταυτην την εντολην ελαβον παρα του πατροϲ μου ·
- Κατὰ Ἰωάννην 10:19
ϲχιϲμα παλιν εγενετο εν τοιϲ ιουδαιοιϲ δια τουϲ λογουϲ τουτουϲ
- Κατὰ Ἰωάννην 10:20
ελεγαν ουν πολλοι εξ αυτων δαιμονιον εχει · και μαινεται · τι αυτου ακουεται ·
- Κατὰ Ἰωάννην 10:21
αλλοι δε ελεγον · ταυτα τα ρηματα ουκ εϲτιν δαιμονιζομενου · μη δαιμονιον δυναται τυφλων οφθαλμουϲ ανυξαι :
- Κατὰ Ἰωάννην 10:22
εγενετο δε τα ενκαινια εν ϊεροϲολυμοιϲ · χειμων ην ·
- Κατὰ Ἰωάννην 10:23
και περιεπατει ο ιϲ εν τω ϊερω εν τη ϲτοα ϲολομωνοϲ
- Κατὰ Ἰωάννην 10:24
εκυκλωϲαν ουν οι ϊουδαιοι και ελεγον αυτω ˙ εωϲ ποτε την ψυχην ημων ερειϲ · ει ϲυ ει ο χϲ · ειπον ημιν παρρηϲια ·
- Κατὰ Ἰωάννην 10:25
απεκριθη ο ιϲ ειπον ϋμιν και ου πιϲτευεται · τα εργα α εγω ποιω εν ονοματι του πατροϲ μου ταυτα μαρτυρι περι εμου ·
- Κατὰ Ἰωάννην 10:26
αλλα ϋμιϲ ου πιϲτευετε · οτι ουκ εϲται εκ των προβατων των εμων ·
- Κατὰ Ἰωάννην 10:27
τα προβατα τα εμα τηϲ φωνηϲ μου ακουουϲιν · και γινωϲκω αυτα και ακολουθουϲιν μοι ·
- Κατὰ Ἰωάννην 10:28
καγω διδωμι αυτοιϲ ζωην αιωνιον · και ου μη αποληται ειϲ τον αιωνα · και ου μη αρπαϲη τιϲ αυτα εκ τηϲ χειροϲ μου ·
- Κατὰ Ἰωάννην 10:29
ο πατηρ · ο δεδωκεν μοι · παντων μειζων εϲτιν · και ουδιϲ δυναται αρπαζειν εκ τηϲ χειροϲ του πατροϲ ·
- Κατὰ Ἰωάννην 10:30
εγω και ο πατηρ εν εϲμεν ·
- Κατὰ Ἰωάννην 10:31
εβαϲταϲαν παλιν λιθουϲ οι ϊουδαιοι ϊνα λιθαϲωϲιν […] ·
- Κατὰ Ἰωάννην 10:32
απεκριθη αυτοιϲ ο ιϲ · πολλα εργα καλα εδιξα ϋμιν εκ του πατροϲ δια ποιον αυτων εργον εμε λιθαζετε ·
- Κατὰ Ἰωάννην 10:33
απεκριθηϲαν αυτω οι ϊουδαιοι · περι καλου εργου ου λιθαζομεν ϲε · αλλα περι βλαϲφημιαϲ · οτι ϲυ ανθρωποϲ ων · ποιειϲ ϲεαυτον θν
- Κατὰ Ἰωάννην 10:34
απεκριθη αυτοιϲ ο ιϲ · ουκ εϲτιν γεγραμμενον εν τω νομω οτι ειπα θεοι εϲτε ·
- Κατὰ Ἰωάννην 10:35
ει εκεινουϲ ειπεν θεουϲ · προϲ ουϲ ο λογοϲ του θυ εγενετο · και ου δυναται λυθηναι η γραφη ·
- Κατὰ Ἰωάννην 10:36
ον ο πατηρʼ ηγιαϲεν και απεϲτιλεν ειϲ τον κοϲμον · ϋμειϲ λεγετε οτι βλαϲφημιϲ · οτι ειπον ϋϊοϲ θυ ειμι ·
- Κατὰ Ἰωάννην 10:37
ει ου ποιω τα εργα του πατροϲ μου · μη πιϲτευετε μοι ·
- Κατὰ Ἰωάννην 10:38
ει δε ποιω · καν εμοι μη πιϲτευεται · τοιϲ εργοιϲ πιϲτευεται · ϊνα γνωτε και πιϲτευητε οτι εν εμοι ο πατηρ καγω εν τω πατρι :
