Theravāda Vinaya — Mahāvibhaṅga — Pārājikakaṇḍa
- pli-tv-bu-vb-pj1:5.4.5
Sace pana tumhe sudinnaṁ anujānissatha agārasmā anagāriyaṁ pabbajjāya, pabbajitampi naṁ dakkhissatha.
But if you allow him to go forth, you’ll see him again afterwards.
- pli-tv-bu-vb-pj1:5.4.6
Sace sudinno nābhiramissati agārasmā anagāriyaṁ pabbajjāya, kā tassa aññā gati bhavissati, idheva paccāgamissati.
And if he doesn’t enjoy the going forth, what alternative will he have but to come back here?
- pli-tv-bu-vb-pj1:5.4.7
Anujānātha sudinnaṁ agārasmā anagāriyaṁ pabbajjāyā”ti.
So please allow him to go forth.”
- pli-tv-bu-vb-pj1:5.4.8
“Anujānāma, tātā, sudinnaṁ agārasmā anagāriyaṁ pabbajjāyā”ti.
“Alright, then.”
- pli-tv-bu-vb-pj1:5.4.9
Atha kho sudinnassa kalandaputtassa sahāyakā yena sudinno kalandaputto tenupasaṅkamiṁsu; upasaṅkamitvā sudinnaṁ kalandaputtaṁ etadavocuṁ—
And Sudinna’s friends said to him,
- pli-tv-bu-vb-pj1:5.4.10
“uṭṭhehi, samma sudinna, anuññātosi mātāpitūhi agārasmā anagāriyaṁ pabbajjāyā”ti.
“Get up, Sudinna, your parents have given you permission to go forth.”
- pli-tv-bu-vb-pj1:5.4.11
Atha kho sudinno kalandaputto—“anuññātomhi kira mātāpitūhi agārasmā anagāriyaṁ pabbajjāyā”ti, haṭṭho udaggo pāṇinā gattāni paripuñchanto vuṭṭhāsi.
When Sudinna heard this, he was excited and joyful, stroking his limbs with his hands as he got up.
- pli-tv-bu-vb-pj1:5.4.12
Atha kho sudinno kalandaputto katipāhaṁ balaṁ gāhetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho sudinno kalandaputto bhagavantaṁ etadavoca—
After spending a few days to regain his strength, he went to the Buddha, bowed, sat down, and said,
- pli-tv-bu-vb-pj1:5.4.13
“anuññāto ahaṁ, bhante, mātāpitūhi agārasmā anagāriyaṁ pabbajjāya.
“Sir, I’ve gotten my parents’ permission to go forth.
- pli-tv-bu-vb-pj1:5.4.14
Pabbājetu maṁ bhagavā”ti.
Please give me the going forth.”
- pli-tv-bu-vb-pj1:5.4.15
Alattha kho sudinno kalandaputto bhagavato santike pabbajjaṁ, alattha upasampadaṁ.
He then received the going forth and the full ordination in the presence of the Buddha.
- pli-tv-bu-vb-pj1:5.4.16
Acirūpasampanno ca panāyasmā sudinno evarūpe dhutaguṇe samādāya vattati, āraññiko hoti piṇḍapātiko paṁsukūliko sapadānacāriko,
Not long afterwards he practiced these kinds of ascetic practices: he stayed in the wilderness, ate only almsfood, was a rag-robe wearer, and went on continuous almsround.
- pli-tv-bu-vb-pj1:5.4.17
aññataraṁ vajjigāmaṁ upanissāya viharati.
And he lived supported by a certain Vajjian village.
- pli-tv-bu-vb-pj1:5.5.1
Tena kho pana samayena vajjī dubbhikkhā hoti dvīhitikā setaṭṭhikā salākāvuttā, na sukarā uñchena paggahena yāpetuṁ.
Soon afterwards, the Vajjians were short of food and afflicted with hunger, with crops affected by whiteheads and turned to straw. It was not easy to get by on almsfood.
- pli-tv-bu-vb-pj1:5.5.2
Atha kho āyasmato sudinnassa etadahosi—“etarahi kho vajjī dubbhikkhā dvīhitikā setaṭṭhikā salākāvuttā, na sukarā uñchena paggahena yāpetuṁ.
