Codex Sinaiticus: Κατὰ Ἰωάννην

Codex Sinaiticus · 861 sections

Κατὰ Ἰωάννην 11:36
ελεγαν ουν οι ϊουδαιοι · ϊδε πωϲ εφιλει αυτον ·
Κατὰ Ἰωάννην 11:37
τινεϲ δε εξ αυτων ειπαν · ουκ ηδυνατο ουτοϲ ο ανοιξαϲ τουϲ οφθαλμουϲ του τυφλου · ποιηϲαι ϊνα και ουτοϲ μη αποθανη :
Κατὰ Ἰωάννην 11:38
ιϲ ουν παλιν εμβριμουμενοϲ εν εαυτω ερχεται ειϲ το μνημιον · ην δε ϲπηλαιον · και λιθοϲ επεκειτο αυτω ·
Κατὰ Ἰωάννην 11:39
λεγει ο ιϲ · αρατε τον λιθον · λεγι αυτω η αδελφη του τετελευτηκοτοϲ μαρθα · κε ηδη οζει · τεταρταιοϲ γαρ εϲτιν ·
Κατὰ Ἰωάννην 11:40
λεγει αυτη ο ιϲ · ουκ ειπον ϲοι · οτι εαν πιϲτευϲηϲ οψη την δοξαν του θυ ·
Κατὰ Ἰωάννην 11:41
ηραν ουν τον λιθον ˙ ο δε ιϲ ηρεν τουϲ οφθαλμουϲ ανω και ειπεν · πατερʼ ευχαριϲτω ϲοι οτι ηκουϲαϲ μου ·
Κατὰ Ἰωάννην 11:42
εγω δε ηδειν · οτι παντοτε μου ακουειϲ · αλλα δια τον οχλον τον περιεϲτωτα ειπον · ϊνα πιϲτευϲωϲιν οτι ϲυ με απεϲτιλαϲ ·
Κατὰ Ἰωάννην 11:43
και ταυτα ειπων · φωνη μεγαλη εκραυγαζεν λαζαρ · δευρο εξω ·
Κατὰ Ἰωάννην 11:44
και εξηλθεν ο τεθνηκωϲ δεδεμενοϲ τουϲ ποδαϲ και ταϲ χιραϲ κιριαιϲ · και η οψιϲ αυτου ϲουδαριω περιεδεδετο · λεγει αυτοιϲ ο ιϲ λυϲατε αυτον · και αφεται ϋπαγειν :
Κατὰ Ἰωάννην 11:45
πολλοι δε εκ των ϊουδαιων οι ελθοντεϲ προϲ την μαριαν · και θεαϲαμενοι · α εποιηϲεν ιϲ επιϲτευϲαν ειϲ αυτον ·
Κατὰ Ἰωάννην 11:46
τινεϲ δε εξ αυτων απηλθον προϲ τουϲ φαριϲαιουϲ · και ειπαν αυτοιϲ · ἁ εποιηϲεν ο ιϲ ·
Κατὰ Ἰωάννην 11:47
ϲυνηγαγον ουν οι αρχϊερειϲ και οι φαριϲαιοι ϲυνεδριον · και ελεγαν · τι ποιουμεν · οτι ουτοϲ ο ανθρωποϲ πολλα ποιει ϲημια ·
Κατὰ Ἰωάννην 11:48
εαν αφωμεν αυτον ουτωϲ · παντεϲ πιϲτευουϲιν ειϲ αυτον · και ελευϲονται οι ρωμαιοι · και αρουϲιν ημων και τον τοπον · και το εθνοϲ :
Κατὰ Ἰωάννην 11:49
ειϲ δε τιϲ εξ αυτων · καϊαφαϲ · αρχϊερευϲ ων του ενιαυτου εκεινου · ειπεν αυτοιϲ · ϋμιϲ ουκ οιδατε ουδεν ·
Κατὰ Ἰωάννην 11:50
ουδε λογιζεϲθε · οτι ϲυμφερει · ϊνα ειϲ ανθρωποϲ αποθανη ϋπερ του λαου · και μη ολον το εθνοϲ αποληται ·
Κατὰ Ἰωάννην 11:51
τουτο δε αφ εαυτου ουκ ειπεν · αλλα αρχϊερευϲ ων του ενιαυτου εκινου επροφητευϲεν · οτι εμελλεν ιϲ αποθνηϲκιν · ϋπερ του εθνουϲ ·
