← Library

9 Dhammayamaka — 9.2 Pavattivāra — 9.2.1. Uppādavāra

Early Buddhist texts (SuttaCentral): Abhidhamma · abhidhamma · 312 sections

1. ya9.2.1:0.1

   9 Dhammayamaka

2. ya9.2.1:0.2

   9.2 Pavattivāra

3. ya9.2.1:0.3

   9.2.1. Uppādavāra

4. ya9.2.1:1.0.1

   9.2.1.1. Paccuppannavāra

5. ya9.2.1:1.0.2

   9.2.1.1.1. Anulomapuggala

6. ya9.2.1:1.1

   Yassa kusalā dhammā uppajjanti tassa akusalā dhammā uppajjantīti? No.

7. ya9.2.1:2.1

   Yassa vā pana akusalā dhammā uppajjanti tassa kusalā dhammā uppajjantīti? No.

8. ya9.2.1:3.1

   Yassa kusalā dhammā uppajjanti tassa abyākatā dhammā uppajjantīti?

9. ya9.2.1:4.1

   Arūpe kusalānaṁ uppādakkhaṇe tesaṁ kusalā dhammā uppajjanti, no ca tesaṁ abyākatā dhammā uppajjanti. Pañcavokāre kusalānaṁ uppādakkhaṇe tesaṁ kusalā ca dhammā uppajjanti abyākatā ca dhammā uppajjanti.

10. ya9.2.1:5.1

    Yassa vā pana abyākatā dhammā uppajjanti tassa kusalā dhammā uppajjantīti?

11. ya9.2.1:6.1

    Sabbesaṁ upapajjantānaṁ pavatte kusalavippayuttacittassa uppādakkhaṇe tesaṁ abyākatā dhammā uppajjanti, no ca tesaṁ kusalā dhammā uppajjanti. Pañcavokāre kusalānaṁ uppādakkhaṇe tesaṁ abyākatā ca dhammā uppajjanti kusalā ca dhammā uppajjanti.

12. ya9.2.1:7.1

    Yassa akusalā dhammā uppajjanti tassa abyākatā dhammā uppajjantīti?

13. ya9.2.1:8.1

    Arūpe akusalānaṁ uppādakkhaṇe tesaṁ akusalā dhammā uppajjanti, no ca tesaṁ abyākatā dhammā uppajjanti. Pañcavokāre akusalānaṁ uppādakkhaṇe tesaṁ akusalā ca dhammā uppajjanti abyākatā ca dhammā uppajjanti.

14. ya9.2.1:9.1

    Yassa vā pana abyākatā dhammā uppajjanti tassa akusalā dhammā uppajjantīti?

15. ya9.2.1:10.1

    Sabbesaṁ upapajjantānaṁ pavatte akusalavippayuttacittassa uppādakkhaṇe tesaṁ abyākatā dhammā uppajjanti, no ca tesaṁ akusalā dhammā uppajjanti. Pañcavokāre akusalānaṁ uppādakkhaṇe tesaṁ abyākatā ca dhammā uppajjanti akusalā ca dhammā uppajjanti.

16. ya9.2.1:11.0

    9.2.1.1.2. Anulomaokāsa

17. ya9.2.1:11.1

    Yattha kusalā dhammā uppajjanti tattha akusalā dhammā uppajjantīti? Āmantā.

18. ya9.2.1:12.1

    Yattha vā pana akusalā dhammā uppajjanti tattha kusalā dhammā uppajjantīti? Āmantā.

19. ya9.2.1:13.1

    Yattha kusalā dhammā uppajjanti tattha abyākatā dhammā uppajjantīti? Āmantā.

20. ya9.2.1:14.1

    Yattha vā pana abyākatā dhammā uppajjanti tattha kusalā dhammā uppajjantīti?

21. ya9.2.1:15.1

    Asaññasatte tattha abyākatā dhammā uppajjanti, no ca tattha kusalā dhammā uppajjanti. Catuvokāre pañcavokāre tattha abyākatā ca dhammā uppajjanti kusalā ca dhammā uppajjanti.

22. ya9.2.1:16.1

    Yattha akusalā dhammā uppajjanti tattha abyākatā dhammā uppajjantīti? Āmantā.

23. ya9.2.1:17.1

    Yattha vā pana abyākatā dhammā uppajjanti tattha akusalā dhammā uppajjantīti?

