← Library

6 Saṅkhārayamaka — 6.2 Pavattivāra — 6.2.1. Uppādavāra

Early Buddhist texts (SuttaCentral): Abhidhamma · abhidhamma · 289 sections

1. ya6.2.1:168.1

   Sabbesaṁ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṁ asaññasattānaṁ tesaṁ cittasaṅkhāro uppajjissati, no ca tesaṁ vacīsaṅkhāro uppajjati. Vitakkavicārānaṁ uppādakkhaṇe tesaṁ cittasaṅkhāro ca uppajjissati vacīsaṅkhāro ca uppajjati.

2. ya6.2.1:169.0

   6.2.1.5.2. Anulomaokāsa

3. ya6.2.1:169.1

   Yattha kāyasaṅkhāro uppajjati …pe….

4. ya6.2.1:170.0

   6.2.1.5.3. Anulomapuggalokāsa

5. ya6.2.1:170.1

   Yassa yattha kāyasaṅkhāro uppajjati tassa tattha vacīsaṅkhāro uppajjissatīti?

6. ya6.2.1:171.1

   Dutiyajjhānaṁ tatiyajjhānaṁ samāpannānaṁ assāsapassāsānaṁ uppādakkhaṇe tesaṁ tattha kāyasaṅkhāro uppajjati, no ca tesaṁ tattha vacīsaṅkhāro uppajjissati. Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁ tattha kāyasaṅkhāro ca uppajjati vacīsaṅkhāro ca uppajjissati.

7. ya6.2.1:172.1

   Yassa vā pana yattha vacīsaṅkhāro uppajjissati tassa tattha kāyasaṅkhāro uppajjatīti?

8. ya6.2.1:173.1

   Paṭhamajjhānaṁ samāpannānaṁ kāmāvacarānaṁ assāsapassāsānaṁ bhaṅgakkhaṇe tesaṁyeva vinā assāsapassāsehi cittassa uppādakkhaṇe rūpāvacarānaṁ arūpāvacarānaṁ tesaṁ tattha vacīsaṅkhāro uppajjissati, no ca tesaṁ tattha kāyasaṅkhāro uppajjati. Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁ tattha vacīsaṅkhāro ca uppajjissati kāyasaṅkhāro ca uppajjati.

9. ya6.2.1:174.1

   Yassa yattha kāyasaṅkhāro uppajjati tassa tattha cittasaṅkhāro uppajjissatīti? Āmantā.

10. ya6.2.1:175.1

    Yassa vā pana yattha cittasaṅkhāro uppajjissati tassa tattha kāyasaṅkhāro uppajjatīti?

11. ya6.2.1:176.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe tesaṁ tattha cittasaṅkhāro uppajjissati, no ca tesaṁ tattha kāyasaṅkhāro uppajjati. Assāsapassāsānaṁ uppādakkhaṇe tesaṁ tattha cittasaṅkhāro ca uppajjissati kāyasaṅkhāro ca uppajjati.

12. ya6.2.1:177.1

    Yassa yattha vacīsaṅkhāro uppajjati tassa tattha cittasaṅkhāro uppajjissatīti?

13. ya6.2.1:178.1

    Savitakkasavicārapacchimacittassa uppādakkhaṇe tesaṁ tattha vacīsaṅkhāro uppajjati, no ca tesaṁ tattha cittasaṅkhāro uppajjissati. Itaresaṁ vitakkavicārānaṁ uppādakkhaṇe tesaṁ tattha vacīsaṅkhāro ca uppajjati cittasaṅkhāro ca uppajjissati.

14. ya6.2.1:179.1

    Yassa vā pana yattha cittasaṅkhāro uppajjissati tassa tattha vacīsaṅkhāro uppajjatīti?

15. ya6.2.1:180.1

    Sabbesaṁ cittassa bhaṅgakkhaṇe vinā vitakkavicārehi cittassa uppādakkhaṇe tesaṁ tattha cittasaṅkhāro uppajjissati, no ca tesaṁ tattha vacīsaṅkhāro uppajjati. Vitakkavicārānaṁ uppādakkhaṇe tesaṁ tattha cittasaṅkhāro ca uppajjissati vacīsaṅkhāro ca uppajjati.

16. ya6.2.1:181.0

    6.2.1.5.4. Paccanīkapuggala

17. ya6.2.1:181.1

    Yassa kāyasaṅkhāro nuppajjati tassa vacīsaṅkhāro nuppajjissatīti?

