← Library

9 Dhammayamaka — 9.2 Pavattivāra — 9.2.1. Uppādavāra

Early Buddhist texts (SuttaCentral): Abhidhamma · abhidhamma · 312 sections

1. ya9.2.1:172.1

   Yassa kusalā dhammā na uppajjanti tassa akusalā dhammā na uppajjitthāti? Uppajjittha.

2. ya9.2.1:173.1

   Yassa vā pana akusalā dhammā na uppajjittha tassa kusalā dhammā na uppajjantīti? Natthi.

3. ya9.2.1:174.1

   Yassa kusalā dhammā na uppajjanti tassa abyākatā dhammā na uppajjitthāti? Uppajjittha.

4. ya9.2.1:175.1

   Yassa vā pana abyākatā dhammā na uppajjittha tassa kusalā dhammā na uppajjantīti? Natthi.

5. ya9.2.1:176.1

   Yassa akusalā dhammā na uppajjanti tassa abyākatā dhammā na uppajjitthāti? Uppajjittha.

6. ya9.2.1:177.1

   Yassa vā pana abyākatā dhammā na uppajjittha tassa akusalā dhammā na uppajjantīti? Natthi.

7. ya9.2.1:178.0

   9.2.1.4.5. Paccanīkaokāsa

8. ya9.2.1:178.1

   Yattha kusalā dhammā na uppajjanti tattha akusalā dhammā na uppajjitthāti? …pe….

9. ya9.2.1:179.0

   9.2.1.4.6. Paccanīkapuggalokāsa

10. ya9.2.1:179.1

    Yassa yattha kusalā dhammā na uppajjanti tassa tattha akusalā dhammā na uppajjitthāti?

11. ya9.2.1:180.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe tesaṁ tattha kusalā dhammā na uppajjanti, no ca tesaṁ tattha akusalā dhammā na uppajjittha. Suddhāvāsānaṁ dutiye citte vattamāne asaññasattānaṁ tesaṁ tattha kusalā ca dhammā na uppajjanti akusalā ca dhammā na uppajjittha.

12. ya9.2.1:181.1

    Yassa vā pana yattha akusalā dhammā na uppajjittha tassa tattha kusalā dhammā na uppajjantīti? Āmantā.

13. ya9.2.1:182.1

    Yassa yattha kusalā dhammā na uppajjanti tassa tattha abyākatā dhammā na uppajjitthāti?

14. ya9.2.1:183.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe asaññasattānaṁ tesaṁ tattha kusalā dhammā na uppajjanti, no ca tesaṁ tattha abyākatā dhammā na uppajjittha. Suddhāvāsaṁ upapajjantānaṁ tesaṁ tattha kusalā ca dhammā na uppajjanti abyākatā ca dhammā na uppajjittha.

15. ya9.2.1:184.1

    Yassa vā pana yattha abyākatā dhammā na uppajjittha tassa tattha kusalā dhammā na uppajjantīti? Āmantā.

16. ya9.2.1:185.1

    Yassa yattha akusalā dhammā na uppajjanti tassa tattha abyākatā dhammā na uppajjitthāti?

17. ya9.2.1:186.1

    Sabbesaṁ cittassa bhaṅgakkhaṇe akusalavippayuttacittassa uppādakkhaṇe asaññasattānaṁ tesaṁ tattha akusalā dhammā na uppajjanti, no ca tesaṁ tattha abyākatā dhammā na uppajjittha. Suddhāvāsaṁ upapajjantānaṁ tesaṁ tattha akusalā ca dhammā na uppajjanti abyākatā ca dhammā na uppajjittha.

18. ya9.2.1:187.1

    Yassa vā pana yattha abyākatā dhammā na uppajjittha tassa tattha akusalā dhammā na uppajjantīti? Āmantā.

19. ya9.2.1:188.0.1

    9.2.1.5. Paccuppannānāgatavāra

20. ya9.2.1:188.0.2

    9.2.1.5.1. Anulomapuggala

21. ya9.2.1:188.1

    Yassa kusalā dhammā uppajjanti tassa akusalā dhammā uppajjissantīti?

