Theravāda Vinaya — Mahāvibhaṅga — Pārājikakaṇḍa
- pli-tv-bu-vb-pj1:4.7
“icchāma mayaṁ janapadacārikaṁ pakkamitun”ti.
We wish to depart to wander the country.”
- pli-tv-bu-vb-pj1:4.8
“Saccaṁ, bho gotama, nimantitattha mayā vassaṁvuṭṭhā; api ca yo deyyadhammo so na dinno.
“It’s true, good Gotama, that you’ve completed the rains residence according to my invitation, but I haven’t given anything.
- pli-tv-bu-vb-pj1:4.9
Tañca kho no asantaṁ,
That’s not good.
- pli-tv-bu-vb-pj1:4.10
nopi adātukamyatā, taṁ kutettha labbhā bahukiccā gharāvāsā bahukaraṇīyā.
It’s not because I didn’t want to, but because household life is so busy.
- pli-tv-bu-vb-pj1:4.11
Adhivāsetu me bhavaṁ gotamo svātanāya bhattaṁ saddhiṁ bhikkhusaṅghenā”ti.
Would you and the Sangha of monks please accept a meal from me tomorrow?”
- pli-tv-bu-vb-pj1:4.12
Adhivāsesi bhagavā tuṇhībhāvena.
The Buddha consented by keeping silent.
- pli-tv-bu-vb-pj1:4.13
Atha kho bhagavā verañjaṁ brāhmaṇaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
Then, after instructing, inspiring, and gladdening that brahmin with a teaching, the Buddha got up from his seat and left.
- pli-tv-bu-vb-pj1:4.14
Atha kho verañjo brāhmaṇo tassā rattiyā accayena sake nivesane paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bho gotama, niṭṭhitaṁ bhattan”ti.
The following morning the brahmin prepared various kinds of fine foods in his own house and then had the Buddha informed that the meal was ready.
- pli-tv-bu-vb-pj1:4.15
Atha kho bhagavā pubbaṇhasamayaṁ nivāsetvā pattacīvaramādāya yena verañjassa brāhmaṇassa nivesanaṁ tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
The Buddha robed up, took his bowl and robe and, together with the Sangha of monks, he went to that brahmin’s house where he sat down on the prepared seat.
- pli-tv-bu-vb-pj1:4.16
Atha kho verañjo brāhmaṇo buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ticīvarena acchādesi, ekamekañca bhikkhuṁ ekamekena dussayugena acchādesi.
And that brahmin personally served and satisfied the Sangha of monks headed by the Buddha with various kinds of fine foods. When the Buddha had finished his meal, the brahmin gave him a set of three robes and to each monk two pieces of cloth.
- pli-tv-bu-vb-pj1:4.17
Atha kho bhagavā verañjaṁ brāhmaṇaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
The Buddha instructed, inspired, and gladdened him with a teaching, and then got up from his seat and left.
- pli-tv-bu-vb-pj1:4.18
Atha kho bhagavā verañjāyaṁ yathābhirantaṁ viharitvā anupagamma soreyyaṁ saṅkassaṁ kaṇṇakujjaṁ yena payāgapatiṭṭhānaṁ tenupasaṅkami; upasaṅkamitvā payāgapatiṭṭhāne gaṅgaṁ nadiṁ uttaritvā yena bārāṇasī tadavasari.
After remaining in Verañjā for as long as he liked, the Buddha traveled to Payāgapatiṭṭhāna via Soreyya, Saṅkassa, and Kaṇṇakujja. There he crossed the river Ganges and continued on to Benares.
- pli-tv-bu-vb-pj1:4.19
Atha kho bhagavā bārāṇasiyaṁ yathābhirantaṁ viharitvā yena vesālī tena cārikaṁ pakkāmi.
After remaining at Benares for as long as he liked, he set out wandering toward Vesālī.