Sudinna considered this and thought,
- pli-tv-bu-vb-pj1:5.5.3
Bahū kho pana me vesāliyaṁ ñātī aḍḍhā mahaddhanā mahābhogā pahūtajātarūparajatā pahūtavittūpakaraṇā pahūtadhanadhaññā.
“I have many wealthy relatives in Vesālī.
- pli-tv-bu-vb-pj1:5.5.4
Yannūnāhaṁ ñātī upanissāya vihareyyaṁ.
Why don’t I get them to support me?
- pli-tv-bu-vb-pj1:5.5.5
Ñātī maṁ nissāya dānāni dassanti puññāni karissanti, bhikkhū ca lābhaṁ lacchanti, ahañca piṇḍakena na kilamissāmī”ti.
My relatives will be able to make offerings and merit, the monks will get material support, and I’ll have no trouble getting almsfood.”
- pli-tv-bu-vb-pj1:5.5.6
Atha kho āyasmā sudinno senāsanaṁ saṁsāmetvā pattacīvaramādāya yena vesālī tena pakkāmi.
He then put his dwelling in order, took his bowl and robe, and set out for Vesālī.
- pli-tv-bu-vb-pj1:5.5.7
Anupubbena yena vesālī tadavasari. Tatra sudaṁ āyasmā sudinno vesāliyaṁ viharati mahāvane kūṭāgārasālāyaṁ.
When he eventually arrived, he stayed in the house with the peaked roof in the Great Wood.
- pli-tv-bu-vb-pj1:5.5.8
Assosuṁ kho āyasmato sudinnassa ñātakā—“sudinno kira kalandaputto vesāliṁ anuppatto”ti. Te āyasmato sudinnassa saṭṭhimatte thālipāke bhattābhihāraṁ abhihariṁsu.
His relatives heard that he had arrived in Vesālī, and they presented him with an offering of sixty servings of food.
- pli-tv-bu-vb-pj1:5.5.9
Atha kho āyasmā sudinno te saṭṭhimatte thālipāke bhikkhūnaṁ vissajjetvā pubbaṇhasamayaṁ nivāsetvā pattacīvaramādāya kalandagāmaṁ piṇḍāya pāvisi.
Sudinna gave the sixty servings to the monks. He then took his bowl and robe and went to the village of Kalanda for alms.
- pli-tv-bu-vb-pj1:5.5.10
Kalandagāme sapadānaṁ piṇḍāya caramāno yena sakapitu nivesanaṁ tenupasaṅkami.
As he was going on continuous almsround, he came to his own father’s house.
- pli-tv-bu-vb-pj1:5.6.1
Tena kho pana samayena āyasmato sudinnassa ñātidāsī ābhidosikaṁ kummāsaṁ chaḍḍetukāmā hoti.
Just then a female slave of Sudinna’s relatives was about to throw away the previous evening’s porridge.
- pli-tv-bu-vb-pj1:5.6.2
Atha kho āyasmā sudinno taṁ ñātidāsiṁ etadavoca—
Sudinna said to her,
- pli-tv-bu-vb-pj1:5.6.3
“sace taṁ, bhagini, chaḍḍanīyadhammaṁ, idha me patte ākirā”ti.
“If that’s to be thrown away, sister, put it here in my almsbowl.”
- pli-tv-bu-vb-pj1:5.6.4
Atha kho āyasmato sudinnassa ñātidāsī taṁ ābhidosikaṁ kummāsaṁ āyasmato sudinnassa patte ākirantī hatthānañca pādānañca sarassa ca nimittaṁ aggahesi.
As she was putting the porridge into his bowl, she recognized his hands, feet, and voice.
- pli-tv-bu-vb-pj1:5.6.5
Atha kho āyasmato sudinnassa ñātidāsī yenāyasmato sudinnassa mātā tenupasaṅkami; upasaṅkamitvā āyasmato sudinnassa mātaraṁ etadavoca—
She then went to his mother and said,
- pli-tv-bu-vb-pj1:5.6.6
“yaggheyye, jāneyyāsi,
“Please be aware, ma’am,
- pli-tv-bu-vb-pj1:5.6.7
ayyaputto sudinno anuppatto”ti.
that master Sudinna is back.”
- pli-tv-bu-vb-pj1:5.6.8
“Sace, je, tvaṁ saccaṁ bhaṇasi, adāsiṁ taṁ karomī”ti.