18. ya6.2.1:182.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṁ asaññasattānaṁ tesaṁ kāyasaṅkhāro nuppajjati, no ca tesaṁ vacīsaṅkhāro nuppajjissati. Pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati tesaṁ kāyasaṅkhāro ca nuppajjati vacīsaṅkhāro ca nuppajjissati.

19. ya6.2.1:183.1

    Yassa vā pana vacīsaṅkhāro nuppajjissati tassa kāyasaṅkhāro nuppajjatīti? Āmantā.

20. ya6.2.1:184.1

    Yassa kāyasaṅkhāro nuppajjati tassa cittasaṅkhāro nuppajjissatīti?

21. ya6.2.1:185.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṁ asaññasattānaṁ tesaṁ kāyasaṅkhāro nuppajjati, no ca tesaṁ cittasaṅkhāro nuppajjissati. Pacchimacittasamaṅgīnaṁ tesaṁ kāyasaṅkhāro ca nuppajjati cittasaṅkhāro ca nuppajjissati.

22. ya6.2.1:186.1

    Yassa vā pana …pe… ? Āmantā.

23. ya6.2.1:187.1

    Yassa vacīsaṅkhāro nuppajjati tassa cittasaṅkhāro nuppajjissatīti?

24. ya6.2.1:188.1

    Sabbesaṁ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṁ asaññasattānaṁ tesaṁ vacīsaṅkhāro nuppajjati, no ca tesaṁ cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṁ tesaṁ vacīsaṅkhāro ca nuppajjati cittasaṅkhāro ca nuppajjissati.

25. ya6.2.1:189.1

    Yassa vā pana cittasaṅkhāro nuppajjissati tassa vacīsaṅkhāro nuppajjatīti?

26. ya6.2.1:190.1

    Savitakkasavicārapacchimacittassa uppādakkhaṇe tesaṁ cittasaṅkhāro nuppajjissati, no ca tesaṁ vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṁ tesaṁ cittasaṅkhāro ca nuppajjissati vacīsaṅkhāro ca nuppajjati.

27. ya6.2.1:191.0

    6.2.1.5.5. Paccanīkaokāsa

28. ya6.2.1:191.1

    Yattha kāyasaṅkhāro nuppajjati …pe….

29. ya6.2.1:192.0

    6.2.1.5.6. Paccanīkapuggalokāsa

30. ya6.2.1:192.1

    Yassa yattha kāyasaṅkhāro nuppajjati tassa tattha vacīsaṅkhāro nuppajjissatīti?

31. ya6.2.1:193.1

    Paṭhamajjhānaṁ samāpannānaṁ kāmāvacarānaṁ assāsapassāsānaṁ bhaṅgakkhaṇe tesaṁyeva vinā assāsapassāsehi cittassa uppādakkhaṇe rūpāvacarānaṁ arūpāvacarānaṁ tesaṁ tattha kāyasaṅkhāro nuppajjati, no ca tesaṁ tattha vacīsaṅkhāro nuppajjissati. Pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati dutiyajjhānaṁ tatiyajjhānaṁ samāpannānaṁ assāsapassāsānaṁ bhaṅgakkhaṇe tesaṁyeva vinā assāsapassāsehi cittassa uppādakkhaṇe catutthajjhānaṁ samāpannānaṁ asaññasattānaṁ tesaṁ tattha kāyasaṅkhāro ca nuppajjati vacīsaṅkhāro ca nuppajjissati.

32. ya6.2.1:194.1

    Yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjatīti?

33. ya6.2.1:195.1

    Dutiyajjhānaṁ tatiyajjhānaṁ samāpannānaṁ assāsapassāsānaṁ uppādakkhaṇe tesaṁ tattha vacīsaṅkhāro nuppajjissati, no ca tesaṁ tattha kāyasaṅkhāro nuppajjati. Pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati dutiyajjhānaṁ tatiyajjhānaṁ samāpannānaṁ assāsapassāsānaṁ bhaṅgakkhaṇe tesaṁyeva vinā assāsapassāsehi cittassa uppādakkhaṇe catutthajjhānaṁ samāpannānaṁ asaññasattānaṁ tesaṁ tattha vacīsaṅkhāro ca nuppajjissati kāyasaṅkhāro ca nuppajjati.

34. ya6.2.1:196.1

    Yassa yattha kāyasaṅkhāro nuppajjati tassa tattha cittasaṅkhāro nuppajjissatīti?

