← Library

6 Saṅkhārayamaka — 6.2 Pavattivāra — 6.2.1. Uppādavāra

Early Buddhist texts (SuttaCentral): Abhidhamma · abhidhamma · 289 sections

1. ya6.2.1:0.1

   6 Saṅkhārayamaka

2. ya6.2.1:0.2

   6.2 Pavattivāra

3. ya6.2.1:0.3

   6.2.1. Uppādavāra

4. ya6.2.1:1.0.1

   6.2.1.1 Paccuppannavāra

5. ya6.2.1:1.0.2

   6.2.1.1.1. Anulomapuggala

6. ya6.2.1:1.1

   Yassa kāyasaṅkhāro uppajjati tassa vacīsaṅkhāro uppajjatīti?

7. ya6.2.1:2.1

   Vinā vitakkavicārehi assāsapassāsānaṁ uppādakkhaṇe tesaṁ kāyasaṅkhāro uppajjati, no ca tesaṁ vacīsaṅkhāro uppajjati. Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁ kāyasaṅkhāro ca uppajjati vacīsaṅkhāro ca uppajjati.

8. ya6.2.1:3.1

   Yassa vā pana vacīsaṅkhāro uppajjati tassa kāyasaṅkhāro uppajjatīti?

9. ya6.2.1:4.1

   Vinā assāsapassāsehi vitakkavicārānaṁ uppādakkhaṇe tesaṁ vacīsaṅkhāro uppajjati, no ca tesaṁ kāyasaṅkhāro uppajjati. Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁ vacīsaṅkhāro ca uppajjati kāyasaṅkhāro ca uppajjati.

10. ya6.2.1:5.1

    Yassa kāyasaṅkhāro uppajjati tassa cittasaṅkhāro uppajjatīti? Āmantā.

11. ya6.2.1:6.1

    Yassa vā pana cittasaṅkhāro uppajjati tassa kāyasaṅkhāro uppajjatīti?

12. ya6.2.1:7.1

    Vinā assāsapassāsehi cittassa uppādakkhaṇe tesaṁ cittasaṅkhāro uppajjati, no ca tesaṁ kāyasaṅkhāro uppajjati. Assāsapassāsānaṁ uppādakkhaṇe tesaṁ cittasaṅkhāro ca uppajjati kāyasaṅkhāro ca uppajjati.

13. ya6.2.1:8.1

    Yassa vacīsaṅkhāro uppajjati tassa cittasaṅkhāro uppajjatīti? Āmantā.

14. ya6.2.1:9.1

    Yassa vā pana cittasaṅkhāro uppajjati tassa vacīsaṅkhāro uppajjatīti?

15. ya6.2.1:10.1

    Vinā vitakkavicārehi cittassa uppādakkhaṇe tesaṁ cittasaṅkhāro uppajjati, no ca tesaṁ vacīsaṅkhāro uppajjati. Vitakkavicārānaṁ uppādakkhaṇe tesaṁ cittasaṅkhāro ca uppajjati vacīsaṅkhāro ca uppajjati.

16. ya6.2.1:11.0

    6.2.1.1.2. Anulomaokāsa

17. ya6.2.1:11.1

    Yattha kāyasaṅkhāro uppajjati tattha vacīsaṅkhāro uppajjatīti?

18. ya6.2.1:12.1

    Dutiyajjhāne tatiyajjhāne tattha kāyasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare tattha kāyasaṅkhāro ca uppajjati vacīsaṅkhāro ca uppajjati.

19. ya6.2.1:13.1

    Yattha vā pana vacīsaṅkhāro uppajjati tattha kāyasaṅkhāro uppajjatīti?

20. ya6.2.1:14.1

    Rūpāvacare arūpāvacare tattha vacīsaṅkhāro uppajjati, no ca tattha kāyasaṅkhāro uppajjati. Paṭhamajjhāne kāmāvacare tattha vacīsaṅkhāro ca uppajjati kāyasaṅkhāro ca uppajjati.

21. ya6.2.1:15.1

    Yattha kāyasaṅkhāro uppajjati tattha cittasaṅkhāro uppajjatīti? Āmantā.

