Codex Sinaiticus: Κατὰ Ἰωάννην
- Κατὰ Ἰωάννην 5:36
εγω δε εχω μαρτυριαν μειζω του ϊωαννου · τα γαρ εργα · α δεδωκεν μοι ο πατηρ ϊνα τελιωϲω αυτα · αυτα τα εργα α ποιω · μαρτυρι περι εμου · οτι ο πατηρʼ εμε απεϲταλκεν ·
- Κατὰ Ἰωάννην 5:37
και ο πεμψαϲ με πατηρ · εκεινοϲ μεμαρτυρηκεν περι εμου · ουτε φωνην αυτου πωποτε ακηκοατε · ουτε ειδοϲ αυτου εωρακατε ·
- Κατὰ Ἰωάννην 5:38
και τον λογον αυτου ουκ εχετε εν ϋμιν μενοντα ˙ οτι ον απεϲτιλεν εκινοϲ · τουτω ϋμιϲ ου πιϲτευετε ·
- Κατὰ Ἰωάννην 5:39
εραυνατε ταϲ γραφαϲ οτι υμειϲ δοκειται εν αυταιϲ ζωην αιωνιον εχιν · και εκειναι ειϲιν αι μαρτυρουϲαι περι εμου ·
- Κατὰ Ἰωάννην 5:40
και ου θελετε ελθειν προϲ με ϊνα ζωην εχητε ·
- Κατὰ Ἰωάννην 5:41
δοξαν παρα ανθρωπων ου λαμβανω ·
- Κατὰ Ἰωάννην 5:42
αλλ εγνωκα ϋμαϲ οτι ουκ εχετε την αγαπην του θυ ουκ εχετε εν εαυτοιϲ ˙
- Κατὰ Ἰωάννην 5:43
εγω εληλυθα εν τω ονοματι του πατροϲ μου · και ου λαμβανετε με · εαν αλλοϲ ελθη τω ονοματι τω ϊδιω · εκεινον λημψεϲθαι ·
- Κατὰ Ἰωάννην 5:44
πωϲ δυναϲθαι ϋμιϲ πιϲτευϲαι · δοξαν παρα αλληλων λαμβανοντεϲ · και την δοξαν την παρα του μονου θυ ου ζητουντεϲ ·
- Κατὰ Ἰωάννην 5:45
μη δοκειται οτι εγω κατηγορηϲω ϋμων προϲ τον πρα ˙ εϲτιν ο κατηγορων ϋμων μωυϲηϲ · ειϲ ον ϋμειϲ ηλπικατε ·
- Κατὰ Ἰωάννην 5:46
ει γαρ επιϲτευετε μωϲει · επιϲτευετε αν εμοι · περι γαρ εμου εκεινοϲ γεγραφεν ·
- Κατὰ Ἰωάννην 5:47
ει δε τοιϲ εκεινου γραμμαϲιν ου πιϲτευεται · πωϲ τοιϲ εμοιϲ ρημαϲιν πιϲτευϲετε ·
- Κατὰ Ἰωάννην 6:1
μετα ταυτα · απηλθεν ο ιϲ περαν τηϲ θαλαϲϲηϲ τηϲ γαλιλαιαϲ τηϲ τιβεριαδοϲ ·
- Κατὰ Ἰωάννην 6:2
ηκολουθει δε αυτω πολυϲ οχλοϲ · οτι εωρων τα ϲημεια α εποιει περι των αϲθενουντων :
- Κατὰ Ἰωάννην 6:3
και απηλθεν ειϲ το οροϲ ιϲ · και εκαθεζετο μετα των μαθητων αυτου .