Κατὰ Ἰωάννην 11:52
και ουχ ϋπερ του εθνουϲ μονον · αλλ ϊνα και τα τεκνα του θυ τα διεϲκορπιϲμενα ϲυναγαγη ειϲ εν :
Κατὰ Ἰωάννην 11:53
απ εκεινηϲ ουν τηϲ ημεραϲ εβουλευϲαντο ϊνα αποκτινωϲιν αυτον :
Κατὰ Ἰωάννην 11:54
ο ουν ιϲ ουκετι παρρηϲια περιεπατει εν τοιϲ ϊουδαιοιϲ · αλλα απηλθεν εκειθεν ειϲ την χωραν · εγγυϲ τηϲ ερημου ειϲ εφρεμ λεγομενην πολιν κακει εμινεν μετα των μαθητων ·
Κατὰ Ἰωάννην 11:55
ην δε εγγυϲ το παϲχα των ϊουδαιων · και ανεβηϲαν πολλοι ειϲ ϊεροϲολυμα εκ τηϲ χωραϲ · προ του παϲχα · ϊνα αγνιϲωϲιν εαυτουϲ ·
Κατὰ Ἰωάννην 11:56
εζητουν ουν τον ιν και ελεγαν μετ αλληλων εν τω ιερω εϲτηκοτεϲ · τι δοκει ϋμιν οτι ου μη ελθη ειϲ την εορτην ·
Κατὰ Ἰωάννην 11:57
δεδωκιϲαν δε οι αρχϊεριϲ και οι φαριϲαιοι εντολαϲ · ϊνα εαν τιϲ γνω που εϲτιν · μηνυϲη · οπωϲ πιαϲωϲιν αυτον :
Κατὰ Ἰωάννην 12:1
ο ουν ιϲ προ εξʼ ημερων του παϲχα ˙ ηλθεν ειϲ βηθανιαν · οπου ην λαζαροϲ ον ηγειρεν ιϲ εκ νεκρων ·
Κατὰ Ἰωάννην 12:2
εποιηϲαν ουν αυτω δειπνον εκει · και η μαρθα διηκονι · ο δε λαζαροϲ ειϲ ην · εκ των ανακειμενων ϲυν αυτω :
Κατὰ Ἰωάννην 12:3
η ουν μαρια λαβουϲα λιτραν μυρου · ναρδου πιϲτικηϲ πολυτιμου · ηλιψεν τουϲ ποδαϲ του ιυ · και εξεμαξεν ταιϲ θριξιν αυτηϲ · τουϲ ποδαϲ αυτου · η δε οικια επληρωθη εκ τηϲ οϲμηϲ του μυρου ·
Κατὰ Ἰωάννην 12:4
λεγει δε ϊουδαϲ ο ϊϲκαριωτηϲ · ειϲ εκ των μαθητων αυτου · ο μελλων αυτον παραδιδοναι ·
Κατὰ Ἰωάννην 12:5
διατι τουτο το μυρον ουκ επραθη τριακοϲιων δηναριων · και εδοθη πτωχοιϲ ·
Κατὰ Ἰωάννην 12:6
ειπεν δε τουτο · ουχ οτι περι των πτωχων εμελεν αυτω · αλλ οτι κλεπτηϲ ην · και το γλωϲϲοκομον εχων τα βαλλομενα εβαϲταζεν ˙
Κατὰ Ἰωάννην 12:7
ειπεν ουν ο ιϲ · αφεϲ αυτην · ϊνα ειϲ την ημεραν του ενταφιαϲμου μου τηρηϲη αυτο ·
Κατὰ Ἰωάννην 12:8
τουϲ πτωχουϲ γαρ παντοτε εχετε μεθ εαυτων · εμε δε ου παντοτε εχετε :
Κατὰ Ἰωάννην 12:9
εγνω ουν ο οχλοϲ πολυϲ εκ των ϊουδαιων οτι εκει εϲτιν · και ηλθον ου δια τον ιν μονον · αλλ ϊνα και τον λαζαρον ϊδωϲιν · ον ηγειρεν εκ νεκρων ·
Κατὰ Ἰωάννην 12:10
εβουλευϲαντο δε οι αρχϊερειϲ · ϊνα και τον λαζαρον αποκτινωϲιν ·
Κατὰ Ἰωάννην 12:11