- pli-tv-bu-vb-pj1:4.20
Anupubbena cārikaṁ caramāno yena vesālī tadavasari.
When he eventually arrived,
- pli-tv-bu-vb-pj1:4.21
Tatra sudaṁ bhagavā vesāliyaṁ viharati mahāvane kūṭāgārasālāyanti.
he stayed in the house with the peaked roof in the Great Wood.
- pli-tv-bu-vb-pj1:4.22
Verañjabhāṇavāro niṭṭhito.
The section for recitation on Verañjā is finished.
- pli-tv-bu-vb-pj1:5.0.1
Paṭhamapārājikasikkhāpada
1. The training rule on sexual intercourse
- pli-tv-bu-vb-pj1:5.0.2
1. Sudinnabhāṇavāra
First substory: the section for recitation on Sudinna
- pli-tv-bu-vb-pj1:5.1.1
Tena kho pana samayena vesāliyā avidūre kalandagāmo nāma atthi. Tattha sudinno nāma kalandaputto seṭṭhiputto hoti.
At that time Sudinna, the son of a wealthy merchant, lived in a village called Kalanda not far from Vesālī.
- pli-tv-bu-vb-pj1:5.1.2
Atha kho sudinno kalandaputto sambahulehi sahāyakehi saddhiṁ vesāliṁ agamāsi kenacideva karaṇīyena.
On one occasion Sudinna went to Vesālī on some business together with a number of friends.
- pli-tv-bu-vb-pj1:5.1.3
Tena kho pana samayena bhagavā mahatiyā parisāya parivuto dhammaṁ desento nisinno hoti.
Just then the Buddha was seated giving a teaching, surrounded by a large gathering of people.
- pli-tv-bu-vb-pj1:5.1.4
Addasa kho sudinno kalandaputto bhagavantaṁ mahatiyā parisāya parivutaṁ dhammaṁ desentaṁ nisinnaṁ. Disvānassa etadahosi—“yannūnāhampi dhammaṁ suṇeyyan”ti.
When Sudinna saw this, he thought, “Why don’t I listen to the Teaching?”
- pli-tv-bu-vb-pj1:5.1.5
Atha kho sudinno kalandaputto yena sā parisā tenupasaṅkami; upasaṅkamitvā ekamantaṁ nisīdi.
He then approached that gathering and sat down.
- pli-tv-bu-vb-pj1:5.1.6
Ekamantaṁ nisinnassa kho sudinnassa kalandaputtassa etadahosi—
As he was sitting there, he thought,
- pli-tv-bu-vb-pj1:5.1.7
“yathā yathā kho ahaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
“The way I understand the Buddha’s Teaching, it’s not easy for one who lives at home to lead the spiritual life perfectly complete and pure as a polished conch shell.
- pli-tv-bu-vb-pj1:5.1.8
yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan”ti.
Why don’t I cut off my hair and beard, put on the ocher robes, and go forth into homelessness?”
- pli-tv-bu-vb-pj1:5.1.9
Atha kho sā parisā bhagavatā dhammiyā kathāya sandassitā samādapitā samuttejitā sampahaṁsitā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
When those people had been instructed, inspired, and gladdened by the Buddha, they got up from their seats, bowed down, circumambulated him with their right sides toward him, and left.
- pli-tv-bu-vb-pj1:5.1.10
Atha kho sudinno kalandaputto aciravuṭṭhitāya parisāya yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho sudinno kalandaputto bhagavantaṁ etadavoca—
Sudinna then approached the Buddha, bowed, sat down, and told him what he had thought, adding,
- pli-tv-bu-vb-pj1:5.1.11
“yathā yathāhaṁ, bhante, bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
- pli-tv-bu-vb-pj1:5.1.12
icchāmahaṁ, bhante, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
- pli-tv-bu-vb-pj1:5.1.13
Pabbājetu maṁ bhagavā”ti.
“Sir, please give me the going forth.”