- Κατὰ Ἰωάννην 6:4
ην δε εγγυϲ το παϲχα · η εορτη των ϊουδαιων ·
- Κατὰ Ἰωάννην 6:5
επαραϲ ουν τουϲ οφθαλμουϲ ιϲ και θεαϲαμενοϲ οτι οχλοϲ πολυϲ ερχεται προϲ αυτον · λεγει προϲ φιλιππον ποθεν αγοραϲωμεν αρτουϲ · ϊνα ουτοι φαγωϲιν
- Κατὰ Ἰωάννην 6:6
τουτο γαρ ελεγεν πιραζων αυτον αυτοϲ δε ηδει τι εμελλε ποιειν ·
- Κατὰ Ἰωάννην 6:7
αποκρινεται ουν ο φιλιπποϲ διακοϲιων δηναριων αρτοι ουκ αρκουϲιν · ϊνα εκαϲτοϲ βραχυ τι λαβη ·
- Κατὰ Ἰωάννην 6:8
λεγει αυτω ειϲ εκ των μαθητων αυτου · ανδρεαϲ ο αδελφοϲ ϲιμωνοϲ πετρου ·
- Κατὰ Ἰωάννην 6:9
εϲτιν παιδαριον ωδε · ο εχει πεντε αρτουϲ κριθινουϲ · και δυο οψαρια · αλλα ταυτα τι εϲτιν ειϲ τοϲουτουϲ ˙
- Κατὰ Ἰωάννην 6:10
ειπεν ο ιϲ ποιηϲατε τουϲ ανθρωπουϲ αναπεϲιν · ην δε τοποϲ πολυϲ εν τω τοπω ανεπεϲαν ουν οι ανδρεϲ τον αριθμον ωϲ τριϲχιλιοι ·
- Κατὰ Ἰωάννην 6:11
ελαβεν δε τουϲ αρτουϲ ο ιϲ και ευχαριϲτηϲεν · και εδωκεν τοιϲ ανακιμενοιϲ · ομοιωϲ και εκ των οψαριων οϲον ηθελον ·
- Κατὰ Ἰωάννην 6:12
ωϲ δε ενεπληϲθηϲαν λεγι τοιϲ μαθηταιϲ αυτου · ϲυναγαγεται τα περιϲϲευϲαντα κλαϲματα · ϊνα μη τι αποληται ·
- Κατὰ Ἰωάννην 6:13
ϲυνηγαγον ουν και εγεμιϲαν δωδεκα κοφινουϲ κλαϲματων · εκ των πεντε αρτων των κριθινων · α επεριϲϲευϲεν τοιϲ βεβρωκοϲιν ·
- Κατὰ Ἰωάννην 6:14
οι ουν ανθρωποι ϊδοντεϲ ο εποιηϲεν ϲημειον ελεγον · ουτοϲ εϲτιν αληθωϲ ο προφητηϲ ο ειϲ τον κοϲμον ερχομενοϲ ˙
- Κατὰ Ἰωάννην 6:15
ιϲ ουν γνουϲ οτι μελλουϲιν ερχεϲθαι και αρπαζειν αυτον και αναδικνυναι βαϲιλεα φευγει παλιν ειϲ το οροϲ μονοϲ αυτοϲ ·
- Κατὰ Ἰωάννην 6:16
ωϲ δε οψια εγενετο · κατεβηϲαν οι μαθηται αυτου επι την θαλαϲϲαν ·
- Κατὰ Ἰωάννην 6:17
και εμβαντεϲ ειϲ πλοιον · ερχονται περαν τηϲ θαλαϲϲηϲ ειϲ καφαρναουμ ˙ κατελαβεν δε αυτουϲ η ϲκοτια και ουπω εληλυθει ιϲ προϲ αυτουϲ ·
- Κατὰ Ἰωάννην 6:18
η τε θαλαϲϲα ανεμου μεγαλου πνεοντοϲ διηγειρετο ·
- Κατὰ Ἰωάννην 6:19
εληλακοτεϲ ουν ωϲ ϲταδια εικοϲιπεντε · η τριακοντα θεωρουϲιν τον ιν περιπατουντα επι τηϲ θαλαϲϲηϲ και εγγυϲ του πλοιου γινομενον · και εφοβηθηϲαν
- Κατὰ Ἰωάννην 6:20
και λεγει αυτοιϲ εγω ειμι μη φοβιϲθαι ·