οτι πολλοι δι αυτον ϋπηγον των ϊουδαιων · και επιϲτευον ειϲ τον ιν
Κατὰ Ἰωάννην 12:12
τη επαυριον οχλοϲ πολυϲ ελθων ειϲ την εορτην · ακουϲαντεϲ οτι ερχεται ιϲ ειϲ ϊεροϲολυμα ˙
Κατὰ Ἰωάννην 12:13
ελαβον τα βαϊα των φοινικων · και εξηλθον ειϲ ϋπαντηϲιν αυτω · και εκραυγαζον · λεγοντεϲ · ωϲαννα · ευλογημενοϲ ο ερχομενοϲ εν ονοματι κυ · και ο βαϲιλευϲ του ιηλ :
Κατὰ Ἰωάννην 12:14
ευρων δε ο ιϲ οναριον εκαθιϲεν επ αυτο καθωϲ εϲτι γεγραμμενον ·
Κατὰ Ἰωάννην 12:15
μη φοβου θυγατερ ϲιων · ϊδου ο βαϲιλευϲ ϲου ερχεται · καθημενοϲ επι πωλον ονου ·
Κατὰ Ἰωάννην 12:16
ταυτα ουκ εγνωϲαν αυτου οι μαθηται το πρωτον · αλλ οτε εδοξαϲθη ιϲ · τοτε εμνηϲθηϲαν οτι ταυτα επ αυτω ην γεγραμμενα ˙ και ταυτα εποιηϲαν αυτω ·
Κατὰ Ἰωάννην 12:17
εμαρτυρι ουν ο οχλοϲ · ο ων μετ αυτου οτε τον λαζαρον εφωνηϲεν εκ του μνημιου και ηγειρεν αυτον εκ νεκρων ·
Κατὰ Ἰωάννην 12:18
δια τουτο και ϋπηντηϲεν αυτω οχλοϲ πολυϲ · οτι ηκουϲαν αυτον τουτο πεποιηκεναι το ϲημειον ·
Κατὰ Ἰωάννην 12:19
οι ουν φαριϲαιοι ειπαν προϲ εαυτουϲ · θεωρειτε οτι ουκ ωφελειτε ουδεν · ειδε ο κοϲμοϲ οπιϲω αυτου απηλθεν :
Κατὰ Ἰωάννην 12:20
ηϲαν δε ελληνεϲ τινεϲ εκ των αναβαινοντων · ϊνα προϲκυνηϲωϲιν εν τη εορτη ·
Κατὰ Ἰωάννην 12:21
ουτοι ουν προϲηλθον φιλιππω τω απο βηθϲαϊδα τηϲ γαλιλαιαϲ · και ηρωτων αυτον λεγοντεϲ · κε θελομεν τον ιν ϊδιν ·
Κατὰ Ἰωάννην 12:22
ερχεται φιλιπποϲ και λεγει τω ανδραια · και παλιν ερχεται ανδρεαϲ και φιλιπποϲ και λεγουϲιν τω ιυ ·
Κατὰ Ἰωάννην 12:23
ο δε ιϲ αποκρινεται αυτοιϲ λεγων · εληλυθεν η ωρα · ϊνα δοξαϲθη ο ϋϊοϲ του ανθρωπου ·
Κατὰ Ἰωάννην 12:24
αμην αμην λεγω ϋμιν · εαν μη ο κοκκοϲ του ϲιτου πεϲων ειϲ την γην αποθανη · αυτοϲ μονοϲ μενει · εαν δε αποθανη πολυν καρπον φερει ·
Κατὰ Ἰωάννην 12:25
ο φιλων την ψυχην αυτου · απολλυει αυτην · και ο μειϲων την ψυχην αυτου εν τω κοϲμω τουτω ειϲ ζωην αιωνιον
Κατὰ Ἰωάννην 12:26
εαν εμοι τιϲ διακονη · εμοι ακολουθιτω και οπου ειμι εγω εκει και ο διακονοϲ ο εμοϲ εϲται · εαν τιϲ εμοι διακονη ϲειμηϲει αυτον ο πατηρ ·
Κατὰ Ἰωάννην 12:27
νυν η ψυχη μου τεταρακται · και τι ειπω · πατερʼ ϲωϲον με εκ τηϲ ωραϲ ταυτηϲ · αλλα δια τουτο ηλθον ειϲ την ωραν ταυτην ·
