Codex Sinaiticus: Κατὰ Ἰωάννην

Codex Sinaiticus · 861 sections

Κατὰ Ἰωάννην 7:18
ο αφ εαυτου λαλων την δοξαν την ιδιαν ζητι · και ο ζητων την δοξαν του πεμψαντοϲ αυτον · ουτοϲ αληθηϲ εϲτιν · και αδικια εν αυτω ουκ εϲτιν ·
Κατὰ Ἰωάννην 7:19
ου μωυϲηϲ δεδωκεν υμιν τον νομον · και ουδιϲ εξ ϋμων ποιει τον νομον · τι με ζητειται αποκτιναι ·
Κατὰ Ἰωάννην 7:20
απεκριθη ο οχλοϲ · δαιμονιον εχειϲ · τιϲ ϲε ζητι αποκτιναι :
Κατὰ Ἰωάννην 7:21
απεκριθη ιϲ και ειπεν αυτοιϲ · ἑν εργον εποιηϲα · και παντεϲ θαυμαζετε
Κατὰ Ἰωάννην 7:22
ο μωυϲηϲ δεδωκεν υμιν την περιτομην · ουχ οτι εκ του μωϲεωϲ εϲτιν · αλλ οτι εκ των πατερων · και εν ϲαββατω περιτεμνετε ανθρωπον :
Κατὰ Ἰωάννην 7:23
ει περιτομην λαμβανι ανθρωποϲ εν ϲαββατω · ϊνα μη · λυθη ο νομοϲ ο μωυϲεωϲ · εμοι χολαται · οτι ολον ανθρωπον υγιη εποιηϲα εν ϲαββατω ·
Κατὰ Ἰωάννην 7:24
μη κρινετε κατ οψιν · αλλα την δικαιαν κριϲιν κρινατε ·
Κατὰ Ἰωάννην 7:25
ελεγον ουν τινεϲ των ϊεροϲολυμειτων · ουκ ουτοϲ εϲτιν · ον ζητουϲιν αποκτιναι ·
Κατὰ Ἰωάννην 7:26
και ϊδε παρρηϲια λαλι · και ουδεν αυτω λεγουϲιν · μη τι αληθωϲ εγνωϲαν οι αρχϊερειϲ · οτι ουτοϲ εϲτιν ο χϲ ·
Κατὰ Ἰωάννην 7:27
αλλα τουτον οιδαμεν ποθεν εϲτιν · ο χϲ οταν ελθη μη πλιονα ϲημια ποιηϲει · η οταν ερχεται ουδιϲ γινωϲκει αυτον ποθεν εϲτιν :
Κατὰ Ἰωάννην 7:28
εκραξεν ουν ο ιϲ εν τω ιερω διδαϲκων και λεγων · και εμε οιδατε και οιδατε ποθεν ειμι · και απ εμαυτου ουκ εληλυθα αλλα εϲτιν αληθηϲ ο πεμψαϲ με · ον ϋμειϲ ουκ οιδαται ˙
Κατὰ Ἰωάννην 7:29
εγω δε οιδα αυτον οτι παρ αυτω ειμι · κακεινοϲ με απεϲταλκεν ·
Κατὰ Ἰωάννην 7:30
οι δε εζητουν αυτον πιαϲαι · και ουδειϲ επεβαλεν επ αυτον την χειρα · οτι ουπω εληλυθει η ωρα αυτου ·
Κατὰ Ἰωάννην 7:31
πολλοι δε επιϲτευϲαν εκ του οχλου ειϲ αυτον · και ελεγον ο χϲ οταν ελθη μη πλιονα ϲημεια ποιηϲει ων ουτοϲ ποιει ·
Κατὰ Ἰωάννην 7:32
ηκουϲαν δε οι φαριϲαιοι του οχλου γογγυζοντοϲ ταυτα περι αυτου · και απεϲτιλαν τουϲ ϋπηρεταϲ οι αρχϊερειϲ και οι φαριϲαιοι ϊνα πιαϲωϲιν αυτον :
Κατὰ Ἰωάννην 7:33
ειπεν ουν ο ιϲ ετι χρονον μικρον μεθ υμων ειμι · και ϋπαγω προϲ τον πεμψαντα με ·