- pli-tv-bu-vb-pj1:5.1.14
“Anuññātosi pana tvaṁ, sudinna, mātāpitūhi agārasmā anagāriyaṁ pabbajjāyā”ti?
“But, Sudinna, do you have your parents’ permission?”
- pli-tv-bu-vb-pj1:5.1.15
“Na kho ahaṁ, bhante, anuññāto mātāpitūhi agārasmā anagāriyaṁ pabbajjāyā”ti.
“No.”
- pli-tv-bu-vb-pj1:5.1.16
“Na kho, sudinna, tathāgatā ananuññātaṁ mātāpitūhi puttaṁ pabbājentī”ti.
“Buddhas don’t give the going forth to anyone who hasn’t gotten their parents’ permission.”
- pli-tv-bu-vb-pj1:5.1.17
“Sohaṁ, bhante, tathā karissāmi yathā maṁ mātāpitaro anujānissanti agārasmā anagāriyaṁ pabbajjāyā”ti.
“I’ll do whatever is necessary, sir, to get my parents’ permission.”
- pli-tv-bu-vb-pj1:5.2.1
Atha kho sudinno kalandaputto vesāliyaṁ taṁ karaṇīyaṁ tīretvā yena kalandagāmo yena mātāpitaro tenupasaṅkami; upasaṅkamitvā mātāpitaro etadavoca—
After finishing his business in Vesālī, Sudinna returned to Kalanda. He then went to his parents and said,
- pli-tv-bu-vb-pj1:5.2.2
“ammatātā, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
“Mom and dad, the way I understand the Buddha’s Teaching, it’s not easy for one who lives at home to lead the spiritual life perfectly complete and pure.
- pli-tv-bu-vb-pj1:5.2.3
icchāmahaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
I want to cut off my hair and beard, put on the ocher robes, and go forth into homelessness.
- pli-tv-bu-vb-pj1:5.2.4
Anujānātha maṁ agārasmā anagāriyaṁ pabbajjāyā”ti.
Please give me permission to go forth.”
- pli-tv-bu-vb-pj1:5.2.5
Evaṁ vutte, sudinnassa kalandaputtassa mātāpitaro sudinnaṁ kalandaputtaṁ etadavocuṁ—
- pli-tv-bu-vb-pj1:5.2.6
“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato. Na tvaṁ, tāta sudinna, kiñci dukkhassa jānāsi.
“But, Sudinna, you’re our only child, and we love you dearly. You live in comfort and we care for you. You don’t have any suffering.
- pli-tv-bu-vb-pj1:5.2.7
Maraṇenapi mayaṁ te akāmakā vinā bhavissāma
Even if you died we wouldn’t want to lose you.
- pli-tv-bu-vb-pj1:5.2.8
kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā”ti.
So how can we allow you to go forth into homelessness while you’re still living?”
- pli-tv-bu-vb-pj1:5.2.9
Dutiyampi kho sudinno kalandaputto mātāpitaro etadavoca—
Sudinna asked his parents a second
- pli-tv-bu-vb-pj1:5.2.10
“ammatātā, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
- pli-tv-bu-vb-pj1:5.2.11
icchāmahaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
- pli-tv-bu-vb-pj1:5.2.12
Anujānātha maṁ agārasmā anagāriyaṁ pabbajjāyā”ti.
- pli-tv-bu-vb-pj1:5.2.13
Dutiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ—
- pli-tv-bu-vb-pj1:5.2.14
“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato.
- pli-tv-bu-vb-pj1:5.2.15
Na tvaṁ, tāta sudinna, kiñci dukkhassa jānāsi.
- pli-tv-bu-vb-pj1:5.2.16
Maraṇenapi mayaṁ te akāmakā vinā bhavissāma,
- pli-tv-bu-vb-pj1:5.2.17
kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā”ti.
