← All works

Dhammasaṅgaṇī — 2 Niddesa — 2.4 Aṭṭhakathākaṇḍa

Early Buddhist texts (SuttaCentral): Abhidhamma · abhidhamma · 729 sections

1. ds2.4.2:147.0

   2.4.2.13.2. Bhāvanāyapahātabbaduka

2. ds2.4.2:147.1

   Katame dhammā bhāvanāya pahātabbā?

3. ds2.4.2:147.2

   Uddhaccasahagato cittuppādo—

4. ds2.4.2:147.3

   ime dhammā bhāvanāya pahātabbā.

5. ds2.4.2:147.4

   Cattāro diṭṭhigatavippayuttalobhasahagatacittuppādā, dve domanassasahagatacittuppādā—

6. ds2.4.2:147.5

   ime dhammā siyā bhāvanāya pahātabbā, siyā na bhāvanāya pahātabbā.

7. ds2.4.2:148.1

   Katame dhammā na bhāvanāya pahātabbā?

8. ds2.4.2:148.2

   Cattāro diṭṭhigatasampayuttacittuppādā, vicikicchāsahagato cittuppādo, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

9. ds2.4.2:148.3

   ime dhammā na bhāvanāya pahātabbā.

10. ds2.4.2:149.0

    2.4.2.13.3. Dassanenapahātabbahetukaduka

11. ds2.4.2:149.1

    Katame dhammā dassanena pahātabbahetukā?

12. ds2.4.2:149.2

    Cattāro diṭṭhigatasampayuttacittuppādā, vicikicchāsahagato cittuppādo, etthuppannaṁ mohaṁ ṭhapetvā—

13. ds2.4.2:149.3

    ime dhammā dassanena pahātabbahetukā.

14. ds2.4.2:149.4

    Cattāro diṭṭhigatavippayuttalobhasahagatacittuppādā, dve domanassasahagatacittuppādā—

15. ds2.4.2:149.5

    ime dhammā siyā dassanena pahātabbahetukā, siyā na dassanena pahātabbahetukā.

16. ds2.4.2:150.1

    Katame dhammā na dassanena pahātabbahetukā?

17. ds2.4.2:150.2

    Vicikicchāsahagato moho, uddhaccasahagato cittuppādo, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

18. ds2.4.2:150.3

    ime dhammā na dassanena pahātabbahetukā.

19. ds2.4.2:151.0

    2.4.2.13.4. Bhāvanāyapahātabbahetukaduka

20. ds2.4.2:151.1

    Katame dhammā bhāvanāya pahātabbahetukā?

21. ds2.4.2:151.2

    Uddhaccasahagato cittuppādo, etthuppannaṁ mohaṁ ṭhapetvā—

22. ds2.4.2:151.3

    ime dhammā bhāvanāya pahātabbahetukā.

23. ds2.4.2:151.4

    Cattāro diṭṭhigatavippayuttalobhasahagatacittuppādā, dve domanassasahagatacittuppādā—

24. ds2.4.2:151.5

    ime dhammā siyā bhāvanāya pahātabbahetukā, siyā na bhāvanāya pahātabbahetukā.

25. ds2.4.2:152.1

    Katame dhammā na bhāvanāya pahātabbahetukā?

26. ds2.4.2:152.2

    Cattāro diṭṭhigatasampayuttacittuppādā, vicikicchāsahagato cittuppādo, uddhaccasahagato moho, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

27. ds2.4.2:152.3

    ime dhammā na bhāvanāya pahātabbahetukā.

28. ds2.4.2:153.0

    2.4.2.13.5. Savitakkaduka

29. ds2.4.2:153.1

    Katame dhammā savitakkā?

30. ds2.4.2:153.2

    Kāmāvacarakusalaṁ, akusalaṁ, kāmāvacarakusalassa vipākato ekādasa cittuppādā, akusalassa vipākato dve, kiriyato ekādasa, rūpāvacaraṁ paṭhamaṁ jhānaṁ kusalato ca vipākato ca kiriyato ca lokuttaraṁ paṭhamaṁ jhānaṁ kusalato ca vipākato ca, etthuppannaṁ vitakkaṁ ṭhapetvā—

31. ds2.4.2:153.3

    ime dhammā savitakkā.

32. ds2.4.2:154.1

    Katame dhammā avitakkā?