24. ya9.2.1:18.1

    Asaññasatte tattha abyākatā dhammā uppajjanti, no ca tattha akusalā dhammā uppajjanti. Catuvokāre pañcavokāre tattha abyākatā ca dhammā uppajjanti akusalā ca dhammā uppajjanti.

25. ya9.2.1:19.0

    9.2.1.1.3. Anulomapuggalokāsa

26. ya9.2.1:19.1

    Yassa yattha kusalā dhammā uppajjanti tassa tattha akusalā dhammā uppajjantīti? No.

27. ya9.2.1:20.1

    Yassa vā pana yattha akusalā dhammā uppajjanti tassa tattha kusalā dhammā uppajjantīti? No.

28. ya9.2.1:21.1

    Yassa yattha kusalā dhammā uppajjanti tassa tattha abyākatā dhammā uppajjantīti?

29. ya9.2.1:22.1

    Arūpe kusalānaṁ uppādakkhaṇe tesaṁ tattha kusalā dhammā uppajjanti, no ca tesaṁ tattha abyākatā dhammā uppajjanti. Pañcavokāre kusalānaṁ uppādakkhaṇe tesaṁ tattha kusalā ca dhammā uppajjanti abyākatā ca dhammā uppajjanti.

30. ya9.2.1:23.1

    Yassa vā pana yattha abyākatā dhammā uppajjanti tassa tattha kusalā dhammā uppajjantīti?

31. ya9.2.1:24.1

    Sabbesaṁ upapajjantānaṁ pavatte kusalavippayuttacittassa uppādakkhaṇe tesaṁ tattha abyākatā dhammā uppajjanti, no ca tesaṁ tattha kusalā dhammā uppajjanti. Pañcavokāre kusalānaṁ uppādakkhaṇe tesaṁ tattha abyākatā ca dhammā uppajjanti kusalā ca dhammā uppajjanti.

32. ya9.2.1:25.1

    Yassa yattha akusalā dhammā uppajjanti tassa tattha abyākatā dhammā uppajjantīti?

33. ya9.2.1:26.1

    Arūpe akusalānaṁ uppādakkhaṇe tesaṁ tattha akusalā dhammā uppajjanti, no ca tesaṁ tattha abyākatā dhammā uppajjanti. Pañcavokāre akusalānaṁ uppādakkhaṇe tesaṁ tattha akusalā ca dhammā uppajjanti abyākatā ca dhammā uppajjanti.

34. ya9.2.1:27.1

    Yassa vā pana yattha abyākatā dhammā uppajjanti tassa tattha akusalā dhammā uppajjantīti?

35. ya9.2.1:28.1

    Sabbesaṁ upapajjantānaṁ pavatte akusalavippayuttacittassa uppādakkhaṇe tesaṁ tattha abyākatā dhammā uppajjanti, no ca tesaṁ tattha akusalā dhammā uppajjanti. Pañcavokāre akusalānaṁ uppādakkhaṇe tesaṁ tattha abyākatā ca dhammā uppajjanti akusalā ca dhammā uppajjanti.

36. ya9.2.1:29.0

    9.2.1.1.4. Paccanīkapuggala

37. ya9.2.1:29.1

    Yassa kusalā dhammā na uppajjanti tassa akusalā dhammā na uppajjantīti?

38. ya9.2.1:30.1

    Akusalānaṁ uppādakkhaṇe tesaṁ kusalā dhammā na uppajjanti, no ca tesaṁ akusalā dhammā na uppajjanti. Sabbesaṁ cittassa bhaṅgakkhaṇe kusalavippayuttaakusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ kusalā ca dhammā na uppajjanti akusalā ca dhammā na uppajjanti.

39. ya9.2.1:31.1

    Yassa vā pana akusalā dhammā na uppajjanti tassa kusalā dhammā na uppajjantīti?

40. ya9.2.1:32.1

    Kusalānaṁ uppādakkhaṇe tesaṁ akusalā dhammā na uppajjanti, no ca tesaṁ kusalā dhammā na uppajjanti. Sabbesaṁ cittassa bhaṅgakkhaṇe akusalavippayuttakusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ akusalā ca dhammā na uppajjanti kusalā ca dhammā na uppajjanti.

41. ya9.2.1:33.1

    Yassa kusalā dhammā na uppajjanti tassa abyākatā dhammā na uppajjantīti?

