← Library

6 Saṅkhārayamaka — 6.2 Pavattivāra — 6.2.1. Uppādavāra

Early Buddhist texts (SuttaCentral): Abhidhamma · abhidhamma · 289 sections

1. ya6.2.1:82.1

   Yassa kāyasaṅkhāro uppajjissati tassa vacīsaṅkhāro uppajjissatīti? Āmantā.

2. ya6.2.1:83.1

   Yassa vā pana vacīsaṅkhāro uppajjissati tassa kāyasaṅkhāro uppajjissatīti?

3. ya6.2.1:84.1

   Yassa cittassa anantarā kāmāvacarānaṁ pacchimacittaṁ uppajjissati rūpāvacare arūpāvacare pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ vacīsaṅkhāro uppajjissati, no ca tesaṁ kāyasaṅkhāro uppajjissati. Itaresaṁ tesaṁ vacīsaṅkhāro ca uppajjissati kāyasaṅkhāro ca uppajjissati.

4. ya6.2.1:85.1

   Yassa kāyasaṅkhāro uppajjissati tassa cittasaṅkhāro uppajjissatīti? Āmantā.

5. ya6.2.1:86.1

   Yassa vā pana cittasaṅkhāro uppajjissati tassa kāyasaṅkhāro uppajjissatīti?

6. ya6.2.1:87.1

   Yassa cittassa anantarā kāmāvacarānaṁ pacchimacittaṁ uppajjissati rūpāvacare arūpāvacare pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ cittasaṅkhāro uppajjissati, no ca tesaṁ kāyasaṅkhāro uppajjissati. Itaresaṁ tesaṁ cittasaṅkhāro ca uppajjissati kāyasaṅkhāro ca uppajjissati.

7. ya6.2.1:88.1

   Yassa vacīsaṅkhāro uppajjissati tassa cittasaṅkhāro uppajjissatīti? Āmantā.

8. ya6.2.1:89.1

   Yassa vā pana cittasaṅkhāro uppajjissati tassa vacīsaṅkhāro uppajjissatīti?

9. ya6.2.1:90.1

   Yassa cittassa anantarā avitakkaavicāraṁ pacchimacittaṁ uppajjissati tesaṁ cittasaṅkhāro uppajjissati, no ca tesaṁ vacīsaṅkhāro uppajjissati. Itaresaṁ tesaṁ cittasaṅkhāro ca uppajjissati vacīsaṅkhāro ca uppajjissati.

10. ya6.2.1:91.0

    6.2.1.3.2. Anulomaokāsa

11. ya6.2.1:91.1

    Yattha kāyasaṅkhāro uppajjissati …pe….

12. ya6.2.1:92.0

    6.2.1.3.3. Anulomapuggalokāsa

13. ya6.2.1:92.1

    Yassa yattha kāyasaṅkhāro uppajjissati tassa tattha vacīsaṅkhāro uppajjissatīti?

14. ya6.2.1:93.1

    Dutiyajjhānaṁ tatiyajjhānaṁ samāpannānaṁ tesaṁ tattha kāyasaṅkhāro uppajjissati, no ca tesaṁ tattha vacīsaṅkhāro uppajjissati. Paṭhamajjhānaṁ samāpannānaṁ kāmāvacarānaṁ tesaṁ tattha kāyasaṅkhāro ca uppajjissati vacīsaṅkhāro ca uppajjissati.

15. ya6.2.1:94.1

    Yassa vā pana yattha vacīsaṅkhāro uppajjissati tassa tattha kāyasaṅkhāro uppajjissatīti?

16. ya6.2.1:95.1

    Yassa cittassa anantarā kāmāvacarānaṁ pacchimacittaṁ uppajjissati rūpāvacarānaṁ arūpāvacarānaṁ tesaṁ tattha vacīsaṅkhāro uppajjissati, no ca tesaṁ tattha kāyasaṅkhāro uppajjissati. Paṭhamajjhānaṁ samāpannānaṁ itaresaṁ kāmāvacarānaṁ tesaṁ tattha vacīsaṅkhāro ca uppajjissati kāyasaṅkhāro ca uppajjissati.

