Theravāda Vinaya — Mahāvibhaṅga — Pārājikakaṇḍa
- pli-tv-bu-vb-pj1:6.7
Atha kho so bhikkhu vesāliyaṁ piṇḍāya caritvā piṇḍapātaṁ ādāya paṭikkami.
Then, when that monk had finished his almsround in Vesālī and had returned with his almsfood,
- pli-tv-bu-vb-pj1:6.8
Atha kho sā makkaṭī yena so bhikkhu tenupasaṅkami.
- pli-tv-bu-vb-pj1:6.9
Atha kho so bhikkhu taṁ piṇḍapātaṁ ekadesaṁ bhuñjitvā ekadesaṁ tassā makkaṭiyā adāsi.
he ate one part himself and gave the rest to that female monkey.
- pli-tv-bu-vb-pj1:6.10
Atha kho sā makkaṭī taṁ piṇḍapātaṁ bhuñjitvā tassa bhikkhuno kaṭiṁ oḍḍi. Atha kho so bhikkhu tassā makkaṭiyā methunaṁ dhammaṁ paṭisevati.
After eating the food, the monkey presented her buttocks to the monk, and he had sexual intercourse with her.
- pli-tv-bu-vb-pj1:6.11
Atha kho te bhikkhū taṁ bhikkhuṁ etadavocuṁ—“nanu, āvuso, bhagavatā sikkhāpadaṁ paññattaṁ;
The other monks said to him, “Hasn’t a training rule been laid down by the Buddha?
- pli-tv-bu-vb-pj1:6.12
kissa tvaṁ, āvuso, makkaṭiyā methunaṁ dhammaṁ paṭisevasī”ti?
Why then do you have sexual intercourse with a monkey?”
- pli-tv-bu-vb-pj1:6.13
“Saccaṁ, āvuso, bhagavatā sikkhāpadaṁ paññattaṁ; tañca kho manussitthiyā, no tiracchānagatāyā”ti.
“It’s true that a training rule has been laid down by the Buddha, but it concerns women, not animals.”
- pli-tv-bu-vb-pj1:6.14
“Nanu, āvuso, tatheva taṁ hoti.
“But that’s just the same.
- pli-tv-bu-vb-pj1:6.15
Ananucchavikaṁ, āvuso, ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ.
It’s not suitable, it’s not proper, it’s not worthy of a monastic, it’s not allowable, it’s not to be done.
- pli-tv-bu-vb-pj1:6.16
Kathañhi nāma tvaṁ, āvuso, evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.
How could you go forth on such a well-proclaimed spiritual path and not be able to practice the perfectly complete and pure spiritual life to the end?
- pli-tv-bu-vb-pj1:6.17
Nanu, āvuso, bhagavatā anekapariyāyena virāgāya dhammo desito, no sarāgāya …pe…
Hasn’t the Buddha given many teachings for the sake of dispassion …
- pli-tv-bu-vb-pj1:6.18
kāmapariḷāhānaṁ vūpasamo akkhāto.
the stilling of the fevers of worldly pleasures?
- pli-tv-bu-vb-pj1:6.19
Netaṁ, āvuso, appasannānaṁ vā pasādāya pasannānaṁ vā bhiyyobhāvāya.
This will affect people’s confidence,
- pli-tv-bu-vb-pj1:6.20
Atha khvetaṁ, āvuso, appasannānañceva appasādāya, pasannānañca ekaccānaṁ aññathattāyā”ti.
and cause some to lose it.”
- pli-tv-bu-vb-pj1:6.21
Atha kho te bhikkhū taṁ bhikkhuṁ anekapariyāyena vigarahitvā bhagavato etamatthaṁ ārocesuṁ.
After rebuking that monk in many ways, they told the Buddha.
- pli-tv-bu-vb-pj1:6.22
Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā taṁ bhikkhuṁ paṭipucchi—
The Buddha then had the Sangha of monks gathered and questioned that monk:
- pli-tv-bu-vb-pj1:6.23
“saccaṁ kira tvaṁ, bhikkhu, makkaṭiyā methunaṁ dhammaṁ paṭisevī”ti?
“Is it true, monk, that you did this?”
- pli-tv-bu-vb-pj1:6.24
“Saccaṁ, bhagavā”ti.
“It’s true, sir.”
- pli-tv-bu-vb-pj1:6.25
Vigarahi buddho bhagavā—
The Buddha rebuked him,
- pli-tv-bu-vb-pj1:6.26
“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
“Foolish man, it’s not suitable, it’s not proper, it’s not worthy of a monastic, it’s not allowable, it’s not to be done.