22. ya6.2.1:16.1

    Yattha vā pana cittasaṅkhāro uppajjati tattha kāyasaṅkhāro uppajjatīti?

23. ya6.2.1:17.1

    Catutthajjhāne rūpāvacare arūpāvacare tattha cittasaṅkhāro uppajjati, no ca tattha kāyasaṅkhāro uppajjati. Paṭhamajjhāne dutiyajjhāne tatiyajjhāne kāmāvacare tattha cittasaṅkhāro ca uppajjati kāyasaṅkhāro ca uppajjati.

24. ya6.2.1:18.1

    Yattha vacīsaṅkhāro uppajjati tattha cittasaṅkhāro uppajjatīti? Āmantā.

25. ya6.2.1:19.1

    Yattha vā pana cittasaṅkhāro uppajjati tattha vacīsaṅkhāro uppajjatīti?

26. ya6.2.1:20.1

    Dutiyajjhāne tatiyajjhāne catutthajjhāne tattha cittasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare rūpāvacare arūpāvacare tattha cittasaṅkhāro ca uppajjati vacīsaṅkhāro ca uppajjati.

27. ya6.2.1:21.0

    6.2.1.1.3. Anulomapuggalokāsa

28. ya6.2.1:21.1

    Yassa yattha kāyasaṅkhāro uppajjati …pe….

29. ya6.2.1:22.1

    (Yassakampi yassayatthakampi sadisaṁ.)

30. ya6.2.1:23.0

    6.2.1.1.4. Paccanīkapuggala

31. ya6.2.1:23.1

    Yassa kāyasaṅkhāro nuppajjati tassa vacīsaṅkhāro nuppajjatīti?

32. ya6.2.1:24.1

    Vinā assāsapassāsehi vitakkavicārānaṁ uppādakkhaṇe tesaṁ kāyasaṅkhāro nuppajjati, no ca tesaṁ vacīsaṅkhāro nuppajjati. Sabbesaṁ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṁ asaññasattānaṁ tesaṁ kāyasaṅkhāro ca nuppajjati vacīsaṅkhāro ca nuppajjati.

33. ya6.2.1:25.1

    Yassa vā pana vacīsaṅkhāro nuppajjati tassa kāyasaṅkhāro nuppajjatīti?

34. ya6.2.1:26.1

    Vinā vitakkavicārehi assāsapassāsānaṁ uppādakkhaṇe tesaṁ vacīsaṅkhāro nuppajjati, no ca tesaṁ kāyasaṅkhāro nuppajjati. Sabbesaṁ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṁ asaññasattānaṁ tesaṁ vacīsaṅkhāro ca nuppajjati kāyasaṅkhāro ca nuppajjati.

35. ya6.2.1:27.1

    Yassa kāyasaṅkhāro nuppajjati tassa cittasaṅkhāro nuppajjatīti?

36. ya6.2.1:28.1

    Vinā assāsapassāsehi cittassa uppādakkhaṇe tesaṁ kāyasaṅkhāro nuppajjati, no ca tesaṁ cittasaṅkhāro nuppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ kāyasaṅkhāro ca nuppajjati cittasaṅkhāro ca nuppajjati.

37. ya6.2.1:29.1

    Yassa vā pana cittasaṅkhāro nuppajjati tassa kāyasaṅkhāro nuppajjatīti? Āmantā.

38. ya6.2.1:30.1

    Yassa vacīsaṅkhāro nuppajjati tassa cittasaṅkhāro nuppajjatīti?

39. ya6.2.1:31.1

    Vinā vitakkavicārehi cittassa uppādakkhaṇe tesaṁ vacīsaṅkhāro nuppajjati, no ca tesaṁ cittasaṅkhāro nuppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ vacīsaṅkhāro ca nuppajjati cittasaṅkhāro ca nuppajjati.

40. ya6.2.1:32.1

    Yassa vā pana cittasaṅkhāro nuppajjati tassa vacīsaṅkhāro nuppajjatīti? Āmantā.