Κατὰ Ἰωάννην 7:34
ζητηϲετε με και ουχ ευρηϲετε · και οπου ειμι εγω ϋμιϲ ου δυναϲθαι ελθιν ·
Κατὰ Ἰωάννην 7:35
ειπον ουν οι ϊουδαιοι που ουτοϲ μελλει πορευεϲθε · οτι ουχ ευρηϲομεν αυτον · μη ειϲ την διαϲποραν των ελληνων μελλει πορευεϲθε και διδαϲκιν τουϲ ελληναϲ ·
Κατὰ Ἰωάννην 7:36
τι εϲτιν ουτοϲ ο λογοϲ · ον ειπε · ζητηϲετε με και ουχ ευρηϲετε · και οπου ειμι εγω ϋμιϲ ου δυναϲθαι ελθιν ·
Κατὰ Ἰωάννην 7:37
εν δε τη εϲχατη ημερα τη μεγαλη τηϲ εορτηϲ · ϊϲτηκει ο ιϲ και εκραζεν λεγων ˙ εαν τιϲ διψα ερχεϲθω και πινετω ·
Κατὰ Ἰωάννην 7:38
ο πιϲτευων ειϲ εμε καθωϲ ειπεν η γραφη ˙ ποταμοι ‾‾ εκ τηϲ κοιλιαϲ αυτου ρευϲουϲιν ϋδατοϲ ζωντοϲ ·
Κατὰ Ἰωάννην 7:39
τουτο δε ελεγεν περι του πνϲ · ὁυ ημελλον λαμβανιν οι πιϲτευοντεϲ ειϲ αυτον · ουπω γαρ ην πνα · οτι ιϲ ουπω δεδοξαϲτο ·
Κατὰ Ἰωάννην 7:40
εκ του οχλου ουν ακουϲαντεϲ αυτου των λογων τουτων ελεγον αληθωϲ ουτοϲ εϲτιν ο προφητηϲ ·
Κατὰ Ἰωάννην 7:41
αλλοι ελεγον · ουτοϲ εϲτιν ο χϲ ˙ αλλοι ελεγον μη γαρ εκ τηϲ γαλιλαιαϲ ο χϲ ερχεται ˙
Κατὰ Ἰωάννην 7:42
ουχι η γραφη ειπεν οτι εκ του ϲπερματοϲ δαδ · και απο βηθλεεμ τηϲ κωμηϲ οπου ην ο δαδ · ο χϲ ερχεται ·
Κατὰ Ἰωάννην 7:43
ϲχιϲμα ουν εγενετο εν τω οχλω δι αυτον ·
Κατὰ Ἰωάννην 7:44
τινεϲ δε ελεγον εξ αυτων πιαϲαι αυτον · αλλ ουδιϲ επεβαλεν αυτω ταϲ χιραϲ ·
Κατὰ Ἰωάννην 7:45
ηλθον ουν οι ϋπηρεται προϲ τουϲ αρχϊερειϲ και φαριϲαιουϲ και λεγουϲιν αυτοιϲ εκεινοι · διατι ουκ ηγαγετε αυτον ·
Κατὰ Ἰωάννην 7:46
οι δε ϋπηρεται απεκριθηϲαν · ουδεποτε ουτωϲ ανθρωποϲ ελαληϲεν ωϲ ουτοϲ λαλει ο ανθρωποϲ
Κατὰ Ἰωάννην 7:47
απεκριθηϲαν αυτοιϲ οι φαριϲαιοι · μη και υμιϲ πεπλανηϲθαι ·
Κατὰ Ἰωάννην 7:48
μη τιϲ εκ των αρχοντων πιϲτευει ειϲ αυτον η εκ των φαριϲαιων ·
Κατὰ Ἰωάννην 7:49
αλλ ο οχλοϲ ουτοϲ ο μη γινωϲκων τον νομον · επαρατοι ειϲιν :
Κατὰ Ἰωάννην 7:50
ειπεν δε νικοδημοϲ προϲ αυτουϲ ειϲ ων εξ αυτων
Κατὰ Ἰωάννην 7:51
μη ο νομοϲ ημων κρινι τον ανθρωπον · εαν μη ακουϲη πρωτον και γνω τι ποιει ·
Κατὰ Ἰωάννην 7:52
απεκριθηϲαν και ειπον αυτω · μη και ϲυ εκ τηϲ γαλιλαιαϲ ει · εραυνηϲον και ιδε · οτι προφητηϲ εκ τηϲ γαλιλαιαϲ ουκ εγειρεται ·
