← Library

9 Dhammayamaka — 9.2 Pavattivāra — 9.2.1. Uppādavāra

Early Buddhist texts (SuttaCentral): Abhidhamma · abhidhamma · 312 sections

1. ya9.2.1:86.1

   Yassa akusalā dhammā na uppajjittha tassa abyākatā dhammā na uppajjitthāti? Natthi.

2. ya9.2.1:87.1

   Yassa vā pana abyākatā dhammā na uppajjittha tassa akusalā dhammā na uppajjitthāti? Natthi.

3. ya9.2.1:88.0

   9.2.1.2.5. Paccanīkaokāsa

4. ya9.2.1:88.1

   Yattha kusalā dhammā na uppajjittha tattha akusalā dhammā na uppajjitthāti? Āmantā.

5. ya9.2.1:89.1

   Yattha vā pana akusalā dhammā na uppajjittha tattha kusalā dhammā na uppajjitthāti? Āmantā.

6. ya9.2.1:90.1

   Yattha kusalā dhammā na uppajjittha tattha abyākatā dhammā na uppajjitthāti? Uppajjittha.

7. ya9.2.1:91.1

   Yattha vā pana abyākatā dhammā na uppajjittha tattha kusalā dhammā na uppajjitthāti? Natthi.

8. ya9.2.1:92.1

   Yattha akusalā dhammā na uppajjittha tattha abyākatā dhammā na uppajjitthāti? Uppajjittha.

9. ya9.2.1:93.1

   Yattha vā pana abyākatā dhammā na uppajjittha tattha akusalā dhammā na uppajjitthāti? Natthi.

10. ya9.2.1:94.0

    9.2.1.2.6. Paccanīkapuggalokāsa

11. ya9.2.1:94.1

    Yassa yattha kusalā dhammā na uppajjittha tassa tattha akusalā dhammā na uppajjitthāti?

12. ya9.2.1:95.1

    Suddhāvāsānaṁ dutiye akusale citte vattamāne tesaṁ tattha kusalā dhammā na uppajjittha, no ca tesaṁ tattha akusalā dhammā na uppajjittha. Suddhāvāsānaṁ dutiye citte vattamāne asaññasattānaṁ tesaṁ tattha kusalā ca dhammā na uppajjittha akusalā ca dhammā na uppajjittha.

13. ya9.2.1:96.1

    Yassa vā pana yattha akusalā dhammā na uppajjittha tassa tattha kusalā dhammā na uppajjitthāti? Āmantā.

14. ya9.2.1:97.1

    Yassa yattha kusalā dhammā na uppajjittha tassa tattha abyākatā dhammā na uppajjitthāti?

15. ya9.2.1:98.1

    Suddhāvāsānaṁ dutiye citte vattamāne asaññasattānaṁ tesaṁ tattha kusalā dhammā na uppajjittha, no ca tesaṁ tattha abyākatā dhammā na uppajjittha. Suddhāvāsaṁ upapajjantānaṁ tesaṁ tattha kusalā ca dhammā na uppajjittha abyākatā ca dhammā na uppajjittha.

16. ya9.2.1:99.1

    Yassa vā pana yattha abyākatā dhammā na uppajjittha tassa tattha kusalā dhammā na uppajjitthāti? Āmantā.

17. ya9.2.1:100.1

    Yassa yattha akusalā dhammā na uppajjittha tassa tattha abyākatā dhammā na uppajjitthāti?

18. ya9.2.1:101.1

    Suddhāvāsānaṁ dutiye citte vattamāne asaññasattānaṁ tesaṁ tattha akusalā dhammā na uppajjittha, no ca tesaṁ tattha abyākatā dhammā na uppajjittha. Suddhāvāsaṁ upapajjantānaṁ tesaṁ tattha akusalā ca dhammā na uppajjittha abyākatā ca dhammā na uppajjittha.

19. ya9.2.1:102.1

    Yassa vā pana yattha abyākatā dhammā na uppajjittha tassa tattha akusalā dhammā na uppajjitthāti? Āmantā.