17. ya6.2.1:96.1

    Yassa yattha kāyasaṅkhāro uppajjissati tassa tattha cittasaṅkhāro uppajjissatīti? Āmantā.

18. ya6.2.1:97.1

    Yassa vā pana yattha cittasaṅkhāro uppajjissati tassa tattha kāyasaṅkhāro uppajjissatīti?

19. ya6.2.1:98.1

    Yassa cittassa anantarā kāmāvacarānaṁ pacchimacittaṁ uppajjissati catutthajjhānaṁ samāpannānaṁ rūpāvacarānaṁ arūpāvacarānaṁ tesaṁ tattha cittasaṅkhāro uppajjissati, no ca tesaṁ tattha kāyasaṅkhāro uppajjissati. Paṭhamajjhānaṁ dutiyajjhānaṁ tatiyajjhānaṁ samāpannānaṁ itaresaṁ kāmāvacarānaṁ tesaṁ tattha cittasaṅkhāro ca uppajjissati kāyasaṅkhāro ca uppajjissati.

20. ya6.2.1:99.1

    Yassa yattha vacīsaṅkhāro uppajjissati tassa tattha cittasaṅkhāro uppajjissatīti? Āmantā.

21. ya6.2.1:100.1

    Yassa vā pana yattha cittasaṅkhāro uppajjissati tassa tattha vacīsaṅkhāro uppajjissatīti?

22. ya6.2.1:101.1

    Yassa cittassa anantarā avitakkaavicāraṁ pacchimacittaṁ uppajjissati dutiyajjhānaṁ tatiyajjhānaṁ catutthajjhānaṁ samāpannānaṁ tesaṁ tattha cittasaṅkhāro uppajjissati, no ca tesaṁ tattha vacīsaṅkhāro uppajjissati. Paṭhamajjhānaṁ samāpannānaṁ kāmāvacarānaṁ itaresaṁ rūpāvacarānaṁ arūpāvacarānaṁ tesaṁ tattha cittasaṅkhāro ca uppajjissati vacīsaṅkhāro ca uppajjissati.

23. ya6.2.1:102.0

    6.2.1.3.4. Paccanīkapuggala

24. ya6.2.1:102.1

    Yassa kāyasaṅkhāro nuppajjissati tassa vacīsaṅkhāro nuppajjissatīti?

25. ya6.2.1:103.1

    Yassa cittassa anantarā kāmāvacarānaṁ pacchimacittaṁ uppajjissati rūpāvacare arūpāvacare pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ kāyasaṅkhāro nuppajjissati, no ca tesaṁ vacīsaṅkhāro nuppajjissati. Pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati tesaṁ kāyasaṅkhāro ca nuppajjissati vacīsaṅkhāro ca nuppajjissati.

26. ya6.2.1:104.1

    Yassa vā pana …pe… ? Āmantā.

27. ya6.2.1:105.1

    Yassa kāyasaṅkhāro nuppajjissati tassa cittasaṅkhāro nuppajjissatīti?

28. ya6.2.1:106.1

    Yassa cittassa anantarā kāmāvacarānaṁ pacchimacittaṁ uppajjissati rūpāvacare arūpāvacare pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ kāyasaṅkhāro nuppajjissati, no ca tesaṁ cittasaṅkhāro nuppajjissati. Pacchimacittasamaṅgīnaṁ tesaṁ kāyasaṅkhāro ca nuppajjissati cittasaṅkhāro ca nuppajjissati.

29. ya6.2.1:107.1

    Yassa vā pana cittasaṅkhāro …pe… ? Āmantā.

30. ya6.2.1:108.1

    Yassa vacīsaṅkhāro nuppajjissati tassa cittasaṅkhāro nuppajjissatīti?

31. ya6.2.1:109.1

    Yassa cittassa anantarā avitakkaavicāraṁ pacchimacittaṁ uppajjissati tesaṁ vacīsaṅkhāro nuppajjissati, no ca tesaṁ cittasaṅkhāro nuppajjissati. Pacchimacittasamaṅgīnaṁ tesaṁ vacīsaṅkhāro ca nuppajjissati cittasaṅkhāro ca nuppajjissati.

