← All works
Codex Sinaiticus: Πράξεις Ἀποστόλων Codex Sinaiticus · 1,002 sections
Single column Two columns
Πράξεις Ἀποστόλων 20:1 μετα δε το παυϲαϲθαι τον θορυβον μεταπεμψαμενοϲ ο παυλοϲ τουϲ μαθηταϲ και παρακαλεϲαϲ και αϲπαϲαμενοϲ εξηλθεν πορευεϲθαι ειϲ μακαιδονιαν ·
Πράξεις Ἀποστόλων 20:2 διελθων δε τα μερη εκεινα και παρακαλεϲαϲ αυτουϲ λογω πολλω ηλθεν ειϲ την ελλαδα
Πράξεις Ἀποστόλων 20:3 ποιηϲαϲ τε μηναϲ τρειϲ γενομενηϲ επιβουληϲ αυτω ϋπο των ιουδαιων μελλοντι αναγεϲθαι ειϲ την ϲυριαν εγενετο γνωμηϲ του ϋποϲτρεφιν δια μακεδονιαϲ
Πράξεις Ἀποστόλων 20:4 ϲυνειπετο δε αυτω ϲωπατροϲ πυρρου βεροιοϲ θεϲϲαλονικαιων δε αριϲταρχοϲ και ϲεκουνδοϲ και γαιοϲ δερβαιοϲ και τιμοθεοϲ αϲιανοι δε τυχικοϲ και τροφιμοϲ
Πράξεις Ἀποστόλων 20:5 ουτοι δε προϲελθοντεϲ εμεινον ημαϲ εν τρωαδει
Πράξεις Ἀποστόλων 20:6 ημειϲ δε εξεπλευϲαμεν μετα ταϲ ημεραϲ των αζυμων απο φιλιππων και ηλθομεν προϲ αυτουϲ ειϲ την τρωαδα απο ημερων πεντε οπου διετριψαμεν ημεραϲ επτα
Πράξεις Ἀποστόλων 20:7 εν δε τη μια των ϲαββατων ϲυνηγμενων ημων κλαϲαι αρτον ο παυλοϲ διελεγετο αυτοιϲ μελλων εξιεναι τη επαυριον · παρετινεν τε τον λογον μεχρι μεϲονυκτιου
Πράξεις Ἀποστόλων 20:8 ηϲαν δε λαμπαδεϲ ϊκαναι εν τω ϋπερωω ου ημεν ϲυνηγμενοι ·
Πράξεις Ἀποστόλων 20:9 καθεζομενοϲ δε τιϲ νεανιαϲ ονοματι ευτυχοϲ επι τηϲ θυριδοϲ καταφερομενοϲ ϋπνω βαθει διαλεγομενου του παυλου επι πλιον κατενεχθειϲ απο του ϋπνου επεϲεν απο του τριϲτεγου κατω και ηρθη νεκροϲ ˙
Πράξεις Ἀποστόλων 20:10 καταβαϲ δε ο παυλοϲ επεπεϲεν αυτω και ϲυνπεριλαβων ειπεν μη θορυβειϲθε η γαρ ψυχη αυτου εν αυτω εϲτιν ·
Πράξεις Ἀποστόλων 20:11 αναβαϲ δε και κλαϲαϲ τον αρτον και γευϲαμενοϲ εφ ικανον τε ομιληϲαϲ αχρι αυτηϲ ουτωϲ εξηλθεν
Πράξεις Ἀποστόλων 20:12 ηγαγον δε τον παιδα ζωντα και παρεκληθηϲαν ου μετριωϲ
Πράξεις Ἀποστόλων 20:13 ημειϲ δε προελθοντεϲ επι το πλοιον ανηχθημεν επι την αϲϲον εκειθεν μελλοντεϲ αναλαμβανιν τον παυλον ουτωϲ γαρ διατεταγμενοϲ ην μελλων αυτοϲ πεζευειν
Πράξεις Ἀποστόλων 20:14 ωϲ δε ϲυνεβαλλον ημιν επι την αϲϲον αναλαβοντεϲ αυτον ηλθομεν ειϲ μιτυληνην