Κατὰ Ἰωάννην 12:28
πατερʼ δοξαϲον ϲου το ονομα · ηλθεν ουν φωνη εκ του ουρανου · και εδοξαϲα και παλιν δοξαϲω ·
Κατὰ Ἰωάννην 12:29
ο ουν οχλοϲ ο εϲτωϲ ακουϲαϲ · ελεγεν βροντην γεγονεναι · αλλοι ελεγον · αγγελοϲ αυτω λελαληκεν ˙
Κατὰ Ἰωάννην 12:30
απεκριθη ιϲ · ου δι εμε η φωνη αυτη γεγονεν · αλλα δι ϋμαϲ ·
Κατὰ Ἰωάννην 12:31
νυν κριϲιϲ εϲτιν του κοϲμου τουτου και εκβληθηϲεται εξω ·
Κατὰ Ἰωάννην 12:32
καγω εαν ϋψωθω εκ τηϲ γηϲ · παντα ελκυϲω προϲ εμαυτον ·
Κατὰ Ἰωάννην 12:33
τουτον δε ελεγεν ϲημαινων · ποιω θανατω εμελλεν αποθνηϲκειν ·
Κατὰ Ἰωάννην 12:34
απεκριθη ουν αυτω ο οχλοϲ · ημιϲ ηκουϲαμεν εκ του νομου · οτι ο χϲ μενει ειϲ τον αιωνα ˙ και πωϲ ϲυ λεγιϲ ˙ οτι δει ϋψωθηναι τον υν του ανθρωπου · τιϲ εϲτιν ουτοϲ ο υϲ του ανθρωπου ·
Κατὰ Ἰωάννην 12:35
ειπεν ουν αυτοιϲ ο ιϲ · ετι μικρον χρονον το φωϲ εν ϋμιν εϲτιν · περιπατειτε εωϲ το φωϲ εχετε ϊνα μη ϲκοτια ϋμαϲ καταλαβη · και ο περιπατων εν τη ϲκοτια · ουκ οιδεν που ϋπαγει ·
Κατὰ Ἰωάννην 12:36
ωϲ το φωϲ εχετε πιϲτευεται ειϲ το φωϲ ϊνα ϋϊοι φωτοϲ γενηϲθε · ταυτα ελαληϲεν ιϲ και απελθων εκρυβη απ αυτων ·
Κατὰ Ἰωάννην 12:37
τοϲαυτα δε αυτου ϲημια πεποιηκοτοϲ εμπροϲθεν αυτων · ουκ επιϲτευον ειϲ αυτον ·
Κατὰ Ἰωάννην 12:38
ϊνα ο λογοϲ ηϲαϊου του προφητου πληρωθη ον ειπεν · κε · τιϲ επιϲτευϲεν τη ακοη ημων · και ο βραχιων κυ τινι απεκαλυφθη ·
Κατὰ Ἰωάννην 12:39
δια τουτο ουκ ηδυναντο πιϲτευειν · οτι παλιν ειπεν ηϲαϊαϲ ·
Κατὰ Ἰωάννην 12:40
τετυφλωκεν αυτων τουϲ οφθαλμουϲ · και επηρωϲεν αυτων την καρδιαν · ϊνα μη ειδωϲιν τοιϲ οφθαλμοιϲ · και τη καρδια ϲυνωϲιν · και ϲτραφωϲιν και ιαϲομαι αυτουϲ ·
Κατὰ Ἰωάννην 12:41
ταυτα ειπεν ηϲαϊαϲ · οτι ειδεν την δοξαν αυτου · και ελαληϲεν περι αυτου ·
Κατὰ Ἰωάννην 12:42
ομωϲ μεντοι · και εκ των αρχοντων πολλοι επιϲτευϲαν ειϲ αυτον · αλλα δια τουϲ φαριϲαιουϲ · ουχ ωμολογουν · ϊνα μη αποϲυναγωγοι γενωνται ·
Κατὰ Ἰωάννην 12:43
ηγαπηϲαν γαρ την δοξαν των ανθρωπων μαλλον · ϋπερ την δοξαν του θυ ·
Κατὰ Ἰωάννην 12:44
ιϲ δε εκραξεν και ειπεν · ο πιϲτευων ειϲ εμε · ου πιϲτευει ειϲ εμε · αλλα ειϲ τον πεμψαντα με ·
Κατὰ Ἰωάννην 12:45