22. ya9.2.1:189.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ kusalā dhammā uppajjanti, no ca tesaṁ akusalā dhammā uppajjissanti. Itaresaṁ kusalānaṁ uppādakkhaṇe tesaṁ kusalā ca dhammā uppajjanti akusalā ca dhammā uppajjissanti.

23. ya9.2.1:190.1

    Yassa vā pana akusalā dhammā uppajjissanti tassa kusalā dhammā uppajjantīti?

24. ya9.2.1:191.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ akusalā dhammā uppajjissanti, no ca tesaṁ kusalā dhammā uppajjanti. Kusalānaṁ uppādakkhaṇe tesaṁ akusalā ca dhammā uppajjissanti kusalā ca dhammā uppajjanti.

25. ya9.2.1:192.1

    Yassa kusalā dhammā uppajjanti tassa abyākatā dhammā uppajjissantīti? Āmantā.

26. ya9.2.1:193.1

    Yassa vā pana abyākatā dhammā uppajjissanti tassa kusalā dhammā uppajjantīti?

27. ya9.2.1:194.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ abyākatā dhammā uppajjissanti, no ca tesaṁ kusalā dhammā uppajjanti. Kusalānaṁ uppādakkhaṇe tesaṁ abyākatā ca dhammā uppajjissanti kusalā ca dhammā uppajjanti.

28. ya9.2.1:195.1

    Yassa akusalā dhammā uppajjanti tassa abyākatā dhammā uppajjissantīti? Āmantā.

29. ya9.2.1:196.1

    Yassa vā pana abyākatā dhammā uppajjissanti tassa akusalā dhammā uppajjantīti?

30. ya9.2.1:197.1

    Sabbesaṁ cittassa bhaṅgakkhaṇe akusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ abyākatā dhammā uppajjissanti, no ca tesaṁ akusalā dhammā uppajjanti. Akusalānaṁ uppādakkhaṇe tesaṁ abyākatā ca dhammā uppajjissanti akusalā ca dhammā uppajjanti.

31. ya9.2.1:198.0

    9.2.1.5.2. Anulomaokāsa

32. ya9.2.1:198.1

    Yattha kusalā dhammā uppajjanti tattha akusalā dhammā uppajjissantīti? …pe….

33. ya9.2.1:199.0

    9.2.1.5.3. Anulomapuggalokāsa

34. ya9.2.1:199.1

    Yassa yattha kusalā dhammā uppajjanti tassa tattha akusalā dhammā uppajjissantīti?

35. ya9.2.1:200.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ tattha kusalā dhammā uppajjanti, no ca tesaṁ tattha akusalā dhammā uppajjissanti. Itaresaṁ kusalānaṁ uppādakkhaṇe tesaṁ tattha kusalā ca dhammā uppajjanti akusalā ca dhammā uppajjissanti.

36. ya9.2.1:201.1

    Yassa vā pana yattha akusalā dhammā uppajjissanti tassa tattha kusalā dhammā uppajjantīti?

37. ya9.2.1:202.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe tesaṁ tattha akusalā dhammā uppajjissanti, no ca tesaṁ tattha kusalā dhammā uppajjanti. Kusalānaṁ uppādakkhaṇe tesaṁ tattha akusalā ca dhammā uppajjissanti kusalā ca dhammā uppajjanti.

38. ya9.2.1:203.1

    Yassa yattha kusalā dhammā uppajjanti tassa tattha abyākatā dhammā uppajjissantīti? Āmantā.

39. ya9.2.1:204.1

    Yassa vā pana yattha abyākatā dhammā uppajjissanti tassa tattha kusalā dhammā uppajjantīti?

40. ya9.2.1:205.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe asaññasattānaṁ tesaṁ tattha abyākatā dhammā uppajjissanti, no ca tesaṁ tattha kusalā dhammā uppajjanti. Kusalānaṁ uppādakkhaṇe tesaṁ tattha abyākatā ca dhammā uppajjissanti kusalā ca dhammā uppajjanti.

41. ya9.2.1:206.1

    Yassa yattha akusalā dhammā uppajjanti tassa tattha abyākatā dhammā uppajjissantīti? Āmantā.

42. ya9.2.1:207.1

    Yassa vā pana yattha abyākatā dhammā uppajjissanti tassa tattha akusalā dhammā uppajjantīti?