- Κατὰ Ἰωάννην 10:39
εζητουν ουν αυτον πιαϲαι και εξηλθεν εκ τηϲ χειροϲ αυτων ·
- Κατὰ Ἰωάννην 10:40
και απηλθεν παλιν περαν του ϊορδανου οπου ην ϊωαννηϲ το προτερον βαπτιζων · και εμινεν εκει ·
- Κατὰ Ἰωάννην 10:41
και πολλοι ηλθον προϲ αυτον και ελεγον · ιωαννηϲ μεν ϲημιον εποιηϲεν ουδεν · παντα δε οϲα ειπεν ϊωαννηϲ περι τουτου αληθη ην ·
- Κατὰ Ἰωάννην 10:42
και πολλοι επιϲτευϲαν ειϲ αυτον εκει :
- Κατὰ Ἰωάννην 11:1
ην δε τιϲ αϲθενων λαζαροϲ απο βηθανιαϲ εκ τηϲ κωμηϲ τηϲ μαριαϲ · και μαρθαϲ τηϲ αδελφηϲ αυτηϲ ·
- Κατὰ Ἰωάννην 11:2
ην δε μαρια η αλιψαϲα τον κν μυρω · και εκμαξαϲα τουϲ ποδαϲ αυτου ταιϲ θριξιν αυτηϲ · ηϲ ο αδελφοϲ λαζαροϲ ηϲθενι ·
- Κατὰ Ἰωάννην 11:3
απεϲτιλαν ουν προϲ αυτον αι αδελφαι λεγουϲαι · κε · ϊδε ον φιλειϲ αϲθενει :
- Κατὰ Ἰωάννην 11:4
ακουϲαϲ δε ο ιϲ ειπεν · αυτη η αϲθενεια ουκ εϲτιν προϲ θανατον · αλλʼ ϋπερ τηϲ δοξηϲ του θυ · αλλ ινα δοξαϲθη ο υϲ του θυ δι αυτηϲ ·
- Κατὰ Ἰωάννην 11:5
ηγαπα δε ο ιϲ την μαρθαν · και την αδελφην αυτηϲ · και τον λαζαρον ·
- Κατὰ Ἰωάννην 11:6
ωϲ ουν ηκουϲεν οτι αϲθενει · τοτε μεν εμινεν εν ω ην τοπω · δυο ημεραϲ ·
- Κατὰ Ἰωάννην 11:7
επιτα μετα τουτο λεγει τοιϲ μαθηταιϲ · αγωμεν ειϲ την ϊουδαιαν
- Κατὰ Ἰωάννην 11:8
λεγουϲιν αυτω οι μαθηται · ραββει · νυν εζητουν ϲε λιθαϲε οι ϊουδαιοι · και παλιν ϋπαγειϲ εκει :
- Κατὰ Ἰωάννην 11:9
απεκριθη ιϲ · ουχι δωδεκα ωραι ειϲιν τηϲ ημεραϲ · εαν τιϲ περιπατη εν τη ημερα ου προϲκοπτει · οτι το φωϲ του κοϲμου του βλεπει ·
- Κατὰ Ἰωάννην 11:10
εαν δε τιϲ περιπατη εν τη νυκτει · προϲκοπτει · οτι το φωϲ ουκ εϲτιν εν αυτω ·
- Κατὰ Ἰωάννην 11:11
ταυτα ειπεν · και μετα τουτο · λεγει αυτοιϲ · λαζαροϲ ο φιλοϲ ημων κεκοιμηται · αλλα πορευομαι ινα εξϋπνιϲω αυτον ·
- Κατὰ Ἰωάννην 11:12
ειπαν ουν αυτω οι μαθηται · κε ει κεκοιμηται ϲωθηϲεται ·
- Κατὰ Ἰωάννην 11:13
ειρηκι δε ο ιϲ περι του θανατου · εκεινοι δε εδοξαν · οτι περι τηϲ κοιμηϲεωϲ του ϋπνου λεγει ·
- Κατὰ Ἰωάννην 11:14
τοτε ουν ειπεν αυτοιϲ ιϲ παρηϲια · λαζαροϲ απεθανεν ·
- Κατὰ Ἰωάννην 11:15
και χαιρω δι ϋμαϲ · ινα πιϲτευϲητε · οτι ουκ ημην εκι · αλλα αγωμεν προϲ αυτον ·
- Κατὰ Ἰωάννην 11:16
ειπεν ουν θωμαϲ ο λεγομενοϲ διδυμοϲ τοιϲ ϲυνμαθηταιϲ · αγωμεν και ημιϲ ϊνα αποθανωμεν μετ αυτου ·
- Κατὰ Ἰωάννην 11:17