Κατὰ Ἰωάννην 8:12
παλιν ουν αυτοιϲ ελαληϲεν ο ιϲ λεγων · εγω φωϲ ειμι του κοϲμου ο ακολουθων εμοι · ου μη περιπατηϲη εν τη ϲκοτια αλλ εχει το φωϲ τηϲ ζωηϲ ·
Κατὰ Ἰωάννην 8:13
ειπον ουν αυτω · οι φαριϲαιοι · ϲυ περι ϲεαυτου μαρτυριϲ · η μαρτυρια ϲου ουκ εϲτιν αληθηϲ ·
Κατὰ Ἰωάννην 8:14
ειπεν αυτοιϲ ο ιϲ · καν εγω μαρτυρω περι εμαυτου · αληθηϲ εϲτιν η μαρτυρια μου · οτι οιδα ποθεν ηλθον · και που ϋπαγω · ϋμιϲ ουκ οιδαται ποθεν ερχομαι και που υπαγω ·
Κατὰ Ἰωάννην 8:15
ϋμειϲ κατα την ϲαρκα κρινετε · εγω ου κρινω ουδενα ·
Κατὰ Ἰωάννην 8:16
καν κρινω δε εγω · η κριϲιϲ η εμη αληθηϲ εϲτιν . οτι μονοϲ ουκ ειμι · αλλ εγω και ο πεμψαϲ με
Κατὰ Ἰωάννην 8:17
και εν τω νομω δε τω ϋμετερω γεγραμμενον εϲτιν · οτι δυο ανθρωπων η μαρτυρια αληθηϲ εϲτιν ·
Κατὰ Ἰωάννην 8:18
εγω ειμι ο μαρτυρων περι εμαυτου · και μαρτυρει περι εμου ο πεμψαϲ με πατηρ ·
Κατὰ Ἰωάννην 8:19
ελεγον ουν αυτω · που εϲτιν ο πατηρ ϲου · απεκριθη ο ιϲ και ειπεν · ουτε εμε οιδαται · ουτε τον πατερα μου · ει εμε ηδειται · και τον πατερα ηδειται αν :
Κατὰ Ἰωάννην 8:20
ταυτα τα ρηματα ελαληϲεν εν τω γαζοφυλακιω · και ουδιϲ επιαϲεν αυτον οτι ουπω εληλυθει η ωρα αυτου ·
Κατὰ Ἰωάννην 8:21
ελεγεν ουν αυτοιϲ · εγω ϋπαγω και ζητηϲετε με · και εν τη αμαρτια ϋμων αποθανιϲθαι · οπου εγω ϋπαγω · υμιϲ ου δυναϲθαι ελθιν ·
Κατὰ Ἰωάννην 8:22
ελεγον ουν οι ιουδαιοι · μητι αποκτενει εαυτον . οτι λεγει οπου αν εγω ϋπαγω ϋμιϲ ου δυναϲθαι ελθιν
Κατὰ Ἰωάννην 8:23
ελεγεν ουν αυτοιϲ · ϋμειϲ εκ των κατω εϲτε · εγω εκ των ανω ειμι · υμειϲ εκ του κοϲμου τουτου εϲτε · εγω ουκ ειμι εκ του κοϲμου τουτου ˙
Κατὰ Ἰωάννην 8:24
ειπον ϋμιν · οτι αποθανιϲθαι εν ταιϲ αμαρτιαιϲ ϋμων · εαν γαρ μη πιϲτευϲηται μοι οτι εγω ειμι · αποθανιϲθαι εν ταιϲ αμαρτιαιϲ υμων ·
Κατὰ Ἰωάννην 8:25
ελεγον αυτω ϲυ τιϲ ει · ειπεν ουν αυτοιϲ ο ιϲ · την αρχην ο τι και εν λαλω ϋμιν
Κατὰ Ἰωάννην 8:26
πολλα εχω περι ϋμων λαλιν και κρινιν · αλλ ο πεμψαϲ με πατηρʼ αληθηϲ εϲτιν · καγω α ηκουϲα παρ αυτω · ταυτα λαλω ειϲ τον κοϲμον ·
Κατὰ Ἰωάννην 8:27
ουκ εγνωϲαν οτι τον πατερα αυτοιϲ ελεγεν τον θν