43. ya9.2.1:208.1

    Sabbesaṁ cittassa bhaṅgakkhaṇe akusalavippayuttacittassa uppādakkhaṇe asaññasattānaṁ tesaṁ tattha abyākatā dhammā uppajjissanti, no ca tesaṁ tattha akusalā dhammā uppajjanti. Akusalānaṁ uppādakkhaṇe tesaṁ tattha abyākatā ca dhammā uppajjissanti akusalā ca dhammā uppajjanti.

44. ya9.2.1:209.0

    9.2.1.5.4. Paccanīkapuggala

45. ya9.2.1:209.1

    Yassa kusalā dhammā na uppajjanti tassa akusalā dhammā na uppajjissantīti?

46. ya9.2.1:210.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ kusalā dhammā na uppajjanti, no ca tesaṁ akusalā dhammā na uppajjissanti. Aggamaggassa bhaṅgakkhaṇe arahantānaṁ yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ kusalā ca dhammā na uppajjanti akusalā ca dhammā na uppajjissanti.

47. ya9.2.1:211.1

    Yassa vā pana akusalā dhammā na uppajjissanti tassa kusalā dhammā na uppajjantīti?

48. ya9.2.1:212.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ akusalā dhammā na uppajjissanti, no ca tesaṁ kusalā dhammā na uppajjanti. Aggamaggassa bhaṅgakkhaṇe arahantānaṁ yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ akusalā ca dhammā na uppajjissanti kusalā ca dhammā na uppajjanti.

49. ya9.2.1:213.1

    Yassa kusalā dhammā na uppajjanti tassa abyākatā dhammā na uppajjissantīti?

50. ya9.2.1:214.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ kusalā dhammā na uppajjanti, no ca tesaṁ abyākatā dhammā na uppajjissanti. Pacchimacittasamaṅgīnaṁ tesaṁ kusalā ca dhammā na uppajjanti abyākatā ca dhammā na uppajjissanti.

51. ya9.2.1:215.1

    Yassa vā pana abyākatā dhammā na uppajjissanti tassa kusalā dhammā na uppajjantīti? Āmantā.

52. ya9.2.1:216.1

    Yassa akusalā dhammā na uppajjanti tassa abyākatā dhammā na uppajjissantīti?

53. ya9.2.1:217.1

    Sabbesaṁ cittassa bhaṅgakkhaṇe akusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ akusalā dhammā na uppajjanti, no ca tesaṁ abyākatā dhammā na uppajjissanti. Pacchimacittasamaṅgīnaṁ tesaṁ akusalā ca dhammā na uppajjanti abyākatā ca dhammā na uppajjissanti.

54. ya9.2.1:218.1

    Yassa vā pana abyākatā dhammā na uppajjissanti tassa akusalā dhammā na uppajjantīti? Āmantā.

55. ya9.2.1:219.0

    9.2.1.5.5. Paccanīkaokāsa

56. ya9.2.1:219.1

    Yattha kusalā dhammā na uppajjanti tattha akusalā dhammā na uppajjissantīti? …pe….

57. ya9.2.1:220.0

    9.2.1.5.6. Paccanīkapuggalokāsa

58. ya9.2.1:220.1

    Yassa yattha kusalā dhammā na uppajjanti tassa tattha akusalā dhammā na uppajjissantīti?

59. ya9.2.1:221.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe tesaṁ tattha kusalā dhammā na uppajjanti, no ca tesaṁ tattha akusalā dhammā na uppajjissanti. Aggamaggassa bhaṅgakkhaṇe arahantānaṁ yassa cittassa anantarā aggamaggaṁ paṭilabhissanti tassa cittassa bhaṅgakkhaṇe asaññasattānaṁ tesaṁ tattha kusalā ca dhammā na uppajjanti akusalā ca dhammā na uppajjissanti.

60. ya9.2.1:222.1

    Yassa vā pana yattha akusalā dhammā na uppajjissanti tassa tattha kusalā dhammā na uppajjantīti?

61. ya9.2.1:223.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ tattha akusalā dhammā na uppajjissanti, no ca tesaṁ tattha kusalā dhammā na uppajjanti. Aggamaggassa bhaṅgakkhaṇe arahantānaṁ yassa cittassa anantarā aggamaggaṁ paṭilabhissanti tassa cittassa bhaṅgakkhaṇe asaññasattānaṁ tesaṁ tattha akusalā ca dhammā na uppajjissanti kusalā ca dhammā na uppajjanti.