42. ya9.2.1:34.1

    Sabbesaṁ upapajjantānaṁ pavatte kusalavippayuttacittassa uppādakkhaṇe tesaṁ kusalā dhammā na uppajjanti, no ca tesaṁ abyākatā dhammā na uppajjanti. Sabbesaṁ cavantānaṁ pavatte cittassa bhaṅgakkhaṇe arūpe akusalānaṁ uppādakkhaṇe tesaṁ kusalā ca dhammā na uppajjanti abyākatā ca dhammā na uppajjanti.

43. ya9.2.1:35.1

    Yassa vā pana abyākatā dhammā na uppajjanti tassa kusalā dhammā na uppajjantīti?

44. ya9.2.1:36.1

    Arūpe kusalānaṁ uppādakkhaṇe tesaṁ abyākatā dhammā na uppajjanti, no ca tesaṁ kusalā dhammā na uppajjanti. Sabbesaṁ cavantānaṁ pavatte cittassa bhaṅgakkhaṇe arūpe akusalānaṁ uppādakkhaṇe tesaṁ abyākatā ca dhammā na uppajjanti kusalā ca dhammā na uppajjanti.

45. ya9.2.1:37.1

    Yassa akusalā dhammā na uppajjanti tassa abyākatā dhammā na uppajjantīti?

46. ya9.2.1:38.1

    Sabbesaṁ upapajjantānaṁ pavatte akusalavippayuttacittassa uppādakkhaṇe tesaṁ akusalā dhammā na uppajjanti, no ca tesaṁ abyākatā dhammā na uppajjanti. Sabbesaṁ cavantānaṁ pavatte cittassa bhaṅgakkhaṇe arūpe kusalānaṁ uppādakkhaṇe tesaṁ akusalā ca dhammā na uppajjanti abyākatā ca dhammā na uppajjanti.

47. ya9.2.1:39.1

    Yassa vā pana abyākatā dhammā na uppajjanti tassa akusalā dhammā na uppajjantīti?

48. ya9.2.1:40.1

    Arūpe akusalānaṁ uppādakkhaṇe tesaṁ abyākatā dhammā na uppajjanti, no ca tesaṁ akusalā dhammā na uppajjanti. Sabbesaṁ cavantānaṁ pavatte cittassa bhaṅgakkhaṇe arūpe kusalānaṁ uppādakkhaṇe tesaṁ abyākatā ca dhammā na uppajjanti akusalā ca dhammā na uppajjanti.

49. ya9.2.1:41.0

    9.2.1.1.5. Paccanīkaokāsa

50. ya9.2.1:41.1

    Yattha kusalā dhammā na uppajjanti tattha akusalā dhammā na uppajjantīti? Āmantā.

51. ya9.2.1:42.1

    Yattha vā pana akusalā dhammā na uppajjanti tattha kusalā dhammā na uppajjantīti? Āmantā.

52. ya9.2.1:43.1

    Yattha kusalā dhammā na uppajjanti tattha abyākatā dhammā na uppajjantīti? Uppajjanti.

53. ya9.2.1:44.1

    Yattha vā pana abyākatā dhammā na uppajjanti tattha kusalā dhammā na uppajjantīti? Natthi.

54. ya9.2.1:45.1

    Yattha akusalā dhammā na uppajjanti tattha abyākatā dhammā na uppajjantīti? Uppajjanti.

55. ya9.2.1:46.1

    Yattha vā pana abyākatā dhammā na uppajjanti tattha akusalā dhammā na uppajjantīti? Natthi.

56. ya9.2.1:47.0

    9.2.1.1.6. Paccanīkapuggalokāsa

57. ya9.2.1:47.1

    Yassa yattha kusalā dhammā na uppajjanti tassa tattha akusalā dhammā na uppajjantīti?

58. ya9.2.1:48.1

    Akusalānaṁ uppādakkhaṇe tesaṁ tattha kusalā dhammā na uppajjanti, no ca tesaṁ tattha akusalā dhammā na uppajjanti. Sabbesaṁ cittassa bhaṅgakkhaṇe kusalavippayuttaakusalavippayuttacittassa uppādakkhaṇe asaññasattānaṁ tesaṁ tattha kusalā ca dhammā na uppajjanti akusalā ca dhammā na uppajjanti.

59. ya9.2.1:49.1

    Yassa vā pana yattha akusalā dhammā na uppajjanti tassa tattha kusalā dhammā na uppajjantīti?

