Theravāda Vinaya — Mahāvibhaṅga — Pārājikakaṇḍa
- pli-tv-bu-vb-pj1:5.9.10
Labbhā, tāta sudinna, hīnāyāvattitvā bhogā ca bhuñjituṁ puññāni ca kātuṁ.
- pli-tv-bu-vb-pj1:5.9.11
Ehi tvaṁ, tāta sudinna, hīnāyāvattitvā bhoge ca bhuñjassu puññāni ca karohī”ti.
Please return to the lower life, enjoy wealth, and make merit.”
- pli-tv-bu-vb-pj1:5.9.12
“Amma, na ussahāmi na visahāmi,
“Mother, I can’t.
- pli-tv-bu-vb-pj1:5.9.13
abhirato ahaṁ brahmacariyaṁ carāmī”ti.
I’m enjoying the spiritual life.”
- pli-tv-bu-vb-pj1:5.9.14
Dutiyampi kho …pe…
His mother repeated her request a second time, but got the same reply.
- pli-tv-bu-vb-pj1:5.9.15
tatiyampi kho āyasmato sudinnassa mātā āyasmantaṁ sudinnaṁ etadavoca—
She then said this:
- pli-tv-bu-vb-pj1:5.9.16
“idaṁ, tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
- pli-tv-bu-vb-pj1:5.9.17
Tena hi, tāta sudinna, bījakampi dehi—
“Well then, please give us an offspring.
- pli-tv-bu-vb-pj1:5.9.18
mā no aputtakaṁ sāpateyyaṁ licchavayo atiharāpesun”ti.
We don’t want the Licchavīs to take over our heirless property.”
- pli-tv-bu-vb-pj1:5.9.19
“Etaṁ kho me, amma, sakkā kātun”ti,
“Alright, mother.”
- pli-tv-bu-vb-pj1:5.9.20
purāṇadutiyikāya bāhāyaṁ gahetvā mahāvanaṁ ajjhogāhetvā apaññatte sikkhāpade anādīnavadasso purāṇadutiyikāya tikkhattuṁ methunaṁ dhammaṁ abhiviññāpesi.
He then took his ex-wife by the arm, disappeared into the Great Wood and—there being no training rule and he seeing no danger—had sexual intercourse with her three times.
- pli-tv-bu-vb-pj1:5.9.21
Sā tena gabbhaṁ gaṇhi.
As a result she conceived.
- pli-tv-bu-vb-pj1:5.9.22
Bhummā devā saddamanussāvesuṁ—
And the earth gods cried out:
- pli-tv-bu-vb-pj1:5.9.23
“nirabbudo vata bho bhikkhusaṅgho nirādīnavo;
“Sirs, the Sangha of monks has been free from cancer and danger.
- pli-tv-bu-vb-pj1:5.9.24
sudinnena kalandaputtena abbudaṁ uppāditaṁ, ādīnavo uppādito”ti.
But Sudinna of Kalanda has produced a cancer and endangered it.”
- pli-tv-bu-vb-pj1:5.9.25
Bhummānaṁ devānaṁ saddaṁ sutvā cātumahārājikā devā saddamanussāvesuṁ …pe…
Hearing the earth gods, the gods of the four great kings cried out …
- pli-tv-bu-vb-pj1:5.9.26
tāvatiṁsā devā …
the gods of the Thirty-three …
- pli-tv-bu-vb-pj1:5.9.27
yāmā devā …
the Yāma gods …
- pli-tv-bu-vb-pj1:5.9.28
tusitā devā …
the contented gods …
- pli-tv-bu-vb-pj1:5.9.29
nimmānaratī devā …
the gods who delight in creation …
- pli-tv-bu-vb-pj1:5.9.30
paranimmitavasavattī devā …
the gods who control the creation of others …
- pli-tv-bu-vb-pj1:5.9.31
brahmakāyikā devā saddamanussāvesuṁ—
the gods of the realm of the supreme beings cried out:
- pli-tv-bu-vb-pj1:5.9.32
“nirabbudo vata bho bhikkhusaṅgho nirādīnavo;
“Sirs, the Sangha of monks has been free from cancer and danger.