32. ya6.2.1:110.1

    Yassa vā pana …pe… ? Āmantā.

33. ya6.2.1:111.0

    6.2.1.3.5. Paccanīkaokāsa

34. ya6.2.1:111.1

    Yattha kāyasaṅkhāro nuppajjissati …pe….

35. ya6.2.1:112.0

    6.2.1.3.6. Paccanīkapuggalokāsa

36. ya6.2.1:112.1

    Yassa yattha kāyasaṅkhāro nuppajjissati tassa tattha vacīsaṅkhāro nuppajjissatīti?

37. ya6.2.1:113.1

    Yassa cittassa anantarā kāmāvacarānaṁ pacchimacittaṁ uppajjissati rūpāvacarānaṁ arūpāvacarānaṁ tesaṁ tattha kāyasaṅkhāro nuppajjissati, no ca tesaṁ tattha vacīsaṅkhāro nuppajjissati. Pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati catutthajjhānaṁ samāpannānaṁ asaññasattānaṁ tesaṁ tattha kāyasaṅkhāro ca nuppajjissati vacīsaṅkhāro ca nuppajjissati.

38. ya6.2.1:114.1

    Yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjissatīti?

39. ya6.2.1:115.1

    Dutiyajjhānaṁ tatiyajjhānaṁ samāpannānaṁ tesaṁ tattha vacīsaṅkhāro nuppajjissati, no ca tesaṁ tattha kāyasaṅkhāro nuppajjissati. Pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati catutthajjhānaṁ samāpannānaṁ asaññasattānaṁ tesaṁ tattha vacīsaṅkhāro ca nuppajjissati kāyasaṅkhāro ca nuppajjissati.

40. ya6.2.1:116.1

    Yassa yattha kāyasaṅkhāro nuppajjissati tassa tattha cittasaṅkhāro nuppajjissatīti?

41. ya6.2.1:117.1

    Yassa cittassa anantarā kāmāvacarānaṁ pacchimacittaṁ uppajjissati catutthajjhānaṁ samāpannānaṁ rūpāvacarānaṁ arūpāvacarānaṁ tesaṁ tattha kāyasaṅkhāro nuppajjissati, no ca tesaṁ tattha cittasaṅkhāro nuppajjissati. Pacchimacittasamaṅgīnaṁ asaññasattānaṁ tesaṁ tattha kāyasaṅkhāro ca nuppajjissati cittasaṅkhāro ca nuppajjissati.

42. ya6.2.1:118.1

    Yassa vā pana yattha …pe… ? Āmantā.

43. ya6.2.1:119.1

    Yassa yattha vacīsaṅkhāro nuppajjissati tassa tattha cittasaṅkhāro nuppajjissatīti?

44. ya6.2.1:120.1

    Yassa cittassa anantarā avitakkaavicāraṁ pacchimacittaṁ uppajjissati dutiyajjhānaṁ tatiyajjhānaṁ catutthajjhānaṁ samāpannānaṁ tesaṁ tattha vacīsaṅkhāro nuppajjissati, no ca tesaṁ tattha cittasaṅkhāro nuppajjissati. Pacchimacittasamaṅgīnaṁ asaññasattānaṁ tesaṁ tattha vacīsaṅkhāro ca nuppajjissati cittasaṅkhāro ca nuppajjissati.

45. ya6.2.1:121.1

    Yassa vā pana yattha …pe… ? Āmantā.

46. ya6.2.1:122.0.1

    6.2.1.4. Paccuppannātītavāra

47. ya6.2.1:122.0.2

    6.2.1.4.1. Anulomapuggala

48. ya6.2.1:122.1

    Yassa kāyasaṅkhāro uppajjati tassa vacīsaṅkhāro uppajjitthāti? Āmantā.

49. ya6.2.1:123.1

    Yassa vā pana vacīsaṅkhāro uppajjittha tassa kāyasaṅkhāro uppajjatīti?