20. ya9.2.1:103.0.1

    9.2.1.3. Anāgatavāra

21. ya9.2.1:103.0.2

    9.2.1.3.1. Anulomapuggala

22. ya9.2.1:103.1

    Yassa kusalā dhammā uppajjissanti tassa akusalā dhammā uppajjissantīti?

23. ya9.2.1:104.1

    Yassa cittassa anantarā aggamaggaṁ paṭilabhissanti tesaṁ kusalā dhammā uppajjissanti, no ca tesaṁ akusalā dhammā uppajjissanti. Itaresaṁ tesaṁ kusalā ca dhammā uppajjissanti akusalā ca dhammā uppajjissanti.

24. ya9.2.1:105.1

    Yassa vā pana akusalā dhammā uppajjissanti tassa kusalā dhammā uppajjissantīti? Āmantā.

25. ya9.2.1:106.1

    Yassa kusalā dhammā uppajjissanti tassa abyākatā dhammā uppajjissantīti? Āmantā.

26. ya9.2.1:107.1

    Yassa vā pana abyākatā dhammā uppajjissanti tassa kusalā dhammā uppajjissantīti?

27. ya9.2.1:108.1

    Aggamaggasamaṅgīnaṁ arahantānaṁ tesaṁ abyākatā dhammā uppajjissanti, no ca tesaṁ kusalā dhammā uppajjissanti. Itaresaṁ tesaṁ abyākatā ca dhammā uppajjissanti kusalā ca dhammā uppajjissanti.

28. ya9.2.1:109.1

    Yassa akusalā dhammā uppajjissanti tassa abyākatā dhammā uppajjissantīti? Āmantā.

29. ya9.2.1:110.1

    Yassa vā pana abyākatā dhammā uppajjissanti tassa akusalā dhammā uppajjissantīti?

30. ya9.2.1:111.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ abyākatā dhammā uppajjissanti, no ca tesaṁ akusalā dhammā uppajjissanti. Itaresaṁ tesaṁ abyākatā ca dhammā uppajjissanti akusalā ca dhammā uppajjissanti.

31. ya9.2.1:112.0

    9.2.1.3.2. Anulomaokāsa

32. ya9.2.1:112.1

    Yattha kusalā dhammā uppajjissanti tattha akusalā dhammā uppajjissantīti? Āmantā.

33. ya9.2.1:113.1

    Yattha vā pana akusalā dhammā uppajjissanti tattha kusalā dhammā uppajjissantīti? Āmantā.

34. ya9.2.1:114.1

    Yattha kusalā dhammā uppajjissanti tattha abyākatā dhammā uppajjissantīti? Āmantā.

35. ya9.2.1:115.1

    Yattha vā pana abyākatā dhammā uppajjissanti tattha kusalā dhammā uppajjissantīti?

36. ya9.2.1:116.1

    Asaññasatte tattha abyākatā dhammā uppajjissanti, no ca tattha kusalā dhammā uppajjissanti. Catuvokāre pañcavokāre tattha abyākatā ca dhammā uppajjissanti kusalā ca dhammā uppajjissanti.

37. ya9.2.1:117.1

    Yattha akusalā dhammā uppajjissanti tattha abyākatā dhammā uppajjissantīti? Āmantā.

38. ya9.2.1:118.1

    Yattha vā pana abyākatā dhammā uppajjissanti tattha akusalā dhammā uppajjissantīti?

39. ya9.2.1:119.1

    Asaññasatte tattha abyākatā dhammā uppajjissanti, no ca tattha akusalā dhammā uppajjissanti. Catuvokāre pañcavokāre tattha abyākatā ca dhammā uppajjissanti akusalā ca dhammā uppajjissanti.

40. ya9.2.1:120.0

    9.2.1.3.3. Anulomapuggalokāsa

41. ya9.2.1:120.1

    Yassa yattha kusalā dhammā uppajjissanti tassa tattha akusalā dhammā uppajjissantīti?