60. ya9.2.1:50.1

    Kusalānaṁ uppādakkhaṇe tesaṁ tattha akusalā dhammā na uppajjanti, no ca tesaṁ tattha kusalā dhammā na uppajjanti. Sabbesaṁ cittassa bhaṅgakkhaṇe akusalavippayuttakusalavippayuttacittassa uppādakkhaṇe asaññasattānaṁ tesaṁ tattha akusalā ca dhammā na uppajjanti kusalā ca dhammā na uppajjanti.

61. ya9.2.1:51.1

    Yassa yattha kusalā dhammā na uppajjanti tassa tattha abyākatā dhammā na uppajjantīti?

62. ya9.2.1:52.1

    Sabbesaṁ upapajjantānaṁ pavatte kusalavippayuttacittassa uppādakkhaṇe tesaṁ tattha kusalā dhammā na uppajjanti, no ca tesaṁ tattha abyākatā dhammā na uppajjanti. Sabbesaṁ cavantānaṁ pavatte cittassa bhaṅgakkhaṇe arūpe akusalānaṁ uppādakkhaṇe tesaṁ tattha kusalā ca dhammā na uppajjanti abyākatā ca dhammā na uppajjanti.

63. ya9.2.1:53.1

    Yassa vā pana yattha abyākatā dhammā na uppajjanti tassa tattha kusalā dhammā na uppajjantīti?

64. ya9.2.1:54.1

    Arūpe kusalānaṁ uppādakkhaṇe tesaṁ tattha abyākatā dhammā na uppajjanti, no ca tesaṁ tattha kusalā dhammā na uppajjanti. Sabbesaṁ cavantānaṁ pavatte cittassa bhaṅgakkhaṇe arūpe akusalānaṁ uppādakkhaṇe tesaṁ tattha abyākatā ca dhammā na uppajjanti kusalā ca dhammā na uppajjanti.

65. ya9.2.1:55.1

    Yassa yattha akusalā dhammā na uppajjanti tassa tattha abyākatā dhammā na uppajjantīti?

66. ya9.2.1:56.1

    Sabbesaṁ upapajjantānaṁ pavatte akusalavippayuttacittassa uppādakkhaṇe tesaṁ tattha akusalā dhammā na uppajjanti, no ca tesaṁ tattha abyākatā dhammā na uppajjanti. Sabbesaṁ cavantānaṁ pavatte cittassa bhaṅgakkhaṇe arūpe kusalānaṁ uppādakkhaṇe tesaṁ tattha akusalā ca dhammā na uppajjanti abyākatā ca dhammā na uppajjanti.

67. ya9.2.1:57.1

    Yassa vā pana yattha abyākatā dhammā na uppajjanti tassa tattha akusalā dhammā na uppajjantīti?

68. ya9.2.1:58.1

    Arūpe akusalānaṁ uppādakkhaṇe tesaṁ tattha abyākatā dhammā na uppajjanti, no ca tesaṁ tattha akusalā dhammā na uppajjanti. Sabbesaṁ cavantānaṁ pavatte cittassa bhaṅgakkhaṇe arūpe kusalānaṁ uppādakkhaṇe tesaṁ tattha abyākatā ca dhammā na uppajjanti akusalā ca dhammā na uppajjanti.

69. ya9.2.1:59.0.1

    9.2.1.2. Atītavāra

70. ya9.2.1:59.0.2

    9.2.1.2.1. Anulomapuggala

71. ya9.2.1:59.1

    Yassa kusalā dhammā uppajjittha tassa akusalā dhammā uppajjitthāti? Āmantā.

72. ya9.2.1:60.1

    Yassa vā pana akusalā dhammā uppajjittha tassa kusalā dhammā uppajjitthāti? Āmantā.

73. ya9.2.1:61.1

    Yassa kusalā dhammā uppajjittha tassa abyākatā dhammā uppajjitthāti? Āmantā.

74. ya9.2.1:62.1

    Yassa vā pana abyākatā dhammā uppajjittha tassa kusalā dhammā uppajjitthāti? Āmantā.

75. ya9.2.1:63.1

    Yassa akusalā dhammā uppajjittha tassa abyākatā dhammā uppajjitthāti? Āmantā.

76. ya9.2.1:64.1

    Yassa vā pana abyākatā dhammā uppajjittha tassa akusalā dhammā uppajjitthāti? Āmantā.

