Ancient Textssearch the texts themselves, not just their titles

← Library

Dhammasaṅgaṇī — 2 Niddesa — 2.4 Aṭṭhakathākaṇḍa

Early Buddhist texts (SuttaCentral): Abhidhamma · abhidhamma · 729 sections

  1. ds2.4.2:125.0

    2.4.2.11.5. Upādānaupādānasampayuttaduka

  2. ds2.4.2:125.1

    Katame dhammā upādānā ceva upādānasampayuttā ca?

  3. ds2.4.2:125.2

    Yattha diṭṭhi ca lobho ca ekato uppajjanti—

  4. ds2.4.2:125.3

    ime dhammā upādānā ceva upādānasampayuttā ca.

  5. ds2.4.2:126.1

    Katame dhammā upādānasampayuttā ceva no ca upādānā?

  6. ds2.4.2:126.2

    Aṭṭha lobhasahagatacittuppādā, etthuppanne upādāne ṭhapetvā—

  7. ds2.4.2:126.3

    ime dhammā upādānasampayuttā ceva no ca upādānā.

  8. ds2.4.2:126.4

    Upādānavippayuttā dhammā na vattabbā—

  9. ds2.4.2:126.5

    upādānā ceva upādānasampayuttā cātipi, upādānasampayuttā ceva no ca upādānātipi.

  10. ds2.4.2:127.0

    2.4.2.11.6. Upādānavippayuttaupādāniyaduka

  11. ds2.4.2:127.1

    Katame dhammā upādānavippayuttā upādāniyā?

  12. ds2.4.2:127.2

    Catūsu diṭṭhigatavippayuttalobhasahagatesu cittuppādesu uppanno lobho, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  13. ds2.4.2:127.3

    ime dhammā upādānavippayuttā upādāniyā.

  14. ds2.4.2:128.1

    Katame dhammā upādānavippayuttā anupādāniyā?

  15. ds2.4.2:128.2

    Cattāro maggā apariyāpannā, cattāri ca sāmaññaphalāni, nibbānañca—

  16. ds2.4.2:128.3

    ime dhammā upādānavippayuttā anupādāniyā.

  17. ds2.4.2:128.4

    Upādānasampayuttā dhammā na vattabbā—

  18. ds2.4.2:128.5

    upādānavippayuttā upādāniyātipi, upādānavippayuttā anupādāniyātipi.

  19. ds2.4.2:129.0.1

    2.3.2.12. Kilesagocchaka

  20. ds2.4.2:129.0.2

    2.4.2.12.1. Kilesaduka

  21. ds2.4.2:129.1

    Katame dhammā kilesā?

  22. ds2.4.2:129.2

    Dasa kilesavatthūni—

  23. ds2.4.2:129.3

    lobho, doso, moho, māno, diṭṭhi, vicikicchā, thinaṁ, uddhaccaṁ, ahirikaṁ, anottappaṁ.

  24. ds2.4.2:129.4

    Lobho aṭṭhasu lobhasahagatesu cittuppādesu uppajjati.

  25. ds2.4.2:129.5

    Doso dvīsu domanassasahagatesu cittuppādesu uppajjati.

  26. ds2.4.2:129.6

    Moho sabbākusalesu uppajjati.

  27. ds2.4.2:129.7

    Māno catūsu diṭṭhigatavippayuttalobhasahagatesu cittuppādesu uppajjati.

  28. ds2.4.2:129.8

    Diṭṭhi catūsu diṭṭhigatasampayuttesu cittuppādesu uppajjati.

  29. ds2.4.2:129.9

    Vicikicchā vicikicchāsahagatesu cittuppādesu uppajjati.

  30. ds2.4.2:129.10

    Thinaṁ sasaṅkhārikesu akusalesu uppajjati.

  31. ds2.4.2:129.11

    Uddhaccañca ahirikañca anottappañca sabbākusalesu uppajjanti—

  32. ds2.4.2:129.12

    ime dhammā kilesā.

  33. ds2.4.2:130.1

    Katame dhammā no kilesā?

  34. ds2.4.2:130.2

    Ṭhapetvā kilese avasesaṁ akusalaṁ, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  35. ds2.4.2:130.3

    ime dhammā no kilesā.

  36. ds2.4.2:131.0

    2.4.2.12.2. Saṅkilesikaduka

  37. ds2.4.2:131.1

    Katame dhammā saṅkilesikā?

  38. ds2.4.2:131.2

    Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ sabbañca rūpaṁ—

  39. ds2.4.2:131.3

    ime dhammā saṅkilesikā.

  40. ds2.4.2:132.1

    Katame dhammā asaṅkilesikā?

  41. ds2.4.2:132.2

    Cattāro maggā apariyāpannā, cattāri ca sāmaññaphalāni, nibbānañca—

  42. ds2.4.2:132.3

    ime dhammā asaṅkilesikā.

  43. ds2.4.2:133.0

    2.4.2.12.3. Saṅkiliṭṭhaduka

  44. ds2.4.2:133.1

    Katame dhammā saṅkiliṭṭhā?

  45. ds2.4.2:133.2

    Dvādasa akusalacittuppādā—

  46. ds2.4.2:133.3

    ime dhammā saṅkiliṭṭhā.

  47. ds2.4.2:134.1

    Katame dhammā asaṅkiliṭṭhā?

  48. ds2.4.2:134.2

    Catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  49. ds2.4.2:134.3

    ime dhammā asaṅkiliṭṭhā.