33. ds2.4.2:154.2

    Dvepañcaviññāṇāni, rūpāvacaratikacatukkajjhānā kusalato ca vipākato ca kiriyato ca, cattāro arūpāvacarā kusalato ca vipākato ca kiriyato ca, lokuttaratikacatukkajjhānā kusalato ca vipākato ca, vitakko ca, rūpañca, nibbānañca—

34. ds2.4.2:154.3

    ime dhammā avitakkā.

35. ds2.4.2:155.0

    2.4.2.13.6. Savicāraduka

36. ds2.4.2:155.1

    Katame dhammā savicārā?

37. ds2.4.2:155.2

    Kāmāvacarakusalaṁ, akusalaṁ, kāmāvacarakusalassa vipākato ekādasa cittuppādā, akusalassa vipākato dve kiriyato ekādasa, rūpāvacaraekakadukajjhānā kusalato ca vipākato ca kiriyato ca, lokuttaraekakadukajjhānā kusalato ca vipākato ca, etthuppannaṁ vicāraṁ ṭhapetvā—

38. ds2.4.2:155.3

    ime dhammā savicārā.

39. ds2.4.2:156.1

    Katame dhammā avicārā?

40. ds2.4.2:156.2

    Dvepañcaviññāṇāni, rūpāvacaratikatikajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaratikatikajjhānā kusalato ca vipākato ca, vicāro ca, rūpañca, nibbānañca—

41. ds2.4.2:156.3

    ime dhammā avicārā.

42. ds2.4.2:157.0

    2.4.2.13.7. Sappītikaduka

43. ds2.4.2:157.1

    Katame dhammā sappītikā?

44. ds2.4.2:157.2

    Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato pañca, kiriyato pañca, rūpāvacaradukatikajjhānā kusalato ca vipākato ca kiriyato ca, lokuttaradukatikajjhānā kusalato ca vipākato ca, etthuppannaṁ pītiṁ ṭhapetvā—

45. ds2.4.2:157.3

    ime dhammā sappītikā.

46. ds2.4.2:158.1

    Katame dhammā appītikā?

47. ds2.4.2:158.2

    Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato ekādasa, akusalassa vipākato satta, kiriyato cha, rūpāvacaradukadukajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaradukadukajjhānā kusalato ca vipākato ca pīti ca, rūpañca, nibbānañca—

48. ds2.4.2:158.3

    ime dhammā appītikā.

49. ds2.4.2:159.0

    2.4.2.13.8. Pītisahagataduka

50. ds2.4.2:159.1

    Katame dhammā pītisahagatā?

51. ds2.4.2:159.2

    Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato pañca, kiriyato pañca, rūpāvacaradukatikajjhānā kusalato ca vipākato ca kiriyato ca, lokuttaradukatikajjhānā kusalato ca vipākato ca, etthuppannaṁ pītiṁ ṭhapetvā—

52. ds2.4.2:159.3

    ime dhammā pītisahagatā.

53. ds2.4.2:160.1

    Katame dhammā na pītisahagatā?

54. ds2.4.2:160.2

    Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato ekādasa, akusalassa vipākato satta, kiriyato cha, rūpāvacaradukadukajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaradukadukajjhānā kusalato ca vipākato ca, pīti ca, rūpañca, nibbānañca—

55. ds2.4.2:160.3

    ime dhammā na pītisahagatā.

56. ds2.4.2:161.0

    2.4.2.13.9. Sukhasahagataduka

57. ds2.4.2:161.1

    Katame dhammā sukhasahagatā?

58. ds2.4.2:161.2

    Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato cha, kiriyato pañca, rūpāvacaratikacatukkajjhānā kusalato ca vipākato ca kiriyato ca lokuttaratikacatukkajjhānā kusalato ca vipākato ca, etthuppannaṁ sukhaṁ ṭhapetvā—

59. ds2.4.2:161.3

    ime dhammā sukhasahagatā.

60. ds2.4.2:162.1

    Katame dhammā na sukhasahagatā?

61. ds2.4.2:162.2

    Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato dasa, akusalassa vipākato satta, kiriyato cha, rūpāvacaraṁ catutthaṁ jhānaṁ kusalato ca vipākato ca kiriyato ca, cattāro āruppā kusalato ca vipākato ca kiriyato ca lokuttaraṁ catutthaṁ jhānaṁ kusalato ca vipākato ca, sukhañca, rūpañca, nibbānañca—

62. ds2.4.2:162.3

    ime dhammā na sukhasahagatā.