Κατὰ Ἰωάννην 8:28
ειπεν ουν αυτοιϲ ο ιϲ παλιν οταν ϋψωϲητε τον υν του ανθρωπου · τοτε γνωϲεϲθαι οτι εγω ειμι · και απ εμαυτου ποιω ουδεν · αλλα καθωϲ εδιδαξεν με ο πατηρʼ · ουτωϲ λαλω ·
Κατὰ Ἰωάννην 8:29
και ο πεμψαϲ με ουκ αφηκε με μονον μετ εμου εϲτιν οτι εγω τα αρεϲτα αυτω ποιω παντοτε ·
Κατὰ Ἰωάννην 8:30
ταυτα αυτου λαλουντοϲ πολλοι επιϲτευϲαν ειϲ αυτον
Κατὰ Ἰωάννην 8:31
ελεγεν ουν ιϲ προϲ τουϲ πεπιϲτευκοταϲ αυτω ϊουδαιουϲ · εαν ϋμιϲ μινητε εν τω λογω τω εμω · αληθωϲ μαθηται εϲτε ·
Κατὰ Ἰωάννην 8:32
και γνωϲεϲθαι την αληθειαν · και η αληθια ελευθερωϲει ϋμαϲ ·
Κατὰ Ἰωάννην 8:33
απεκριθηϲαν προϲ αυτον · ϲπερμα αβρααμʼ εϲμεν · και ουδενι δεδουλευκαμεν πωποτε · πωϲ ϲυ λεγειϲ οτι ελευθεροι γενηϲεϲθε ·
Κατὰ Ἰωάννην 8:34
απεκριθη αυτοιϲ ο ιϲ · αμην αμην λεγω ϋμιν · οτι παϲ ο ποιων την αμαρτιαν δουλοϲ εϲτιν τηϲ αμαρτιαϲ ·
Κατὰ Ἰωάννην 8:35
ο δε δουλοϲ ου μενει εν τη οικια ειϲ τον αιωνα ·
Κατὰ Ἰωάννην 8:36
εαν ουν ο υϲ ϋμαϲ ελευθερωθη οντωϲ ελευθεροι εϲεϲθαι ·
Κατὰ Ἰωάννην 8:37
οιδα οτι ϲπερμα αβρααμʼ εϲτε · αλλα ζητειτε με αποκτιναι · οτι ο λογοϲ ο εμοϲ ου χωρει εν ϋμιν ·
Κατὰ Ἰωάννην 8:38
α εγω εωρακα παρα τω πατρι μου λαλω · και ϋμιϲ ουν α εωρακατε παρα του πατροϲ ϋμων ποιειται ·
Κατὰ Ἰωάννην 8:39
απεκριθηϲαν και ειπαν αυτω ˙ ο πατηρʼ ημων αβρααμ εϲτιν · απεκριθη αυτοιϲ ο ιϲ ει τεκνα του αβρααμʼ εϲτε · τα εργα του αβρααμʼ εποιειται ·
Κατὰ Ἰωάννην 8:40
νυν δε ζητιτε με αποκτιναι · ανθρωπον · οϲʼ την αληθιαν ϋμιν λελαληκα · ην ηκουϲα παρα του θυ · τουτο αβρααμʼ ουκ εποιηϲεν ·
Κατὰ Ἰωάννην 8:41
ϋμειϲ ποιειται τα εργα του πατροϲ ϋμων · ειπαν αυτω ημιϲ εκ πορνιαϲ ουκ εγεννημεθα ˙ ενα πατερα εχομεν τον θν ·
Κατὰ Ἰωάννην 8:42
ειπεν ουν αυτοιϲ ο ιϲ · ει ο θϲ πατηρ ημων ην · ηγαπατε αν εμε εγω γαρ εκ του θυ εξηλθον και ηκω · ουδε γαρ απ εμαυτου εληλυθα · αλλ εκεινοϲ με απεϲτιλεν ·
Κατὰ Ἰωάννην 8:43
διατι την λαλιαν την εμην ου γινωϲκεται · οτι ου δυναϲθε ακουειν τον λογον τον εμον ·
Κατὰ Ἰωάννην 8:44
