Ancient Textssearch the texts themselves, not just their titles

← Library

Dhammasaṅgaṇī — 2 Niddesa — 2.4 Aṭṭhakathākaṇḍa

Early Buddhist texts (SuttaCentral): Abhidhamma · abhidhamma · 729 sections

  1. ds2.4.2:98.3

    ime dhammā cittavisaṁsaṭṭhā.

  2. ds2.4.2:98.4

    Cittaṁ na vattabbaṁ—

  3. ds2.4.2:98.5

    cittena saṁsaṭṭhantipi, cittena visaṁsaṭṭhantipi.

  4. ds2.4.2:99.0

    2.4.2.10.6. Cittasamuṭṭhānaduka

  5. ds2.4.2:99.1

    Katame dhammā cittasamuṭṭhānā?

  6. ds2.4.2:99.2

    Vedanākkhandho, saññākkhandho, saṅkhārakkhandho, kāyaviññatti, vacīviññatti, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—

  7. ds2.4.2:99.3

    rūpāyatanaṁ saddāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro—

  8. ds2.4.2:99.4

    ime dhammā cittasamuṭṭhānā.

  9. ds2.4.2:100.1

    Katame dhammā no cittasamuṭṭhānā?

  10. ds2.4.2:100.2

    Cittañca, avasesañca rūpaṁ, nibbānañca—

  11. ds2.4.2:100.3

    ime dhammā no cittasamuṭṭhānā.

  12. ds2.4.2:101.0

    2.4.2.10.7. Cittasahabhūduka

  13. ds2.4.2:101.1

    Katame dhammā cittasahabhuno?

  14. ds2.4.2:101.2

    Vedanākkhandho, saññākkhandho, saṅkhārakkhandho, kāyaviññatti, vacīviññatti—

  15. ds2.4.2:101.3

    ime dhammā cittasahabhuno.

  16. ds2.4.2:102.1

    Katame dhammā no cittasahabhuno?

  17. ds2.4.2:102.2

    Cittañca, avasesañca rūpaṁ, nibbānañca—

  18. ds2.4.2:102.3

    ime dhammā no cittasahabhuno.

  19. ds2.4.2:103.0

    2.4.2.10.8. Cittānuparivattiduka

  20. ds2.4.2:103.1

    Katame dhammā cittānuparivattino?

  21. ds2.4.2:103.2

    Vedanākkhandho, saññākkhandho, saṅkhārakkhandho, kāyaviññatti, vacīviññatti—

  22. ds2.4.2:103.3

    ime dhammā cittānuparivattino.

  23. ds2.4.2:104.1

    Katame dhammā no cittānuparivattino?

  24. ds2.4.2:104.2

    Cittañca, avasesañca rūpaṁ, nibbānañca—

  25. ds2.4.2:104.3

    ime dhammā no cittānuparivattino.

  26. ds2.4.2:105.0

    2.4.2.10.9. Cittasaṁsaṭṭhasamuṭṭhānaduka

  27. ds2.4.2:105.1

    Katame dhammā cittasaṁsaṭṭhasamuṭṭhānā?

  28. ds2.4.2:105.2

    Vedanākkhandho, saññākkhandho, saṅkhārakkhandho—

  29. ds2.4.2:105.3

    ime dhammā cittasaṁsaṭṭhasamuṭṭhānā.

  30. ds2.4.2:106.1

    Katame dhammā no cittasaṁsaṭṭhasamuṭṭhānā?

  31. ds2.4.2:106.2

    Cittañca, rūpañca, nibbānañca—

  32. ds2.4.2:106.3

    ime dhammā no cittasaṁsaṭṭhasamuṭṭhānā.

  33. ds2.4.2:107.0

    2.4.2.10.10. Cittasaṁsaṭṭhasamuṭṭhānasahabhūduka

  34. ds2.4.2:107.1

    Katame dhammā cittasaṁsaṭṭhasamuṭṭhānasahabhuno?

  35. ds2.4.2:107.2

    Vedanākkhandho, saññākkhandho, saṅkhārakkhandho—

  36. ds2.4.2:107.3

    ime dhammā cittasaṁsaṭṭhasamuṭṭhānasahabhuno.

  37. ds2.4.2:108.1

    Katame dhammā no cittasaṁsaṭṭhasamuṭṭhānasahabhuno?

  38. ds2.4.2:108.2

    Cittañca, rūpañca, nibbānañca—

  39. ds2.4.2:108.3

    ime dhammā no cittasaṁsaṭṭhasamuṭṭhānasahabhuno.

  40. ds2.4.2:109.0

    2.4.2.10.11. Cittasaṁsaṭṭhasamuṭṭhānānuparivattiduka

  41. ds2.4.2:109.1

    Katame dhammā cittasaṁsaṭṭhasamuṭṭhānānuparivattino?

  42. ds2.4.2:109.2

    Vedanākkhandho, saññākkhandho, saṅkhārakkhandho—

  43. ds2.4.2:109.3

    ime dhammā cittasaṁsaṭṭhasamuṭṭhānānuparivattino.

  44. ds2.4.2:110.1

    Katame dhammā no cittasaṁsaṭṭhasamuṭṭhānānuparivattino?

  45. ds2.4.2:110.2

    Cittañca, rūpañca, nibbānañca—

  46. ds2.4.2:110.3

    ime dhammā no cittasaṁsaṭṭhasamuṭṭhānānuparivattino.

  47. ds2.4.2:111.0

    2.4.2.10.12. Ajjhattikaduka

  48. ds2.4.2:111.1

    Katame dhammā ajjhattikā?