- Κατὰ Ἰωάννην 6:21
ηλθον ουν λαβιν αυτον ειϲ το πλοιον · και ευθεωϲ το πλοιον εγενετο επι την γην ειϲ ην ϋπηντηϲεν :
- Κατὰ Ἰωάννην 6:22
τη επαυριον ο οχλοϲ ο εϲτωϲ περαν τηϲ θαλαϲϲηϲ ειδεν οτι πλοιαριον αλλο ουκ ην εκει ει μη εν κεινο ειϲ ο ενεβηϲαν οι μαθηται του ιυ και οπου ϲυνεληλυθι αυτοιϲ ο ιϲ ειϲ το πλοιαν αλλα μονοι οι μαθηται αυτου
- Κατὰ Ἰωάννην 6:23
επελθοντων ουν των πλοιων εκ τιβεριαδοϲ εγγυϲ ουϲηϲ οπου και εφαγον αρτον ευχαριϲτηϲαντοϲ του κυ
- Κατὰ Ἰωάννην 6:24
και ϊδοντεϲ οτι ουκ ην εκει ο ιϲ ουδε οι μαθηται ανεβηϲαν ειϲ το πλοιον και ηλθον ειϲ καφαρναουμ · ζητουντεϲ τον ιν
- Κατὰ Ἰωάννην 6:25
και ευροντεϲ αυτον περαν τηϲ θαλαϲϲηϲ ειπον αυτω ραββει · ποτε ωδε ηλθεϲ ·
- Κατὰ Ἰωάννην 6:26
απεκριθη αυτοιϲ ιϲ και ειπεν αμην αμην λεγω ϋμιν ουχ οτι ειδετε ϲημια · αλλ οτι εφαγετε εκ των αρτων και εχορταϲθητε :
- Κατὰ Ἰωάννην 6:27
εργαζεϲθαι βρωϲιν · μη την απολλυμενην · αλλα την μενουϲαν ειϲ ζωην αιωνιον · ην ο ϋϊοϲ του ανθρωπου διδωϲιν ϋμιν · τουτον γαρʼ ο πατηρ ο θϲ ·
- Κατὰ Ἰωάννην 6:28
ειπον ουν προϲ αυτον · τι ποιωμεν · ϊν εργαζωμεθα τα εργα του θυ ·
- Κατὰ Ἰωάννην 6:29
απεκριθη ιϲ και ειπεν αυτοιϲ · τουτο εϲτιν το εργον του θυ ϊνα πιϲτευηται ειϲ ον απεϲτιλεν εκεινοϲ ·
- Κατὰ Ἰωάννην 6:30
ειπον ουν αυτω · τι ποιειϲ ϲημιον ϲυ · ϊνα ειδωμεν και πιϲτευϲωμεν ϲοι · τι εργαζη ·
- Κατὰ Ἰωάννην 6:31
οι πατερεϲ ημων το μαννα εφαγον εν τη ερημω καθωϲ εϲτιν γεγραμμενον εκ του ουρανου δεδωκεν αυτοιϲ φαγειν ·
- Κατὰ Ἰωάννην 6:32
ειπεν ουν αυτοιϲ ο ιϲ αμην αμην λεγω ϋμιν · ου μωυϲηϲ δεδωκεν υμιν τον αρτον εκ του ουρανου · αλλ ο πατηρʼ μου διδωϲιν ϋμιν τον αρτον εκ του ουρανου τον αληθινον ·
- Κατὰ Ἰωάννην 6:33
ο γαρ αρτοϲ ο του θυ εϲτιν ο καταβαινων εκ του ουρανου · και ζωην διδουϲ τω κοϲμω ·
- Κατὰ Ἰωάννην 6:34
ειπον ουν προϲ αυτον · παντοτε κε δοϲ ημιν τον αρτον τουτον ·
- Κατὰ Ἰωάννην 6:35
ειπεν ουν αυτοιϲ ο ιϲ εγω ειμι ο αρτοϲ τηϲ ζωηϲ · ο ερχομενοϲ προϲ εμε · ου μη πιναϲη · και ο πιϲτευων ειϲ εμε ου μη διψηϲει πωποτε ·
- Κατὰ Ἰωάννην 6:36