42. ya9.2.1:121.1

    Yassa cittassa anantarā aggamaggaṁ paṭilabhissanti tesaṁ tattha kusalā dhammā uppajjissanti, no ca tesaṁ tattha akusalā dhammā uppajjissanti. Itaresaṁ catuvokārānaṁ pañcavokārānaṁ tesaṁ tattha kusalā ca dhammā uppajjissanti akusalā ca dhammā uppajjissanti.

43. ya9.2.1:122.1

    Yassa vā pana yattha akusalā dhammā uppajjissanti tassa tattha kusalā dhammā uppajjissantīti? Āmantā.

44. ya9.2.1:123.1

    Yassa yattha kusalā dhammā uppajjissanti tassa tattha abyākatā dhammā uppajjissantīti? Āmantā.

45. ya9.2.1:124.1

    Yassa vā pana yattha abyākatā dhammā uppajjissanti tassa tattha kusalā dhammā uppajjissantīti?

46. ya9.2.1:125.1

    Aggamaggasamaṅgīnaṁ arahantānaṁ asaññasattānaṁ tesaṁ tattha abyākatā dhammā uppajjissanti, no ca tesaṁ tattha kusalā dhammā uppajjissanti. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā uppajjissanti kusalā ca dhammā uppajjissanti.

47. ya9.2.1:126.1

    Yassa yattha akusalā dhammā uppajjissanti tassa tattha abyākatā dhammā uppajjissantīti? Āmantā.

48. ya9.2.1:127.1

    Yassa vā pana yattha abyākatā dhammā uppajjissanti tassa tattha akusalā dhammā uppajjissantīti?

49. ya9.2.1:128.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha abyākatā dhammā uppajjissanti, no ca tesaṁ tattha akusalā dhammā uppajjissanti. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā uppajjissanti akusalā ca dhammā uppajjissanti.

50. ya9.2.1:129.0

    9.2.1.3.4. Paccanīkapuggala

51. ya9.2.1:129.1

    Yassa kusalā dhammā na uppajjissanti tassa akusalā dhammā na uppajjissantīti? Āmantā.

52. ya9.2.1:130.1

    Yassa vā pana akusalā dhammā na uppajjissanti tassa kusalā dhammā na uppajjissantīti?

53. ya9.2.1:131.1

    Yassa cittassa anantarā aggamaggaṁ paṭilabhissanti tesaṁ akusalā dhammā na uppajjissanti, no ca tesaṁ kusalā dhammā na uppajjissanti. Aggamaggasamaṅgīnaṁ arahantānaṁ tesaṁ akusalā ca dhammā na uppajjissanti kusalā ca dhammā na uppajjissanti.

54. ya9.2.1:132.1

    Yassa kusalā dhammā na uppajjissanti tassa abyākatā dhammā na uppajjissantīti?

55. ya9.2.1:133.1

    Aggamaggasamaṅgīnaṁ arahantānaṁ tesaṁ kusalā dhammā na uppajjissanti, no ca tesaṁ abyākatā dhammā na uppajjissanti. Pacchimacittasamaṅgīnaṁ tesaṁ kusalā ca dhammā na uppajjissanti abyākatā ca dhammā na uppajjissanti.

56. ya9.2.1:134.1

    Yassa vā pana abyākatā dhammā na uppajjissanti tassa kusalā dhammā na uppajjissantīti? Āmantā.

57. ya9.2.1:135.1

    Yassa akusalā dhammā na uppajjissanti tassa abyākatā dhammā na uppajjissantīti?

58. ya9.2.1:136.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ akusalā dhammā na uppajjissanti, no ca tesaṁ abyākatā dhammā na uppajjissanti. Pacchimacittasamaṅgīnaṁ tesaṁ akusalā ca dhammā na uppajjissanti abyākatā ca dhammā na uppajjissanti.

59. ya9.2.1:137.1

    Yassa vā pana abyākatā dhammā na uppajjissanti tassa akusalā dhammā na uppajjissantīti? Āmantā.