50. ya6.2.1:124.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṁ asaññasattānaṁ tesaṁ vacīsaṅkhāro uppajjittha, no ca tesaṁ kāyasaṅkhāro uppajjati. Assāsapassāsānaṁ uppādakkhaṇe tesaṁ vacīsaṅkhāro ca uppajjittha kāyasaṅkhāro ca uppajjati.

51. ya6.2.1:125.1

    Yassa kāyasaṅkhāro uppajjati tassa cittasaṅkhāro uppajjitthāti? Āmantā.

52. ya6.2.1:126.1

    Yassa vā pana cittasaṅkhāro uppajjittha tassa kāyasaṅkhāro uppajjatīti?

53. ya6.2.1:127.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṁ asaññasattānaṁ tesaṁ cittasaṅkhāro uppajjittha, no ca tesaṁ kāyasaṅkhāro uppajjati. Assāsapassāsānaṁ uppādakkhaṇe tesaṁ cittasaṅkhāro ca uppajjittha kāyasaṅkhāro ca uppajjati.

54. ya6.2.1:128.1

    Yassa vacīsaṅkhāro uppajjati tassa cittasaṅkhāro uppajjitthāti? Āmantā.

55. ya6.2.1:129.1

    Yassa vā pana cittasaṅkhāro uppajjittha tassa vacīsaṅkhāro uppajjatīti?

56. ya6.2.1:130.1

    Sabbesaṁ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṁ asaññasattānaṁ tesaṁ cittasaṅkhāro uppajjittha, no ca tesaṁ vacīsaṅkhāro uppajjati. Vitakkavicārānaṁ uppādakkhaṇe tesaṁ cittasaṅkhāro ca uppajjittha vacīsaṅkhāro ca uppajjati.

57. ya6.2.1:131.0

    6.2.1.4.2. Anulomaokāsa

58. ya6.2.1:131.1

    Yattha kāyasaṅkhāro uppajjati …pe….

59. ya6.2.1:132.0

    6.2.1.4.3. Anulomapuggalokāsa

60. ya6.2.1:132.1

    Yassa yattha kāyasaṅkhāro uppajjati tassa tattha vacīsaṅkhāro uppajjitthāti?

61. ya6.2.1:133.1

    Dutiyajjhānaṁ tatiyajjhānaṁ samāpannānaṁ assāsapassāsānaṁ uppādakkhaṇe tesaṁ tattha kāyasaṅkhāro uppajjati, no ca tesaṁ tattha vacīsaṅkhāro uppajjittha. Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁ tattha kāyasaṅkhāro ca uppajjati vacīsaṅkhāro ca uppajjittha.

62. ya6.2.1:134.1

    Yassa vā pana yattha vacīsaṅkhāro uppajjittha tassa tattha kāyasaṅkhāro uppajjatīti?

63. ya6.2.1:135.1

    Paṭhamajjhānaṁ samāpannānaṁ kāmāvacarānaṁ assāsapassāsānaṁ bhaṅgakkhaṇe tesaṁyeva vinā assāsapassāsehi cittassa uppādakkhaṇe rūpāvacarānaṁ arūpāvacarānaṁ tesaṁ tattha vacīsaṅkhāro uppajjittha, no ca tesaṁ tattha kāyasaṅkhāro uppajjati. Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁ tattha vacīsaṅkhāro ca uppajjittha kāyasaṅkhāro ca uppajjati.

64. ya6.2.1:136.1

    Yassa yattha kāyasaṅkhāro uppajjati tassa tattha cittasaṅkhāro uppajjitthāti? Āmantā.

65. ya6.2.1:137.1

    Yassa vā pana yattha cittasaṅkhāro uppajjittha tassa tattha kāyasaṅkhāro uppajjatīti?

66. ya6.2.1:138.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe tesaṁ tattha cittasaṅkhāro uppajjittha, no ca tesaṁ tattha kāyasaṅkhāro uppajjati. Assāsapassāsānaṁ uppādakkhaṇe tesaṁ tattha cittasaṅkhāro ca uppajjittha kāyasaṅkhāro ca uppajjati.