62. ya9.2.1:224.1

    Yassa yattha kusalā dhammā na uppajjanti tassa tattha abyākatā dhammā na uppajjissantīti?

63. ya9.2.1:225.1

    Sabbesaṁ cittassa bhaṅgakkhaṇe kusalavippayuttacittassa uppādakkhaṇe asaññasattānaṁ tesaṁ tattha kusalā dhammā na uppajjanti, no ca tesaṁ tattha abyākatā dhammā na uppajjissanti. Pacchimacittasamaṅgīnaṁ tesaṁ tattha kusalā ca dhammā na uppajjanti abyākatā ca dhammā na uppajjissanti.

64. ya9.2.1:226.1

    Yassa vā pana yattha abyākatā dhammā na uppajjissanti tassa tattha kusalā dhammā na uppajjantīti? Āmantā.

65. ya9.2.1:227.1

    Yassa yattha akusalā dhammā na uppajjanti tassa tattha abyākatā dhammā na uppajjissantīti?

66. ya9.2.1:228.1

    Sabbesaṁ cittassa bhaṅgakkhaṇe akusalavippayuttacittassa uppādakkhaṇe asaññasattānaṁ tesaṁ tattha akusalā dhammā na uppajjanti, no ca tesaṁ tattha abyākatā dhammā na uppajjissanti. Pacchimacittasamaṅgīnaṁ tesaṁ tattha akusalā ca dhammā na uppajjanti abyākatā ca dhammā na uppajjissanti.

67. ya9.2.1:229.1

    Yassa vā pana yattha abyākatā dhammā na uppajjissanti tassa tattha akusalā dhammā na uppajjantīti? Āmantā.

68. ya9.2.1:230.0.1

    9.2.1.6. Atītānāgatavāra

69. ya9.2.1:230.0.2

    9.2.1.6.1. Anulomapuggala

70. ya9.2.1:230.1

    Yassa kusalā dhammā uppajjittha tassa akusalā dhammā uppajjissantīti?

71. ya9.2.1:231.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ kusalā dhammā uppajjittha, no ca tesaṁ akusalā dhammā uppajjissanti. Itaresaṁ tesaṁ kusalā ca dhammā uppajjittha akusalā ca dhammā uppajjissanti.

72. ya9.2.1:232.1

    Yassa vā pana akusalā dhammā uppajjissanti tassa kusalā dhammā uppajjitthāti? Āmantā.

73. ya9.2.1:233.1

    Yassa kusalā dhammā uppajjittha tassa abyākatā dhammā uppajjissantīti?

74. ya9.2.1:234.1

    Pacchimacittasamaṅgīnaṁ tesaṁ kusalā dhammā uppajjittha, no ca tesaṁ abyākatā dhammā uppajjissanti. Itaresaṁ tesaṁ kusalā ca dhammā uppajjittha abyākatā ca dhammā uppajjissanti.

75. ya9.2.1:235.1

    Yassa vā pana abyākatā dhammā uppajjissanti tassa kusalā dhammā uppajjitthāti? Āmantā.

76. ya9.2.1:236.1

    Yassa akusalā dhammā uppajjittha tassa abyākatā dhammā uppajjissantīti?

77. ya9.2.1:237.1

    Pacchimacittasamaṅgīnaṁ tesaṁ akusalā dhammā uppajjittha, no ca tesaṁ abyākatā dhammā uppajjissanti. Itaresaṁ tesaṁ akusalā ca dhammā uppajjittha abyākatā ca dhammā uppajjissanti.

78. ya9.2.1:238.1

    Yassa vā pana abyākatā dhammā uppajjissanti tassa akusalā dhammā uppajjitthāti? Āmantā.

79. ya9.2.1:239.0

    9.2.1.6.2. Anulomaokāsa

80. ya9.2.1:239.1

    Yattha kusalā dhammā uppajjittha tattha akusalā dhammā uppajjissantīti? …pe….