41. ya6.2.1:33.0

    6.2.1.1.5. Paccanīkaokāsa

42. ya6.2.1:33.1

    Yattha kāyasaṅkhāro nuppajjati tattha vacīsaṅkhāro nuppajjatīti?

43. ya6.2.1:34.1

    Rūpāvacare arūpāvacare tattha kāyasaṅkhāro nuppajjati, no ca tattha vacīsaṅkhāro nuppajjati. Catutthajjhāne asaññasatte tattha kāyasaṅkhāro ca nuppajjati vacīsaṅkhāro ca nuppajjati.

44. ya6.2.1:35.1

    Yattha vā pana vacīsaṅkhāro nuppajjati tattha kāyasaṅkhāro nuppajjatīti?

45. ya6.2.1:36.1

    Dutiyajjhāne tatiyajjhāne tattha vacīsaṅkhāro nuppajjati, no ca tattha kāyasaṅkhāro nuppajjati. Catutthajjhāne asaññasatte tattha vacīsaṅkhāro ca nuppajjati kāyasaṅkhāro ca nuppajjati.

46. ya6.2.1:37.1

    Yattha kāyasaṅkhāro nuppajjati tattha cittasaṅkhāro nuppajjatīti?

47. ya6.2.1:38.1

    Catutthajjhāne rūpāvacare arūpāvacare tattha kāyasaṅkhāro nuppajjati, no ca tattha cittasaṅkhāro nuppajjati. Asaññasatte tattha kāyasaṅkhāro ca nuppajjati cittasaṅkhāro ca nuppajjati.

48. ya6.2.1:39.1

    Yattha vā pana …pe… ? Āmantā.

49. ya6.2.1:40.1

    Yattha vacīsaṅkhāro nuppajjati tattha cittasaṅkhāro nuppajjatīti?

50. ya6.2.1:41.1

    Dutiyajjhāne tatiyajjhāne catutthajjhāne tattha vacīsaṅkhāro nuppajjati, no ca tattha cittasaṅkhāro nuppajjati. Asaññasatte tattha vacīsaṅkhāro ca nuppajjati cittasaṅkhāro ca nuppajjati.

51. ya6.2.1:42.1

    Yattha vā pana …pe… ? Āmantā.

52. ya6.2.1:43.0

    6.2.1.1.6. Paccanīkapuggalokāsa

53. ya6.2.1:43.1

    Yassa yattha kāyasaṅkhāro nuppajjati tassa tattha vacīsaṅkhāro nuppajjatīti?

54. ya6.2.1:44.1

    Vinā assāsapassāsehi vitakkavicārānaṁ uppādakkhaṇe tesaṁ tattha kāyasaṅkhāro nuppajjati, no ca tesaṁ tattha vacīsaṅkhāro nuppajjati. Sabbesaṁ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe asaññasattānaṁ tesaṁ tattha kāyasaṅkhāro ca nuppajjati vacīsaṅkhāro ca nuppajjati.

55. ya6.2.1:45.1

    Yassa vā pana yattha …pe… ? Āmantā.

56. ya6.2.1:46.1

    (Yassakampi yassayatthakampi sadisaṁ vitthāretabbaṁ, yassayatthake nirodhasamāpannānanti na labbhati.)

57. ya6.2.1:47.0.1

    6.2.1.2. Atītavāra

58. ya6.2.1:47.0.2

    6.2.1.2.1. Anulomapuggala

59. ya6.2.1:47.1

    Yassa kāyasaṅkhāro uppajjittha tassa vacīsaṅkhāro uppajjitthāti? Āmantā.

60. ya6.2.1:48.1

    Yassa vā pana …pe… ? Āmantā.

61. ya6.2.1:49.1

    Yassa kāyasaṅkhāro uppajjittha tassa cittasaṅkhāro uppajjitthāti? Āmantā.

62. ya6.2.1:50.1

    Yassa vā pana …pe… ? Āmantā.

63. ya6.2.1:51.1

    Yassa vacīsaṅkhāro uppajjittha tassa cittasaṅkhāro uppajjitthāti? Āmantā.