και ο θεωρων εμε · θεωρει τον πεμψαντα με :
Κατὰ Ἰωάννην 12:46
εγω · φωϲ ειϲ τον κοϲμον εληλυθα · ϊνα παϲ ο πιϲτευων ειϲ εμε εν τη ϲκοτια μη μινη ·
Κατὰ Ἰωάννην 12:47
και εαν τιϲ μου ακουϲη των ρηματων και μη φυλαξη · εγω ου κρινω αυτον · ου γαρ ηλθον ϊνα κρινω τον κοϲμον · αλλ ινα ϲωϲω τον κοϲμον ·
Κατὰ Ἰωάννην 12:48
ο αθετων εμε · και μη λαμβανων τα ρηματα μου · εχει τον κρινοντα αυτον · ο λογοϲ ον ελαληϲα εκεινοϲ κρινει αυτον · εν τη εϲχατη ημερα ·
Κατὰ Ἰωάννην 12:49
οτι εγω εξ εμαυτου ουκ ελαληϲα · αλλ ο πεμψαϲ με πατηρʼ αυτοϲ μοι εντολην δεδωκεν · τι ειπω · και τι λαληϲω ·
Κατὰ Ἰωάννην 12:50
και οιδα οτι η εντολη αυτου · ζωη αιωνιοϲ εϲτιν · ἁ ουν εγω λαλω · καθωϲ ειρηκεν μοι ο πατηρ · ουτωϲ λαλω :
Κατὰ Ἰωάννην 13:1
προ δε τηϲ εορτηϲ του παϲχα · ειδωϲ ο ιϲ · οτι ηλθεν αυτου η ωρα · ϊνα μεταβη εκ του κοϲμου τουτου προϲ τον πατερα · αγαπηϲαϲ τουϲ ϊουδαιουϲ τουϲ εν τω κοϲμω ειϲ τελοϲ ηγαπηϲεν αυτουϲ :
Κατὰ Ἰωάννην 13:2
και διπνου γεινομενου · του διαβολου ηδη βεβληκοτοϲ ειϲ την καρδιαν ινα παραδοι αυτον ϊουδαϲ ϲιμωνοϲ ιϲκαριωτηϲ :
Κατὰ Ἰωάννην 13:3
ϊδωϲ οτι παντα εδωκεν αυτω ο πατηρʼ ειϲ ταϲ χιραϲ · και οτι απο θυ εξηλθεν · και προϲ τον θν υπαγει ˙
Κατὰ Ἰωάννην 13:4
εγειρεται εκ του διπνου · και τιθηϲιν τα ιματια · και λαβων λεντιον διεζωϲεν εαυτον ·
Κατὰ Ἰωάννην 13:5
ειτα βαλλει ϋδωρʼ ειϲ τον νιπτηρα · και ηρξατο νιπτειν τουϲ ποδαϲ των μαθητων · και εκμαϲϲειν τω λεντιω . ω ην διεζωϲμενοϲ ·
Κατὰ Ἰωάννην 13:6
ερχεται ουν προϲ ϲιμωνα πετρον · και λεγι αυτω ϲυ μου νιπτιϲ τουϲ ποδαϲ ·
Κατὰ Ἰωάννην 13:7
απεκριθη ιϲ και ειπεν αυτω α εγω ποιω ϲυ ουκ οιδαϲ αρτι · γνωϲη δε μετα ταυτα ·
Κατὰ Ἰωάννην 13:8
λεγει αυτω πετροϲ · ου μη νιψηϲ τουϲ ποδαϲ μου ειϲ τον αιωνα · απεκριθη αυτω ο ιϲ · εαν μη νιψω ϲε · ουκ εχειϲ μεροϲ μετ εμου ·
Κατὰ Ἰωάννην 13:9
λεγει αυτω ϲιμων πετροϲ · μη τουϲ ποδαϲ μου μονον · αλλα και ταϲ χιραϲ και την κεφαλην ·
Κατὰ Ἰωάννην 13:10
λεγει αυτω ο ιϲ · ο λελουμενοϲ ουκ εχι χρειαν νιψαϲθαι · αλλα εϲτιν καθαροϲ ολοϲ · και ϋμειϲ καθαροι εϲτε · αλλ ουχι παντεϲ ·
Κατὰ Ἰωάννην 13:11