67. ya6.2.1:139.1

    Yassa yattha vacīsaṅkhāro uppajjati tassa tattha cittasaṅkhāro uppajjitthāti? Āmantā.

68. ya6.2.1:140.1

    Yassa vā pana yattha cittasaṅkhāro uppajjittha tassa tattha vacīsaṅkhāro uppajjatīti?

69. ya6.2.1:141.1

    Sabbesaṁ cittassa bhaṅgakkhaṇe vinā vitakkavicārehi cittassa uppādakkhaṇe tesaṁ tattha cittasaṅkhāro uppajjittha, no ca tesaṁ tattha vacīsaṅkhāro uppajjati. Vitakkavicārānaṁ uppādakkhaṇe tesaṁ tattha cittasaṅkhāro ca uppajjittha vacīsaṅkhāro ca uppajjati.

70. ya6.2.1:142.0

    6.2.1.4.4. Paccanīkapuggala

71. ya6.2.1:142.1

    Yassa kāyasaṅkhāro nuppajjati tassa vacīsaṅkhāro nuppajjitthāti? Uppajjittha.

72. ya6.2.1:143.1

    Yassa vā pana vacīsaṅkhāro nuppajjittha tassa kāyasaṅkhāro nuppajjatīti? Natthi.

73. ya6.2.1:144.1

    Yassa kāyasaṅkhāro nuppajjati tassa cittasaṅkhāro nuppajjitthāti? Uppajjittha.

74. ya6.2.1:145.1

    Yassa vā pana cittasaṅkhāro nuppajjittha tassa kāyasaṅkhāro nuppajjatīti? Natthi.

75. ya6.2.1:146.1

    Yassa vacīsaṅkhāro nuppajjati tassa cittasaṅkhāro nuppajjitthāti? Uppajjittha.

76. ya6.2.1:147.1

    Yassa vā pana …pe… ? Natthi.

77. ya6.2.1:148.0

    6.2.1.4.5. Paccanīkaokāsa

78. ya6.2.1:148.1

    Yattha kāyasaṅkhāro nuppajjati …pe….

79. ya6.2.1:149.0

    6.2.1.4.6. Paccanīkapuggalokāsa

80. ya6.2.1:149.1

    Yassa yattha kāyasaṅkhāro nuppajjati tassa tattha vacīsaṅkhāro nuppajjitthāti?

81. ya6.2.1:150.1

    Paṭhamajjhānaṁ samāpannānaṁ kāmāvacarānaṁ assāsapassāsānaṁ bhaṅgakkhaṇe tesaṁyeva vinā assāsapassāsehi cittassa uppādakkhaṇe rūpāvacarānaṁ arūpāvacarānaṁ tesaṁ tattha kāyasaṅkhāro nuppajjati, no ca tesaṁ tattha vacīsaṅkhāro nuppajjittha. Dutiyajjhānaṁ tatiyajjhānaṁ samāpannānaṁ assāsapassāsānaṁ bhaṅgakkhaṇe tesaṁyeva vinā assāsapassāsehi cittassa uppādakkhaṇe catutthajjhānaṁ samāpannānaṁ suddhāvāsānaṁ dutiye citte vattamāne asaññasattānaṁ tesaṁ tattha kāyasaṅkhāro ca nuppajjati vacīsaṅkhāro ca nuppajjittha.

82. ya6.2.1:151.1

    Yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjatīti?

83. ya6.2.1:152.1

    Dutiyajjhānaṁ tatiyajjhānaṁ samāpannānaṁ assāsapassāsānaṁ uppādakkhaṇe tesaṁ tattha vacīsaṅkhāro nuppajjittha, no ca tesaṁ tattha kāyasaṅkhāro nuppajjati. Dutiyajjhānaṁ tatiyajjhānaṁ samāpannānaṁ assāsapassāsānaṁ bhaṅgakkhaṇe tesaṁyeva vinā assāsapassāsehi cittassa uppādakkhaṇe catutthajjhānaṁ samāpannānaṁ suddhāvāsānaṁ dutiye citte vattamāne asaññasattānaṁ tesaṁ tattha vacīsaṅkhāro ca nuppajjittha kāyasaṅkhāro ca nuppajjati.