“Gosh, if you’re telling the truth, you’re a free woman!”
- pli-tv-bu-vb-pj1:5.6.9
Tena kho pana samayena āyasmā sudinno taṁ ābhidosikaṁ kummāsaṁ aññataraṁ kuṭṭamūlaṁ nissāya paribhuñjati.
As Sudinna was eating the previous evening’s porridge at the base of a certain wall,
- pli-tv-bu-vb-pj1:5.6.10
Pitāpi kho āyasmato sudinnassa kammantā āgacchanto addasa āyasmantaṁ sudinnaṁ taṁ ābhidosikaṁ kummāsaṁ aññataraṁ kuṭṭamūlaṁ nissāya paribhuñjantaṁ.
his father was coming home from work.
- pli-tv-bu-vb-pj1:5.6.11
Disvāna yenāyasmā sudinno tenupasaṅkami; upasaṅkamitvā āyasmantaṁ sudinnaṁ etadavoca—
When he saw him sitting there, he went up to him and said,
- pli-tv-bu-vb-pj1:5.6.12
“atthi nāma, tāta sudinna, ābhidosikaṁ kummāsaṁ paribhuñjissasi.
“But, Sudinna, isn’t there … What! You’re eating old porridge!
- pli-tv-bu-vb-pj1:5.6.13
Nanu nāma, tāta sudinna, sakaṁ gehaṁ gantabban”ti?
Why don’t you come to your own house?”
- pli-tv-bu-vb-pj1:5.6.14
“Agamimha kho te, gahapati, gehaṁ.
“We went to your house, householder.
- pli-tv-bu-vb-pj1:5.6.15
Tatāyaṁ ābhidosiko kummāso”ti.
That’s where we received this porridge.”
- pli-tv-bu-vb-pj1:5.6.16
Atha kho āyasmato sudinnassa pitā āyasmato sudinnassa bāhāyaṁ gahetvā āyasmantaṁ sudinnaṁ etadavoca— “ehi, tāta sudinna, gharaṁ gamissāmā”ti.
Sudinna’s father took him by the arm and said, “Come, let’s go home.”
- pli-tv-bu-vb-pj1:5.6.17
Atha kho āyasmā sudinno yena sakapitu nivesanaṁ tenupasaṅkami; upasaṅkamitvā paññatte āsane nisīdi.
Sudinna went to his father’s house and sat down on the prepared seat.
- pli-tv-bu-vb-pj1:5.6.18
Atha kho āyasmato sudinnassa pitā āyasmantaṁ sudinnaṁ etadavoca— “bhuñja, tāta sudinnā”ti.
His father said to him, “Please eat, Sudinna.”
- pli-tv-bu-vb-pj1:5.6.19
“Alaṁ, gahapati, kataṁ me ajja bhattakiccan”ti.
“There’s no need. I’m done for today.”
- pli-tv-bu-vb-pj1:5.6.20
“Adhivāsehi, tāta sudinna, svātanāya bhattan”ti.
“Then come back for the meal tomorrow.”
- pli-tv-bu-vb-pj1:5.6.21
Adhivāsesi kho āyasmā sudinno tuṇhībhāvena. Atha kho āyasmā sudinno uṭṭhāyāsanā pakkāmi.
Sudinna consented by keeping silent, and he got up from his seat and left.
- pli-tv-bu-vb-pj1:5.6.22
Atha kho āyasmato sudinnassa mātā tassā rattiyā accayena haritena gomayena pathaviṁ opuñjāpetvā dve puñje kārāpesi—ekaṁ hiraññassa, ekaṁ suvaṇṇassa.
The next morning Sudinna’s mother had the floor smeared with fresh cow-dung. She then piled up two heaps, one with money, the other with gold.
- pli-tv-bu-vb-pj1:5.6.23
Tāva mahantā puñjā ahesuṁ, orato ṭhito puriso pārato ṭhitaṁ purisaṁ na passati; pārato ṭhito puriso orato ṭhitaṁ purisaṁ na passati.
The heaps were so large that a man standing on one side could not see a man standing on the other.
- pli-tv-bu-vb-pj1:5.6.24
Te puñje kilañjehi paṭicchādāpetvā majjhe āsanaṁ paññāpetvā tirokaraṇīyaṁ parikkhipitvā āyasmato sudinnassa purāṇadutiyikaṁ āmantesi—
She hid the heaps behind screens, prepared a seat between them, and surrounded it all with a curtain. And she said to Sudinna’s ex-wife,
- pli-tv-bu-vb-pj1:5.6.25
“tena hi, vadhu, yena alaṅkārena alaṅkatā puttassa me sudinnassa piyā ahosi manāpā tena alaṅkārena alaṅkarā”ti.
“Now please adorn yourself in the way our son Sudinna found you especially attractive.”
- pli-tv-bu-vb-pj1:5.6.26
“Evaṁ, ayye”ti, kho āyasmato sudinnassa purāṇadutiyikā āyasmato sudinnassa mātuyā paccassosi.
“Yes, ma’am.”
- pli-tv-bu-vb-pj1:5.7.1
Atha kho āyasmā sudinno pubbaṇhasamayaṁ nivāsetvā pattacīvaramādāya yena sakapitu nivesanaṁ tenupasaṅkami; upasaṅkamitvā paññatte āsane nisīdi.
Then, after robing up, Venerable Sudinna took his bowl and robe and went to his father’s house where he sat down on the prepared seat.
- pli-tv-bu-vb-pj1:5.7.2
Atha kho āyasmato sudinnassa pitā yenāyasmā sudinno tenupasaṅkami; upasaṅkamitvā te puñje vivarāpetvā āyasmantaṁ sudinnaṁ etadavoca—
His father went up to him, uncovered the heaps, and said,
- pli-tv-bu-vb-pj1:5.7.3
“idaṁ te, tāta sudinna, mātu mattikaṁ itthikāya itthidhanaṁ, aññaṁ pettikaṁ aññaṁ pitāmahaṁ.
“This dowry, dear Sudinna, is the fortune from your mother. It’s yours. Another is the fortune from your father and another the fortune from your ancestors.
- pli-tv-bu-vb-pj1:5.7.4
Labbhā, tāta sudinna, hīnāyāvattitvā bhogā ca bhuñjituṁ puññāni ca kātuṁ.
- pli-tv-bu-vb-pj1:5.7.5
Ehi tvaṁ, tāta sudinna, hīnāyāvattitvā bhoge ca bhuñjassu puññāni ca karohī”ti.
Please return to the lower life, enjoy wealth, and make merit.”
- pli-tv-bu-vb-pj1:5.7.6
“Tāta, na ussahāmi na visahāmi, abhirato ahaṁ brahmacariyaṁ carāmī”ti.
“I can’t, father. I’m enjoying the spiritual life.”
- pli-tv-bu-vb-pj1:5.7.7
Dutiyampi kho …pe…
Sudinna’s father repeated his request and Sudinna replied as before.
- pli-tv-bu-vb-pj1:5.7.8
tatiyampi kho āyasmato sudinnassa pitā āyasmantaṁ sudinnaṁ etadavoca—
When Sudinna’s father repeated his request a third time, Sudinna said,
- pli-tv-bu-vb-pj1:5.7.9
“idaṁ te, tāta sudinna, mātu mattikaṁ, itthikāya itthidhanaṁ, aññaṁ pettikaṁ, aññaṁ pitāmahaṁ.
- pli-tv-bu-vb-pj1:5.7.10
Labbhā, tāta sudinna, hīnāyāvattitvā bhogā ca bhuñjituṁ puññāni ca kātuṁ.
- pli-tv-bu-vb-pj1:5.7.11
Ehi tvaṁ, tāta sudinna, hīnāyāvattitvā bhoge ca bhuñjassu puññāni ca karohī”ti.
- pli-tv-bu-vb-pj1:5.7.12
“Vadeyyāma kho taṁ, gahapati, sace tvaṁ nātikaḍḍheyyāsī”ti.
“If you wouldn’t get offended, I could tell you what to do.”
- pli-tv-bu-vb-pj1:5.7.13
“Vadehi, tāta sudinnā”ti.
“Let’s hear it.”
- pli-tv-bu-vb-pj1:5.7.14
“Tena hi tvaṁ, gahapati, mahante mahante sāṇipasibbake kārāpetvā hiraññasuvaṇṇassa pūrāpetvā sakaṭehi nibbāhāpetvā majjhe gaṅgāya sote opātehi.
“Well then, make some large hempen sacks, put all the money and gold inside, take it all away in carts, and dump it in the middle of the Ganges.
- pli-tv-bu-vb-pj1:5.7.15
Taṁ kissa hetu?
And why?
- pli-tv-bu-vb-pj1:5.7.16
Yañhi te, gahapati, bhavissati tatonidānaṁ bhayaṁ vā chambhitattaṁ vā lomahaṁso vā ārakkho vā so te na bhavissatī”ti.
Because that way you will avoid the danger, fear, and terror that it will otherwise cause you, as well as the trouble with protecting it.”
- pli-tv-bu-vb-pj1:5.7.17
Evaṁ vutte, āyasmato sudinnassa pitā anattamano ahosi— “kathañhi nāma putto sudinno evaṁ vakkhatī”ti.
His father became upset, thinking, “How can our son Sudinna say such things?”
- pli-tv-bu-vb-pj1:5.7.18
Atha kho āyasmato sudinnassa pitā āyasmato sudinnassa purāṇadutiyikaṁ āmantesi—
He then said to Sudinna’s ex-wife,
- pli-tv-bu-vb-pj1:5.7.19
“tena hi, vadhu, tvaṁ piyā ca manāpā ca. Appeva nāma putto sudinno tuyhampi vacanaṁ kareyyā”ti.
“Well then, since you were so dear to him, perhaps our son Sudinna will listen to you?”
- pli-tv-bu-vb-pj1:5.7.20
Atha kho āyasmato sudinnassa purāṇadutiyikā āyasmato sudinnassa pādesu gahetvā āyasmantaṁ sudinnaṁ etadavoca—
Sudinna’s ex-wife took hold of his feet and said,
- pli-tv-bu-vb-pj1:5.7.21
“kīdisā nāma tā, ayyaputta, accharāyo yāsaṁ tvaṁ hetu brahmacariyaṁ carasī”ti?
“What are these nymphs like, sir, for which you practice the spiritual life?”
- pli-tv-bu-vb-pj1:5.7.22
“Na kho ahaṁ, bhagini, accharānaṁ hetu brahmacariyaṁ carāmī”ti.
“Sister, I don’t practice the spiritual life for the sake of nymphs.”
- pli-tv-bu-vb-pj1:5.7.23
Atha kho āyasmato sudinnassa purāṇadutiyikā— “ajjatagge maṁ ayyaputto sudinno bhaginivādena samudācaratī”ti, tattheva mucchitā papatā.
His ex-wife thought, “Sudinna is now calling me ‘sister’,” and she fainted right there.
- pli-tv-bu-vb-pj1:5.8.1
Atha kho āyasmā sudinno pitaraṁ etadavoca—
Sudinna said to his father,
- pli-tv-bu-vb-pj1:5.8.2
“sace, gahapati, bhojanaṁ dātabbaṁ detha,
“If there’s food to be given, householder, give it,
- pli-tv-bu-vb-pj1:5.8.3
mā no viheṭhayitthā”ti.
but don’t annoy me.”
- pli-tv-bu-vb-pj1:5.8.4
“Bhuñja, tāta sudinnā”ti.
“Eat, Sudinna,” he said.
- pli-tv-bu-vb-pj1:5.8.5
Atha kho āyasmato sudinnassa mātā ca pitā ca āyasmantaṁ sudinnaṁ paṇītena khādanīyena bhojanīyena sahatthā santappesuṁ sampavāresuṁ.
And Sudinna’s mother and father personally served and satisfied him with various kinds of fine foods.
- pli-tv-bu-vb-pj1:5.8.6
Atha kho āyasmato sudinnassa mātā āyasmantaṁ sudinnaṁ bhuttāviṁ onītapattapāṇiṁ etadavoca—
When Sudinna had finished his meal, his mother said to him:
- pli-tv-bu-vb-pj1:5.8.7
“idaṁ, tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
“Sudinna dear, our family is rich.
- pli-tv-bu-vb-pj1:5.8.8
Labbhā, tāta sudinna, hīnāyāvattitvā bhogā ca bhuñjituṁ puññāni ca kātuṁ.
- pli-tv-bu-vb-pj1:5.8.9
Ehi tvaṁ, tāta sudinna, hīnāyāvattitvā bhoge ca bhuñjassu puññāni ca karohī”ti.
Please return to the lower life, enjoy wealth, and make merit.”
- pli-tv-bu-vb-pj1:5.8.10
“Amma, na ussahāmi na visahāmi, abhirato ahaṁ brahmacariyaṁ carāmī”ti.
“Mother, I can’t. I’m enjoying the spiritual life.”
- pli-tv-bu-vb-pj1:5.8.11
Dutiyampi kho …pe…
His mother repeated her request a second time, but got the same reply.
- pli-tv-bu-vb-pj1:5.8.12
tatiyampi kho āyasmato sudinnassa mātā āyasmantaṁ sudinnaṁ etadavoca—
She then said,
- pli-tv-bu-vb-pj1:5.8.13
“idaṁ, tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
“Our family is wealthy, Sudinna.
- pli-tv-bu-vb-pj1:5.8.14
Tena hi, tāta sudinna, bījakampi dehi—
Please give us an offspring,
- pli-tv-bu-vb-pj1:5.8.15
mā no aputtakaṁ sāpateyyaṁ licchavayo atiharāpesun”ti.
so that the Licchavīs don’t take over our heirless property.”
- pli-tv-bu-vb-pj1:5.8.16
“Etaṁ kho me, amma, sakkā kātun”ti.
“Yes, mother, I can do that.”
- pli-tv-bu-vb-pj1:5.8.17
“Kahaṁ pana, tāta sudinna, etarahi viharasī”ti?
“But where are you staying?”
- pli-tv-bu-vb-pj1:5.8.18
“Mahāvane, ammā”ti.
“In the Great Wood.”
- pli-tv-bu-vb-pj1:5.8.19
Atha kho āyasmā sudinno uṭṭhāyāsanā pakkāmi.
And he got up from his seat and left.
- pli-tv-bu-vb-pj1:5.9.1
Atha kho āyasmato sudinnassa mātā āyasmato sudinnassa purāṇadutiyikaṁ āmantesi—
Sudinna’s mother then said to his ex-wife,
- pli-tv-bu-vb-pj1:5.9.2
“tena hi, vadhu, yadā utunī ahosi, pupphaṁ te uppannaṁ hoti, atha me āroceyyāsī”ti.
“Well then, as soon as you reach your fertile period, please tell me.”
- pli-tv-bu-vb-pj1:5.9.3
“Evaṁ, ayye”ti kho āyasmato sudinnassa purāṇadutiyikā āyasmato sudinnassa mātuyā paccassosi.
“Yes, ma’am.”
- pli-tv-bu-vb-pj1:5.9.4
Atha kho āyasmato sudinnassa purāṇadutiyikā nacirasseva utunī ahosi, pupphaṁsā uppajji.
Not long afterwards Sudinna’s ex-wife reached her fertile period,
- pli-tv-bu-vb-pj1:5.9.5
Atha kho āyasmato sudinnassa purāṇadutiyikā āyasmato sudinnassa mātaraṁ etadavoca—“utunīmhi, ayye, pupphaṁ me uppannan”ti.
and she reported it to Sudinna’s mother.
- pli-tv-bu-vb-pj1:5.9.6
“Tena hi, vadhu, yena alaṅkārena alaṅkatā puttassa sudinnassa piyā ahosi manāpā tena alaṅkārena alaṅkarā”ti.
“Now, please adorn yourself in the way that our son Sudinna found you especially attractive.”
- pli-tv-bu-vb-pj1:5.9.7
“Evaṁ, ayye”ti kho āyasmato sudinnassa purāṇadutiyikā āyasmato sudinnassa mātuyā paccassosi.
“Yes.”
- pli-tv-bu-vb-pj1:5.9.8
Atha kho āyasmato sudinnassa mātā āyasmato sudinnassa purāṇadutiyikaṁ ādāya yena mahāvanaṁ yenāyasmā sudinno tenupasaṅkami; upasaṅkamitvā āyasmantaṁ sudinnaṁ etadavoca—
Then Sudinna’s mother, together with his ex-wife, went to Sudinna in the Great Wood, and she said to him:
- pli-tv-bu-vb-pj1:5.9.9
“idaṁ, tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
“Our family, dear Sudinna, is rich.
← Previous · Next → — showing 301–400 of 1,450
SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.