  49. ds2.4.2:111.2

    Cakkhāyatanaṁ …pe… manāyatanaṁ—

  50. ds2.4.2:111.3

    ime dhammā ajjhattikā.

  51. ds2.4.2:112.1

    Katame dhammā bāhirā?

  52. ds2.4.2:112.2

    Rūpāyatanaṁ …pe… dhammāyatanaṁ—

  53. ds2.4.2:112.3

    ime dhammā bāhirā.

  54. ds2.4.2:113.0

    2.4.2.10.13. Upādāduka

  55. ds2.4.2:113.1

    Katame dhammā upādā?

  56. ds2.4.2:113.2

    Cakkhāyatanaṁ …pe… kabaḷīkāro āhāro—

  57. ds2.4.2:113.3

    ime dhammā upādā.

  58. ds2.4.2:114.1

    Katame dhammā no upādā?

  59. ds2.4.2:114.2

    Catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ, cattāro ca mahābhūtā, nibbānañca—

  60. ds2.4.2:114.3

    ime dhammā no upādā.

  61. ds2.4.2:115.0

    2.4.2.10.14. Upādinnaduka

  62. ds2.4.2:115.1

    Katame dhammā upādinnā?

  63. ds2.4.2:115.2

    Tīsu bhūmīsu vipāko, yañca rūpaṁ kammassa katattā—

  64. ds2.4.2:115.3

    ime dhammā upādinnā.

  65. ds2.4.2:116.1

    Katame dhammā anupādinnā?

  66. ds2.4.2:116.2

    Tīsu bhūmīsu kusalaṁ, akusalaṁ, tīsu bhūmīsu kiriyābyākataṁ, yañca rūpaṁ na kammassa katattā, cattāro maggā apariyāpannā, cattāri ca sāmaññaphalāni, nibbānañca—

  67. ds2.4.2:116.3

    ime dhammā anupādinnā.

  68. ds2.4.2:117.0.1

    2.4.2.11. Upādānagocchaka

  69. ds2.4.2:117.0.2

    2.4.2.11.1. Upādānaduka

  70. ds2.4.2:117.1

    Katame dhammā upādānā?

  71. ds2.4.2:117.2

    Cattāri upādānāni—

  72. ds2.4.2:117.3

    kāmupādānaṁ, diṭṭhupādānaṁ, sīlabbatupādānaṁ, attavādupādānaṁ.

  73. ds2.4.2:117.4

    Kāmupādānaṁ aṭṭhasu lobhasahagatesu cittuppādesu uppajjati.

  74. ds2.4.2:117.5

    Diṭṭhupādānañca sīlabbatupādānañca attavādupādānañca catūsu diṭṭhigatasampayuttesu cittuppādesu uppajjanti—

  75. ds2.4.2:117.6

    ime dhammā upādānā.

  76. ds2.4.2:118.1

    Katame dhammā no upādānā?

  77. ds2.4.2:118.2

    Ṭhapetvā upādāne avasesaṁ akusalaṁ, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  78. ds2.4.2:118.3

    ime dhammā no upādānā.

  79. ds2.4.2:119.0

    2.4.2.11.2. Upādāniyaduka

  80. ds2.4.2:119.1

    Katame dhammā upādāniyā?

  81. ds2.4.2:119.2

    Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  82. ds2.4.2:119.3

    ime dhammā upādāniyā.

  83. ds2.4.2:120.1

    Katame dhammā anupādāniyā?

  84. ds2.4.2:120.2

    Cattāro maggā apariyāpannā, cattāri ca sāmaññaphalāni, nibbānañca—

  85. ds2.4.2:120.3

    ime dhammā anupādāniyā.

  86. ds2.4.2:121.0

    2.4.2.11.3. Upādānasampayuttaduka

  87. ds2.4.2:121.1

    Katame dhammā upādānasampayuttā?

  88. ds2.4.2:121.2

    Cattāro diṭṭhigatasampayuttalobhasahagatacittuppādā, cattāro diṭṭhigatavippayuttalobhasahagatacittuppādā, etthuppannaṁ lobhaṁ ṭhapetvā—

  89. ds2.4.2:121.3

    ime dhammā upādānasampayuttā.

  90. ds2.4.2:122.1

    Katame dhammā upādānavippayuttā?

  91. ds2.4.2:122.2

    Catūsu diṭṭhigatavippayuttalobhasahagatesu cittuppādesu uppanno lobho, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  92. ds2.4.2:122.3

    ime dhammā upādānavippayuttā.

  93. ds2.4.2:123.0

    2.4.2.11.4. Upādānaupādāniyaduka

  94. ds2.4.2:123.1

    Katame dhammā upādānā ceva upādāniyā ca?

  95. ds2.4.2:123.2

    Tāneva upādānāni upādānā ceva upādāniyā ca.

  96. ds2.4.2:124.1

    Katame dhammā upādāniyā ceva no ca upādānā?

  97. ds2.4.2:124.2

    Ṭhapetvā upādāne avasesaṁ akusalaṁ, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  98. ds2.4.2:124.3

    ime dhammā upādāniyā ceva no ca upādānā.

  99. ds2.4.2:124.4

    Anupādāniyā dhammā na vattabbā—

  100. ds2.4.2:124.5

    upādānā ceva upādāniyā cātipi, upādāniyā ceva no ca upādānātipi.

← Previous · Next → — showing 401–500 of 729

SuttaCentral (suttacentral.net), from the bilara-data and sc-data repositories. Licence: Public Domain. Source.