63. ds2.4.2:163.0

    2.4.2.13.10. Upekkhāsahagataduka

64. ds2.4.2:163.1

    Katame dhammā upekkhāsahagatā?

65. ds2.4.2:163.2

    Kāmāvacarakusalato cattāro upekkhāsahagatacittuppādā, akusalato cha, kāmāvacarakusalassa vipākato dasa, akusalassa vipākato cha, kiriyato cha, rūpāvacaraṁ catutthaṁ jhānaṁ kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaraṁ catutthaṁ jhānaṁ kusalato ca vipākato ca, etthuppannaṁ upekkhaṁ ṭhapetvā—

66. ds2.4.2:163.3

    ime dhammā upekkhāsahagatā.

67. ds2.4.2:164.1

    Katame dhammā na upekkhāsahagatā?

68. ds2.4.2:164.2

    Kāmāvacarakusalato cattāro somanassasahagatacittuppādā, akusalato cha, kāmāvacarakusalassa vipākato cha, akusalassa vipākato eko, kiriyato pañca, rūpāvacaratikacatukkajjhānā kusalato ca vipākato ca kiriyato ca, lokuttaratikacatukkajjhānā kusalato ca vipākato ca, upekkhā ca, rūpañca, nibbānañca—

69. ds2.4.2:164.3

    ime dhammā na upekkhāsahagatā.

70. ds2.4.2:165.0

    2.4.2.13.11. Kāmāvacaraduka

71. ds2.4.2:165.1

    Katame dhammā kāmāvacarā?

72. ds2.4.2:165.2

    Kāmāvacarakusalaṁ, akusalaṁ, sabbo kāmāvacarassa vipāko, kāmāvacarakiriyābyākataṁ, sabbañca rūpaṁ—

73. ds2.4.2:165.3

    ime dhammā kāmāvacarā.

74. ds2.4.2:166.1

    Katame dhammā na kāmāvacarā?

75. ds2.4.2:166.2

    Rūpāvacarā, arūpāvacarā, apariyāpannā—

76. ds2.4.2:166.3

    ime dhammā na kāmāvacarā.

77. ds2.4.2:167.0

    2.4.2.13.12. Rūpāvacaraduka

78. ds2.4.2:167.1

    Katame dhammā rūpāvacarā?

79. ds2.4.2:167.2

    Rūpāvacaracatukkapañcakajjhānā kusalato ca vipākato ca kiriyato ca—

80. ds2.4.2:167.3

    ime dhammā rūpāvacarā.

81. ds2.4.2:168.1

    Katame dhammā na rūpāvacarā?

82. ds2.4.2:168.2

    Kāmāvacarā, arūpāvacarā, apariyāpannā—

83. ds2.4.2:168.3

    ime dhammā na rūpāvacarā.

84. ds2.4.2:169.0

    2.4.2.13.13. Arūpāvacaraduka

85. ds2.4.2:169.1

    Katame dhammā arūpāvacarā?

86. ds2.4.2:169.2

    Cattāro āruppā kusalato ca vipākato ca kiriyato ca—

87. ds2.4.2:169.3

    ime dhammā arūpāvacarā.

88. ds2.4.2:170.1

    Katame dhammā na arūpāvacarā?

89. ds2.4.2:170.2

    Kāmāvacarā, rūpāvacarā, apariyāpannā—

90. ds2.4.2:170.3

    ime dhammā na arūpāvacarā.

91. ds2.4.2:171.0

    2.4.2.13.14. Pariyāpannaduka

92. ds2.4.2:171.1

    Katame dhammā pariyāpannā?

93. ds2.4.2:171.2

    Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

94. ds2.4.2:171.3

    ime dhammā pariyāpannā.

95. ds2.4.2:172.1

    Katame dhammā apariyāpannā?

96. ds2.4.2:172.2

    Cattāro maggā apariyāpannā, cattāri ca sāmaññaphalāni, nibbānañca—

97. ds2.4.2:172.3

    ime dhammā apariyāpannā.

98. ds2.4.2:173.0

    2.4.2.13.15. Niyyānikaduka

99. ds2.4.2:173.1

    Katame dhammā niyyānikā?

100. ds2.4.2:173.2

     Cattāro maggā apariyāpannā—

← Previous · Next → — showing 601–700 of 729

SuttaCentral (suttacentral.net), from the bilara-data and sc-data repositories. Licence: Public Domain. Source.