ϋμειϲ εκ του πατροϲ του διαβολου εϲται · και ταϲ επιθυμιαϲ του πρϲ υμων θελετε ποιειν ˙ εκινοϲ ανθρωποκτονοϲ ην απ αρχηϲ · και εν τη αληθια ουκ εϲτηκεν · οτι ουκ εϲτιν αληθια εν αυτω οταν λαλη το ψευδοϲ · εκ των ϊδιων λαλει · οτι ψευϲτηϲ εϲτιν και ο πατηρ αυτου ·
Κατὰ Ἰωάννην 8:45
εγω δε οτι την αληθιαν λεγω ου πιϲτευετε μοι ·
Κατὰ Ἰωάννην 8:46
τιϲ εξ υμων ελεγχει με περι αμαρτιαϲ · ει αληθιαν λεγω · διατι ϋμειϲ ου πιϲτευεται μοι ·
Κατὰ Ἰωάννην 8:47
ο ων εκ του θυ · τα ρηματα του θυ ακουει · δια τουτο ϋμειϲ ουκ ακουετε οτι εκ του θυ ουκ εϲτε ·
Κατὰ Ἰωάννην 8:48
απεκριθηϲαν οι ϊουδαιοι και ειπαν αυτω · ου καλωϲ λεγομεν ημειϲ · οτι ϲαμαριτηϲ ει · και δαιμονιον εχειϲ ·
Κατὰ Ἰωάννην 8:49
απεκριθη ιϲ και ειπεν · εγω δαιμονιον ουκ εχω · αλλα τιμω τον πατερα μου · και υμιϲ ατιμαζετε με ·
Κατὰ Ἰωάννην 8:50
εγω δε ου ζητω την δοξαν μου · εϲτιν ο ζητων και κρινων ·
Κατὰ Ἰωάννην 8:51
αμην αμην λεγω ϋμιν · εαν τιϲ τον εμον λογον τηρηϲει θανατον ου μη θεωρηϲει ειϲ τον αιωνα ˙
Κατὰ Ἰωάννην 8:52
ειπαν αυτω οι ϊουδαιοι · νυν εγνωκαμεν οτι δαιμονιον εχειϲ · αβρααμʼ απεθανεν και οι προφηται και ϲυ λεγειϲ εαν τιϲ τον λογον μου τηρηϲη · ου μη γευϲηται ειϲ τον αιωνα ·
Κατὰ Ἰωάννην 8:53
μη ϲυ μιζων ει του πατροϲ ημων αβρααμ · οϲτιϲ απεθανεν και οι προφηται απεθανον · τινα ϲεαυτον ποιειϲ ·
Κατὰ Ἰωάννην 8:54
απεκριθη ο ιϲ εαν εγω δοξαϲω εμαυτον · η δοξα μου ουδεν εϲτιν · εϲτιν ο πατηρʼ μου ο δοξαζων με · ον υμειϲ λεγεται · οτι θϲ ϋμων εϲτιν ·
Κατὰ Ἰωάννην 8:55
και ουκ εγνωκαται αυτον · εγω δε οιδα αυτον · καν ειπω οτι ουκ οιδα αυτον εϲομαι ομοιοϲ ϋμων ψευϲτηϲ · αλλ οιδα αυτον · και τον λογον αυτου τηρω ·
Κατὰ Ἰωάννην 8:56
αβρααμʼ ο πηρ υμων ηγαλλιαϲατο ινα ειδη την ημεραν την εμην · και ειδεν και εχαρη ·
Κατὰ Ἰωάννην 8:57
ειπαν ουν οι ϊουδαιοι προϲ αυτον · πεντηκοντα ετη ουπω εχειϲ και αβρααμʼ εωρακεν ϲε ·
Κατὰ Ἰωάννην 8:58
ειπεν αυτοιϲ ο ιϲ αμην αμην λεγω ϋμιν · πριν αβρααμʼ γενεϲθαι εγω ειμι ·
Κατὰ Ἰωάννην 8:59
ηραν ουν λιθουϲ ϊνα βαλωϲιν επ αυτον · ιϲ δε εκρυβη και εξηλθεν εκ του ϊερου
Κατὰ Ἰωάννην 9:1
και παραγων ειδεν ανθρωπον τυφλον εκ γενετηϲ
Κατὰ Ἰωάννην 9:2