- pli-tv-bu-vb-pj1:6.27
Kathañhi nāma tvaṁ, moghapurisa, evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.
How could you go forth on such a well-proclaimed spiritual path and not be able to practice the perfectly complete and pure spiritual life to the end?
- pli-tv-bu-vb-pj1:6.28
Nanu mayā, moghapurisa, anekapariyāyena virāgāya dhammo desito, no sarāgāya …pe…
Haven’t I given many teachings for the sake of dispassion …
- pli-tv-bu-vb-pj1:6.29
kāmapariḷāhānaṁ vūpasamo akkhāto.
for the stilling of the fevers of worldly desire?
- pli-tv-bu-vb-pj1:6.30
Varaṁ te, moghapurisa, āsivisassa ghoravisassa mukhe aṅgajātaṁ pakkhittaṁ, na tveva makkaṭiyā aṅgajāte aṅgajātaṁ pakkhittaṁ.
It would be better, foolish man, for your penis to enter the mouth of a highly venomous snake than to enter a female monkey.
- pli-tv-bu-vb-pj1:6.31
Varaṁ te, moghapurisa, kaṇhasappassa mukhe aṅgajātaṁ pakkhittaṁ, na tveva makkaṭiyā aṅgajāte aṅgajātaṁ pakkhittaṁ.
It would be better for your penis to enter the mouth of a black snake than to enter a female monkey.
- pli-tv-bu-vb-pj1:6.32
Varaṁ te, moghapurisa, aṅgārakāsuyā ādittāya sampajjalitāya sajotibhūtāya aṅgajātaṁ pakkhittaṁ, na tveva makkaṭiyā aṅgajāte aṅgajātaṁ pakkhittaṁ.
It would be better for your penis to enter a blazing charcoal pit than to enter a female monkey.
- pli-tv-bu-vb-pj1:6.33
Taṁ kissa hetu?
Why is that?
- pli-tv-bu-vb-pj1:6.34
Tatonidānañhi, moghapurisa, maraṇaṁ vā nigaccheyya maraṇamattaṁ vā dukkhaṁ;
For although it might cause death or death-like suffering,
- pli-tv-bu-vb-pj1:6.35
na tveva tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
it would not cause you to be reborn in a bad destination.
- pli-tv-bu-vb-pj1:6.36
Itonidānañca kho, moghapurisa, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
But this might.
- pli-tv-bu-vb-pj1:6.37
Tattha nāma tvaṁ, moghapurisa, yaṁ tvaṁ asaddhammaṁ gāmadhammaṁ vasaladhammaṁ duṭṭhullaṁ odakantikaṁ rahassaṁ dvayaṁdvayasamāpattiṁ samāpajjissasi.
Foolish man, you’ve practiced what is contrary to the true Teaching, the common practice, the low practice, the coarse practice, that which ends with a wash, that which is done in private, that which is done wherever there are couples.
- pli-tv-bu-vb-pj1:6.38
Netaṁ, moghapurisa, appasannānaṁ vā pasādāya …pe…
This will affect people’s confidence …” …
- pli-tv-bu-vb-pj1:6.39
evañca pana, bhikkhave, imaṁ sikkhāpadaṁ uddiseyyātha—
“And so, monks, this training rule should be recited like this:
- pli-tv-bu-vb-pj1:6.40.1
“Yo pana bhikkhu methunaṁ dhammaṁ paṭiseveyya antamaso tiracchānagatāyapi, pārājiko hoti asaṁvāso”ti.
‘If a monk has sexual intercourse, even with a female animal, he is expelled and excluded from the community.’”
- pli-tv-bu-vb-pj1:6.41
Evañcidaṁ bhagavatā bhikkhūnaṁ sikkhāpadaṁ paññattaṁ hoti.
In this way the Buddha laid down this training rule for the monks.
- pli-tv-bu-vb-pj1:6.42
Makkaṭīvatthu niṭṭhitaṁ.
The account of the female monkey is finished.
- pli-tv-bu-vb-pj1:7.1.0
3. Santhatabhāṇavāra
Third substory: the section for recitation on covering
- pli-tv-bu-vb-pj1:7.1.1
Tena kho pana samayena sambahulā vesālikā vajjiputtakā bhikkhū yāvadatthaṁ bhuñjiṁsu, yāvadatthaṁ supiṁsu, yāvadatthaṁ nhāyiṁsu.