αλλ ειπον υμιν οτι και εωρακατε και ου πιϲτευεται ·
- Κατὰ Ἰωάννην 6:37
παν ο διδωϲιν μοι ο πατηρʼ προϲ εμε ηξει · και τον ερχομενον προϲ εμε ου μη εκβαλω
- Κατὰ Ἰωάννην 6:38
οπου καταβεβηκα εκ του ουρανου ινα ποιηϲω το θελημα το εμον αλλα το θελημα του πεμψαντοϲ με
- Κατὰ Ἰωάννην 6:39
ϊνα παν ο δεδωκεν μοι μη απολεϲω εξ αυτου αλλα αναϲτηϲω αυτο εν τη εϲχατη ημερα ·
- Κατὰ Ἰωάννην 6:40
τουτο γαρ εϲτιν το θελημα του πατροϲ μου · ϊνα παϲ ο θεωρων τον υν και πιϲτευων ειϲ αυτον εχη ζωην αιωνιον · και αναϲτηϲω αυτον εγω εν τη εϲχατη ημερα ·
- Κατὰ Ἰωάννην 6:41
εγογγυζον ουν οι ϊουδαιοι περι αυτου · οτι ειπεν εγω ειμι ο αρτοϲ ο καταβαϲ εκ του ουρανου ·
- Κατὰ Ἰωάννην 6:42
και ελεγον ουχ ουτοϲ εϲτιν ιϲ ο υϲ ϊωϲηφʼ ὁυ ημιϲ οιδαμεν και τον πατερα πωϲ ουν ουτοϲ λεγει εγω εκ του ουρανου καταβεβηκα ˙
- Κατὰ Ἰωάννην 6:43
απεκριθη ουν ιϲ αυτοιϲ και ειπεν · μη γογγυζεται μετ αλληλων ·
- Κατὰ Ἰωάννην 6:44
ουδιϲ δυναται ελθιν προϲ με εαν μη ο πατηρʼ ο πεμψαϲ με ελκυϲη αυτον · καγω αναϲτηϲω αυτον τη εϲχατη ημερα ·
- Κατὰ Ἰωάννην 6:45
εϲτι γεγραμμενον εν τοιϲ προφηταιϲ · και εϲονται παντεϲ διδακτοι θυ · παϲ ο ακουϲαϲ παρα του πατροϲ και μαθων · ερχεται προϲ εμε ·
- Κατὰ Ἰωάννην 6:46
ουχ οτι τον πατερα εωρακεν τιϲ · ει μη ο ων παρα του πατροϲ · ουτοϲ εωρακεν τον θν
- Κατὰ Ἰωάννην 6:47
αμην αμην λεγω ϋμιν οτι ο πιϲτευων εχει ζωην αιωνιον :
- Κατὰ Ἰωάννην 6:48
εγω ειμι ο αρτοϲ τηϲ ζωηϲ ·
- Κατὰ Ἰωάννην 6:49
οι πατερεϲ ϋμων εφαγον το μαννα εν τη ερημω · και απεθανον ·
- Κατὰ Ἰωάννην 6:50
ουτοϲ εϲτιν ο αρτοϲ ο εκ του ουρανου καταβαινων · ϊνα τιϲ εξ αυτου φαγη και μη αποθανη :
- Κατὰ Ἰωάννην 6:51
εγω ειμι ο αρτοϲ ο ζων ο εκ του ουρανου καταβαϲ · εαν τιϲ φαγη εκ του εμου αρτου · ζηϲει ειϲ τον αιωνα ο αρτοϲ ον εγω δωϲω ϋπερ τηϲ του κοϲμου ζωηϲ η ϲαρξ μου εϲτιν ·
- Κατὰ Ἰωάννην 6:52
εμαχοντο ουν προϲ αλληλουϲ οι ϊουδαιοι λεγοντεϲ · πωϲ ουν δυναται ημιν ουτοϲ δουναι την ϲαρκα φαγιν ·
- Κατὰ Ἰωάννην 6:53
ειπεν ουν αυτοιϲ ο ιϲ · αμην αμην λεγω υμιν · αν μη φαγηται την ϲαρκα του υυ του ανθρωπου · και πιητε το αιμα αυτου · ουκ εχετε ζωην αιωνιον εν εαυτοιϲ ·