64. ya6.2.1:52.1

    Yassa vā pana …pe… ? Āmantā.

65. ya6.2.1:53.0

    6.2.1.2.2. Anulomaokāsa

66. ya6.2.1:53.1

    Yattha kāyasaṅkhāro uppajjittha …pe…

67. ya6.2.1:54.1

    (Yatthakampi sabbattha ekasadisaṁ.)

68. ya6.2.1:55.0

    6.2.1.2.3. Anulomapuggalokāsa

69. ya6.2.1:55.1

    Yassa yattha kāyasaṅkhāro uppajjittha tassa tattha vacīsaṅkhāro uppajjitthāti?

70. ya6.2.1:56.1

    Dutiyajjhānaṁ tatiyajjhānaṁ samāpannānaṁ tesaṁ tattha kāyasaṅkhāro uppajjittha, no ca tesaṁ tattha vacīsaṅkhāro uppajjittha. Paṭhamajjhānaṁ samāpannānaṁ kāmāvacarānaṁ tesaṁ tattha kāyasaṅkhāro ca uppajjittha vacīsaṅkhāro ca uppajjittha.

71. ya6.2.1:57.1

    Yassa vā pana yattha vacīsaṅkhāro uppajjittha tassa tattha kāyasaṅkhāro uppajjitthāti?

72. ya6.2.1:58.1

    Rūpāvacarānaṁ arūpāvacarānaṁ tesaṁ tattha vacīsaṅkhāro uppajjittha, no ca tesaṁ tattha kāyasaṅkhāro uppajjittha. Paṭhamajjhānaṁ samāpannānaṁ kāmāvacarānaṁ tesaṁ tattha vacīsaṅkhāro ca uppajjittha kāyasaṅkhāro ca uppajjittha.

73. ya6.2.1:59.1

    Yassa yattha kāyasaṅkhāro uppajjittha tassa tattha cittasaṅkhāro uppajjitthāti? Āmantā.

74. ya6.2.1:60.1

    Yassa vā pana yattha cittasaṅkhāro uppajjittha tassa tattha kāyasaṅkhāro uppajjitthāti?

75. ya6.2.1:61.1

    Catutthajjhānaṁ samāpannānaṁ rūpāvacarānaṁ arūpāvacarānaṁ tesaṁ tattha cittasaṅkhāro uppajjittha, no ca tesaṁ tattha kāyasaṅkhāro uppajjittha. Paṭhamajjhānaṁ dutiyajjhānaṁ tatiyajjhānaṁ samāpannānaṁ kāmāvacarānaṁ tesaṁ tattha cittasaṅkhāro ca uppajjittha kāyasaṅkhāro ca uppajjittha.

76. ya6.2.1:62.1

    Yassa yattha vacīsaṅkhāro uppajjittha tassa tattha cittasaṅkhāro uppajjitthāti? Āmantā.

77. ya6.2.1:63.1

    Yassa vā pana yattha cittasaṅkhāro uppajjittha tassa tattha vacīsaṅkhāro uppajjitthāti?

78. ya6.2.1:64.1

    Dutiyajjhānaṁ tatiyajjhānaṁ catutthajjhānaṁ samāpannānaṁ suddhāvāsānaṁ dutiye citte vattamāne tesaṁ tattha cittasaṅkhāro uppajjittha, no ca tesaṁ tattha vacīsaṅkhāro uppajjittha. Paṭhamajjhānaṁ samāpannānaṁ kāmāvacarānaṁ itaresaṁ rūpāvacarānaṁ arūpāvacarānaṁ tesaṁ tattha cittasaṅkhāro ca uppajjittha vacīsaṅkhāro ca uppajjittha.

79. ya6.2.1:65.0

    6.2.1.2.4. Paccanīkapuggala

80. ya6.2.1:65.1

    Yassa kāyasaṅkhāro nuppajjittha tassa vacīsaṅkhāro nuppajjitthāti? Natthi.

81. ya6.2.1:66.1

    Yassa vā pana vacīsaṅkhāro nuppajjittha tassa kāyasaṅkhāro nuppajjitthāti? Natthi.

