Ancient Textssearch the texts themselves, not just their titles

← Library

Dhammasaṅgaṇī — 2 Niddesa — 2.4 Aṭṭhakathākaṇḍa

Early Buddhist texts (SuttaCentral): Abhidhamma · abhidhamma · 729 sections

  1. ds2.4.2:74.2

    Ṭhapetvā nīvaraṇe, avasesaṁ akusalaṁ, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  2. ds2.4.2:74.3

    ime dhammā nīvaraṇiyā ceva no ca nīvaraṇā.

  3. ds2.4.2:74.4

    Anīvaraṇiyā dhammā na vattabbā—

  4. ds2.4.2:74.5

    nīvaraṇā ceva nīvaraṇiyā cātipi, nīvaraṇiyā ceva no ca nīvaraṇātipi.

  5. ds2.4.2:75.0

    2.4.2.8.5. Nīvaraṇanīvaraṇasampayuttaduka

  6. ds2.4.2:75.1

    Katame dhammā nīvaraṇā ceva nīvaraṇasampayuttā ca?

  7. ds2.4.2:75.2

    Yattha dve tīṇi nīvaraṇāni ekato uppajjanti—

  8. ds2.4.2:75.3

    ime dhammā nīvaraṇā ceva nīvaraṇasampayuttā ca.

  9. ds2.4.2:76.1

    Katame dhammā nīvaraṇasampayuttā ceva no ca nīvaraṇā?

  10. ds2.4.2:76.2

    Ṭhapetvā nīvaraṇe, avasesaṁ akusalaṁ—

  11. ds2.4.2:76.3

    ime dhammā nīvaraṇasampayuttā ceva no ca nīvaraṇā.

  12. ds2.4.2:76.4

    Nīvaraṇavippayuttā dhammā na vattabbā—

  13. ds2.4.2:76.5

    nīvaraṇā ceva nīvaraṇasampayuttā cātipi, nīvaraṇasampayuttā ceva no ca nīvaraṇātipi.

  14. ds2.4.2:77.0

    2.4.2.8.6. Nīvaraṇavippayuttanīvaraṇiyaduka

  15. ds2.4.2:77.1

    Katame dhammā nīvaraṇavippayuttā nīvaraṇiyā?

  16. ds2.4.2:77.2

    Tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  17. ds2.4.2:77.3

    ime dhammā nīvaraṇavippayuttā nīvaraṇiyā.

  18. ds2.4.2:78.1

    Katame dhammā nīvaraṇavippayuttā anīvaraṇiyā?

  19. ds2.4.2:78.2

    Cattāro maggā apariyāpannā, cattāri ca sāmaññaphalāni, nibbānañca—

  20. ds2.4.2:78.3

    ime dhammā nīvaraṇavippayuttā anīvaraṇiyā.

  21. ds2.4.2:78.4

    Nīvaraṇasampayuttā dhammā na vattabbā—

  22. ds2.4.2:78.5

    nīvaraṇavippayuttā nīvaraṇiyātipi, nīvaraṇavippayuttā anīvaraṇiyātipi.

  23. ds2.4.2:79.0.1

    2.4.2.9. Parāmāsagocchaka

  24. ds2.4.2:79.0.2

    2.4.2.9.1. Parāmāsaduka

  25. ds2.4.2:79.1

    Katame dhammā parāmāsā?

  26. ds2.4.2:79.2

    Diṭṭhiparāmāso catūsu diṭṭhigatasampayuttesu cittuppādesu uppajjati—

  27. ds2.4.2:79.3

    ime dhammā parāmāsā.

  28. ds2.4.2:80.1

    Katame dhammā no parāmāsā?

  29. ds2.4.2:80.2

    Ṭhapetvā parāmāsaṁ avasesaṁ akusalaṁ, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  30. ds2.4.2:80.3

    ime dhammā no parāmāsā.

  31. ds2.4.2:81.0

    2.4.2.9.2. Parāmaṭṭhaduka

  32. ds2.4.2:81.1

    Katame dhammā parāmaṭṭhā?

  33. ds2.4.2:81.2

    Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  34. ds2.4.2:81.3

    ime dhammā parāmaṭṭhā.

  35. ds2.4.2:82.1

    Katame dhammā aparāmaṭṭhā?

  36. ds2.4.2:82.2

    Cattāro maggā apariyāpannā, cattāri ca sāmaññaphalāni nibbānañca—

  37. ds2.4.2:82.3

    ime dhammā aparāmaṭṭhā.

  38. ds2.4.2:83.0

    2.4.2.9.3. Parāmāsasampayuttaduka

  39. ds2.4.2:83.1

    Katame dhammā parāmāsasampayuttā?

  40. ds2.4.2:83.2

    Cattāro diṭṭhigatasampayuttacittuppādā, etthuppannaṁ parāmāsaṁ ṭhapetvā—

  41. ds2.4.2:83.3

    ime dhammā parāmāsasampayuttā.

  42. ds2.4.2:84.1

    Katame dhammā parāmāsavippayuttā?

  43. ds2.4.2:84.2

    Cattāro diṭṭhigatavippayuttalobhasahagatacittuppādā, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  44. ds2.4.2:84.3

    ime dhammā parāmāsavippayuttā.

  45. ds2.4.2:84.4

    Parāmāso na vattabbo—

  46. ds2.4.2:84.5

    parāmāsasampayuttotipi, parāmāsavippayuttotipi.