Πράξεις Ἀποστόλων 20:15 κακειθεν αποπλευϲαντεϲ τη επιουϲη κατηντηϲαμεν αντικρυϲ χιου τη δε ετερα παρεβαλομεν ειϲ ϲαμον · τη δε εχομενη ηλθομεν ειϲ μιλητον
Πράξεις Ἀποστόλων 20:16 κεκρικει γαρ ο παυλοϲ παραπλευϲαι την εφεϲον οπωϲ μη γενηται αυτω χρονοτριβηϲαι εν τη αϲια · εϲπευδεν γαρ ει δυνατον ειη αυτω την ημεραν τηϲ πεντηκοϲτηϲ γενεϲθαι ειϲ ιερουϲαλημ
Πράξεις Ἀποστόλων 20:17 απο δε τηϲ μιλητου πεμψαϲ ειϲ εφεϲον μετεκαλεϲατο τουϲ πρεϲβυτερουϲ τηϲ εκκληϲιαϲ
Πράξεις Ἀποστόλων 20:18 ωϲ δε παρεγενοντο προϲ αυτον ειπεν αυτοιϲ ϋμειϲ επιϲταϲθαι απο πρωτηϲ ημεραϲ αφ ηϲ επεβην ειϲ την αϲιαν πωϲ μεθ υμων τον παντα χρονον εγενομην
Πράξεις Ἀποστόλων 20:19 δουλευων τω κω μετα παϲηϲ ταπινοφροϲυνηϲ και δακρυων και πιραϲμων των ϲυμβαντων μοι εν ταιϲ επιβουλαιϲ των ϊουδαιων
Πράξεις Ἀποστόλων 20:20 ωϲ ουδεν ϋπεϲτιλαμην των ϲυμφεροντων του μη αναγγιλαι ϋμιν και διδαξαι ϋμαϲ δημοϲια και κατ οικουϲ
Πράξεις Ἀποστόλων 20:21 διαμαρτυρομενοϲ ϊουδαιοιϲ τε και ελληϲι την ειϲ θν μετανοιαν και πιϲτιν ειϲ τον κν ημων ιν χν
Πράξεις Ἀποστόλων 20:22 και νυν ϊδου δεδεμενοϲ εγω τω πνι πορευομε ειϲ ϊερουϲαλημ τα εν αυτη ϲυναντηϲοντα εμοι μη ειδωϲ ·
Πράξεις Ἀποστόλων 20:23 πλην οτι το πνα το αγιον κατα πολιν διαμαρτυρεται μοι λεγον οτι δεϲμα και θλιψιϲ με μενουϲιν
Πράξεις Ἀποστόλων 20:24 αλλ ουδενοϲ λογου ποιουμαι την ψυχην τιμιαν εμαυτω ωϲ τελιωϲω τον δρομον μου και την διακονιαν ην ελαβον παρα του κυ ιυ διαμαρτυραϲθαι το ευαγγελιον τηϲ χαριτοϲ του θυ
Πράξεις Ἀποστόλων 20:25 και νυν ϊδου εγω οιδα οτι ουκ οψεϲθε το προϲωπον μου ϋμειϲ παντεϲ εν οιϲ διηλθον κηρυϲϲων την βαϲιλειαν
Πράξεις Ἀποστόλων 20:26 διοτι μαρτυρομαι υμιν εν τη ϲημερον ημερα οτι καθαροϲ ειμι απο του αιματοϲ παντων
Πράξεις Ἀποστόλων 20:27 ου γαρ ϋπεϲτιλαμην του μη αναγγιλαι παϲαν την βουλην του θυ ϋμιν
Πράξεις Ἀποστόλων 20:28 προϲεχετε εαυτοιϲ και παντι τω ποιμνιω εν ω ϋμαϲ το πνα το αγιον εθετο επιϲκοπουϲ ποιμενιν την εκκληϲιαν του θυ ην περιεποιηϲατο δια του αιματοϲ του ϊδιου
Πράξεις Ἀποστόλων 20:29 εγω οιδα οτι ειϲελευϲονται μετα την αφιξιν μου λυκοι βαριϲ ειϲ υμαϲ μη φιδομενοι του ποιμνιου