- pli-tv-bu-vb-pj1:5.9.33
sudinnena kalandaputtena abbudaṁ uppāditaṁ, ādīnavo uppādito”ti.
But Sudinna of Kalanda has produced a cancer and endangered it.”
- pli-tv-bu-vb-pj1:5.9.34
Itiha tena khaṇena tena muhuttena yāva brahmalokā saddo abbhuggacchi.
Thus in that moment, in that instance, the news spread as far as the world of the supreme beings.
- pli-tv-bu-vb-pj1:5.9.35
Atha kho āyasmato sudinnassa purāṇadutiyikā tassa gabbhassa paripākamanvāya puttaṁ vijāyi.
In the meantime, the pregnancy of Sudinna’s ex-wife developed, and she eventually gave birth to a son.
- pli-tv-bu-vb-pj1:5.9.36
Atha kho āyasmato sudinnassa sahāyakā tassa dārakassa bījakoti nāmaṁ akaṁsu.
Sudinna’s friends called him Offspring,
- pli-tv-bu-vb-pj1:5.9.37
Āyasmato sudinnassa purāṇadutiyikāya bījakamātāti nāmaṁ akaṁsu.
while calling Sudinna’s ex-wife Offspring’s mother,
- pli-tv-bu-vb-pj1:5.9.38
Āyasmato sudinnassa bījakapitāti nāmaṁ akaṁsu.
and Venerable Sudinna Offspring’s father.
- pli-tv-bu-vb-pj1:5.9.39
Te aparena samayena ubho agārasmā anagāriyaṁ pabbajitvā arahattaṁ sacchākaṁsu.
After some time, they both went forth into homelessness and realized perfection.
- pli-tv-bu-vb-pj1:5.10.1
Atha kho āyasmato sudinnassa ahudeva kukkuccaṁ, ahu vippaṭisāro—
But Sudinna was anxious and remorseful, thinking,
- pli-tv-bu-vb-pj1:5.10.2
“alābhā vata me, na vata me lābhā; dulladdhaṁ vata me, na vata me suladdhaṁ;
“This is truly bad for me,
- pli-tv-bu-vb-pj1:5.10.3
yohaṁ evaṁ svākkhāte dhammavinaye pabbajitvā nāsakkhiṁ yāvajīvaṁ paripuṇṇaṁ parisuddhaṁ brahmacariyaṁ caritun”ti.
that after going forth on such a well-proclaimed spiritual path, I wasn’t able to practice the perfectly complete and pure spiritual life to the end.”
- pli-tv-bu-vb-pj1:5.10.4
So teneva kukkuccena tena vippaṭisārena kiso ahosi lūkho dubbaṇṇo uppaṇḍuppaṇḍukajāto dhamanisanthatagatto antomano līnamano dukkhī dummano vippaṭisārī pajjhāyi.
And because of his anxiety and remorse, he became thin, haggard, and pale, with veins protruding all over his body. He became sad, sluggish, miserable, and depressed, weighed down by remorse.
- pli-tv-bu-vb-pj1:5.10.5
Atha kho āyasmato sudinnassa sahāyakā bhikkhū āyasmantaṁ sudinnaṁ etadavocuṁ—
The monks who were Sudinna’s friends said to him:
- pli-tv-bu-vb-pj1:5.10.6
“pubbe kho tvaṁ, āvuso sudinna, vaṇṇavā ahosi pīṇindriyo pasannamukhavaṇṇo vippasannachavivaṇṇo;
“In the past, Sudinna, you had a good color, a bright face, clear skin, and sharp senses.
- pli-tv-bu-vb-pj1:5.10.7
so dāni tvaṁ etarahi kiso lūkho dubbaṇṇo uppaṇḍuppaṇḍukajāto dhamanisanthatagatto antomano līnamano dukkhī dummano vippaṭisārī pajjhāyasi.
But look at you now.