60. ya9.2.1:138.0

    9.2.1.3.5. Paccanīkaokāsa

61. ya9.2.1:138.1

    Yattha kusalā dhammā na uppajjissanti tattha akusalā dhammā na uppajjissantīti? Āmantā.

62. ya9.2.1:139.1

    Yattha vā pana akusalā dhammā na uppajjissanti tattha kusalā dhammā na uppajjissantīti? Āmantā.

63. ya9.2.1:140.1

    Yattha kusalā dhammā na uppajjissanti tattha abyākatā dhammā na uppajjissantīti? Uppajjissanti.

64. ya9.2.1:141.1

    Yattha vā pana abyākatā dhammā na uppajjissanti tattha kusalā dhammā na uppajjissantīti? Natthi.

65. ya9.2.1:142.1

    Yattha akusalā dhammā na uppajjissanti tattha abyākatā dhammā na uppajjissantīti? Uppajjissanti.

66. ya9.2.1:143.1

    Yattha vā pana abyākatā dhammā na uppajjissanti tattha akusalā dhammā na uppajjissantīti? Natthi.

67. ya9.2.1:144.0

    9.2.1.3.6. Paccanīkapuggalokāsa

68. ya9.2.1:144.1

    Yassa yattha kusalā dhammā na uppajjissanti tassa tattha akusalā dhammā na uppajjissantīti? Āmantā.

69. ya9.2.1:145.1

    Yassa vā pana yattha akusalā dhammā na uppajjissanti tassa tattha kusalā dhammā na uppajjissantīti?

70. ya9.2.1:146.1

    Yassa cittassa anantarā aggamaggaṁ paṭilabhissanti tesaṁ tattha akusalā dhammā na uppajjissanti, no ca tesaṁ tattha kusalā dhammā na uppajjissanti. Aggamaggasamaṅgīnaṁ arahantānaṁ asaññasattānaṁ tesaṁ tattha akusalā ca dhammā na uppajjissanti kusalā ca dhammā na uppajjissanti.

71. ya9.2.1:147.1

    Yassa yattha kusalā dhammā na uppajjissanti tassa tattha abyākatā dhammā na uppajjissantīti?

72. ya9.2.1:148.1

    Aggamaggasamaṅgīnaṁ arahantānaṁ asaññasattānaṁ tesaṁ tattha kusalā dhammā na uppajjissanti, no ca tesaṁ tattha abyākatā dhammā na uppajjissanti. Pacchimacittasamaṅgīnaṁ tesaṁ tattha kusalā ca dhammā na uppajjissanti abyākatā ca dhammā na uppajjissanti.

73. ya9.2.1:149.1

    Yassa vā pana yattha abyākatā dhammā na uppajjissanti tassa tattha kusalā dhammā na uppajjissantīti? Āmantā.

74. ya9.2.1:150.1

    Yassa yattha akusalā dhammā na uppajjissanti tassa tattha abyākatā dhammā na uppajjissantīti?

75. ya9.2.1:151.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha akusalā dhammā na uppajjissanti, no ca tesaṁ tattha abyākatā dhammā na uppajjissanti. Pacchimacittasamaṅgīnaṁ tesaṁ tattha akusalā ca dhammā na uppajjissanti abyākatā ca dhammā na uppajjissanti.

76. ya9.2.1:152.1

    Yassa vā pana yattha abyākatā dhammā na uppajjissanti tassa tattha akusalā dhammā na uppajjissantīti? Āmantā.

77. ya9.2.1:153.0.1

    9.2.1.4. Paccuppannātītavāra

78. ya9.2.1:153.0.2

    9.2.1.4.1. Anulomapuggala

79. ya9.2.1:153.1

    Yassa kusalā dhammā uppajjanti tassa akusalā dhammā uppajjitthāti? Āmantā.

80. ya9.2.1:154.1

    Yassa vā pana akusalā dhammā uppajjittha tassa kusalā dhammā uppajjantīti?

81. ya9.2.1:155.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ akusalā dhammā uppajjittha, no ca tesaṁ kusalā dhammā uppajjanti. Kusalānaṁ uppādakkhaṇe tesaṁ akusalā ca dhammā uppajjittha kusalā ca dhammā uppajjanti.