82. ya6.2.1:67.1

    Yassa kāyasaṅkhāro nuppajjittha tassa cittasaṅkhāro nuppajjitthāti? Natthi.

83. ya6.2.1:68.1

    Yassa vā pana …pe… ? Natthi.

84. ya6.2.1:69.1

    Yassa vacīsaṅkhāro nuppajjittha tassa cittasaṅkhāro nuppajjitthāti? Natthi.

85. ya6.2.1:70.1

    Yassa vā pana …pe… ? Natthi.

86. ya6.2.1:71.0

    6.2.1.2.5. Paccanīkaokāsa

87. ya6.2.1:71.1

    Yattha kāyasaṅkhāro nuppajjittha …pe….

88. ya6.2.1:72.0

    6.2.1.2.6. Paccanīkapuggalokāsa

89. ya6.2.1:72.1

    Yassa yattha kāyasaṅkhāro nuppajjittha tassa tattha vacīsaṅkhāro nuppajjitthāti?

90. ya6.2.1:73.1

    Rūpāvacarānaṁ arūpāvacarānaṁ tesaṁ tattha kāyasaṅkhāro nuppajjittha, no ca tesaṁ tattha vacīsaṅkhāro nuppajjittha. Catutthajjhānaṁ samāpannānaṁ suddhāvāsānaṁ dutiye citte vattamāne asaññasattānaṁ tesaṁ tattha kāyasaṅkhāro ca nuppajjittha vacīsaṅkhāro ca nuppajjittha.

91. ya6.2.1:74.1

    Yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjitthāti?

92. ya6.2.1:75.1

    Dutiyajjhānaṁ tatiyajjhānaṁ samāpannānaṁ tesaṁ tattha vacīsaṅkhāro nuppajjittha, no ca tesaṁ tattha kāyasaṅkhāro nuppajjittha. Catutthajjhānaṁ samāpannānaṁ suddhāvāsānaṁ dutiye citte vattamāne asaññasattānaṁ tesaṁ tattha vacīsaṅkhāro ca nuppajjittha kāyasaṅkhāro ca nuppajjittha.

93. ya6.2.1:76.1

    Yassa yattha kāyasaṅkhāro nuppajjittha tassa tattha cittasaṅkhāro nuppajjitthāti?

94. ya6.2.1:77.1

    Catutthajjhānaṁ samāpannānaṁ rūpāvacarānaṁ arūpāvacarānaṁ tesaṁ tattha kāyasaṅkhāro nuppajjittha, no ca tesaṁ tattha cittasaṅkhāro nuppajjittha. Suddhāvāsaṁ upapajjantānaṁ asaññasattānaṁ tesaṁ tattha kāyasaṅkhāro ca nuppajjittha cittasaṅkhāro ca nuppajjittha.

95. ya6.2.1:78.1

    Yassa vā pana yattha …pe… ? Āmantā.

96. ya6.2.1:79.1

    Yassa yattha vacīsaṅkhāro nuppajjittha tassa tattha cittasaṅkhāro nuppajjitthāti?

97. ya6.2.1:80.1

    Dutiyajjhānaṁ tatiyajjhānaṁ catutthajjhānaṁ samāpannānaṁ suddhāvāsānaṁ dutiye citte vattamāne tesaṁ tattha vacīsaṅkhāro nuppajjittha, no ca tesaṁ tattha cittasaṅkhāro nuppajjittha. Suddhāvāsaṁ upapajjantānaṁ asaññasattānaṁ tesaṁ tattha vacīsaṅkhāro ca nuppajjittha cittasaṅkhāro ca nuppajjittha.

98. ya6.2.1:81.1

    Yassa vā pana yattha …pe… ? Āmantā.

99. ya6.2.1:82.0.1

    6.2.1.3. Anāgatavāra

100. ya6.2.1:82.0.2

     6.2.1.3.1. Anulomapuggala

Next → — showing 1–100 of 289

SuttaCentral (suttacentral.net), from the bilara-data and sc-data repositories. Licence: Public Domain. Source.