και ηρωτηϲαν αυτον οι μαθηται αυτου λεγοντεϲ · ραββει · τιϲ ημαρτεν · ουτοϲ · η οι γονιϲ αυτου ϊνα τυφλοϲ γεννηθη ·
Κατὰ Ἰωάννην 9:3
απεκριθη ιϲ ουτε ουτοϲ ημαρτεν ουτε οι γονιϲ αυτου · αλλ ϊνα φανερωθη τα εργα του θυ εν αυτω
Κατὰ Ἰωάννην 9:4
ημαϲ δει εργαζεϲθαι τα εργα του πεμψαντοϲ ημαϲ εωϲ ημερα εϲτιν · ερχεται νυξʼ οτε ουδιϲ δυναται εργαζεϲθαι ·
Κατὰ Ἰωάννην 9:5
οταν εν τω κοϲμω ῶ . φωϲ ειμι του κοϲμου ·
Κατὰ Ἰωάννην 9:6
ταυτα ειπων επτυϲεν χαμαι · και εποιηϲεν πηλον εκ του πτυϲματοϲ · και επεχριϲεν αυτου τον πηλον επι τουϲ οφθαλμουϲ ·
Κατὰ Ἰωάννην 9:7
και ειπεν αυτω ϋπαγε νιψαι ειϲ την κολυμβηθραν του ϲιλωαμ ο ερμηνευεται απεϲταλμενοϲ · απηλθεν ουν και ενιψατο και ηλθεν βλεπων ·
Κατὰ Ἰωάννην 9:8
οι ουν γειτονεϲ και οι θεωρουντεϲ αυτον το προτερον · οτι προϲαιτηϲ ην ελεγον ουχ ουτοϲ εϲτιν ο καθημενοϲ και προϲαιτων ·
Κατὰ Ἰωάννην 9:9
αλλοι ελεγον · ουτοϲ εϲτιν · αλλοι δε ελεγον · ουχι · αλλα ομοιοϲ αυτω εϲτιν · εκεινοϲ δε ελεγεν οτι εγω ειμι ·
Κατὰ Ἰωάννην 9:10
ελεγαν ουν οι ϊουδαιο αυτω πωϲ ουν ηνεωχθηϲαν ϲου οι οφθαλμοι ˙
Κατὰ Ἰωάννην 9:11
απεκριθη εκεινοϲ · ο ανθρωποϲ ο λεγομενοϲ ιϲ πηλον εποιηϲεν και επεχριϲεν μου τουϲ οφθαλμουϲ και ειπεν μοι : οτι ϋπαγε ειϲ τον ϲιλωαμ και νιψαι · απελθων ουν · και νιψαμενοϲ ανεβλεψα ˙
Κατὰ Ἰωάννην 9:12
και ειπαν αυτω που εϲτιν εκεινοϲ · λεγει ουκ οιδα ·
Κατὰ Ἰωάννην 9:13
αγουϲιν αυτον προϲ τουϲ φαριϲαιουϲ τον ποτε τυφλον ·
Κατὰ Ἰωάννην 9:14
ην δε ϲαββατον · εν η ημερα τον πηλον εποιηϲεν ο ιϲ και ανεωξεν αυτου τουϲ οφθαλμουϲ ·
Κατὰ Ἰωάννην 9:15
παλιν ουν ηρωτων αυτον και οι φαριϲαιοι πωϲ ανεβλεψεν · ο δε ειπεν αυτοιϲ πηλον επεθηκεν μου επι τουϲ οφθαλμουϲ και ενιψαμην και βλεπω ·
Κατὰ Ἰωάννην 9:16
ελεγαν ουν εκ των φαριϲαιων τινεϲ · ουκ εϲτιν ουτοϲ παρα θυ ο ανθρωποϲ · οτι το ϲαββατον ου τηρι · αλλοι δε ελεγον · πωϲ δυναται ανθρωποϲ αμαρτωλοϲ τοιαυτα ϲημια ποιειν · και ϲχιϲμα ην εν αυτοιϲ ·
Κατὰ Ἰωάννην 9:17
λεγουϲιν ουν τω ποτε τυφλω παλιν ουν τι ϲυ λεγειϲ περι ϲεαυτου · οτι ηνοιξεν ϲου τουϲ οφθαλμουϲ · ο δε ειπεν · οτι προφητηϲ εϲτιν ·

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.