Soon afterwards there were a number of Vajjian monks from Vesālī who ate, slept, and bathed as much as they liked.
- pli-tv-bu-vb-pj1:7.1.2
Yāvadatthaṁ bhuñjitvā yāvadatthaṁ supitvā yāvadatthaṁ nhāyitvā ayoniso manasi karitvā sikkhaṁ apaccakkhāya dubbalyaṁ anāvikatvā methunaṁ dhammaṁ paṭiseviṁsu.
Then, not reflecting properly and without first renouncing the training and revealing their weakness, they had sexual intercourse.
- pli-tv-bu-vb-pj1:7.1.3
Te aparena samayena ñātibyasanenapi phuṭṭhā bhogabyasanenapi phuṭṭhā rogabyasanenapi phuṭṭhā āyasmantaṁ ānandaṁ upasaṅkamitvā evaṁ vadanti—
After some time they were affected by loss of relatives, loss of property, and loss of health. They then went to Venerable Ānanda and said,
- pli-tv-bu-vb-pj1:7.1.4
“na mayaṁ, bhante ānanda, buddhagarahino na dhammagarahino na saṅghagarahino;
“Venerable Ānanda, we don’t blame the Buddha, the Teaching, or the Sangha;
- pli-tv-bu-vb-pj1:7.1.5
attagarahino mayaṁ, bhante ānanda, anaññagarahino.
we only have ourselves to blame.
- pli-tv-bu-vb-pj1:7.1.6
Mayamevamhā alakkhikā mayaṁ appapuññā,
We were unfortunate and had little merit—
- pli-tv-bu-vb-pj1:7.1.7
ye mayaṁ evaṁ svākkhāte dhammavinaye pabbajitvā nāsakkhimhā yāvajīvaṁ paripuṇṇaṁ parisuddhaṁ brahmacariyaṁ carituṁ.
after going forth on such a well-proclaimed spiritual path, we were unable to practice the perfectly complete and pure spiritual life to the end.
- pli-tv-bu-vb-pj1:7.1.8
Idāni cepi mayaṁ, bhante ānanda, labheyyāma bhagavato santike pabbajjaṁ labheyyāma upasampadaṁ, idānipi mayaṁ vipassakā kusalānaṁ dhammānaṁ pubbarattāpararattaṁ bodhipakkhikānaṁ dhammānaṁ bhāvanānuyogamanuyuttā vihareyyāma.
If we were now to get the going forth and the full ordination in the presence of the Buddha, we would have clarity about wholesome qualities and be devoted day in and day out to developing the aids to awakening.
- pli-tv-bu-vb-pj1:7.1.9
Sādhu, bhante ānanda, bhagavato etamatthaṁ ārocehī”ti.
Venerable Ānanda, please inform the Buddha.”
- pli-tv-bu-vb-pj1:7.1.10
“Evamāvuso”ti kho āyasmā ānando vesālikānaṁ vajjiputtakānaṁ paṭissuṇitvā yena bhagavā tenupasaṅkami; upasaṅkamitvā bhagavato etamatthaṁ ārocesi.
Saying, “Yes,” he went to the Buddha and told him.
- pli-tv-bu-vb-pj1:7.1.11
“Aṭṭhānametaṁ, ānanda, anavakāso yaṁ tathāgato vajjīnaṁ vā vajjiputtakānaṁ vā kāraṇā sāvakānaṁ pārājikaṁ sikkhāpadaṁ paññattaṁ samūhaneyyā”ti.
“It’s impossible, Ānanda, that the Buddha should abolish a training rule that entails expulsion because of the Vajjians.”
- pli-tv-bu-vb-pj1:7.1.12
Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
The Buddha then gave a teaching and addressed the monks:
- pli-tv-bu-vb-pj1:7.1.13
“yo, bhikkhave, sikkhaṁ apaccakkhāya dubbalyaṁ anāvikatvā methunaṁ dhammaṁ paṭisevati so āgato na upasampādetabbo.
“Monks, if someone, without first renouncing the training and revealing their weakness, has sexual intercourse, they may not receive the full ordination once again.
- pli-tv-bu-vb-pj1:7.1.14
Yo ca kho, bhikkhave, sikkhaṁ paccakkhāya dubbalyaṁ āvikatvā methunaṁ dhammaṁ paṭisevati so āgato upasampādetabbo.
But, monks, if someone has sexual intercourse after first renouncing the training and revealing their weakness, they may receive the full ordination once again.