- Κατὰ Ἰωάννην 6:54
ο τρωγων μου την ϲαρκα και πινων μου το αιμα εχει ζωην αιωνιον · καγω αναϲτηϲω αυτον τη εϲχατη ημερα :
- Κατὰ Ἰωάννην 6:55
η γαρ ϲαρξ μου αληθωϲ εϲτι ποτον ·
- Κατὰ Ἰωάννην 6:56
ο τρωγων μου την ϲαρκα και πινων μου το αιμα εν εμοι μενει καγω εν αυτω ·
- Κατὰ Ἰωάννην 6:57
καθωϲ απεϲτιλεν με ο ζων πηρ · καγω ζω δια τον πρα · και ο τρωγων με κακεινοϲ ζηϲει δι εμε ·
- Κατὰ Ἰωάννην 6:58
εϲτιν ο αρτοϲ ο εκ του ουρανου καταβαινων · ου καθωϲ οι πατερεϲ εφαγον και απεθανον · ο τρωγων τουτον τον αρτον · ζηϲει ειϲ τον αιωνα :
- Κατὰ Ἰωάννην 6:59
ταυτα ειπεν εν ϲυναγωγη διδαϲκων εν καφαρναουμ ˙
- Κατὰ Ἰωάννην 6:60
πολλοι ουν ακουϲαντεϲ εκ των μαθητων αυτου ειπον · ϲκληροϲ εϲτιν ο λογοϲ ουτοϲ · τιϲ δυναται αυτου ακουειν
- Κατὰ Ἰωάννην 6:61
εγνω ουν ιϲ εν εαυτω οτι γογγυζουϲιν περι τουτου οι μαθηται αυτου · και ειπεν αυτοιϲ : τουτο ϋμαϲ ϲκανδαλιζι ·
- Κατὰ Ἰωάννην 6:62
εαν θεωρηται αναβενοντα τον υν του ανθρωπου οπου ην το προτερον ·
- Κατὰ Ἰωάννην 6:63
πνα εϲτιν το ζωοποιουν · η ϲαρξʼ ουκ ωφελει ουδεν · τα ρηματα α εγω λελαληκα ϋμιν · πνα εϲτιν και ζωη ·
- Κατὰ Ἰωάννην 6:64
αλλ εξ ϋμων ειϲιν τινεϲ · οι ου πιϲτευουϲιν : ηδει γαρ απ αρχηϲ ο ϲωτηρʼ τινεϲ ειϲιν οι πιϲτευοντεϲ · και ην ο μελλων αυτον παραδιδοναι ·
- Κατὰ Ἰωάννην 6:65
και ελεγεν · δια τουτο ειρηκα ϋμιν οτι ουδιϲ δυναται ελθειν προϲ εμε · εαν μη ῆ δεδομενον εκ του πατροϲ ·
- Κατὰ Ἰωάννην 6:66
εκ τουτου ουν πολλοι των μαθητων απηλθον ειϲ τα οπιϲω · και ουκετι μετ αυτου περιεπατουν ·
- Κατὰ Ἰωάννην 6:67
ειπεν ουν ο ιϲ τοιϲ δωδεκα · μη και ϋμιϲ θελεται ϋπαγειν ·
- Κατὰ Ἰωάννην 6:68
απεκριθη αυτω ϲιμων πετροϲ κε · προϲ τινα απελευϲομεθα · ρηματα ζωηϲ αιωνιου εχειϲ ·
- Κατὰ Ἰωάννην 6:69
και ημιϲ πεπιϲτευκαμεν και εγνωκαμεν · οτι ϲυ ει ο αγιοϲ του θυ ·
- Κατὰ Ἰωάννην 6:70
απεκριθη ιϲ και ειπεν αυτοιϲ · ουχι εγω ϋμαϲ εξελεξαμην δωδεκα και εξ ϋμων διαβολοϲ εϲτιν ·
- Κατὰ Ἰωάννην 6:71
ελεγεν δε ϊουδαν ϲιμωνοϲ απο καρυωτου · ουτοϲ γαρ και εμελλον αυτον παραδιδοναι · ειϲ ων εκ των δωδεκα :