81. ya9.2.1:240.0

    9.2.1.6.3. Anulomapuggalokāsa

82. ya9.2.1:240.1

    Yassa yattha kusalā dhammā uppajjittha tassa tattha akusalā dhammā uppajjissantīti?

83. ya9.2.1:241.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ tattha kusalā dhammā uppajjittha, no ca tesaṁ tattha akusalā dhammā uppajjissanti. Itaresaṁ catuvokārānaṁ pañcavokārānaṁ tesaṁ tattha kusalā ca dhammā uppajjittha akusalā ca dhammā uppajjissanti.

84. ya9.2.1:242.1

    Yassa vā pana yattha akusalā dhammā uppajjissanti tassa tattha kusalā dhammā uppajjitthāti?

85. ya9.2.1:243.1

    Suddhāvāsānaṁ dutiye citte vattamāne tesaṁ tattha akusalā dhammā uppajjissanti, no ca tesaṁ tattha kusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha akusalā ca dhammā uppajjissanti kusalā ca dhammā uppajjittha.

86. ya9.2.1:244.1

    Yassa yattha kusalā dhammā uppajjittha tassa tattha abyākatā dhammā uppajjissantīti?

87. ya9.2.1:245.1

    Pacchimacittasamaṅgīnaṁ tesaṁ tattha kusalā dhammā uppajjittha, no ca tesaṁ tattha abyākatā dhammā uppajjissanti. Itaresaṁ catuvokārānaṁ pañcavokārānaṁ tesaṁ tattha kusalā ca dhammā uppajjittha abyākatā ca dhammā uppajjissanti.

88. ya9.2.1:246.1

    Yassa vā pana yattha abyākatā dhammā uppajjissanti tassa tattha kusalā dhammā uppajjitthāti?

89. ya9.2.1:247.1

    Suddhāvāsānaṁ dutiye citte vattamāne asaññasattānaṁ tesaṁ tattha abyākatā dhammā uppajjissanti, no ca tesaṁ tattha kusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā uppajjissanti kusalā ca dhammā uppajjittha.

90. ya9.2.1:248.1

    Yassa yattha akusalā dhammā uppajjittha tassa tattha abyākatā dhammā uppajjissantīti?

91. ya9.2.1:249.1

    Pacchimacittasamaṅgīnaṁ tesaṁ tattha akusalā dhammā uppajjittha, no ca tesaṁ tattha abyākatā dhammā uppajjissanti. Itaresaṁ catuvokārānaṁ pañcavokārānaṁ tesaṁ tattha akusalā ca dhammā uppajjittha abyākatā ca dhammā uppajjissanti.

92. ya9.2.1:250.1

    Yassa vā pana yattha abyākatā dhammā uppajjissanti tassa tattha akusalā dhammā uppajjitthāti?

93. ya9.2.1:251.1

    Suddhāvāsānaṁ dutiye citte vattamāne asaññasattānaṁ tesaṁ tattha abyākatā dhammā uppajjissanti, no ca tesaṁ tattha akusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā uppajjissanti akusalā ca dhammā uppajjittha.

94. ya9.2.1:252.0

    9.2.1.6.4. Paccanīkapuggala

95. ya9.2.1:252.1

    Yassa kusalā dhammā na uppajjittha tassa akusalā dhammā na uppajjissantīti? Natthi.

96. ya9.2.1:253.1

    Yassa vā pana akusalā dhammā na uppajjissanti tassa kusalā dhammā na uppajjitthāti? Uppajjittha.

97. ya9.2.1:254.1

    Yassa kusalā dhammā na uppajjittha tassa abyākatā dhammā na uppajjissantīti? Natthi.

98. ya9.2.1:255.1

    Yassa vā pana abyākatā dhammā na uppajjissanti tassa kusalā dhammā na uppajjitthāti? Uppajjittha.

99. ya9.2.1:256.1

    Yassa akusalā dhammā na uppajjittha tassa abyākatā dhammā na uppajjissantīti? Natthi.

100. ya9.2.1:257.1

     Yassa vā pana abyākatā dhammā na uppajjissanti tassa akusalā dhammā na uppajjitthāti? Uppajjittha.

← Previous · Next → — showing 201–300 of 312

SuttaCentral (suttacentral.net), from the bilara-data and sc-data repositories. Licence: Public Domain. Source.