ελθων ουν ο ιϲ ευρεν αυτον τεϲϲαρεϲ ημεραϲ ηδη εχοντα εν τω μνημιω ·
- Κατὰ Ἰωάννην 11:18
ην δε βηθανια εγγυϲ των ϊεροϲολυμων ωϲ απο ϲταδιων δεκαπεντε ·
- Κατὰ Ἰωάννην 11:19
πολλοι δε εκ των ϊουδαιων εληλυθιϲαν προϲ την μαρθαν · και μαριαν · ϊνα παραμυθηϲωνται αυταϲ περι του αδελφου ˙
- Κατὰ Ἰωάννην 11:20
η ουν μαρθα · ωϲ ηκουϲεν οτι ιϲ ερχεται · ϋπηντηϲεν αυτω · μαρια δε εν τω οικω εκαθεζετο ˙
- Κατὰ Ἰωάννην 11:21
ειπεν ουν η μαρθα προϲ ιν · κε · ει ηϲ ωδε · ουκ αν απεθανεν ο αδελφοϲ μου ·
- Κατὰ Ἰωάννην 11:22
και νυν οιδα · οτι οϲα εαν αιτηϲει τον θν · δωϲει ϲοι ο θϲ ·
- Κατὰ Ἰωάννην 11:23
λεγει αυτη ο ιϲ · αναϲτηϲεται ο αδελφοϲ ϲου ·
- Κατὰ Ἰωάννην 11:24
λεγι αυτω μαρθα · οιδα οτι αναϲτηϲεται εν τη αναϲταϲει εν τη εϲχατη ημερα ·
- Κατὰ Ἰωάννην 11:25
ειπεν δε αυτη ο ιϲ · εγω ειμι η αναϲταϲιϲ · και η ζωη · ο πιϲτευων ειϲ εμε καν αποθανη · ζηϲεται ·
- Κατὰ Ἰωάννην 11:26
και παϲ ο ζων και πιϲτευων ειϲ εμε · ου μη αποθανη ειϲ τον αιωνα · πιϲτευειϲ τουτο ·
- Κατὰ Ἰωάννην 11:27
λεγει αυτω · ναι κε · εγω πεπιϲτευκα · οτι ϲυ ει ο χϲ ο υϲ του θυ ο ειϲ τον κοϲμον ερχομενοϲ ·
- Κατὰ Ἰωάννην 11:28
και τουτο ειπουϲα · απηλθεν και εφωνηϲεν μαριαν την αδελφην αυτηϲ λαθρα · ειπουϲα · ο διδαϲκαλοϲ παρεϲτιν και φωνει ϲε ·
- Κατὰ Ἰωάννην 11:29
εκεινη δε ωϲ ηκουϲεν ηγερθη ταχυ · και ηρχετο προϲ αυτον ·
- Κατὰ Ἰωάννην 11:30
ουπω δε εληλυθει ο ιϲ ειϲ την κωμην · αλλ ην ετι εν τω τοπω · οπου ϋπηντηϲεν αυτω η μαρθα ·
- Κατὰ Ἰωάννην 11:31
οι ουν ϊουδαιοι οι οντεϲ μετ αυτηϲ εν τη οικια και παραμυθουμενοι αυτην · ιδοντεϲ την μαριαν οτι ταχεωϲ ανεϲτη και εξηλθεν · ηκολουθηϲαν αυτη δοξαντεϲ · οτι ιϲ υπαγει ειϲ το μνημιον ϊνα κλαυϲη εκει ˙
- Κατὰ Ἰωάννην 11:32
η ουν μαρια ωϲ ηλθεν οπου ην ιϲ · ϊδουϲα αυτον επεϲεν αυτου προϲ τουϲ ποδαϲ · λεγουϲα αυτω ˙ κε · ει ηϲ ωδε ουκ αν μου απεθανεν ο αδελφοϲ ·
- Κατὰ Ἰωάννην 11:33
ιϲ ουν ειδεν αυτην κλαιουϲαν · και τουϲ ϲυνελθονταϲ αυτη ϊουδαιουϲ κλαιονταϲ · εβριμηϲατο τω πνι και εταραξεν εαυτον ·
- Κατὰ Ἰωάννην 11:34
και ειπεν · που τεθικαται αυτον · λεγουϲιν αυτω · κε ερχου και ϊδε ·
- Κατὰ Ἰωάννην 11:35
και εδακρυϲεν ιϲ ·
← Previous · Next → — showing 401–500 of 861
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.