35. ya6.2.1:197.1

    Sabbesaṁ cittassa bhaṅgakkhaṇe vinā assāsapassāsehi cittassa uppādakkhaṇe tesaṁ tattha kāyasaṅkhāro nuppajjati, no ca tesaṁ tattha cittasaṅkhāro nuppajjissati. Pacchimacittasamaṅgīnaṁ asaññasattānaṁ tesaṁ tattha kāyasaṅkhāro ca nuppajjati cittasaṅkhāro ca nuppajjissati.

36. ya6.2.1:198.1

    Yassa vā pana yattha cittasaṅkhāro nuppajjissati tassa tattha kāyasaṅkhāro nuppajjatīti? Āmantā.

37. ya6.2.1:199.1

    Yassa yattha vacīsaṅkhāro nuppajjati tassa tattha cittasaṅkhāro nuppajjissatīti?

38. ya6.2.1:200.1

    Sabbesaṁ cittassa bhaṅgakkhaṇe vinā vitakkavicārehi cittassa uppādakkhaṇe tesaṁ tattha vacīsaṅkhāro nuppajjati, no ca tesaṁ tattha cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṁ asaññasattānaṁ tesaṁ tattha vacīsaṅkhāro ca nuppajjati cittasaṅkhāro ca nuppajjissati.

39. ya6.2.1:201.1

    Yassa vā pana yattha cittasaṅkhāro nuppajjissati tassa tattha vacīsaṅkhāro nuppajjatīti?

40. ya6.2.1:202.1

    Savitakkasavicārapacchimacittassa uppādakkhaṇe tesaṁ tattha cittasaṅkhāro nuppajjissati, no ca tesaṁ tattha vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṁ asaññasattānaṁ tesaṁ tattha cittasaṅkhāro ca nuppajjissati vacīsaṅkhāro ca nuppajjati.

41. ya6.2.1:203.0.1

    6.2.1.6. Atītānāgatavāra

42. ya6.2.1:203.0.2

    6.2.1.6.1. Anulomapuggala

43. ya6.2.1:203.1

    Yassa kāyasaṅkhāro uppajjittha tassa vacīsaṅkhāro uppajjissatīti?

44. ya6.2.1:204.1

    Pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati tesaṁ kāyasaṅkhāro uppajjittha, no ca tesaṁ vacīsaṅkhāro uppajjissati. Itaresaṁ tesaṁ kāyasaṅkhāro ca uppajjittha vacīsaṅkhāro ca uppajjissati.

45. ya6.2.1:205.1

    Yassa vā pana …pe… ? Āmantā.

46. ya6.2.1:206.1

    Yassa kāyasaṅkhāro uppajjittha tassa cittasaṅkhāro uppajjissatīti?

47. ya6.2.1:207.1

    Pacchimacittasamaṅgīnaṁ tesaṁ kāyasaṅkhāro uppajjittha, no ca tesaṁ cittasaṅkhāro uppajjissati. Itaresaṁ tesaṁ kāyasaṅkhāro ca uppajjittha cittasaṅkhāro ca uppajjissati.

48. ya6.2.1:208.1

    Yassa vā pana …pe…. Āmantā.

49. ya6.2.1:209.1

    Yassa vacīsaṅkhāro uppajjittha tassa cittasaṅkhāro uppajjissatīti?

50. ya6.2.1:210.1

    Pacchimacittasamaṅgīnaṁ tesaṁ vacīsaṅkhāro uppajjittha, no ca tesaṁ cittasaṅkhāro uppajjissati. Itaresaṁ tesaṁ vacīsaṅkhāro ca uppajjittha cittasaṅkhāro ca uppajjissati.

51. ya6.2.1:211.1

    Yassa vā pana …pe… ? Āmantā.

52. ya6.2.1:212.0

    6.2.1.6.2. Anulomaokāsa

53. ya6.2.1:212.1

    Yattha kāyasaṅkhāro uppajjittha …pe….

54. ya6.2.1:213.0

    6.2.1.6.3. Anulomapuggalokāsa

55. ya6.2.1:213.1

    Yassa yattha kāyasaṅkhāro uppajjittha tassa tattha vacīsaṅkhāro uppajjissatīti?

56. ya6.2.1:214.1

    Kāmāvacare pacchimacittasamaṅgīnaṁ dutiyajjhānaṁ tatiyajjhānaṁ samāpannānaṁ tesaṁ tattha kāyasaṅkhāro uppajjittha, no ca tesaṁ tattha vacīsaṅkhāro uppajjissati. Paṭhamajjhānaṁ samāpannānaṁ itaresaṁ kāmāvacarānaṁ tesaṁ tattha kāyasaṅkhāro ca uppajjittha vacīsaṅkhāro ca uppajjissati.