  50. ds2.4.2:135.0

    2.4.2.12.4. Kilesasampayuttaduka

  51. ds2.4.2:135.1

    Katame dhammā kilesasampayuttā?

  52. ds2.4.2:135.2

    Dvādasa akusalacittuppādā—

  53. ds2.4.2:135.3

    ime dhammā kilesasampayuttā.

  54. ds2.4.2:136.1

    Katame dhammā kilesavippayuttā?

  55. ds2.4.2:136.2

    Catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  56. ds2.4.2:136.3

    ime dhammā kilesavippayuttā.

  57. ds2.4.2:137.0

    2.4.2.12.5. Kilesasaṅkilesikaduka

  58. ds2.4.2:137.1

    Katame dhammā kilesā ceva saṅkilesikā ca?

  59. ds2.4.2:137.2

    Teva kilesā kilesā ceva saṅkilesikā ca.

  60. ds2.4.2:138.1

    Katame dhammā saṅkilesikā ceva no ca kilesā?

  61. ds2.4.2:138.2

    Ṭhapetvā kilese avasesaṁ akusalaṁ, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  62. ds2.4.2:138.3

    ime dhammā saṅkilesikā ceva no ca kilesā.

  63. ds2.4.2:138.4

    Asaṅkilesikā dhammā na vattabbā—

  64. ds2.4.2:138.5

    kilesā ceva saṅkilesikā cātipi, saṅkilesikā ceva no ca kilesātipi.

  65. ds2.4.2:139.0

    2.4.2.12.6. Kilesasaṅkiliṭṭhaduka

  66. ds2.4.2:139.1

    Katame dhammā kilesā ceva saṅkiliṭṭhā ca?

  67. ds2.4.2:139.2

    Teva kilesā kilesā ceva saṅkiliṭṭhā ca.

  68. ds2.4.2:140.1

    Katame dhammā saṅkiliṭṭhā ceva no ca kilesā?

  69. ds2.4.2:140.2

    Ṭhapetvā kilese avasesaṁ akusalaṁ—

  70. ds2.4.2:140.3

    ime dhammā saṅkiliṭṭhā ceva no ca kilesā.

  71. ds2.4.2:140.4

    Asaṅkiliṭṭhā dhammā na vattabbā—

  72. ds2.4.2:140.5

    kilesā ceva saṅkiliṭṭhā cātipi, saṅkiliṭṭhā ceva no ca kilesātipi.

  73. ds2.4.2:141.0

    2.4.2.12.7. Kilesakilesasampayuttaduka

  74. ds2.4.2:141.1

    Katame dhammā kilesā ceva kilesasampayuttā ca?

  75. ds2.4.2:141.2

    Yattha dve tayo kilesā ekato uppajjanti—

  76. ds2.4.2:141.3

    ime dhammā kilesā ceva kilesasampayuttā ca.

  77. ds2.4.2:142.1

    Katame dhammā kilesasampayuttā ceva no ca kilesā?

  78. ds2.4.2:142.2

    Ṭhapetvā kilese avasesaṁ akusalaṁ—

  79. ds2.4.2:142.3

    ime dhammā kilesasampayuttā ceva no ca kilesā.

  80. ds2.4.2:142.4

    Kilesavippayuttā dhammā na vattabbā—

  81. ds2.4.2:142.5

    kilesā ceva kilesasampayuttā cātipi, kilesasampayuttā ceva no ca kilesātipi.

  82. ds2.4.2:143.0

    2.4.2.12.8. Kilesavippayuttasaṅkilesikaduka

  83. ds2.4.2:143.1

    Katame dhammā kilesavippayuttā saṅkilesikā?

  84. ds2.4.2:143.2

    Tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  85. ds2.4.2:143.3

    ime dhammā kilesavippayuttā saṅkilesikā.

  86. ds2.4.2:144.1

    Katame dhammā kilesavippayuttā asaṅkilesikā?

  87. ds2.4.2:144.2

    Cattāro maggā apariyāpannā, cattāri ca sāmaññaphalāni, nibbānañca—

  88. ds2.4.2:144.3

    ime dhammā kilesavippayuttā asaṅkilesikā.

  89. ds2.4.2:144.4

    Kilesasampayuttā dhammā na vattabbā—

  90. ds2.4.2:144.5

    kilesavippayuttā saṅkilesikātipi, kilesavippayuttā asaṅkilesikātipi.

  91. ds2.4.2:145.0.1

    2.4.2.13. Piṭṭhiduka

  92. ds2.4.2:145.0.2

    2.4.2.13.1. Dassanenapahātabbaduka

  93. ds2.4.2:145.1

    Katame dhammā dassanena pahātabbā?

  94. ds2.4.2:145.2

    Cattāro diṭṭhigatasampayuttacittuppādā, vicikicchāsahagato cittuppādo—

  95. ds2.4.2:145.3

    ime dhammā dassanena pahātabbā.

  96. ds2.4.2:145.4

    Cattāro diṭṭhigatavippayuttalobhasahagatacittuppādā, dve domanassasahagatacittuppādā—

  97. ds2.4.2:145.5

    ime dhammā siyā dassanena pahātabbā, siyā na dassanena pahātabbā.

  98. ds2.4.2:146.1

    Katame dhammā na dassanena pahātabbā?

  99. ds2.4.2:146.2

    Uddhaccasahagato cittuppādo, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  100. ds2.4.2:146.3

    ime dhammā na dassanena pahātabbā.

← Previous · Next → — showing 501–600 of 729

SuttaCentral (suttacentral.net), from the bilara-data and sc-data repositories. Licence: Public Domain. Source.