- pli-tv-bu-vb-pj1:5.10.8
Kacci no tvaṁ, āvuso sudinna, anabhirato brahmacariyaṁ carasī”ti?
Could it be that you are dissatisfied with the spiritual life?”
- pli-tv-bu-vb-pj1:5.10.9
“Na kho ahaṁ, āvuso, anabhirato brahmacariyaṁ carāmi.
“I am not dissatisfied with the spiritual life,
- pli-tv-bu-vb-pj1:5.10.10
Atthi me pāpakammaṁ kataṁ;
but I’ve done something bad.
- pli-tv-bu-vb-pj1:5.10.11
purāṇadutiyikāya methuno dhammo paṭisevito;
I’ve had sexual intercourse with my ex-wife.
- pli-tv-bu-vb-pj1:5.10.12
tassa mayhaṁ, āvuso, ahudeva kukkuccaṁ ahu vippaṭisāro—
I’m anxious and remorseful
- pli-tv-bu-vb-pj1:5.10.13
‘alābhā vata me, na vata me lābhā; dulladdhaṁ vata me, na vata me suladdhaṁ; yohaṁ evaṁ svākkhāte dhammavinaye pabbajitvā nāsakkhiṁ yāvajīvaṁ paripuṇṇaṁ parisuddhaṁ brahmacariyaṁ caritun’”ti.
because I wasn’t able to practice the perfectly complete and pure spiritual life to the end.”
- pli-tv-bu-vb-pj1:5.10.14
“Alañhi te, āvuso sudinna, kukkuccāya alaṁ vippaṭisārāya yaṁ tvaṁ evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.
“No wonder you’re anxious, Sudinna, no wonder you have remorse.
- pli-tv-bu-vb-pj1:5.10.15
Nanu, āvuso, bhagavatā anekapariyāyena virāgāya dhammo desito, no sarāgāya;
Hasn’t the Buddha given many teachings for the sake of dispassion, not for the sake of lust;
- pli-tv-bu-vb-pj1:5.10.16
visaṁyogāya dhammo desito, no saṁyogāya;
for the sake of freedom from bondage, not for the sake of bondage;
- pli-tv-bu-vb-pj1:5.10.17
anupādānāya dhammo desito, no saupādānāya.
for the sake of non-grasping, not for the sake of grasping?
- pli-tv-bu-vb-pj1:5.10.18
Tattha nāma tvaṁ, āvuso, bhagavatā virāgāya dhamme desite sarāgāya cetessasi, visaṁyogāya dhamme desite saṁyogāya cetessasi, anupādānāya dhamme desite saupādānāya cetessasi.
When the Buddha has taught in this way, how could you choose lust, bondage, and grasping?
- pli-tv-bu-vb-pj1:5.10.19
Nanu, āvuso, bhagavatā anekapariyāyena rāgavirāgāya dhammo desito,
Hasn’t the Buddha given many teachings for the fading away of lust,
- pli-tv-bu-vb-pj1:5.10.20
madanimmadanāya pipāsavinayāya ālayasamugghātāya vaṭṭupacchedāya taṇhākkhayāya virāgāya nirodhāya nibbānāya dhammo desito.
for the clearing away of intoxication, for the removal of thirst, for the uprooting of attachment, for the cutting off of the round of rebirth, for the stopping of craving, for fading away, for ending, for extinguishment?
- pli-tv-bu-vb-pj1:5.10.21
Nanu, āvuso, bhagavatā anekapariyāyena kāmānaṁ pahānaṁ akkhātaṁ,
Hasn’t the Buddha in many ways taught the abandoning of worldly pleasures,
- pli-tv-bu-vb-pj1:5.10.22
kāmasaññānaṁ pariññā akkhātā,
the full understanding of the perceptions of worldly pleasures,
- pli-tv-bu-vb-pj1:5.10.23
kāmapipāsānaṁ paṭivinayo akkhāto,
the removal of thirst for worldly pleasures,
- pli-tv-bu-vb-pj1:5.10.24
kāmavitakkānaṁ samugghāto akkhāto,
the elimination of thoughts of worldly pleasures,
- pli-tv-bu-vb-pj1:5.10.25
kāmapariḷāhānaṁ vūpasamo akkhāto.
the stilling of the fevers of worldly pleasures?