57. ya6.2.1:215.1

    Yassa vā pana yattha vacīsaṅkhāro uppajjissati tassa tattha kāyasaṅkhāro uppajjitthāti?

58. ya6.2.1:216.1

    Rūpāvacarānaṁ arūpāvacarānaṁ tesaṁ tattha vacīsaṅkhāro uppajjissati, no ca tesaṁ tattha kāyasaṅkhāro uppajjittha. Paṭhamajjhānaṁ samāpannānaṁ kāmāvacarānaṁ tesaṁ tattha vacīsaṅkhāro ca uppajjissati kāyasaṅkhāro ca uppajjittha.

59. ya6.2.1:217.1

    Yassa yattha kāyasaṅkhāro uppajjittha tassa tattha cittasaṅkhāro uppajjissatīti?

60. ya6.2.1:218.1

    Kāmāvacare pacchimacittasamaṅgīnaṁ tesaṁ tattha kāyasaṅkhāro uppajjittha, no ca tesaṁ tattha cittasaṅkhāro uppajjissati. Paṭhamajjhānaṁ dutiyajjhānaṁ tatiyajjhānaṁ samāpannānaṁ itaresaṁ kāmāvacarānaṁ tesaṁ tattha kāyasaṅkhāro ca uppajjittha cittasaṅkhāro ca uppajjissati.

61. ya6.2.1:219.1

    Yassa vā pana yattha cittasaṅkhāro uppajjissati tassa tattha kāyasaṅkhāro uppajjitthāti?

62. ya6.2.1:220.1

    Catutthajjhānaṁ samāpannānaṁ rūpāvacarānaṁ arūpāvacarānaṁ tesaṁ tattha cittasaṅkhāro uppajjissati, no ca tesaṁ tattha kāyasaṅkhāro uppajjittha. Paṭhamajjhānaṁ dutiyajjhānaṁ tatiyajjhānaṁ samāpannānaṁ kāmāvacarānaṁ tesaṁ tattha cittasaṅkhāro ca uppajjissati kāyasaṅkhāro ca uppajjittha.

63. ya6.2.1:221.1

    Yassa yattha vacīsaṅkhāro uppajjittha tassa tattha cittasaṅkhāro uppajjissatīti?

64. ya6.2.1:222.1

    Savitakkasavicārabhūmiyaṁ pacchimacittasamaṅgīnaṁ tesaṁ tattha vacīsaṅkhāro uppajjittha, no ca tesaṁ tattha cittasaṅkhāro uppajjissati. Itaresaṁ savitakkasavicārabhūmiyaṁ tesaṁ tattha vacīsaṅkhāro ca uppajjittha cittasaṅkhāro ca uppajjissati.

65. ya6.2.1:223.1

    Yassa vā pana yattha cittasaṅkhāro uppajjissati tassa tattha vacīsaṅkhāro uppajjitthāti?

66. ya6.2.1:224.1

    Avitakkaavicārabhūmiyaṁ tesaṁ tattha cittasaṅkhāro uppajjissati, no ca tesaṁ tattha vacīsaṅkhāro uppajjittha. Savitakkasavicārabhūmiyaṁ tesaṁ tattha cittasaṅkhāro ca uppajjissati vacīsaṅkhāro ca uppajjittha.

67. ya6.2.1:225.0

    6.2.1.6.4. Paccanīkapuggala

68. ya6.2.1:225.1

    Yassa kāyasaṅkhāro nuppajjittha tassa vacīsaṅkhāro nuppajjissatīti? Natthi.

69. ya6.2.1:226.1

    Yassa vā pana vacīsaṅkhāro nuppajjissati tassa kāyasaṅkhāro nuppajjitthāti? Uppajjittha.

70. ya6.2.1:227.1

    Yassa kāyasaṅkhāro nuppajjittha tassa cittasaṅkhāro nuppajjissatīti? Natthi.

71. ya6.2.1:228.1

    Yassa vā pana cittasaṅkhāro nuppajjissati tassa kāyasaṅkhāro nuppajjitthāti? Uppajjittha.

72. ya6.2.1:229.1

    Yassa vacīsaṅkhāro nuppajjittha tassa cittasaṅkhāro nuppajjissatīti? Natthi.