- Κατὰ Ἰωάννην 7:1
μετα ταυτα περιεπατει ο ιϲ εν τη γαλιλαια · ου γαρ ηθελεν εν τη ϊουδαια περιπατειν · οτι εζητουν αυτον οι ϊουδαιοι αποκτιναι :
- Κατὰ Ἰωάννην 7:2
ην δε εγγυϲ η εορτη των ϊουδαιων η ϲκηνοπηγια ·
- Κατὰ Ἰωάννην 7:3
ειπον ουν οι αδελφοι αυτου προϲ αυτον ˙ μεταβηθι εντευθεν · και ϋπαγε ειϲ την ϊουδαιαν · ϊνα και οι μαθηται ϲου θεωρουϲιν τα εργα α ποιειϲ ·
- Κατὰ Ἰωάννην 7:4
ουδιϲ γαρ τι εν κρυπτω ποιων ζητι αυτοϲ εν παρρηϲια ειναι · ει ταυτα ποιειϲ φανερωϲον ϲεαυτον τω κοϲμω ·
- Κατὰ Ἰωάννην 7:5
ουδε γαρ οι αδελφοι αυτου επιϲτευον ειϲ αυτον ˙
- Κατὰ Ἰωάννην 7:6
λεγει αυτοιϲ ιϲ ο καιροϲ ο εμοϲ ου παρεϲτιν · ο δε καιροϲ ο ϋμετεροϲ · παντοτε εϲτιν ετοιμοϲ ·
- Κατὰ Ἰωάννην 7:7
ο κοϲμοϲ ου δυναται μιϲειν ϋμαϲ · εμε δε μιϲει οτι μαρτυρω · οτι τα εργα αυτου πονηρα εϲτιν ·
- Κατὰ Ἰωάννην 7:8
ϋμειϲ αναβηται ειϲ την εορτην ταυτην ˙ εγω ουκ αναβαινω ειϲ την εορτην ταυτην · οτι εμοϲ καιροϲ ουπω πεπληρωται ˙
- Κατὰ Ἰωάννην 7:9
ταυτα ειπων · αυτοϲ εμινεν εν τη γαλιλαια ·
- Κατὰ Ἰωάννην 7:10
ωϲ δε ανεβηϲαν οι αδελφοι αυτου ειϲ την εορτην · τοτε και αυτοϲ ανεβη · ου φανερωϲ · αλλ εν κρυπτω ˙
- Κατὰ Ἰωάννην 7:11
οι ουν ϊουδαιοι εζητουν αυτον εν τη εορτη · και ελεγον που εϲτιν εκινοϲ ˙
- Κατὰ Ἰωάννην 7:12
και γογγυϲμοϲ πολυϲ ην περι αυτου εν τω οχλω · οι μεν ελεγον · οτι αγαθοϲ εϲτιν · αλλοι ελεγον · ου · αλλα πλανα τον οχλον ·
- Κατὰ Ἰωάννην 7:13
ουδιϲ μεντοι παρρηϲια περι αυτου ελαλει δια τον φοβον των ϊουδαιων ·
- Κατὰ Ἰωάννην 7:14
ηδη δε τηϲ ερτηϲ μεϲουϲηϲ · ανεβη ιϲ ειϲ το ϊερον και εδιδαϲκεν
- Κατὰ Ἰωάννην 7:15
εθαυμαζον ουν οι ϊουδαιοι λεγοντεϲ · πωϲ ουτοϲ γραμματα οιδεν · μη μεμαθηκωϲ ·
- Κατὰ Ἰωάννην 7:16
απεκριθη ουν αυτοιϲ ιϲ και ειπεν · η εμη διδαχη ουκ εϲτιν εμη · αλλα του πεμψαντοϲ με ˙
- Κατὰ Ἰωάννην 7:17
εαν τιϲ θελη το θελημα αυτου ποιειν · γνωϲεται περι τηϲ διδαχηϲ ποτερον εκ θυ εϲτιν · η εγω απ εμαυτου λαλω ·
← Previous · Next → — showing 201–300 of 861
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.