82. ya9.2.1:156.1

    Yassa kusalā dhammā uppajjanti tassa abyākatā dhammā uppajjitthāti? Āmantā.

83. ya9.2.1:157.1

    Yassa vā pana abyākatā dhammā uppajjittha tassa kusalā dhammā uppajjantīti?

84. ya9.2.1:158.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ abyākatā dhammā uppajjittha, no ca tesaṁ kusalā dhammā uppajjanti. Kusalānaṁ uppādakkhaṇe tesaṁ abyākatā ca dhammā uppajjittha kusalā ca dhammā uppajjanti.

85. ya9.2.1:159.1

    Yassa akusalā dhammā uppajjanti tassa abyākatā dhammā uppajjitthāti? Āmantā.

86. ya9.2.1:160.1

    Yassa vā pana abyākatā dhammā uppajjittha tassa akusalā dhammā uppajjantīti?

87. ya9.2.1:161.1

    Sabbesaṁ cittassa bhaṅgakkhaṇe akusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ abyākatā dhammā uppajjittha, no ca tesaṁ akusalā dhammā uppajjanti. Akusalānaṁ uppādakkhaṇe tesaṁ abyākatā ca dhammā uppajjittha akusalā ca dhammā uppajjanti.

88. ya9.2.1:162.0

    9.2.1.4.2. Anulomaokāsa

89. ya9.2.1:162.1

    Yattha kusalā dhammā uppajjanti tattha akusalā dhammā uppajjitthāti? …pe….

90. ya9.2.1:163.0

    9.2.1.4.3. Anulomapuggalokāsa

91. ya9.2.1:163.1

    Yassa yattha kusalā dhammā uppajjanti tassa tattha akusalā dhammā uppajjitthāti? Āmantā.

92. ya9.2.1:164.1

    Yassa vā pana yattha akusalā dhammā uppajjittha tassa tattha kusalā dhammā uppajjantīti?

93. ya9.2.1:165.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe tesaṁ tattha akusalā dhammā uppajjittha, no ca tesaṁ tattha kusalā dhammā uppajjanti. Kusalānaṁ uppādakkhaṇe tesaṁ tattha akusalā ca dhammā uppajjittha kusalā ca dhammā uppajjanti.

94. ya9.2.1:166.1

    Yassa yattha kusalā dhammā uppajjanti tassa tattha abyākatā dhammā uppajjitthāti? Āmantā.

95. ya9.2.1:167.1

    Yassa vā pana yattha abyākatā dhammā uppajjittha tassa tattha kusalā dhammā uppajjantīti?

96. ya9.2.1:168.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe asaññasattānaṁ tesaṁ tattha abyākatā dhammā uppajjittha, no ca tesaṁ tattha kusalā dhammā uppajjanti. Kusalānaṁ uppādakkhaṇe tesaṁ tattha abyākatā ca dhammā uppajjittha kusalā ca dhammā uppajjanti.

97. ya9.2.1:169.1

    Yassa yattha akusalā dhammā uppajjanti tassa tattha abyākatā dhammā uppajjitthāti? Āmantā.

98. ya9.2.1:170.1

    Yassa vā pana yattha abyākatā dhammā uppajjittha tassa tattha akusalā dhammā uppajjantīti?

99. ya9.2.1:171.1

    Sabbesaṁ cittassa bhaṅgakkhaṇe akusalavippayuttacittassa uppādakkhaṇe asaññasattānaṁ tesaṁ tattha abyākatā dhammā uppajjittha, no ca tesaṁ tattha akusalā dhammā uppajjanti. Akusalānaṁ uppādakkhaṇe tesaṁ tattha abyākatā ca dhammā uppajjittha akusalā ca dhammā uppajjanti.

100. ya9.2.1:172.0

     9.2.1.4.4. Paccanīkapuggala

← Previous · Next → — showing 101–200 of 312

SuttaCentral (suttacentral.net), from the bilara-data and sc-data repositories. Licence: Public Domain. Source.