- pli-tv-bu-vb-pj1:5.10.26
Netaṁ, āvuso, appasannānaṁ vā pasādāya, pasannānaṁ vā bhiyyobhāvāya.
This will affect people’s confidence
- pli-tv-bu-vb-pj1:5.10.27
Atha khvetaṁ, āvuso, appasannānañceva appasādāya pasannānañca ekaccānaṁ aññathattāyā”ti.
and cause some to lose it.”
- pli-tv-bu-vb-pj1:5.11.1
Atha kho te bhikkhū āyasmantaṁ sudinnaṁ anekapariyāyena vigarahitvā bhagavato etamatthaṁ ārocesuṁ.
After rebuking Sudinna in many ways, they told the Buddha.
- pli-tv-bu-vb-pj1:5.11.2
Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ sudinnaṁ paṭipucchi—
The Buddha then had the Sangha of monks gathered and questioned Sudinna:
- pli-tv-bu-vb-pj1:5.11.3
“saccaṁ kira tvaṁ, sudinna, purāṇadutiyikāya methunaṁ dhammaṁ paṭisevī”ti?
“Is it true, Sudinna, that you had sexual intercourse with your ex-wife?”
- pli-tv-bu-vb-pj1:5.11.4
“Saccaṁ, bhagavā”ti.
“It’s true, sir.”
- pli-tv-bu-vb-pj1:5.11.5
Vigarahi buddho bhagavā—
The Buddha rebuked him,
- pli-tv-bu-vb-pj1:5.11.6
“ananucchavikaṁ, moghapurisa, ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ.
“Foolish man, it’s not suitable, it’s not proper, it’s not worthy of a monastic, it’s not allowable, it’s not to be done.
- pli-tv-bu-vb-pj1:5.11.7
Kathañhi nāma tvaṁ, moghapurisa, evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.
How could you go forth on such a well-proclaimed spiritual path and not be able to practice the perfectly complete and pure spiritual life to the end?
- pli-tv-bu-vb-pj1:5.11.8
Nanu mayā, moghapurisa, anekapariyāyena virāgāya dhammo desito, no sarāgāya;
Haven’t I given many teachings for the sake of dispassion, not for the sake of lust;
- pli-tv-bu-vb-pj1:5.11.9
visaṁyogāya dhammo desito, no saṁyogāya;
for the sake of freedom from bondage, not for the sake of bondage;
- pli-tv-bu-vb-pj1:5.11.10
anupādānāya dhammo desito, no saupādānāya.
for the sake of non-grasping, not for the sake of grasping?
- pli-tv-bu-vb-pj1:5.11.11
Tattha nāma tvaṁ, moghapurisa, mayā virāgāya dhamme desite sarāgāya cetessasi, visaṁyogāya dhamme desite saṁyogāya cetessasi, anupādānāya dhamme desite saupādānāya cetessasi.
When I have taught in this way, how could you choose lust, bondage, and grasping?
- pli-tv-bu-vb-pj1:5.11.12
Nanu mayā, moghapurisa, anekapariyāyena rāgavirāgāya dhammo desito.
Haven’t I given many teachings for the fading away of lust,
- pli-tv-bu-vb-pj1:5.11.13
Madanimmadanāya pipāsavinayāya ālayasamugghātāya vaṭṭupacchedāya taṇhākkhayāya virāgāya nirodhāya nibbānāya dhammo desito.
for the clearing away of intoxication, for the removal of thirst, for the uprooting of attachment, for the cutting off of the round of rebirth, for the stopping of craving, for fading away, for ending, for extinguishment?