  47. ds2.4.2:85.0

    2.4.2.9.4. Parāmāsaparāmaṭṭhaduka

  48. ds2.4.2:85.1

    Katame dhammā parāmāsā ceva parāmaṭṭhā ca?

  49. ds2.4.2:85.2

    So eva parāmāso parāmāso ceva parāmaṭṭho ca.

  50. ds2.4.2:86.1

    Katame dhammā parāmaṭṭhā ceva no ca parāmāsā?

  51. ds2.4.2:86.2

    Ṭhapetvā parāmāsaṁ avasesaṁ akusalaṁ, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  52. ds2.4.2:86.3

    ime dhammā parāmaṭṭhā ceva no ca parāmāsā.

  53. ds2.4.2:86.4

    Aparāmaṭṭhā dhammā na vattabbā—

  54. ds2.4.2:86.5

    parāmāsā ceva parāmaṭṭhā cātipi, parāmaṭṭhā ceva no ca parāmāsātipi.

  55. ds2.4.2:87.0

    2.4.2.9.5. Parāmāsavippayuttaparāmaṭṭhaduka

  56. ds2.4.2:87.1

    Katame dhammā parāmāsavippayuttā parāmaṭṭhā?

  57. ds2.4.2:87.2

    Cattāro diṭṭhigatavippayuttalobhasahagatacittuppādā, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  58. ds2.4.2:87.3

    ime dhammā parāmāsavippayuttā parāmaṭṭhā.

  59. ds2.4.2:88.1

    Katame dhammā parāmāsavippayuttā aparāmaṭṭhā?

  60. ds2.4.2:88.2

    Cattāro maggā apariyāpannā, cattāri ca sāmaññaphalāni, nibbānañca—

  61. ds2.4.2:88.3

    ime dhammā parāmāsavippayuttā aparāmaṭṭhā.

  62. ds2.4.2:88.4

    Parāmāsā ca parāmāsasampayuttā ca dhammā na vattabbā—

  63. ds2.4.2:88.5

    parāmāsavippayuttā parāmaṭṭhātipi, parāmāsavippayuttā aparāmaṭṭhātipi.

  64. ds2.4.2:89.0.1

    2.4.2.10. Mahantaraduka

  65. ds2.4.2:89.0.2

    2.4.2.10.1. Sārammaṇaduka

  66. ds2.4.2:89.1

    Katame dhammā sārammaṇā?

  67. ds2.4.2:89.2

    Catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ—

  68. ds2.4.2:89.3

    ime dhammā sārammaṇā.

  69. ds2.4.2:90.1

    Katame dhammā anārammaṇā?

  70. ds2.4.2:90.2

    Rūpañca, nibbānañca—

  71. ds2.4.2:90.3

    ime dhammā anārammaṇā.

  72. ds2.4.2:91.0

    2.4.2.10.2. Cittaduka

  73. ds2.4.2:91.1

    Katame dhammā cittā?

  74. ds2.4.2:91.2

    Cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manodhātu, manoviññāṇadhātu—

  75. ds2.4.2:91.3

    ime dhammā cittā.

  76. ds2.4.2:92.1

    Katame dhammā no cittā?

  77. ds2.4.2:92.2

    Vedanākkhandho, saññākkhandho, saṅkhārakkhandho, rūpañca, nibbānañca—

  78. ds2.4.2:92.3

    ime dhammā no cittā.

  79. ds2.4.2:93.0

    2.4.2.10.3. Cetasikaduka

  80. ds2.4.2:93.1

    Katame dhammā cetasikā?

  81. ds2.4.2:93.2

    Vedanākkhandho, saññākkhandho, saṅkhārakkhandho—

  82. ds2.4.2:93.3

    ime dhammā cetasikā.

  83. ds2.4.2:94.1

    Katame dhammā acetasikā?

  84. ds2.4.2:94.2

    Cittañca, rūpañca, nibbānañca—

  85. ds2.4.2:94.3

    ime dhammā acetasikā.

  86. ds2.4.2:95.0

    2.4.2.10.4. Cittasampayuttaduka

  87. ds2.4.2:95.1

    Katame dhammā cittasampayuttā?

  88. ds2.4.2:95.2

    Vedanākkhandho, saññākkhandho, saṅkhārakkhandho—

  89. ds2.4.2:95.3

    ime dhammā cittasampayuttā.

  90. ds2.4.2:96.1

    Katame dhammā cittavippayuttā?

  91. ds2.4.2:96.2

    Rūpañca, nibbānañca—

  92. ds2.4.2:96.3

    ime dhammā cittavippayuttā.

  93. ds2.4.2:96.4

    Cittaṁ na vattabbaṁ—

  94. ds2.4.2:96.5

    cittena sampayuttantipi, cittena vippayuttantipi.

  95. ds2.4.2:97.0

    2.4.2.10.5. Cittasaṁsaṭṭhaduka

  96. ds2.4.2:97.1

    Katame dhammā cittasaṁsaṭṭhā?

  97. ds2.4.2:97.2

    Vedanākkhandho, saññākkhandho, saṅkhārakkhandho—

  98. ds2.4.2:97.3

    ime dhammā cittasaṁsaṭṭhā.

  99. ds2.4.2:98.1

    Katame dhammā cittavisaṁsaṭṭhā?

  100. ds2.4.2:98.2

    Rūpañca, nibbānañca—

← Previous · Next → — showing 301–400 of 729

SuttaCentral (suttacentral.net), from the bilara-data and sc-data repositories. Licence: Public Domain. Source.