84. ya6.2.1:153.1

    Yassa yattha kāyasaṅkhāro nuppajjati tassa tattha cittasaṅkhāro nuppajjitthāti?

85. ya6.2.1:154.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe tesaṁ tattha kāyasaṅkhāro nuppajjati, no ca tesaṁ tattha cittasaṅkhāro nuppajjittha. Suddhāvāsaṁ upapajjantānaṁ asaññasattānaṁ tesaṁ tattha kāyasaṅkhāro ca nuppajjati cittasaṅkhāro ca nuppajjittha.

86. ya6.2.1:155.1

    Yassa vā pana yattha cittasaṅkhāro nuppajjittha tassa tattha kāyasaṅkhāro nuppajjatīti? Āmantā.

87. ya6.2.1:156.1

    Yassa yattha vacīsaṅkhāro nuppajjati tassa tattha cittasaṅkhāro nuppajjitthāti?

88. ya6.2.1:157.1

    Sabbesaṁ cittassa bhaṅgakkhaṇe vinā vitakkavicārehi cittassa uppādakkhaṇe tesaṁ tattha vacīsaṅkhāro nuppajjati, no ca tesaṁ tattha cittasaṅkhāro nuppajjittha. Suddhāvāsaṁ upapajjantānaṁ asaññasattānaṁ tesaṁ tattha vacīsaṅkhāro ca nuppajjati cittasaṅkhāro ca nuppajjittha.

89. ya6.2.1:158.1

    Yassa vā pana yattha …pe… ? Āmantā.

90. ya6.2.1:159.0.1

    6.2.1.5. Paccuppannānāgatavāra

91. ya6.2.1:159.0.2

    6.2.1.5.1. Anulomapuggala

92. ya6.2.1:159.1

    Yassa kāyasaṅkhāro uppajjati tassa vacīsaṅkhāro uppajjissatīti? Āmantā.

93. ya6.2.1:160.1

    Yassa vā pana vacīsaṅkhāro uppajjissati tassa kāyasaṅkhāro uppajjatīti?

94. ya6.2.1:161.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṁ asaññasattānaṁ tesaṁ vacīsaṅkhāro uppajjissati, no ca tesaṁ kāyasaṅkhāro uppajjati. Assāsapassāsānaṁ uppādakkhaṇe tesaṁ vacīsaṅkhāro ca uppajjissati kāyasaṅkhāro ca uppajjati.

95. ya6.2.1:162.1

    Yassa kāyasaṅkhāro uppajjati tassa cittasaṅkhāro uppajjissatīti? Āmantā.

96. ya6.2.1:163.1

    Yassa vā pana cittasaṅkhāro uppajjissati tassa kāyasaṅkhāro uppajjatīti?

97. ya6.2.1:164.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṁ asaññasattānaṁ tesaṁ cittasaṅkhāro uppajjissati, no ca tesaṁ kāyasaṅkhāro uppajjati. Assāsapassāsānaṁ uppādakkhaṇe tesaṁ cittasaṅkhāro ca uppajjissati kāyasaṅkhāro ca uppajjati.

98. ya6.2.1:165.1

    Yassa vacīsaṅkhāro uppajjati tassa cittasaṅkhāro uppajjissatīti?

99. ya6.2.1:166.1

    Savitakkasavicārapacchimacittassa uppādakkhaṇe tesaṁ vacīsaṅkhāro uppajjati, no ca tesaṁ cittasaṅkhāro uppajjissati. Itaresaṁ vitakkavicārānaṁ uppādakkhaṇe tesaṁ vacīsaṅkhāro ca uppajjati cittasaṅkhāro ca uppajjissati.

100. ya6.2.1:167.1

     Yassa vā pana cittasaṅkhāro uppajjissati tassa vacīsaṅkhāro uppajjatīti?

← Previous · Next → — showing 101–200 of 289

SuttaCentral (suttacentral.net), from the bilara-data and sc-data repositories. Licence: Public Domain. Source.