Πράξεις Ἀποστόλων 20:30 και εξ υμων αυτων αναϲτηϲονται ανδρεϲ λαλουντεϲ διεϲτραμμενα του αποϲπαν τουϲ μαθηταϲ οπιϲω εαυτων
Πράξεις Ἀποστόλων 20:31 διο γρηγοριται μνημονευοντεϲ οτι τριετιαν νυκτα και ημεραν ουκ επαυϲαμην μετα δακρυων νουθετων ενα εκαϲτον
Πράξεις Ἀποστόλων 20:32 και τα νυν παρατιθεμαι ϋμιν τω θω και τω λογω τηϲ χαριτοϲ αυτου τω δυναμενω οικοδομηϲαι και δουναι την κληρονομιαν εν τοιϲ ηγιαϲμενοιϲ παϲιν
Πράξεις Ἀποστόλων 20:33 αργυριου · η χρυϲιου · η ϊματιϲμου ουθενοϲ επεθυμηϲα
Πράξεις Ἀποστόλων 20:34 αυτοι γινωϲκετε οτι ταιϲ χριαιϲ μου και τοιϲ ουϲι μετ εμου ϋπηρετηϲαν αι χιρεϲ αυται ·
Πράξεις Ἀποστόλων 20:35 παντα ϋπεδειξα υμιν οτι ουτωϲ κοπιωνταϲ δει αντιλαμβανεϲθαι των αϲθενουντων μνημονευειν τε των λογων του κυ ιυ οτι αυτοϲ ειπεν · μακαριον εϲτιν μαλλον διδοναι η λαμβανιν ·
Πράξεις Ἀποστόλων 20:36 και ταυτα ειπων θιϲ τα γονατα αυτου ϲυν παϲιν αυτοιϲ προϲηϋξατο
Πράξεις Ἀποστόλων 20:37 ϊκανοϲ τε κλαυθμοϲ εγενετο παντων και επιπεϲοντεϲ επι τον τραχηλον του παυλου κατεφιλων αυτον
Πράξεις Ἀποστόλων 20:38 οδυνωμενοι μαλιϲτα επι τω λογω ω ειρηκει οτι ουκετι μελλουϲιν το προϲωπον αυτου θεωριν προεπεμπον δε αυτον ειϲ το πλοιον
Πράξεις Ἀποστόλων 21:1 ωϲ δε εγενετο αναχθενταϲ ημαϲ αποϲπαϲθενταϲ απ αυτων ευθυδρομηϲαντεϲ ηλθομεν ειϲ την κω τη δε εξηϲ ειϲ την ροδον κακειθεν ειϲ παταρα
Πράξεις Ἀποστόλων 21:2 και ευροντεϲ πλοιον διαπερων ειϲ φοινικην επιβαντεϲ ανηχθημεν ·
Πράξεις Ἀποστόλων 21:3 αναφαναντεϲ δε την κυπρον και καταλιποντεϲ αυτην ευωνυμον επλεομεν ειϲ ϲυριαν και κατηλθομεν ειϲ τυρον εκειϲε γαρ το πλοιον ην αποφορτιζομενον τον γομον ·
Πράξεις Ἀποστόλων 21:4 ανευροντεϲ δε τουϲ μαθηταϲ επεμιναμεν αυτου ημεραϲ επτα οιτινεϲ τω παυλω ελεγον δια του πνϲ μη επιβαινιν ϊϲ ιεροϲολυμα ·
Πράξεις Ἀποστόλων 21:5 οτε δε εγενετο ημαϲ εξαρτιϲαι ταϲ ημεραϲ εξελθοντεϲ επορευομεθα προπεμποντων ημαϲ παντων ϲυν γυναιξι και τεκνοιϲ εξω τηϲ πολεωϲ και θεντεϲ τα γονατα προϲευξαμενοι επι τον αιγιαλον προϲευξαμενοι
Πράξεις Ἀποστόλων 21:6 απηϲπαϲαμεθα αλληλουϲ και ανεβημεν ειϲ το πλοιον εκεινοι δε ϋπεϲτρεψαν ειϲ τα ϊδια
Πράξεις Ἀποστόλων 21:7 ημειϲ δε τον πλουν διανυϲαντεϲ απο τυρου κατηντηϲαμεν ειϲ πτολεμαϊδαν και αϲπαϲαμενοι τουϲ αδελφουϲ εμιναμεν ημεραν μιαν παρ αυτοιϲ ·
Πράξεις Ἀποστόλων 21:8 τη δε επαυριον εξελθοντεϲ ϲ ηλθομεν ειϲ καιϲαριαν και ειϲελθοντεϲ ειϲ τον οικον φιλιππου του ευαγγελιϲτου οντοϲ εκ των επτα εμειναμεν παρ αυτω
Πράξεις Ἀποστόλων 21:9 τουτω δε ηϲαν θυγατερεϲ τεϲϲαρεϲ παρθενοι προφητευουϲαι ·
Πράξεις Ἀποστόλων 21:10 επιμενοντων δε αυτων ημεραϲ πλειουϲ κατηλθεν τιϲ απο τηϲ ϊουδαιαϲ προφητηϲ ονοματι αγαβοϲ
Πράξεις Ἀποστόλων 21:11 και ελθων προϲ ημαϲ και αραϲ την ζωνην του παυλου δηϲαϲ εαυτου τουϲ ποδαϲ και ταϲ χιραϲ ειπεν ταδε λεγι το πνα το αγιον τον ανδρα ου εϲτιν η ζωνη αυτη ουτωϲ δηϲουϲιν εν ϊερουϲαλημ οι ϊουδαιοι και παραδωϲουϲιν ειϲ ταϲ χιραϲ εθνων ·
Πράξεις Ἀποστόλων 21:12 ωϲ δε ηκουϲαμεν ταυτα παρεκαλουμεν ημιϲ τε και οι εντοπιοι του μη αναβαινιν αυτον ειϲ ιερουϲαλημʼ ·
Πράξεις Ἀποστόλων 21:13 τοτε απεκριθη ο παυλοϲ και ειπεν τι ποιειτε ϲυνθρυπτοντεϲ μου την καρδιαν εγω γαρ ου μονον δεθηναι αλλα και αποθανιν εν ϊερουϲαλημʼ · ετοιμωϲ εχω ϋπερ του ονοματοϲ του κυ ιυ ·
Πράξεις Ἀποστόλων 21:14 μη πιθομενου δε αυτου ηϲυχαϲαμεν ειποντεϲ του κυ το θελημα γεινεϲθω ·
Πράξεις Ἀποστόλων 21:15 μετα δε ταϲ ημεραϲ ταυταϲ επιϲκευαϲαμενον ειϲ ϊεροϲολυμα
Πράξεις Ἀποστόλων 21:16 ϲυνηλθον δε και των μαθητων απο καιϲαριαϲ ϲυν ημιν αγοντεϲ παρ ω ξενιϲθωμεν ϊαϲονι τινι κυπριω αρχαιω μαθητη ·
Πράξεις Ἀποστόλων 21:17 γενομενων δε ημων ιϲ ιεροϲολυμα αϲμενωϲ απεδεξαντο ημαϲ οι αδελφοι
Πράξεις Ἀποστόλων 21:18 τη τε επιουϲη ειϲηει ο παυλοϲ ϲυν ημιν προϲ ϊακωβον παντεϲ τε παρεγενοντο οι πρεϲβυτεροι
Πράξεις Ἀποστόλων 21:19 και αϲπαϲαμενοϲ αυτουϲ εξηγειτο καθ εν εκαϲτον ων εποιηϲεν ο θϲ εν τοιϲ εθνεϲιν τηϲ διακονιαϲ αυτου ·
Πράξεις Ἀποστόλων 21:20 οι δε ακουϲαντεϲ εδοξαϲαν τον θν ειπαν τε αυτω θεωριϲ αδελφε ποϲαι μυριαδεϲ ειϲιν των πεπιϲτευκοτων και παντεϲ ζηλωται του νομου υπαρχουϲιν
Πράξεις Ἀποστόλων 21:21 κατηχηθηϲαν περι ϲου οτι αποϲταϲιαν διδαϲκιϲ απο μωυϲεωϲ τουϲ κατα τα εθνη πανταϲ ϊουδαιουϲ λεγω μη περιτεμνιν αυτουϲ τα τεκνα μηδε τοιϲ εθεϲιν περιπατιν
Πράξεις Ἀποστόλων 21:22 τι ουν εϲτιν παντωϲ δει ϲυνελθειν πληθοϲ ακουϲονται εληλυθαϲ
Πράξεις Ἀποστόλων 21:23 τουτο ουν ποιηϲον ο ϲοι λεγομεν ειϲιν ημιν ανδρεϲ τεϲϲαρεϲ ευχην εχοντεϲ αφ εαυτων
Πράξεις Ἀποστόλων 21:24 τουτουϲ παραλαβων αγνιϲθητι ϲυν αυτοιϲ και δαπανηϲον επ αυτοιϲ ϊνα ξυρηϲονται την κεφαλην και γνωϲονται παντεϲ οτι ων κατηχηνται περι ϲου ουδεν εϲτιν αλλα ϲτοιχειϲ και αυτοϲ φυλαϲϲων τον νομον ·
Πράξεις Ἀποστόλων 21:25 περι δε των πεπιϲτευκοτων εθνων ημειϲ επεϲτιλαμεν κριναντεϲ φυλαϲϲεϲθαι αυτουϲ το τε ειδωλοθυτον και αιμα και πνικτον και πορνιαν
Πράξεις Ἀποστόλων 21:26 τοτε ο παυλοϲ παραλαβων τουϲ ανδραϲ τη εχομενη ημερα ϲυν αυτοιϲ αγνιϲθειϲ ειϲηει ειϲ το ϊερον διαγγελλων την εκπληρωϲιν των ημερων του αγνιϲμου εωϲ ου προϲηνεχθη ϋπερ ενοϲ εκαϲτου αυτων η προϲφορα
Πράξεις Ἀποστόλων 21:27 ωϲ δε εμελλον αι επτα ημεραι ϲυντελιϲθαι οι απο τηϲ αϲιαϲ ϊουδαιοι θεαϲαμενοι αυτον εν τω ϊερω ϲυνεχεον παντα τον οχλον και επεβαλαν επ αυτον ταϲ χιραϲ
Πράξεις Ἀποστόλων 21:28 κραζοντεϲ ανδρεϲ ϊϲδραηλειται βοηθιται ουτοϲ εϲτιν ο ανθρωποϲ ο κατα του λαου και του νομου και του τοπου τουτουϲ πανταϲ πανταχη διδαϲκων ετι τε και ελληναϲ ειϲηγαγεν ειϲ το ϊερον και κεκοινωνκεν τον αγιον τοπον τουτον
Πράξεις Ἀποστόλων 21:29 ηϲαν γαρ προεωρακοτεϲ τροφιμον εφεϲιον εν τη πολει ϲυν αυτω ον ενομιζον οτι ειϲ το ϊερον ειϲηγαγεν ο παυλοϲ ·
Πράξεις Ἀποστόλων 21:30 εκεινηθη τε η πολιϲ ολη και εγενετο ϲυνδρομη του λαου και επιλαβομενοι του παυλου ειλκον αυτον εξω του ϊερου εκλιϲθη ευθεωϲ ·
Πράξεις Ἀποστόλων 21:31 ζητουντων τε αυτον αποκτιναι ανεβη φαϲιϲ τω χιλιαρχω τηϲ ϲπιρηϲ οτι ολη ϲυνχυννεται ϊηλμʼ
Πράξεις Ἀποστόλων 21:32 οϲ εξαυτηϲ παραλαβων ϲτρατιωταϲ και εκατονταρχαϲ κατεδραμεν επ αυτουϲ οι δε ϊδοντεϲ τον χιλιαρχον και τουϲ ϲτρατιωταϲ επαυϲαντο τυπτοντεϲ τον παυλον
Πράξεις Ἀποστόλων 21:33 τοτε εγγιϲαϲ ο χιλιαρχοϲ επελαβετο αυτου και εκελευϲε δεθηναι αλυϲεϲι δυϲι και επυνθανετο τιϲ ειη και τι εϲτιν πεποιηκωϲ
Πράξεις Ἀποστόλων 21:34 αλλοι δε αλλο τι επεφωνουν εν τω οχλω μη δυναμενου δε αυτου γνωναι το αϲφαλεϲ δια τον θορυβον εκελευϲεν αγεϲθαι αυτον ειϲ την παρεμβολην
Πράξεις Ἀποστόλων 21:35 οτε δε εγενετο επι τουϲ αναβαθμουϲ ϲυνεβη βαϲταζεϲθαι αυτον ϋπο των ϲτρατιωτων δια την βιαν του οχλου
Πράξεις Ἀποστόλων 21:36 ηκολουθι γαρ το πληθοϲ του λαου κραζοντεϲ αιρε αυτον
Πράξεις Ἀποστόλων 21:37 μελλων τε ειϲαγεϲθαι ειϲ την παρεμβολην ο παυλοϲ λεγει τω χιλιαρχω ει εξεϲτιν μοι ειπειν τι προϲ ϲε ˙ ο δε εφη ελληνιϲτι γινωϲκιϲ
Πράξεις Ἀποστόλων 21:38 ουκ αρα ϲυ ει ο αιγυπτιοϲ ο προ τουτων των ημερων αναϲτατωϲαϲ και εξαγαγων ειϲ την ερημον τουϲ τετρακιϲχιλιουϲ ανδραϲ των ϲικαριων ·
Πράξεις Ἀποστόλων 21:39 ειπεν δε ο παυλοϲ εγω ανθρωποϲ μεν ϊουδαιοϲ ταρϲευϲ τηϲ κιλικιαϲ ουκ αϲημου πολεωϲ πολιτηϲ · δεομαι δε ϲου επιτρεψον μοι λογον λαληϲαι προϲ τον λαον ·
Πράξεις Ἀποστόλων 21:40 επιτρεψαντοϲ δε αυτου ο παυλοϲ εϲτωϲ επι των αναβαθμων κατεϲιϲε τη χειρι τω λαω πολληϲ δε ϲιγηϲ γενομενηϲ προϲεφωνηϲεν τη εβραϊδι διαλεκτω λεγων
Πράξεις Ἀποστόλων 22:1 ανδρεϲ αδελφοι και πατερεϲ ακουϲατε μου τηϲ προϲ ϋμαϲ νυνι απολογιαϲ
Πράξεις Ἀποστόλων 22:2 ακουϲαντεϲ δε οτι τη εβραϊδι διαλεκτω προϲεφωνει αυτοιϲ μαλλον παρεϲχον ηϲυχιαν · και φηϲιν
Πράξεις Ἀποστόλων 22:3 εγω ανηρ ειμι ϊουδαιοϲ γεγεννημενοϲ εν ταρϲω τηϲ κιλικιαϲ ανατεθραμμενοϲ δε εν τη πολει ταυτη παρα τουϲ ποδαϲ γαμαλιηλ πεπαιδευμενοϲ κατα ακριβιαν του πατρωου νομου ζηλωτηϲ ϋπαρχων του θυ καθωϲ παντεϲ ϋμειϲ εϲτε ϲημερον
Πράξεις Ἀποστόλων 22:4 οϲ ταυτην την οδον εδιωξα αχρι θανατου δεϲμευων και παραδιδουϲ ειϲ φυλακαϲ ανδραϲ τε και γυναικαϲ
Πράξεις Ἀποστόλων 22:5 ωϲ και ο αρχϊερευϲ μαρτυρι μοι και παν το πρεϲβυτεριον παρ ων και επιϲτολαϲ δεξαμενοϲ προϲ τουϲ αδελφουϲ ειϲ δαμαϲκον επορευομην αξων και τουϲ εκειϲε ονταϲ δεδεμενουϲ ειϲ ϊερουϲαλημ ϊνα τιμωρηθωϲιν
Πράξεις Ἀποστόλων 22:6 εγενετο δε μοι πορευομενω και εγγιζοντι τη δαμαϲκω περι μεϲημβριαν εξαιφνηϲ εκ του ουρανου περιαϲτραψαι φωϲ ϊκανον περι εμε
Πράξεις Ἀποστόλων 22:7 επεϲα τε ειϲ το εδαφοϲ και ηκουϲα φωνηϲ λεγουϲηϲ μοι ϲαουλʼ ϲαουλʼ · τι με διωκειϲ