73. ya6.2.1:230.1

    Yassa vā pana cittasaṅkhāro nuppajjissati tassa vacīsaṅkhāro nuppajjitthāti? Uppajjittha.

74. ya6.2.1:231.0

    6.2.1.6.5. Paccanīkaokāsa

75. ya6.2.1:231.1

    Yattha kāyasaṅkhāro nuppajjittha …pe….

76. ya6.2.1:232.0

    6.2.1.6.6. Paccanīkapuggalokāsa

77. ya6.2.1:232.1

    Yassa yattha kāyasaṅkhāro nuppajjittha tassa tattha vacīsaṅkhāro nuppajjissatīti?

78. ya6.2.1:233.1

    Rūpāvacarānaṁ arūpāvacarānaṁ tesaṁ tattha kāyasaṅkhāro nuppajjittha, no ca tesaṁ tattha vacīsaṅkhāro nuppajjissati. Rūpāvacare arūpāvacare pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati catutthajjhānaṁ samāpannānaṁ asaññasattānaṁ tesaṁ tattha kāyasaṅkhāro ca nuppajjittha vacīsaṅkhāro ca nuppajjissati.

79. ya6.2.1:234.1

    Yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjitthāti?

80. ya6.2.1:235.1

    Kāmāvacare pacchimacittasamaṅgīnaṁ dutiyajjhānaṁ tatiyajjhānaṁ samāpannānaṁ tesaṁ tattha vacīsaṅkhāro nuppajjissati, no ca tesaṁ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati catutthajjhānaṁ samāpannānaṁ asaññasattānaṁ tesaṁ tattha vacīsaṅkhāro ca nuppajjissati kāyasaṅkhāro ca nuppajjittha.

81. ya6.2.1:236.1

    Yassa yattha kāyasaṅkhāro nuppajjittha tassa tattha cittasaṅkhāro nuppajjissatīti?

82. ya6.2.1:237.1

    Catutthajjhānaṁ samāpannānaṁ rūpāvacarānaṁ arūpāvacarānaṁ tesaṁ tattha kāyasaṅkhāro nuppajjittha, no ca tesaṁ tattha cittasaṅkhāro nuppajjissati. Rūpāvacare arūpāvacare pacchimacittasamaṅgīnaṁ asaññasattānaṁ tesaṁ tattha kāyasaṅkhāro ca nuppajjittha cittasaṅkhāro ca nuppajjissati.

83. ya6.2.1:238.1

    Yassa vā pana yattha cittasaṅkhāro nuppajjissati tassa tattha kāyasaṅkhāro nuppajjitthāti?

84. ya6.2.1:239.1

    Kāmāvacare pacchimacittasamaṅgīnaṁ tesaṁ tattha cittasaṅkhāro nuppajjissati, no ca tesaṁ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṁ asaññasattānaṁ tesaṁ tattha cittasaṅkhāro ca nuppajjissati kāyasaṅkhāro ca nuppajjittha.

85. ya6.2.1:240.1

    Yassa yattha vacīsaṅkhāro nuppajjittha tassa tattha cittasaṅkhāro nuppajjissatīti?

86. ya6.2.1:241.1

    Avitakkaavicārabhūmiyaṁ tesaṁ tattha vacīsaṅkhāro nuppajjittha, no ca tesaṁ tattha cittasaṅkhāro nuppajjissati. Avitakkaavicārabhūmiyaṁ pacchimacittasamaṅgīnaṁ asaññasattānaṁ tesaṁ tattha vacīsaṅkhāro ca nuppajjittha cittasaṅkhāro ca nuppajjissati.

87. ya6.2.1:242.1

    Yassa vā pana yattha cittasaṅkhāro nuppajjissati tassa tattha vacīsaṅkhāro nuppajjitthāti?

88. ya6.2.1:243.1

    Savitakkasavicārabhūmiyaṁ pacchimacittasamaṅgīnaṁ tesaṁ tattha cittasaṅkhāro nuppajjissati, no ca tesaṁ tattha vacīsaṅkhāro nuppajjittha. Avitakkaavicārabhūmiyaṁ pacchimacittasamaṅgīnaṁ asaññasattānaṁ tesaṁ tattha cittasaṅkhāro ca nuppajjissati vacīsaṅkhāro ca nuppajjittha.

89. ya6.2.1:244.1

    Uppādavāro.

← Previous — showing 201–289 of 289

SuttaCentral (suttacentral.net), from the bilara-data and sc-data repositories. Licence: Public Domain. Source.