- pli-tv-bu-vb-pj1:5.11.14
Nanu mayā, moghapurisa, anekapariyāyena kāmānaṁ pahānaṁ akkhātaṁ,
Haven’t I in many ways taught the abandoning of worldly pleasures,
- pli-tv-bu-vb-pj1:5.11.15
kāmasaññānaṁ pariññā akkhātā,
the full understanding of the perceptions of worldly pleasures,
- pli-tv-bu-vb-pj1:5.11.16
kāmapipāsānaṁ paṭivinayo akkhāto,
the removal of thirst for worldly pleasures,
- pli-tv-bu-vb-pj1:5.11.17
kāmavitakkānaṁ samugghāto akkhāto,
the elimination of thoughts of worldly pleasures,
- pli-tv-bu-vb-pj1:5.11.18
kāmapariḷāhānaṁ vūpasamo akkhāto.
the stilling of the fevers of worldly pleasures?
- pli-tv-bu-vb-pj1:5.11.19
Varaṁ te, moghapurisa, āsivisassa ghoravisassa mukhe aṅgajātaṁ pakkhittaṁ, na tveva mātugāmassa aṅgajāte aṅgajātaṁ pakkhittaṁ.
It would be better, foolish man, for your penis to enter the mouth of a highly venomous snake than to enter a woman.
- pli-tv-bu-vb-pj1:5.11.20
Varaṁ te, moghapurisa, kaṇhasappassa mukhe aṅgajātaṁ pakkhittaṁ, na tveva mātugāmassa aṅgajāte aṅgajātaṁ pakkhittaṁ.
It would be better for your penis to enter the mouth of a black snake than to enter a woman.
- pli-tv-bu-vb-pj1:5.11.21
Varaṁ te, moghapurisa, aṅgārakāsuyā ādittāya sampajjalitāya sajotibhūtāya aṅgajātaṁ pakkhittaṁ, na tveva mātugāmassa aṅgajāte aṅgajātaṁ pakkhittaṁ.
It would be better for your penis to enter a blazing charcoal pit than to enter a woman.
- pli-tv-bu-vb-pj1:5.11.22
Taṁ kissa hetu?
Why is that?
- pli-tv-bu-vb-pj1:5.11.23
Tatonidānañhi, moghapurisa, maraṇaṁ vā nigaccheyya maraṇamattaṁ vā dukkhaṁ, na tveva tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
For although it might cause death or death-like suffering, it would not cause you to be reborn in a bad destination.
- pli-tv-bu-vb-pj1:5.11.24
Itonidānañca kho, moghapurisa, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
But this might.
- pli-tv-bu-vb-pj1:5.11.25
Tattha nāma tvaṁ, moghapurisa, yaṁ tvaṁ asaddhammaṁ gāmadhammaṁ vasaladhammaṁ duṭṭhullaṁ odakantikaṁ rahassaṁ dvayaṁdvayasamāpattiṁ samāpajjissasi,
Foolish man, you’ve practiced what is contrary to the true Teaching, the common practice, the low practice, the coarse practice, that which ends with a wash, that which is done in private, that which is done wherever there are couples.
- pli-tv-bu-vb-pj1:5.11.26
bahūnaṁ kho tvaṁ, moghapurisa, akusalānaṁ dhammānaṁ ādikattā pubbaṅgamo.
You are the forerunner, the first performer of many unwholesome things.
- pli-tv-bu-vb-pj1:5.11.27
Netaṁ, moghapurisa, appasannānaṁ vā pasādāya, pasannānaṁ vā bhiyyobhāvāya;
This will affect people’s confidence,
- pli-tv-bu-vb-pj1:5.11.28
atha khvetaṁ, moghapurisa, appasannānañceva appasādāya, pasannānañca ekaccānaṁ aññathattāyā”ti.
and cause some to lose it.”
- pli-tv-bu-vb-pj1:5.11.29
Atha kho bhagavā āyasmantaṁ sudinnaṁ anekapariyāyena vigarahitvā dubbharatāya dupposatāya mahicchatāya asantuṭṭhitāya saṅgaṇikāya kosajjassa avaṇṇaṁ bhāsitvā anekapariyāyena subharatāya suposatāya appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇaṁ bhāsitvā
Then the Buddha spoke in many ways in dispraise of being difficult to support and maintain, in dispraise of great desires, discontent, socializing, and laziness; but he spoke in many ways in praise of being easy to support and maintain, of fewness of wishes, contentment, self-effacement, ascetic practices, serenity, reduction in things, and being energetic.