ηδει γαρ τον παραδιδοντα αυτον · δια τουτο ειπεν ουχι παντεϲ καθαροι εϲτε ˙
Κατὰ Ἰωάννην 13:12
οτε ουν ενιψεν τουϲ ποδαϲ αυτων · ελαβεν τα ϊματια αυτων και ανεπεϲεν παλιν ειπεν αυτοιϲ · γεινωϲκεται τι πεποιηκα ϋμιν ·
Κατὰ Ἰωάννην 13:13
ϋμιϲ φωνειτε με · ο διδαϲκαλοϲ και ο κϲ · και καλωϲ λεγεται · ειμι γαρ ·
Κατὰ Ἰωάννην 13:14
ει ουν εγω ενιψα ϋμων τουϲ ποδαϲ · ο κϲ και ο διδαϲκαλοϲ · και ϋμειϲ οφιλεται νιπτειν αλληλων τουϲ ποδδαϲ ·
Κατὰ Ἰωάννην 13:15
ϋποδιγμα γαρ δεδωκα υμιν · ϊνα καθωϲ εγω εποιηϲα υμιν · και υμιϲ ποιηται
Κατὰ Ἰωάννην 13:16
αμην αμην λεγω ϋμιν ουκ εϲτιν δουλοϲ μιζων του κυ αυτου · ουδε αποϲτολοϲ μειζων του πεμψαντοϲ αυτον ·
Κατὰ Ἰωάννην 13:17
ει ταυτα οιδατε μακαριοι εϲτε · εαν ποιητε αυτα :
Κατὰ Ἰωάννην 13:18
ου περι παντων ϋμων λεγω · εγω γαρ οιδα τιναϲ εξελεξαμην · αλλ ϊνα η γραφη πληρωθη · ο τρωγων μετ εμου τον αρτον · επηρκεν επ εμε την πτερναν αυτου ·
Κατὰ Ἰωάννην 13:19
απ αρτι λεγω υμιν προ του γενεϲθαι ϊνα πιϲτευϲηται οταν γενηται · οτι εγω ειμι :
Κατὰ Ἰωάννην 13:20
αμην αμην λεγω υμιν · ο λαμβανων αν τινα πεμψω . εμε λαμβανει · ο δε εμε λαμβανων · λαμβανι τον πεμψαντα με ·
Κατὰ Ἰωάννην 13:21
ταυτα ειπων ιϲ εταραχθη τω πνι και εμαρτυρηϲεν και ειπεν · αμην αμην λεγω ϋμιν οτι ειϲ εξ ϋμων παραδωϲει με ·
Κατὰ Ἰωάννην 13:22
εβλεπον ουν ουν οι ϊουδαιοι ειϲ αλληλουϲ οι μαθηται απορουμενοι περι τινοϲ λεγει ·
Κατὰ Ἰωάννην 13:23
ην δε ανακειμενοϲ ειϲ εκ των μαθητων αυτου εν τω κολπω του ιυ · ον ηγαπα ο ιϲ :
Κατὰ Ἰωάννην 13:24
νευει ουν τουτω ϲιμων πετροϲ · πυθεϲθαι · τιϲ αν ειη περι ου ελεγεν · και λεγει αυτω · ειπε τιϲ εϲτιν περι ου λεγει ·
Κατὰ Ἰωάννην 13:25
επιπεϲων ουν εκεινοϲ επι το ϲτηθοϲ του ιυ · λεγει αυτω · κε · τιϲ εϲτιν ·
Κατὰ Ἰωάννην 13:26
αποκρινεται ο ιϲ και λεγει . εκεινοϲ εϲτιν · ὡ εγω βαψαϲ το ψωμιον επιδωϲω · βαψαϲ ουν το ψωμιον διδωϲιν ϊουδα ϲιμωνοϲ ϊϲκαριωτου ·
Κατὰ Ἰωάννην 13:27
και μετα το ψωμιον ειϲηλθεν ειϲ εκεινον ο ϲαταναϲ · λεγει ουν αυτω ο ιϲ ο ποιειϲ · ποιηϲον ταχειον ·
Κατὰ Ἰωάννην 13:28
τουτο δε ουδειϲ εγνω των ανακειμενων · προϲ τι ειπεν αυτω ·

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.