- pli-tv-bu-vb-pj1:5.2.18
Tatiyampi kho sudinno kalandaputto mātāpitaro etadavoca—
and a third time,
- pli-tv-bu-vb-pj1:5.2.19
“ammatātā, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
- pli-tv-bu-vb-pj1:5.2.20
icchāmahaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
- pli-tv-bu-vb-pj1:5.2.21
Anujānātha maṁ agārasmā anagāriyaṁ pabbajjāyā”ti.
- pli-tv-bu-vb-pj1:5.2.22
Tatiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ—
- pli-tv-bu-vb-pj1:5.2.23
“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato.
but got the same reply.
- pli-tv-bu-vb-pj1:5.2.24
Na tvaṁ, tāta sudinna, kiñci dukkhassa jānāsi.
- pli-tv-bu-vb-pj1:5.2.25
Maraṇenapi mayaṁ te akāmakā vinā bhavissāma,
- pli-tv-bu-vb-pj1:5.2.26
kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā”ti.
- pli-tv-bu-vb-pj1:5.2.27
Atha kho sudinno kalandaputto—“na maṁ mātāpitaro anujānanti agārasmā anagāriyaṁ pabbajjāyā”ti,
- pli-tv-bu-vb-pj1:5.2.28
tattheva anantarahitāya bhūmiyā nipajji—
He then lay down on the bare ground and said,
- pli-tv-bu-vb-pj1:5.2.29
“idheva me maraṇaṁ bhavissati pabbajjā vā”ti.
“I’ll either die right here or go forth!”
- pli-tv-bu-vb-pj1:5.2.30
Atha kho sudinno kalandaputto ekampi bhattaṁ na bhuñji, dvepi bhattāni na bhuñji, tīṇipi bhattāni na bhuñji, cattāripi bhattāni na bhuñji, pañcapi bhattāni na bhuñji, chapi bhattāni na bhuñji, sattapi bhattāni na bhuñji.
And he did not eat at the next seven meals.
- pli-tv-bu-vb-pj1:5.2.31
Atha kho sudinnassa kalandaputtassa mātāpitaro sudinnaṁ kalandaputtaṁ etadavocuṁ—“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato.
His parents repeated what they had said, adding,
- pli-tv-bu-vb-pj1:5.2.32
Na tvaṁ, tāta sudinna, kiñci dukkhassa jānāsi.
- pli-tv-bu-vb-pj1:5.2.33
Maraṇenapi mayaṁ te akāmakā vinā bhavissāma,
- pli-tv-bu-vb-pj1:5.2.34
kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāya?
- pli-tv-bu-vb-pj1:5.2.35
Uṭṭhehi, tāta sudinna, bhuñja ca piva ca paricārehi ca,
“Get up, Sudinna, eat, drink, and enjoy yourself!
- pli-tv-bu-vb-pj1:5.2.36
bhuñjanto pivanto paricārento kāme paribhuñjanto puññāni karonto abhiramassu.
Enjoy the pleasures of the world and do acts of merit.
- pli-tv-bu-vb-pj1:5.2.37
Na taṁ mayaṁ anujānāma agārasmā anagāriyaṁ pabbajjāyā”ti.
We won’t allow you to go forth.”
- pli-tv-bu-vb-pj1:5.2.38
Evaṁ vutte, sudinno kalandaputto tuṇhī ahosi.
But Sudinna did not respond.
- pli-tv-bu-vb-pj1:5.2.39
Dutiyampi kho …pe…
His parents said the same thing a second
- pli-tv-bu-vb-pj1:5.2.40
tatiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ—
and a third time,
- pli-tv-bu-vb-pj1:5.2.41
“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato.
- pli-tv-bu-vb-pj1:5.2.42
Na tvaṁ, tāta sudinna, kiñci dukkhassa jānāsi.
- pli-tv-bu-vb-pj1:5.2.43
Maraṇenapi mayaṁ te akāmakā vinā bhavissāma,
- pli-tv-bu-vb-pj1:5.2.44
kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāya.