- pli-tv-bu-vb-pj1:7.1.15
Evañca pana, bhikkhave, imaṁ sikkhāpadaṁ uddiseyyātha—
And so, monks, this training rule should be recited like this:
- pli-tv-bu-vb-pj1:7.1.16.1
“Yo pana bhikkhu bhikkhūnaṁ sikkhāsājīvasamāpanno sikkhaṁ apaccakkhāya dubbalyaṁ anāvikatvā methunaṁ dhammaṁ paṭiseveyya, antamaso tiracchānagatāyapi, pārājiko hoti asaṁvāso”ti.
‘If a monk, after taking on the monks’ training and way of life, without first renouncing the training and revealing his weakness, has sexual intercourse, even with a female animal, he is expelled and excluded from the community.’”
- pli-tv-bu-vb-pj1:8.1.1
Yo panāti
A:
- pli-tv-bu-vb-pj1:8.1.2
yo yādiso yathāyutto yathājacco yathānāmo yathāgotto yathāsīlo yathāvihārī yathāgocaro thero vā navo vā majjhimo vā. Eso vuccati “yo panā”ti.
whoever, of such a kind, of such activity, of such caste, of such name, of such family, of such conduct, of such behavior, of such association, who is senior, who is junior, or who is of middle standing—this is called “a”.
- pli-tv-bu-vb-pj1:8.1.3
Bhikkhūti
Monk:
- pli-tv-bu-vb-pj1:8.1.4
bhikkhakoti bhikkhu,
he is a monk because he lives on alms;
- pli-tv-bu-vb-pj1:8.1.5
bhikkhācariyaṁ ajjhupagatoti bhikkhu,
a monk because he has gone over to living on alms;
- pli-tv-bu-vb-pj1:8.1.6
bhinnapaṭadharoti bhikkhu,
a monk because he wears a patchwork cloth;
- pli-tv-bu-vb-pj1:8.1.7
samaññāya bhikkhu,
a monk by convention;
- pli-tv-bu-vb-pj1:8.1.8
paṭiññāya bhikkhu,
a monk on account of his claim;
- pli-tv-bu-vb-pj1:8.1.9
ehi bhikkhūti bhikkhu,
a “come, monk” monk;
- pli-tv-bu-vb-pj1:8.1.10
tīhi saraṇagamanehi upasampannoti bhikkhu,
a monk given the full ordination by taking the three refuges;
- pli-tv-bu-vb-pj1:8.1.11
bhadro bhikkhu,
a good monk;
- pli-tv-bu-vb-pj1:8.1.12
sāro bhikkhu,
a monk of substance;
- pli-tv-bu-vb-pj1:8.1.13
sekho bhikkhu,
a trainee monk;
- pli-tv-bu-vb-pj1:8.1.14
asekho bhikkhu,
a fully trained monk;
- pli-tv-bu-vb-pj1:8.1.15
samaggena saṅghena ñatticatutthena kammena akuppena ṭhānārahena upasampannoti bhikkhu.
a monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand.
- pli-tv-bu-vb-pj1:8.1.16
Tatra yvāyaṁ bhikkhu samaggena saṅghena ñatticatutthena kammena akuppena ṭhānārahena upasampanno, ayaṁ imasmiṁ atthe adhippeto bhikkhūti.
The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.
- pli-tv-bu-vb-pj1:8.1.17
Sikkhāti
Training:
- pli-tv-bu-vb-pj1:8.1.18
tisso sikkhā—adhisīlasikkhā, adhicittasikkhā, adhipaññāsikkhā.
the three trainings: the training in the higher morality, the training in the higher mind, the training in the higher wisdom.
- pli-tv-bu-vb-pj1:8.1.19
Tatra yāyaṁ adhisīlasikkhā, ayaṁ imasmiṁ atthe adhippetā sikkhāti.
The training in the higher morality is the training meant in this case.
- pli-tv-bu-vb-pj1:8.1.20
Sājīvaṁ nāma
Way of life:
- pli-tv-bu-vb-pj1:8.1.21
yaṁ bhagavatā paññattaṁ sikkhāpadaṁ, etaṁ sājīvaṁ nāma.
whatever training rule has been laid down by the Buddha—this is called “way of life”.
- pli-tv-bu-vb-pj1:8.1.22
Tasmiṁ sikkhati, tena vuccati sājīvasamāpannoti.
One trains in this; therefore it is called “after taking on the way of life”.
- pli-tv-bu-vb-pj1:8.2.1
Sikkhaṁ apaccakkhāya dubbalyaṁ anāvikatvāti
Without first renouncing the training and revealing his weakness:
- pli-tv-bu-vb-pj1:8.2.2
atthi, bhikkhave, dubbalyāvikammañceva hoti sikkhā ca apaccakkhātā;
“There is, monks, a revealing of weakness without the training being renounced;
- pli-tv-bu-vb-pj1:8.2.3
atthi, bhikkhave, dubbalyāvikammañceva hoti sikkhā ca paccakkhātā.
and there is a revealing of weakness together with the training being renounced.
- pli-tv-bu-vb-pj1:8.2.4
Kathañca, bhikkhave, dubbalyāvikammañceva hoti sikkhā ca apaccakkhātā.
And how is there a revealing of weakness without the training being renounced?
- pli-tv-bu-vb-pj1:8.2.5
Idha, bhikkhave, bhikkhu ukkaṇṭhito anabhirato sāmaññā cavitukāmo
It may be that a monk is dissatisfied, discontent, desiring to give up the monastic life;
- pli-tv-bu-vb-pj1:8.2.6
bhikkhubhāvaṁ aṭṭīyamāno harāyamāno jigucchamāno
troubled, ashamed, and disgusted with the monkhood;
- pli-tv-bu-vb-pj1:8.2.7
gihibhāvaṁ patthayamāno
longing to be a householder,
- pli-tv-bu-vb-pj1:8.2.8
upāsakabhāvaṁ patthayamāno
longing to be a lay follower,
- pli-tv-bu-vb-pj1:8.2.9
ārāmikabhāvaṁ patthayamāno
longing to be a monastery worker,
- pli-tv-bu-vb-pj1:8.2.10
sāmaṇerabhāvaṁ patthayamāno
longing to be a novice,
- pli-tv-bu-vb-pj1:8.2.11
titthiyabhāvaṁ patthayamāno
longing to be a monastic of another religion,
- pli-tv-bu-vb-pj1:8.2.12
titthiyasāvakabhāvaṁ patthayamāno
longing to be a lay follower of another religion,
- pli-tv-bu-vb-pj1:8.2.13
assamaṇabhāvaṁ patthayamāno
longing to be a non-ascetic,
- pli-tv-bu-vb-pj1:8.2.14
asakyaputtiyabhāvaṁ patthayamāno—
longing to be a non-monastic,
- pli-tv-bu-vb-pj1:8.2.15
“yannūnāhaṁ buddhaṁ paccakkheyyan”ti vadati viññāpeti.
and he says and declares: ‘Why don’t I renounce the Buddha?’
- pli-tv-bu-vb-pj1:8.2.16
Evampi, bhikkhave, dubbalyāvikammañceva hoti sikkhā ca apaccakkhātā.
In this way, monks, there’s a revealing of weakness without the training being renounced.
- pli-tv-bu-vb-pj1:8.2.17
Atha vā pana ukkaṇṭhito anabhirato sāmaññā cavitukāmo
Or again, dissatisfied, discontent, desiring to give up the monastic life;
- pli-tv-bu-vb-pj1:8.2.18
bhikkhubhāvaṁ aṭṭīyamāno harāyamāno jigucchamāno
troubled, ashamed, and disgusted with the monkhood;
- pli-tv-bu-vb-pj1:8.2.19
gihibhāvaṁ patthayamāno …pe…
longing to be a householder …
- pli-tv-bu-vb-pj1:8.2.20
asakyaputtiyabhāvaṁ patthayamāno—
longing to be a non-monastic,
- pli-tv-bu-vb-pj1:8.2.21
“yannūnāhaṁ dhammaṁ paccakkheyyan”ti vadati viññāpeti …pe…
he says and declares: ‘Why don’t I renounce the Teaching?’ …
- pli-tv-bu-vb-pj1:8.2.22
“yannūnāhaṁ saṅghaṁ …
the Sangha?’ …
- pli-tv-bu-vb-pj1:8.2.23
yannūnāhaṁ sikkhaṁ …
the practice?’ …
- pli-tv-bu-vb-pj1:8.2.24
yannūnāhaṁ vinayaṁ …
the training?’ …
- pli-tv-bu-vb-pj1:8.2.25
yannūnāhaṁ pātimokkhaṁ …
the Monastic Code?’ …
← Previous · Next → — showing 501–600 of 1,450
SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.