- pli-tv-bu-vb-pj1:5.11.30
bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū āmantesi—
After giving a teaching on what is right and proper, he addressed the monks:
- pli-tv-bu-vb-pj1:5.11.31
“tena hi, bhikkhave, bhikkhūnaṁ sikkhāpadaṁ paññapessāmi dasa atthavase paṭicca—
“Well then, monks, I will lay down a training rule for the following ten reasons:
- pli-tv-bu-vb-pj1:5.11.32
saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.
for the well-being of the Sangha, for the comfort of the Sangha, for the restraint of bad people, for the ease of good monks, for the restraint of the corruptions relating to the present life, for the restraint of the corruptions relating to future lives, to give rise to confidence in those without it, to increase the confidence of those who have it, for the longevity of the true Teaching, and for supporting the training.
- pli-tv-bu-vb-pj1:5.11.33
Evañca pana, bhikkhave, imaṁ sikkhāpadaṁ uddiseyyātha—
And, monks, this training rule should be recited like this:
- pli-tv-bu-vb-pj1:5.11.34.1
“Yo pana bhikkhu methunaṁ dhammaṁ paṭiseveyya, pārājiko hoti asaṁvāso”ti.
‘If a monk has sexual intercourse, he is expelled and excluded from the community.’”
- pli-tv-bu-vb-pj1:5.11.35
Evañcidaṁ bhagavatā bhikkhūnaṁ sikkhāpadaṁ paññattaṁ hoti.
In this way the Buddha laid down this training rule for the monks.
- pli-tv-bu-vb-pj1:5.11.36
Sudinnabhāṇavāro niṭṭhito.
The section for recitation on Sudinna is finished.
- pli-tv-bu-vb-pj1:6.0
2. Makkaṭīvatthu
Second substory: the account of the female monkey
- pli-tv-bu-vb-pj1:6.1
Tena kho pana samayena aññataro bhikkhu vesāliyaṁ mahāvane makkaṭiṁ āmisena upalāpetvā tassā methunaṁ dhammaṁ paṭisevati.
Sometime later, in the Great Wood near Vesālī, a certain monk befriended a female monkey by giving her food. He then had sexual intercourse with her.
- pli-tv-bu-vb-pj1:6.2
Atha kho so bhikkhu pubbaṇhasamayaṁ nivāsetvā pattacīvaraṁ ādāya vesāliṁ piṇḍāya pāvisi.
Soon afterwards, after robing up in the morning, he took his bowl and robe and entered Vesālī for alms.
- pli-tv-bu-vb-pj1:6.3
Tena kho pana samayena sambahulā bhikkhū senāsanacārikaṁ āhiṇḍantā yena tassa bhikkhuno vihāro tenupasaṅkamiṁsu.
Just then a number of monks who were walking about the dwellings came to the one belonging to this monk.
- pli-tv-bu-vb-pj1:6.4
Addasa kho sā makkaṭī te bhikkhū dūratova āgacchante.
The female monkey saw those monks coming.
- pli-tv-bu-vb-pj1:6.5
Disvāna yena te bhikkhū tenupasaṅkami; upasaṅkamitvā tesaṁ bhikkhūnaṁ purato kaṭimpi cālesi cheppampi cālesi, kaṭimpi oḍḍi, nimittampi akāsi.
She went up to them, shook her buttocks in front of them, wagged her tail, presented her backside, and made a gesture.
- pli-tv-bu-vb-pj1:6.6
Atha kho tesaṁ bhikkhūnaṁ etadahosi—“nissaṁsayaṁ kho so bhikkhu imissā makkaṭiyā methunaṁ dhammaṁ paṭisevatī”ti. Ekamantaṁ nilīyiṁsu.
The monks thought, “This monk must be having sexual intercourse with this monkey,” and they hid to one side.
← Previous · Next → — showing 401–500 of 1,450
SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.