- pli-tv-bu-vb-pj1:5.2.45
Uṭṭhehi, tāta sudinna, bhuñja ca piva ca paricārehi ca,
- pli-tv-bu-vb-pj1:5.2.46
bhuñjanto pivanto paricārento kāme paribhuñjanto puññāni karonto abhiramassu.
- pli-tv-bu-vb-pj1:5.2.47
Na taṁ mayaṁ anujānāma agārasmā anagāriyaṁ pabbajjāyā”ti.
- pli-tv-bu-vb-pj1:5.2.48
Tatiyampi kho sudinno kalandaputto tuṇhī ahosi.
but Sudinna remained silent.
- pli-tv-bu-vb-pj1:5.3.1
Atha kho sudinnassa kalandaputtassa sahāyakā yena sudinno kalandaputto tenupasaṅkamiṁsu; upasaṅkamitvā sudinnaṁ kalandaputtaṁ etadavocuṁ—
Then Sudinna’s friends went to him and repeated three times what his parents had said.
- pli-tv-bu-vb-pj1:5.3.2
“tvaṁ khosi, samma sudinna, mātāpitūnaṁ ekaputtako piyo manāpo sukhedhito sukhaparihato.
- pli-tv-bu-vb-pj1:5.3.3
Na tvaṁ, samma sudinna, kiñci dukkhassa jānāsi.
- pli-tv-bu-vb-pj1:5.3.4
Maraṇenapi te mātāpitaro akāmakā vinā bhavissanti,
- pli-tv-bu-vb-pj1:5.3.5
kiṁ pana taṁ jīvantaṁ anujānissanti agārasmā anagāriyaṁ pabbajāya.
- pli-tv-bu-vb-pj1:5.3.6
Uṭṭhehi, samma sudinna, bhuñja ca piva ca paricārehi ca,
- pli-tv-bu-vb-pj1:5.3.7
bhuñjanto pivanto paricārento kāme paribhuñjanto puññāni karonto abhiramassu,
- pli-tv-bu-vb-pj1:5.3.8
na taṁ mātāpitaro anujānissanti agārasmā anagāriyaṁ pabbajjāyā”ti.
- pli-tv-bu-vb-pj1:5.3.9
Evaṁ vutte, sudinno kalandaputto tuṇhī ahosi.
- pli-tv-bu-vb-pj1:5.3.10
Dutiyampi kho …pe…
- pli-tv-bu-vb-pj1:5.3.11
tatiyampi kho sudinnassa kalandaputtassa sahāyakā sudinnaṁ kalandaputtaṁ etadavocuṁ—
- pli-tv-bu-vb-pj1:5.3.12
“tvaṁ khosi, samma sudinna …pe…
- pli-tv-bu-vb-pj1:5.3.13
tatiyampi kho sudinno kalandaputto tuṇhī ahosi.
- pli-tv-bu-vb-pj1:5.4.1
Atha kho sudinnassa kalandaputtassa sahāyakā yena sudinnassa kalandaputtassa mātāpitaro tenupasaṅkamiṁsu; upasaṅkamitvā sudinnassa kalandaputtassa mātāpitaro etadavocuṁ—
When Sudinna still did not respond, Sudinna’s friends went to his parents and said,
- pli-tv-bu-vb-pj1:5.4.2
“ammatātā, eso sudinno anantarahitāya bhūmiyā nipanno—
- pli-tv-bu-vb-pj1:5.4.3
‘idheva me maraṇaṁ bhavissati pabbajjā vā’ti.
“Sudinna says he’ll either die right there on the bare ground or go forth.
- pli-tv-bu-vb-pj1:5.4.4
Sace tumhe sudinnaṁ nānujānissatha agārasmā anagāriyaṁ pabbajjāya, tattheva maraṇaṁ āgamissati.
If you don’t allow him to go forth, he’ll die there.
← Previous · Next → — showing 201–300 of 1,450
SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.