77. ya9.2.1:65.0

    9.2.1.2.2. Anulomaokāsa

78. ya9.2.1:65.1

    Yattha kusalā dhammā uppajjittha tattha akusalā dhammā uppajjitthāti? Āmantā.

79. ya9.2.1:66.1

    Yattha vā pana akusalā dhammā uppajjittha tattha kusalā dhammā uppajjitthāti? Āmantā.

80. ya9.2.1:67.1

    Yattha kusalā dhammā uppajjittha tattha abyākatā dhammā uppajjitthāti? Āmantā.

81. ya9.2.1:68.1

    Yattha vā pana abyākatā dhammā uppajjittha tattha kusalā dhammā uppajjitthāti?

82. ya9.2.1:69.1

    Asaññasatte tattha abyākatā dhammā uppajjittha, no ca tattha kusalā dhammā uppajjittha. Catuvokāre pañcavokāre tattha abyākatā ca dhammā uppajjittha kusalā ca dhammā uppajjittha.

83. ya9.2.1:70.1

    Yattha akusalā dhammā uppajjittha tattha abyākatā dhammā uppajjitthāti? Āmantā.

84. ya9.2.1:71.1

    Yattha vā pana abyākatā dhammā uppajjittha tattha akusalā dhammā uppajjitthāti?

85. ya9.2.1:72.1

    Asaññasatte tattha abyākatā dhammā uppajjittha, no ca tattha akusalā dhammā uppajjittha. Catuvokāre pañcavokāre tattha abyākatā ca dhammā uppajjittha akusalā ca dhammā uppajjittha.

86. ya9.2.1:73.0

    9.2.1.2.3. Anulomapuggalokāsa

87. ya9.2.1:73.1

    Yassa yattha kusalā dhammā uppajjittha tassa tattha akusalā dhammā uppajjitthāti? Āmantā.

88. ya9.2.1:74.1

    Yassa vā pana yattha akusalā dhammā uppajjittha tassa tattha kusalā dhammā uppajjitthāti?

89. ya9.2.1:75.1

    Suddhāvāsānaṁ dutiye akusale citte vattamāne tesaṁ tattha akusalā dhammā uppajjittha, no ca tesaṁ tattha kusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha akusalā ca dhammā uppajjittha kusalā ca dhammā uppajjittha.

90. ya9.2.1:76.1

    Yassa yattha kusalā dhammā uppajjittha tassa tattha abyākatā dhammā uppajjitthāti? Āmantā.

91. ya9.2.1:77.1

    Yassa vā pana yattha abyākatā dhammā uppajjittha tassa tattha kusalā dhammā uppajjitthāti?

92. ya9.2.1:78.1

    Suddhāvāsānaṁ dutiye citte vattamāne asaññasattānaṁ tesaṁ tattha abyākatā dhammā uppajjittha, no ca tesaṁ tattha kusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā uppajjittha kusalā ca dhammā uppajjittha.

93. ya9.2.1:79.1

    Yassa yattha akusalā dhammā uppajjittha tassa tattha abyākatā dhammā uppajjitthāti? Āmantā.

94. ya9.2.1:80.1

    Yassa vā pana yattha abyākatā dhammā uppajjittha tassa tattha akusalā dhammā uppajjitthāti?

95. ya9.2.1:81.1

    Suddhāvāsānaṁ dutiye citte vattamāne asaññasattānaṁ tesaṁ tattha abyākatā dhammā uppajjittha, no ca tesaṁ tattha akusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā uppajjittha akusalā ca dhammā uppajjittha.

96. ya9.2.1:82.0

    9.2.1.2.4. Paccanīkapuggala

97. ya9.2.1:82.1

    Yassa kusalā dhammā na uppajjittha tassa akusalā dhammā na uppajjitthāti? Natthi.

98. ya9.2.1:83.1

    Yassa vā pana akusalā dhammā na uppajjittha tassa kusalā dhammā na uppajjitthāti? Natthi.

99. ya9.2.1:84.1

    Yassa kusalā dhammā na uppajjittha tassa abyākatā dhammā na uppajjitthāti? Natthi.

100. ya9.2.1:85.1

     Yassa vā pana abyākatā dhammā na uppajjittha tassa kusalā dhammā na uppajjitthāti? Natthi.

Next → — showing 1–100 of 312

SuttaCentral (suttacentral.net), from the bilara-data and sc-data repositories. Licence: Public Domain. Source.