Πράξεις Ἀποστόλων 22:8 εγω δε απεκριθην και ειπα τιϲ ει κε ειπεν τε προϲ εμε εγω ειμι ιϲ ο ναζοραιοϲ ον ϲυ διωκειϲ
Πράξεις Ἀποστόλων 22:9 οι δε ϲυν εμοι οντεϲ το μεν φωϲ εθεατο την δε φωνην ουκ ηκουϲαν του λαλουντοϲ μοι ·
Πράξεις Ἀποστόλων 22:10 ειπον δε τι ποιηϲω κε ο δε κϲ ειπεν προϲ με αναϲταϲ πορευου ειϲ δαμαϲκον κακι ϲοι λαληθηϲεται περι παντων ων τετακται ϲοι ποιηϲαι
Πράξεις Ἀποστόλων 22:11 ωϲ δε ουκ ενεβλεπον απο τηϲ δοξηϲ του φωτοϲ εκεινου χειραγωγουμενοϲ ϋπο των ϲυνοντων μοι ηλθον ειϲ δαμαϲκον
Πράξεις Ἀποστόλων 22:12 ανανιαϲ δε τιϲ ανηρ ευλαβηϲ κατα τον νομον μαρτυρουμενοϲ ϋπο παντων των κατοικουντων ϊουδαιων
Πράξεις Ἀποστόλων 22:13 ελθων προϲ εμε και επιϲταϲ ειπεν μοι ϲαουλ αδελφε αναβλεψον καγω αυτη τη ωρα ανεβλεψα ειϲ αυτον ·
Πράξεις Ἀποστόλων 22:14 ο δε ειπεν ο θϲ των πατερων ημων προϲεχειρηϲατο ϲε γνωναι το θελημα αυτου και ϊδιν τον δικαιον και ακουϲαι φωνην εκ του ϲτοματοϲ αυτου
Πράξεις Ἀποστόλων 22:15 οτι εϲη μαρτυϲ αυτω προϲ πανταϲ ανθρωπουϲ ων εωρακαϲ και ηκουϲαϲ
Πράξεις Ἀποστόλων 22:16 και νυν τι μελλειϲ αναϲταϲ βαπτιϲαι και απολουϲαι ταϲ αμαρτιαϲ ϲου επικαλεϲαμενοϲ το ονομα αυτου
Πράξεις Ἀποστόλων 22:17 εγενετο δε μοι ϋποϲτρεψαντι ϊϲ ϊερουϲαλημʼ και προϲευχομενου μου εν τω ϊερω γενεϲθαιϲθαι με εν εκϲταϲι
Πράξεις Ἀποστόλων 22:18 και ϊδον αυτον λεγοντα μοι ϲπευϲον και εξελθε εν ταχι εξ ϊερουϲαλημ διοτι ου παραδεξονται ϲου μαρτυριαν περι εμου
Πράξεις Ἀποστόλων 22:19 καγω ειπον κε αυτοι επιϲτανται οτι εγω ημην φυλακιζων και δερων κατα ταϲ ϲυναγωγαϲ τουϲ πιϲτευονταϲ επι ϲε ·
Πράξεις Ἀποστόλων 22:20 και οτε εξεχυννετο το αιμα ϲτεφανου του μαρτυροϲ ϲου και αυτοϲ ημην εφεϲτωϲ και ϲυνευδοκων και φυλαϲϲων τα ϊματια των αναιρουντων αυτον
Πράξεις Ἀποστόλων 22:21 και ειπεν προϲ με πορευου οτι εγω ειϲ εθνη μακραν εξαποϲτελω ϲε
Πράξεις Ἀποστόλων 22:22 ηκουον δε αυτου αχρι τουτου του λογου και επηραν την φωνην αυτων λεγοντεϲ · αιρε απο τηϲ γηϲ τον τοιουτον ου γαρ καθηκεν αυτον ζην
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .