← All works
Codex Sinaiticus: Πράξεις Ἀποστόλων Codex Sinaiticus · 1,002 sections
Single column Two columns
Πράξεις Ἀποστόλων 22:23 κραυγαζοντων δε αυτων και ριπτουντων τα ϊματια και κονιορτον βαλλοντων ειϲ τον αεραν
Πράξεις Ἀποστόλων 22:24 εκελευϲεν ο χιλιαρχοϲ ειϲαγεϲθαι αυτον ειϲ την παρεμβολην ειπαϲ μαϲτιξιν ανεταζεϲθαι αυτον ϊνα επιγνω δι ην αιτιαν ουτωϲ επεφωνουν αυτω
Πράξεις Ἀποστόλων 22:25 ωϲ δε προετιναν αυτον τοιϲ ϊμαϲιν ειπεν προϲ τον εϲτωτα εκατονταρχον ο παυλοϲ ει ανθρωπον ρωμαιον και ακατακριτον εϲτιν ϋμιν μαϲτιζειν ·
Πράξεις Ἀποστόλων 22:26 ακουϲαϲ δε ο εκατονταρχηϲ προϲελθων τω χιλιαρχω απηγγιλεν λεγων τι μελλειϲ ποιειν ο γαρ ανθρωποϲ ουτοϲ ρωμαιοϲ εϲτιν
Πράξεις Ἀποστόλων 22:27 προϲελθων δε ο χιλιαρχοϲ ειπεν αυτω λεγε ϲυ ρωμαιοϲ ει ο δε εφη ναι
Πράξεις Ἀποστόλων 22:28 απεκριθη δε ο χιλιαρχοϲ εγω πολλου κεφαλαιου την πολιτιαν ταυτην εκτηϲαμην ο δε παυλοϲ εφη εγω και γεγεννημαι
Πράξεις Ἀποστόλων 22:29 ευθεωϲ ουν απεϲτηϲαν απ αυτου οι μελλοντεϲ αυτον αναιταζειν και ο χιλιαρχοϲ εφοβηθη επιγνουϲ οτι ρωμαιοϲ εϲτιν και οτι αυτον ην δεδεκωϲ ·
Πράξεις Ἀποστόλων 22:30 τη δε επαυριον βουλομενοϲ γνωναι το αϲφαλεϲ το τι κατηγοριται ϋπο των ϊουδαιων ελυϲεν αυτον ˙ και εκελευϲεν ϲυνελθειν τουϲ αρχϊερειϲ και παν το ϲυνεδριον και καταγαγων τον παυλον εϲτηϲεν ειϲ αυτουϲ ·
Πράξεις Ἀποστόλων 23:1 ατενιϲαϲ δε τω ϲυνεδριω ο παυλοϲ ειπεν ανδρεϲ αδελφοι εγω παϲη ϲυνιδηϲει αγαθη πεπολιτευμαι τω θω αχρι ταυτηϲ τηϲ ημεραϲ ·
Πράξεις Ἀποστόλων 23:2 ο δε αρχϊερευϲ ανανιαϲ επεταξε τοιϲ παρεϲτωϲιν τυπτιν αυτου το ϲτομα ·
Πράξεις Ἀποστόλων 23:3 τοτε προϲ αυτον ο παυλοϲ ειπεν · τυπτιν ϲε μελλει ο θϲ τοιχε κεκονιαμενε και ϲυ καθη κρινων με κατα τον νομον και παρανομων κελευειϲ με τυπτεϲθαι ·
Πράξεις Ἀποστόλων 23:4 οι δε παρεϲτωτεϲ ειπαν τον αρχϊερεα του θυ λοιδορειϲ ·
Πράξεις Ἀποστόλων 23:5 εφη τε ο παυλοϲ ουκ ηδιν αδελφοι οτι εϲτιν αρχϊερευϲ γεγραπται γαρ οτι αρχοντα του λαου ϲου ουκ εριϲ κακωϲ
Πράξεις Ἀποστόλων 23:6 γνουϲ δε ο παυλοϲ οτι το εν μεροϲ εϲτιν ϲαδδουκαιων το δε ετερον φαριϲαιων εκραζεν εν τω ϲυνεδριω ανδρεϲ αδελφοι εγω φαριϲαιοϲ ειμι υϊοϲ φαριϲαιων περι ελπιδοϲ και αναϲταϲεωϲ νεκρων εγω κρινομαι
Πράξεις Ἀποστόλων 23:7 τουτο δε αυτου ειπαντοϲ εγενετο ϲταϲιϲ των ϲαδδουκαιων και φαριϲαιων και εϲχιϲθη το πληθοϲ
Πράξεις Ἀποστόλων 23:8 ϲαδδουκαι μεν γαρ λεγουϲιν μη ειναι αναϲταϲιν μητε αγγελον μητε πνα φαριϲαιοι δε ομολογουϲιν τα αμφοτερα
Πράξεις Ἀποστόλων 23:9 εγενετο δε κραυγη μεγαλη και αναϲταντεϲ τινεϲ των γραμματεων του μερουϲ των φαριϲαιων διεμαχοντο προϲ αλληλουϲ λεγοντεϲ ουδεν κακον ευριϲκομεν τω ανθρωπω τουτω ει δε πνα ελαληϲεν αυτω η αγγελοϲ ˙
Πράξεις Ἀποστόλων 23:10 πολληϲ δε γινομενοϲ ϲταϲεωϲ φοβηθιϲ ο χιλιαρχοϲ μη διαϲπαϲθη ο παυλοϲ ϋπ αυτων εκελευϲεν το ϲτρατευμα καταβαν αρπαϲαι αυτον αγειν τε ειϲ την παρεμβολην
Πράξεις Ἀποστόλων 23:11 τη δε επιουϲη νυκτι επιϲταϲ αυτω ο κϲ ειπεν θαρϲει ωϲ γαρ διεμαρτυρω τα περι εμου ειϲ ϊερουϲαλημ ουτω ϲε δει και ειϲ ρωμην μαρτυρηϲαι ·
Πράξεις Ἀποστόλων 23:12 γενομενηϲ δε ημεραϲ ποιηϲαντεϲ ϲυϲτροφην οι ϊουδαιοι ανεθεματιϲαν εαυτουϲ λεγοντεϲ μητε φαγιν μητε πιειν εωϲ ου αποκτινωϲιν τον παυλον
Πράξεις Ἀποστόλων 23:13 ηϲαν δε πλειουϲ τεϲϲερακοντα οι ταυτην την ϲυνωμοϲιαν ποιηϲαμενοι
Πράξεις Ἀποστόλων 23:14 οιτινεϲ προϲελθοντεϲ τοιϲ αρχϊερευϲι και τοιϲ πρεϲβυτεροιϲ ειπαν αναθεματι ανεθεματιϲαμεν εαυτουϲ μηδενοϲ γευϲαϲθε εωϲ ου αποκτινωμεν τον παυλον
Πράξεις Ἀποστόλων 23:15 νυν ουν υμειϲ εμφανιϲατε τω χιλιαρχω ϲυν τω ϲυνεδριω οπωϲ καταγαγη αυτον ειϲ υ̇μαϲ ωϲ μελλονταϲ διαγινωϲκιν ακριβεϲτερον τα περι αυτου · ημειϲ δε προ του εγγιϲαι αυτον ετοιμοι εϲμεν ανελειν αυτον ·
Πράξεις Ἀποστόλων 23:16 ακουϲαϲ δε ο υϊοϲ τηϲ αδελφηϲ παυλου την ενεδραν παραγενομενοϲ και ειϲελθων ειϲ την παρεμβολην απηγγιλεν τω παυλω
Πράξεις Ἀποστόλων 23:17 προϲκαλεϲαμενοϲ δε ο παυλοϲ ενα των εκατονταρχων εφη τον νεανιαν τουτον απαγε προϲ τον χιλιαρχον εχει γαρ τι απαγγιλαι αυτω ‾̷‾
Πράξεις Ἀποστόλων 23:18 ο μεν ουν παραλαβων αυτον ηγαγε προϲ τον χιλιαρχον και φηϲιν ο δεϲμιοϲ παυλοϲ προϲκαλεϲαμενοϲ με ηρωτηϲεν τουτον τον νεανιϲκον αγαγειν προϲ ϲε εχοντα τι λαληϲαι ϲοι ·
Πράξεις Ἀποστόλων 23:19 επιλαβομενου δε τηϲ χιροϲ αυτου ο χιλιαρχοϲ και αναχωρηϲαϲ κατ ϊδιαν επυνθανετο τι εϲτιν ο εχιϲ απαγγειλαι μοι ·
Πράξεις Ἀποστόλων 23:20 ειπεν δε οτι οι ϊουδαιοι ϲυνεθεντο του ερωτηϲαι ϲε οπωϲ αυριον τον παυλον καταγαγηϲ ειϲ το ϲυνεδριον ωϲ μελλον τι ακριβεϲτερον πυνθανεϲθαι περι αυτου
Πράξεις Ἀποστόλων 23:21 ϲυ ουν μη πιϲθηϲ αυτοιϲ ενεδρευουϲι γαρ αυτον εξ αυτων ανδρεϲ πλειουϲ τεϲϲερακοντα οιτινεϲ ανεθεματιϲαν εαυτουϲ μητε φαγιν μητε πιειν εωϲ ου ανελωϲιν αυτον και νυν ειϲιν ετοιμοι προϲδεχομενοι την απο ϲου επαγγελιαν
Πράξεις Ἀποστόλων 23:22 ο μεν ουν χιλιαρχοϲ απελυϲε τον νεανιϲκον παραγγιλαϲ μηδενι εκλαληϲαι οτι ταυτα ενεφανιϲαϲ προϲ εμε
Πράξεις Ἀποστόλων 23:23 και προϲκαλεϲαμενοϲ τιναϲ δυο των εκατονταρχων ειπεν ετοιμαϲατε ϲτρατιωταϲ διακοϲιουϲ οπωϲ πορευθωϲιν εωϲ καιϲαριαϲ και ϊππειϲ εβδομηκοντα και δεξιολαβουϲ διακοϲιουϲ απο τριτηϲ ωραϲ τηϲ νυκτοϲ
Πράξεις Ἀποστόλων 23:24 κτηνη τε παραϲτηϲαι ϊνα επιβιβαϲαντεϲ τον παυλον διαϲωϲωϲι προϲ φιλικα τον ηγεμονα
Πράξεις Ἀποστόλων 23:25 γραψαϲ επιϲτολην εχουϲαν τον τυπον τουτον ·
Πράξεις Ἀποστόλων 23:26 κλαυδιοϲ λυϲιαϲ τω κρατιϲτω ηγεμονι φηλικι χαιρειν ·
Πράξεις Ἀποστόλων 23:27 τον ανδρα ‾̷‾ τουτον ϲυλλημφθεντα ϋπο των ϊουδαιων και μελλοντα αναιρειϲθε υπ αυτων επιϲταϲ ϲυν τω ϲτρατευματι εξειλαμην μαθων οτι ρωμαιοϲ εϲτιν ·
Πράξεις Ἀποστόλων 23:28 βουλομενοϲ τε επιγνωναι την αιτιαν δι ην ενεκαλουν αυτω κατηγαγον ειϲ το ϲυνεδριον αυτων
Πράξεις Ἀποστόλων 23:29 ον ευρον εγκαλουμενον περι ζητηματων του νομου αυτων μηδεν δε αξιον θανατου η δεϲμων εχοντα εγκλημα
Πράξεις Ἀποστόλων 23:30 μηνυθιϲηϲ δε μοι επιβουληϲ ειϲ τον ανδρα εϲεϲθαι εξ αυτων επεμψα προϲ ϲε παραγγιλαϲ και τοιϲ κατηγοροιϲ λεγιν αυτουϲ επι ϲου ερρωϲο
Πράξεις Ἀποστόλων 23:31 οι μεν ουν ϲτρατιωται κατα το διατεταγμενον αυτοιϲ αναλαβοντεϲ τον παυλον ηγαγον δια νυκτοϲ ειϲ την αντιπατριδα ·
Πράξεις Ἀποστόλων 23:32 τη δε επαυριον εαϲαντεϲ τουϲ ιππειϲ απερχεϲθε ϲυν αυτω επεϲτρεψαν ειϲ την παρεμβολην ˙
Πράξεις Ἀποστόλων 23:33 οιτινεϲ ειϲελθοντεϲ ειϲ την καιϲαριαν και αναδοντεϲ την επιϲτολην τω ηγεμονι παρεϲτηϲαν και τον παυλον αυτω ·
Πράξεις Ἀποστόλων 23:34 αναγνουϲ δε και επερωτηϲαϲ εκ ποιαϲ επαρχειαϲ εϲτιν και πυθομενοϲ οτι απο κιλικιαϲ εϲτιν
Πράξεις Ἀποστόλων 23:35 διακουϲομε ϲου εφη οταν και οι κατηγοροι ϲου παραγενωνται κελευϲαντοϲ εν τω πραιτωριω του ηρωδου φυλαϲϲεϲθαι αυτον
Πράξεις Ἀποστόλων 24:1 μετα δε πεντε ημεραϲ κατεβη ο αρχϊερευϲ ανανιαϲ μετα πρεϲβυτερων τινων και ρητοροϲ τερτυλλου τινοϲ οιτινεϲ ενεφανιϲαν τω ηγεμονι κατα του παυλου
Πράξεις Ἀποστόλων 24:2 κληθεντοϲ δε αυτου ηρξατο κατηγορειν ο τερτυλλοϲ λεγων πολληϲ ειρηνηϲ τυγχανοντεϲ δια ϲου και διορθωματων γινομενων τω εθνι τουτω δια τηϲ ϲηϲ προνοιαϲ
Πράξεις Ἀποστόλων 24:3 παντη τε και πανταχου αποδεχομεθα κρατιϲτε φηλιξ μετα παϲηϲ ευχαριϲτιαϲ
Πράξεις Ἀποστόλων 24:4 ϊνα δε μη επι πλειον ϲε ενκοπτω παρακαλω ακουϲαι ϲε ημων ϲυντομωϲ τη ϲη επιεικια
Πράξεις Ἀποστόλων 24:5 ευροντεϲ γαρ τον ανδρα τουτον λοιμον και κινουντα ϲταϲιϲ παϲι τοιϲ ϊουδαιοιϲ τοιϲ κατα την οικουμενην πρωτοϲτατην τε τηϲ των ναζωραιων ερεϲεωϲ
Πράξεις Ἀποστόλων 24:6 οϲ και το ϊερον επιραϲεν βεβηλωϲαι ον και εκρατηϲαμεν
Πράξεις Ἀποστόλων 24:8 παρ ου δυνηϲη αυτοϲ ανακριναϲ περι παντων τουτων επιγνωναι ων ημειϲ κατηγορουμεν αυτου
Πράξεις Ἀποστόλων 24:9 ϲυνεπεθεντο δε και οι ϊουδαιοι φαϲκοντεϲ ταυτα ουτωϲ εχειν
Πράξεις Ἀποστόλων 24:10 απεκριθη τε ο παυλοϲ νευϲαντοϲ αυτω του ηγεμονοϲ λεγειν · εκ πολλων ετων οντα ϲε κριτην τω εθνι τουτω επιϲταμενοϲ ευθυμωϲ τα περι εμαυτου απολογουμαι
Πράξεις Ἀποστόλων 24:11 δυναμενου ϲου επιγνωναι οτι ου πλειουϲ ειϲιν μοι ημεραι δωδεκα αφ ηϲ ανεβην προϲκυνηϲων ειϲ ϊερουϲαλημ
Πράξεις Ἀποστόλων 24:12 και ουτε εν τω ϊερω ευρον με προϲ τινα διαλεγομενον η επιϲταϲιν ποιουντα οχλου ουτε εν ταιϲ ϲυναγωγαιϲ ουτε κατα την πολιν
Πράξεις Ἀποστόλων 24:13 ουδε παραϲτηϲαι δυνανται ϲοι περι ων νυνι κατηγορουϲιν μου
Πράξεις Ἀποστόλων 24:14 ομολογω δε τουτο ϲοι οτι κατα την οδον ην λεγουϲιν αιρεϲιν ουτωϲ λατρευω τω πατρωω θω πιϲτευων παϲι τοιϲ κατα τον νομον και τοιϲ εν τοιϲ προφηταιϲ γεγραμμενοιϲ
Πράξεις Ἀποστόλων 24:15 ελπιδα εχων προϲ τον θν ην και αυτοι προϲδεχονται αναϲταϲιν μελλιν εϲεϲθαι δικαιων τε και αδικων
Πράξεις Ἀποστόλων 24:16 εν τουτω και αυτοϲ αϲκω απροϲκοπον ϲυνϊδηϲιν εχειν προϲ τον θν και τουϲ ανθρωπουϲ δια παντοϲ
Πράξεις Ἀποστόλων 24:17 δι ετων δε πλειονων ελεημοϲυναϲ ποιηϲων ειϲ το εθνοϲ μου παρεγενομην και προϲφοραϲ
Πράξεις Ἀποστόλων 24:18 εν αιϲ ευρον με ηγνιϲμενον εν τω ϊερω ου μετα οχλου ουδε μετα θορυβου
Πράξεις Ἀποστόλων 24:19 τινεϲ δε απο τηϲ αϲιαϲ ϊουδαιοι ουϲ εδει επι ϲου παρειναι και κατηγορειν ει τι εχοιεν προϲ εμε
Πράξεις Ἀποστόλων 24:20 η αυτοι ουτοι ειπατωϲαν τι ευρον αδικημα ϲταντοϲ μου επι του ϲυνεδριου
Πράξεις Ἀποστόλων 24:21 η περι μιαϲ ταυτηϲ φωνηϲ ηϲ εκεκραξα εν αυτοιϲ εϲτωϲ οτι περι αναϲταϲεωϲ νεκρων εγω κρινομαι ϲημερον ϋφ υμων · +
Πράξεις Ἀποστόλων 24:22 ανεβαλετο δε αυτουϲ ο φηλιξ ακριβεϲτερον ειδωϲ τα περι τηϲ οδου ειπαϲ οταν λυϲιαϲ ο χιλιαρχοϲ καταβη διαγνωϲομαι τα κατεϲε υμαϲ
Πράξεις Ἀποστόλων 24:23 διαταξαμενοϲ τω χιλιαρχη τηριϲθαι αυτον εχιν τε ανεϲιν και μηδενα κωλυειν των ϊδιων αυτου ϋπηρετιν αυτω
Πράξεις Ἀποστόλων 24:24 [ … ] μετα δε ημεραϲ τιναϲ παραγενομενοϲ ο φηλιξ ϲυν δρουϲιλλη τη γυναικι αυτου ουϲη ϊουδαια και μετεπεμψατο τον παυλον και ηκουϲεν αυτου περι τηϲ ειϲ χν ιν πιϲτεωϲ ·
Πράξεις Ἀποστόλων 24:25 διαλεγομενου δε αυτου περι εγκρατιαϲ και δικαιοϲυνηϲ και του κριματοϲ του μελλοντοϲ εμφοβοϲ γενομενοϲ ο φηλιξ απεκριθη το νυν εχον πορευου καιρον δε μεταλαβων μετακαλεϲομαι ϲε
Πράξεις Ἀποστόλων 24:26 αμα και ελπιζων οτι χρηματα δοθηϲεται αυτω ϋπο του παυλου διο και πυκνοτερον αυτον μεταπεμπομενοϲ ωμιλει αυτω
Πράξεις Ἀποστόλων 24:27 διετιαϲ δε πληρωθιϲηϲ ελαβεν διαδοχον ο φηλιξ πορκιον φηϲτον θελων τε χαριτα καταθεϲθαι τοιϲ ϊουδαιοιϲ ο φηλιξ κατελιπεν τον παυλον δεδεμενον ·
Πράξεις Ἀποστόλων 25:1 φηϲτοϲ ουν επιβαϲ τη επαρχιω μετα τριϲ ημεραϲ ανεβη ειϲ ϊεροϲολυμα απο καιϲαριαϲ
Πράξεις Ἀποστόλων 25:2 ενεφανιϲαν τε αυτω οι αρχϊερειϲ και οι πρωτοι των ϊουδεων κατα του παυλου και παρεκαλουν αυτον
Πράξεις Ἀποστόλων 25:3 αιτουμενοι χαριν κατ αυτου οπωϲ μεταπεμψηται αυτον ειϲ ϊερουϲαλημʼ ενεδραν ποιουντεϲ ανελειν αυτον κατα την οδον
Πράξεις Ἀποστόλων 25:4 ο μεν ουν φηϲτοϲ απεκριθη τηριϲθαι τον παυλον ειϲ καιϲαριαν εαυτον δε μελλιν εν ταχει εκπορευεϲθαι
Πράξεις Ἀποστόλων 25:5 οι ουν εν ημιν φηϲιν δυνατοι καταβαντεϲ ει τι εϲτιν εν τω ανδρι ατοπον κατηγοριτωϲαν αυτου ·
Πράξεις Ἀποστόλων 25:6 διατριψαϲ δε εν αυτοιϲ ου πλειουϲ ημεραϲ οκτω η δεκα καταβαϲ ειϲ κεϲαριαν τη επαυριον καθιϲαϲ επι του βηματοϲ εκελευϲεν τον παυλον προαχθηναι ·
Πράξεις Ἀποστόλων 25:7 παραγενομενου δε αυτου περιεϲτηϲαν αυτον οι απο ϊεροϲολυμων καταβεβηκοτεϲ ϊουδαιοι πολλα και βαρεα αιτιωματα καταφεροντεϲ α ουκ ϊϲχυϲαν αποδιξαι
Πράξεις Ἀποστόλων 25:8 του παυλου απολογουμενου οτι ουτε ειϲ τον νομον των ϊουδαιων ουτε ειϲ το ϊερον ουτε ειϲ καιϲαρα τι ημαρτον ·
Πράξεις Ἀποστόλων 25:9 ο φηϲτοϲ δε θελων τοιϲ ϊουδαιοιϲ χαριν καταθεϲθαι αποκριθειϲ τω παυλω ειπεν θελειϲ ειϲ ϊεροϲολυμα αναβαϲ εκει περι τουτων κριθηναι επ εμου ·
Πράξεις Ἀποστόλων 25:10 ειπεν δε ο παυλοϲ εϲτωϲ επι του βηματοϲ καιϲαροϲ ειμι ου με δι κρινεϲθαι ϊουδαιουϲ ουδεν ηδικηκα ωϲ και ϲυ καλλιον επιγινωϲκειϲ
Πράξεις Ἀποστόλων 25:11 ει μεν ουν αδικω και αξιον θανατου πεπραχα τι ου παραιτουμε το αποθανιν ει δε ουδεν εϲτιν ων ουτοι κατηγορουϲιν μου ουδειϲ με δυναται αυτοιϲ χαριϲαϲθαι καιϲαρα επικαλουμαι
Πράξεις Ἀποστόλων 25:12 τοτε ο φηϲτοϲ ϲυνλαληϲαϲ μετα του ϲυμβουλιου · απεκριθη καιϲαρα επικεκληϲαι επι καιϲαρα πορευϲη
Πράξεις Ἀποστόλων 25:13 ημερων δε διαγενομενων τινων αγριππαϲ ο βαϲιλευϲ και βερνικη κατηντηϲαν ειϲ καιϲαριαν αϲπαϲαμενοι τον φηϲτον
Πράξεις Ἀποστόλων 25:14 ωϲ δε πλειουϲ ημεραϲ διετριβον εκει ο φηϲτοϲ τω βαϲιλει ανεθετο τα κατα τον παυλον λεγων · ανηρ τιϲ εϲτιν καταλελιμμενοϲ ϋπο φηλικοϲ δεϲμιοϲ
Πράξεις Ἀποστόλων 25:15 περι ου γενομενου μου ϊϲ ϊεροϲολυμα ενεφανιϲαν οι αρχϊερειϲ και οι πρεϲβυτεροι των ϊουδαιων αιτουμενοι κατ αυτου καταδικην
Πράξεις Ἀποστόλων 25:16 προϲ ουϲ απεκριθην οτι ουκ εϲτιν εθοϲ ρωμαιοιϲ χαριζεϲθαι τινα ανθρωπον πριν η ο κατηγορουμενοϲ εχοι κατα προϲωπον τουϲ κατηγορουϲ τοπον τε απολογιαϲ λαβοι περι του εγκληματοϲ
Πράξεις Ἀποστόλων 25:17 ϲυνελθοντων ουν αυτων ενθαδε αναβολην μηδεμιαν ποιηϲαμενοι τη εξηϲ καθιϲαϲ επι του βηματοϲ εκελευϲα αχθηναι τον ανδρα
Πράξεις Ἀποστόλων 25:18 περι ου ϲταθεντεϲ οι κατηγοροι ουδεμιαν αιτιαν εφερον ων εγω ϋπενοουν πονηρα
Πράξεις Ἀποστόλων 25:19 ζητηματα δε τινα περι τηϲ ϊδιαϲ διϲιδαιμονιαϲ ειχον προϲ αυτον και περι τινοϲ ιυ τεθνηκοτοϲ ον εφαϲκεν ο παυλοϲ ζην
Πράξεις Ἀποστόλων 25:20 απορουμενοϲ δε εγω την περι τουτων ζητηϲιν ελεγον ει βουλοιτο κρινεϲθαι ειϲ ϊεροϲολυμα κακει κρινεϲθαι περι τουτων
Πράξεις Ἀποστόλων 25:21 του δε παυλου επικαλεϲαμενου τηρηθηναι αυτον ειϲ την του ϲεβαϲτου διαγνωϲιν εκελευϲα τηριϲθαι αυτον εωϲ ου αναπεμψω αυτον προϲ καιϲαρα
Πράξεις Ἀποστόλων 25:22 αγριππαϲ δε προϲ τον φηϲτον εβουλομην και αυτοϲ του ανθρωπου ακουϲαι · αυριον φηϲιν ακουϲη αυτου ·
Πράξεις Ἀποστόλων 25:23 τη ουν επαυριον ελθοντοϲ του αγριππα και τηϲ βερνικηϲ μετα πολληϲ φανταϲιαϲ και ειϲελθοντων ειϲ το ακρωτηριον ϲυν τε χιλιαρχοιϲ και ανδραϲι τοιϲ κατ εξοχην τηϲ πολεωϲ και κελευϲαντοϲ του φηϲτου ηχθη ο παυλοϲ ·
Πράξεις Ἀποστόλων 25:24 και φηϲιν ο φηϲτοϲ αγριππα βαϲιλευ και παντεϲ οι ϲυνπαροντεϲ ημιν ανδρεϲ θεωρειτε τουτον περι ου απαν το πληθοϲ των ϊουδαιων ενετυχον μοι εν τε ϊεροϲολυμοιϲ και ενθαδε βοωντεϲ μη δειν αυτον ζην μηκετι ·
Πράξεις Ἀποστόλων 25:25 εγω δε καταλαβομενοϲ μηδεν αξιον θανατου αυτον πεπραχεναι αυτου δε τουτου επικαλεϲαμενου τον ϲεβαϲτον εκρινα πεμπιν
Πράξεις Ἀποστόλων 25:26 περι ου αϲφαλεϲ τι γραψαι τω κυριω ουκ εχω · διο προηγαγον αυτον εφ υμων και μαλιϲτα επι βαϲιλευ αγριππα οπωϲ τηϲ ανακριϲεωϲ γενομενηϲ ϲχω τι γραψω
Πράξεις Ἀποστόλων 25:27 αλογον γαρ μοι δοκει πεμποντα δεϲμιον μη και ταϲ κατ αυτου αιτιαϲ ϲημαναι
Πράξεις Ἀποστόλων 26:1 αγριππαϲ δε προϲ τον παυλον εφη επιτρεπεται ϲοι περι ϲεαυτου λεγειν τοτε ο παυλοϲ εκτιναϲ την χιρα απελογιτο ˙
Πράξεις Ἀποστόλων 26:2 περι παντων ων εγκαλουμαι ϋπο ϊουδαιων βαϲιλευ αγριππα ηγημαι εμαυτον μακαριον επι ϲου μελλων ϲημερον απολογιϲθαι
Πράξεις Ἀποστόλων 26:3 μαλιϲτα γνωϲτην ϲε οντα παντων των κατα ϊουδαιουϲ εθων τε και ζητηματων διο δεομαι μακροθυμωϲ ακουϲαι μου
Πράξεις Ἀποστόλων 26:4 την μεν ουν βιωϲιν μου την εκ νεοτητοϲ την απ αρχηϲ γενομενην εν τω εθνι μου εν τε ϊεροϲολυμοιϲ ϊϲαϲι παντεϲ οι ϊουδαιοι
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .