← All works
Peshitta Numbers Peshitta (Syriac Old Testament) · 1,289 sections
Single column Two columns
Numbers 26:15 ܘܒܢ̈ܝ ܓܕ ܠܫܪ̈ܒܬܗܘܢ . ܨܦܝܘܢ ܫܪܒܬܐ ܕܨܦܝܘܢ . ܚܓܝ ܫܪܒܬܐ ܕܚܓܝ . ܫܘܢܝ ܫܪܒܬܐ ܕܫܘܢܝ .
Numbers 26:16 ܐܙܢܝ ܫܪܒܬܐ ܕܐܙܢܝ . ܥܕܝ ܫܪܒܬܐ ܕܥܕܝ .
Numbers 26:17 ܐܪܘܕܝ ܫܪܒܬܐ ܕܐܪܘܕܝ . ܐܕܝܠ ܫܪܒܬܐ ܕܐܕܝܠ .
Numbers 26:18 ܗܠܝܢ ܫܪ̈ܒܬܐ ܕܒ̈ܢܝ ܓܕ ܠܡܢܝܢܗܘܢ . ܐܪ̈ܒܥܝܢ ܐ̈ܠܦܝܢ ܘܚܡܫܡܐܐ .
Numbers 26:19 ܘܒܢ̈ܝ ܝܗܘܕܐ ܥܝܪ ܘܐܘܢܢ . ܘܡܝܬܘ ܥܝܪ ܘܐܘܢܢ ܒܐܪܥܐ ܕܟܢܥܢ .
Numbers 26:20 ܘܗܘܘ ܒܢ̈ܝ ܝܗܘܕܐ ܠܫܪ̈ܒܬܗܘܢ . ܫܠܐ ܫܪܒܬܐ ܕܫܠܐ . ܦܪܨ ܫܪܒܬܐ ܕܦܪܨ . ܙܪܚ ܫܪܒܬܐ ܕܙܪܚ .
Numbers 26:21 ܘܗܘܘ ܒܢ̈ܝ ܦܪܨ . ܚܨܪܘܢ ܫܪܒܬܐ ܕܚܨܪܘܢ . ܚܡܘܠ ܫܪܒܬܐ ܕܚܡܘܠ .
Numbers 26:22 ܗܠܝܢ ܫܪ̈ܒܬܐ ܕܒܢ̈ܝ ܝܗܘܕܐ ܠܡܢܝܢܗܘܢ ܫܒܥܝܢ ܘܫܬܐ ܐ̈ܠܦܝܢ ܘܚܡܫܡܐܐ .
Numbers 26:23 ܘܒܢ̈ܝ ܐܝܣܟܪ ܠܫܪ̈ܒܬܗܘܢ . ܬܘܠܥ ܫܪܒܬܐ ܕܬܘܠܥ . ܦܘܐܐ ܫܪܒܬܐ ܕܦܘܐܐ .
Numbers 26:24 ܝܫܘܒ ܫܪܒܬܐ ܕܝܫܘܒ . ܫܡܪܘܢ ܫܪܒܬܐ ܕܫܡܪܘܢ .
Numbers 26:25 ܗܠܝܢ ܫܪ̈ܒܬܐ ܕܐܝܣܟܪ ܠܡܢܝܢܗܘܢ . ܫܬܝܢ ܘܐܪܒܥܐ ܐ̈ܠܦܝܢ ܘܬܠܬܡܐܐ .
Numbers 26:26 ܘܒܢ̈ܝ ܙܒܘܠܘܢ ܠܫܪ̈ܒܬܗܘܢ . ܣܕܪ ܫܪܒܬܐ ܕܣܕܪ . ܐܠܘܢ ܫܪܒܬܐ ܕܐܠܘܢ . ܢܚܠܐܝܠ ܫܪܒܬܐ ܕܢܚܠܐܝܠ .
Numbers 26:27 ܗܠܝܢ ܫܪ̈ܒܬܐ ܕܙܒܘܠܘܢ ܠܡܢܝܢܗܘܢ . ܫܬܝܢ ܐ̈ܠܦܝܢ ܘܚܡܫܡܐܐ .
Numbers 26:28 ܘܒܢ̈ܝ ܝܘܣܦ ܠܫܪ̈ܒܬܗܘܢ ܡܢܫܐ ܘܐܦܪܝܡ .
Numbers 26:29 ܒܢ̈ܝ ܡܢܫܐ . ܡܟܝܪ ܫܪܒܬܐ ܕܡܟܝܪ . ܘܡܟܝܪ ܐܘܠܕ ܠܓܠܥܕ . ܓܠܥܕ ܫܪܒܬܐ ܕܓܠܥܕ .
Numbers 26:30 ܘܗܠܝܢ ܒܢ̈ܝ ܓܠܥܕ . ܝܥܙܝܪ ܫܪܒܬܐ ܕܝܥܙܝܪ . ܚܠܩ ܫܪܒܬܐ ܕܚܠܩ .
Numbers 26:31 ܐܫܕܐܝܠ ܫܪܒܬܐ ܕܐܫܕܐܝܠ . ܫܟܝܡ ܫܪܒܬܐ ܕܫܟܝܡ .
Numbers 26:32 ܫܡܝܕܥ ܫܪܒܬܐ ܕܫܡܝܕܥ . ܚܦܪ ܫܪܒܬܐ ܕܚܦܪ .
Numbers 26:33 ܘܠܨܠܦܚܕ ܒܪ ܚܦܪ . ܠܐ ܗܘܘ ܠܗ ܒܢ̈ܝܐ . ܐܠܐ ܒܢ̈ܬܐ . ܘܫ̈ܡܗܐ ܕܒܢ̈ܬܗ ܕܨܠܦܚܕ . ܡܚܠܐ ܘܝܥܐ . ܘܚܓܠܐ ܘܡܠܟܐ ܘܬܪܨܐ .
Numbers 26:34 ܗܠܝܢ ܫܪ̈ܒܬܐ ܕܡܢܫܐ ܘܡܢܝܢܗܘܢ . ܚܡܫܝܢ ܘܬܪ̈ܝܢ ܐ̈ܠܦܝܢ ܘܫܒܥܡܐܐ .
Numbers 26:35 ܘܒܢ̈ܝ ܐܦܪܝܡ ܠܫܪ̈ܒܬܗܘܢ . ܫܘܬܠܚ ܫܪܒܬܐ ܕܫܘܬܠܚ . ܒܟܪ ܫܪܒܬܐ ܕܒܟܪ . ܬܚܢ ܫܪܒܬܐ ܕܬܚܢ .
Numbers 26:36 ܘܗܠܝܢ ܒܢ̈ܝ ܫܘܬܠܚ . ܥܕܢ ܫܪܒܬܐ ܕܥܕܢ .
Numbers 26:37 ܗܠܝܢ ܫܪ̈ܒܬܐ ܕܒ̈ܢܝ ܐܦܪܝܡ ܠܡܢܝܢܗܘܢ . ܬܠܬܝܢ ܘܬܪ̈ܝܢ ܐ̈ܠܦܝܢ ܘܚܡܫܡܐܐ . ܗܠܝܢ ܒܢ̈ܝ ܝܘܣܦ ܠܫܪ̈ܒܬܗܘܢ .
Numbers 26:38 ܘܒܢ̈ܝ ܒܢܝܡܝܢ ܠܫܪ̈ܒܬܗܘܢ . ܒܠܥ ܫܪܒܬܐ ܕܒܠܥ . ܐܫܒܠ ܫܪܒܬܐ ܕܐܫܒܠ . ܐܚܝܪܡ ܫܪܒܬܐ ܕܐܚܝܪܡ .
Numbers 26:39 ܫܘܦܡ ܫܪܒܬܐ ܕܫܘܦܡ . ܚܘܦܝܡ ܫܪܒܬܐ ܕܚܘܦܝܡ .
Numbers 26:40 ܘܗܘܘ ܒܢ̈ܘܗܝ ܕܒܠܥ . ܐܪܘܕ ܘܢܥܡܢ . ܐܪܘܕ ܫܪܒܬܐ ܕܐܪܘܕ . ܢܥܡܢ ܫܪܒܬܐ ܕܢܥܡܢ .
Numbers 26:41 ܗܠܝܢ ܒܢ̈ܝ ܒܢܝܡܝܢ ܒܡܢܝܢܗܘܢ . ܐܪ̈ܒܥܝܢ ܘܚܡܫܐ ܐ̈ܠܦܝܢ ܘܫܬܡܐܐ .
Numbers 26:42 ܘܒ̈ܢܝ ܕܢ ܠܫܪ̈ܒܬܗܘܢ . ܫܘܚܡ ܫܪܒܬܐ ܕܫܘܚܡ . ܗܠܝܢ ܫܪ̈ܒܬܐ ܕܕܢ ܠܫܪ̈ܒܬܗܘܢ .
Numbers 26:43 ܟܠܗ̇ ܫܪܒܬܐ ܕܫܘܚܡ . ܠܡܢܝܢܗܘܢ ܫܬܝܢ ܘܐܪ̈ܒܥܐ ܐ̈ܠܦܝܢ ܘܐܪ̈ܒܥܡܐܐ .
Numbers 26:44 ܘܒ̈ܢܝ ܐܫܝܪ ܠܫܪ̈ܒܬܗܘܢ . ܝܡܢܐ ܫܪܒܬܐ ܕܝܡܢܐ . ܝܫܘܐ ܫܪܒܬܐ ܕܝܫܘܐ . ܝܫܘܝ ܫܪܒܬܐ ܕܝܫܘܝ . ܒܪܝܥܐ ܫܪܒܬܐ ܕܒܪܝܥܐ .
Numbers 26:45 ܘܒܢ̈ܝ ܒܪܝܥܐ . ܚܒܪ ܫܪܒܬܐ ܕܚܒܪ . ܡܠܟܝܠ ܫܪܒܬܐ ܕܡܠܟܝܠ .
Numbers 26:46 Numbers 26:47 ܗܠܝܢ ܫܪ̈ܒܬܐ ܕܒܢ̈ܝ ܐܫܝܪ ܠܡܢܝܢܗܘܢ . ܚܡܫܝܢ ܘܬܠܬܐ ܐ̈ܠܦܝܢ ܘܐܪܒܥܡܐܐ .
Numbers 26:48 ܘܒܢ̈ܝ ܢܦܬܠܝ ܠܫܪ̈ܒܬܗܘܢ . ܢܚܨܐܝܠ ܫܪܒܬܐ ܕܢܚܨܐܝܠ . ܓܘܢܝ ܫܪܒܬܐ ܕܓܘܢܝ .
Numbers 26:49 ܝܨܪ ܫܪܒܬܐ ܕܝܨܪ . ܫܠܝܡ ܫܪܒܬܐ ܕܫܠܝܡ .
Numbers 26:50 ܗܠܝܢ ܫܪ̈ܒܬܐ ܕܒܢ̈ܝ ܢܦܬܠܝ ܠܫܪ̈ܒܬܗܘܢ . ܘܡܢܝܢܗܘܢ ܐܪ̈ܒܥܝܢ ܘܚܡܫܐ ܐ̈ܠܦܝܢ ܘܐܪܒܥܡܐܐ .
Numbers 26:51 ܟܠܗܘܢ ܡܢܝ̈ܢܐ ܕܒܢ̈ܝ ܐܝܣܪܝܠ . ܫܬܡܐܐ ܐ̈ܠܦܝܢ ܘܐܠܦ ܘܫܒܥܡܐܐ ܘܬܠܬܝܢ .
Numbers 26:52 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ .
Numbers 26:53 ܠܗܠܝܢ ܬܬܦܠܓ ܐܪܥܐ ܒܝܘܪܬܢܐ ܠܡܢܝܢܐ ܕܫ̈ܡܗܐ .
Numbers 26:54 ܠܣ̈ܓܝܐܐ ܬܣܓܐ ܝܪܬܘܬܗܘܢ . ܘܠܙܥܘܪ̈ܐ ܬܙܥܪ ܝܪܬܘܬܗܘܢ . ܐܢܫ ܠܦܘܬ ܡܢܝܢܗ ܢܩܒܠ ܝܪܬܘܬܗ .
Numbers 26:55 ܒܪܡ ܕܝܢ ܒ̈ܦܨܐ ܬܬܦܠܓ ܐܪܥܐ ܠܫܡ̈ܗܐ ܕܫ̈ܒܛܐ ܕܐ̈ܒܗܝܗܘܢ ܢܐܪܬܘܢ .
Numbers 26:56 ܡܢ ܦܘܡ ܦܨ̈ܐ ܬܬܦܠܓ ܝܪܬܘܬܐ ܒܝܬ ܣ̈ܓܝܐܐ ܠܙܥܘܪ̈ܐ .
Numbers 26:57 ܘܗܠܝܢ ܡܢܝ̈ܢܐ ܕܠܘ̈ܝܐ ܠܫܪ̈ܒܬܗܘܢ ܓܪܫܘܢ ܫܪܒܬܐ ܕܓܪܫܘܢ . ܩܗܬ ܫܪܒܬܐ ܕܩܗܬ . ܡܪܪܝ ܫܪܒܬܐ ܕܡܪܪܝ .
Numbers 26:58 ܗܠܝܢ ܫܪ̈ܒܬܐ ܕܠܘ̈ܝܐ . ܫܪܒܬܐ ܕܠܒܢܝ . ܫܪܒܬܐ ܕܚܒܪܘܢܝ . ܫܪܒܬܐ ܕܡܚܠܝ . ܫܪܒܬܐ ܕܡܘܫܝ . ܫܪܒܬܐ ܕܩܘܪܚ . ܘܩܗܬ ܐܘܠܕ ܠܥܡܪܡ .
Numbers 26:59 ܘܫܡ ܐܢܬܬܗ ܕܥܡܪܡ . ܝܘܟܒܪ ܒܪܬ ܠܘܝ ܕܐܬܝܠܕܬ ܠܠܘܝ ܒܡܨܪܝܢ . ܘܝܠܕܬ ܠܥܡܪܡ . ܠܐܗܪܘܢ ܘܠܡܘܫܐ ܘܠܡܪܝܡ ܚܬܗܘܢ .
Numbers 26:60 ܘܐܬܝܠܕܘ ܠܐܗܪܘܢ ܢܕܒ ܘܐܒܝܗܘ . ܘܐܠܝܥܙܪ ܘܐܝܬܡܪ .
Numbers 26:61 ܘܡܝܬܘ ܢܕܒ ܘܐܒܝܗܘ . ܟܕ ܩܪܒܘ ܢܘܪܐ ܢܘܟܪܝܬܐ ܩܕܡ ܡܪܝܐ .
Numbers 26:62 ܘܗܘܐ ܡܢܝܢܗܘܢ ܥܣܪ̈ܝܢ ܘܬܠܬܐ ܐ̈ܠܦܝܢ . ܟܘܠ ܕܟܪܐ ܡܢ ܒܪ ܝܪܚܐ ܘܠܥܠ . ܡܛܠ ܕܠܐ ܐܬܡܢܝܘ ܒܓܘ ܒ̈ܢܝ ܐܝܣܪܝܠ . ܡܛܠ ܕܠܐ ܐܬܝܗܒܬ ܠܗܘܢ ܝܪܬܘܬܐ ܒܝܢܬ ܒܢ̈ܝ ܐܝܣܪܝܠ .
Numbers 26:63 ܗܠܝܢ ܡ̈ܢܝܢܐ ܕܡܘܫܐ ܘܕܐܠܝܥܙܪ ܟܗܢܐ ܕܡܢܘ ܠܒܢ̈ܝ ܐܝܣܪܝܠ . ܒܥܪܒܘܬ ܡܘܐܒ ܕܥܠ ܝܘܪܕܢܢ ܕܐܝܪܝܚܘ .
Numbers 26:64 ܘܒܗܠܝܢ ܠܐ ܗܘܐ ܓܒܪܐ ܡܢ ܡܢܝ̈ܢܐ ܕܡܘܫܐ ܘܕܐܗܪܘܢ ܟܗܢܐ . ܕܡܢܘ ܠܒܢ̈ܝ ܐܝܣܪܝܠ ܒܡܕܒܪܐ ܕܣܝܢܝ .
Numbers 26:65 ܡܛܠ ܕܐܡܪ ܠܗܘܢ ܡܪܝܐ . ܡܬܩܛܠܘ ܢܬܩܛܠܘܢ ܒܡܕܒܪܐ . ܘܠܐ ܢܫܬܚܪ ܡܢܗܘܢ ܓܒܪ . ܐܠܐ ܐܢ ܟܠܒ ܒܪ ܝܘܦܢܐ ܘܝܫܘܥ ܒܪܢܘܢ .
Numbers 27:1 ܘܩܪܒ ܒܢܬ̈ܗ ܕܨܠܦܚܕ ܒܪ ܚܦܪ ܒܪ ܓܠܥܕ ܒܪ ܡܟܝܪ ܒܪ ܡܢܫܐ ܡܢ ܫܪܒܬܐ ܕܡܢܫܐ ܒܪ ܝܘܣܦ . ܘܗܠܝܢ ܫ̈ܡܗܐ ܕܒܢ̈ܬܗ . ܡܚܠܐ ܘܝܥܐ . ܘܚܓܠܐ ܘܡܠܟܐ ܘܬܪܨܐ .
Numbers 27:2 ܘܩܡ ܩܕܡ ܡܘܫܐ ܘܩܕܡ ܐܠܝܥܙܪ ܟܗܢܐ . ܘܩܕܡ ܪ̈ܘܪܒܢܐ ܘܩܕܡ ܟܠܗ̇ ܟܢܘܫܬܐ ܒܬܪܥܐ ܕܡܫܟܢܙܒܢܐ ܘܐܡ̇ܪ̈ܢ .
Numbers 27:3 ܐܒܘܢ ܡܝܬ ܒܡܕܒܪܐ . ܘܠܐ ܗܘܐ ܒܓܘ ܟܢܘܫܬܐ ܗܘܐ . ܗ̇ܝ ܕܩܡܬ ܩܕܡ ܡܪܝܐ ܒܟܢܘܫܬܗ ܕܩܘܪܚ . ܡܛܘܠ ܕܒܚ̈ܛܗܘܗܝ ܓܝܪ ܡܝܬ . ܘܒ̈ܢܝܐ ܠܐ ܗܘܘ ܠܗ .
Numbers 27:4 ܠܡܢܐ ܡܬܛܥܐ ܫܡܗ ܕܐܒܘܢ ܡܢ ܓܘ ܫܪܒܬܗ . ܕܠܝܬ ܠܗ ܒܪܐ ܗܒ ܠܢ ܝܪܬܘܬܐ ܒܝ̈ܢܬ ܐ̈ܚܐ ܕܐܒܘܢ .
Numbers 27:5 ܘܩܪܒ ܡܘܫܐ ܕܝܢܗܝܢ ܩܕܡ ܡܪܝܐ .
Numbers 27:6 Numbers 27:7 ܟܐܢܐܝܬ ܐܡ̇ܪ̈ܢ ܒ̈ܢܬܗ ܕܨܠܦܚܕ . ܗܒ ܠܗܝܢ ܐܘܚܕܢܐ ܘܝܪܬܘܬܐ ܒܝ̈ܢܬ ܐ̈ܚܘܗܝ ܕܐܒܘܗܝܢ . ܘܐܩܝܡ ܠܗܝܢ ܝܪܬܘܬܐ ܕܐܒܘܗܝܢ .
Numbers 27:8 ܘܐܡܪ ܠܒ̈ܢܝ ܐܝܣܪܝܠ . ܓܒܪܐ ܟܕ ܢܡܘܬ . ܘܠܝܬ ܠܗ ܒܪܐ . ܗܒܘ ܝܪܬܘܬܗ ܠܒܪܬܗ .
Numbers 27:9 ܘܐܢ ܠܝܬ ܠܗ ܒܪܬܐ . ܗܒܘ ܝܪܬܘܬܗ ܠܐܚ̈ܘܗܝ .
Numbers 27:10 ܘܐܢ ܠܝܬ ܠܗ ܐ̈ܚܐ . ܗܒܘ ܝܪܬܘܬܗ ܠܕܕܘܗܝ .
Numbers 27:11 ܘܐܢ ܠܝܬ ܠܗ ܕܕܐ . ܗܒܘ ܝܪܬܘܬܗ ܠܐܝܢܐ ܕܩܪܝܒ ܠܗ ܡܢ ܫܪܒܬܗ ܘܢܐܪܬܝܘܗܝ . ܘܢܗܘܐ ܠܒܢ̈ܝ ܐܝܣܪܝܠ ܢܡܘܣܐ ܕܕܝܢܐ ܐܝܟ ܕܦܩܕ ܡܪܝܐ ܠܡܘܫܐ .
Numbers 27:12 ܘܐܡܪ ܡܪܝܐ ܠܡܘܫܐ . ܣܩ ܠܛܘܪܐ ܗܢܐ ܕܥܒܪ̈ܝܐ ܘܚܙܝܗ̇ ܠܐܪܥܐ ܕܟܢܥܢ . ܕܝ̇ܗܒܬ ܠܒܢ̈ܝ ܐܝܣܪܝܠ .
Numbers 27:13 ܚܙܝܗ ܘܐܬܟܢܫ ܐܦ ܐܢܬ ܠܘܬ ܥܡܟ . ܐܝܟ ܕܐܬܟܢܫ ܐܗܪܘܢ ܐܚܘܟ .
Numbers 27:14 ܥܠ ܕܡܪܡܪܬܘܢ ܡܠܬ ܦܘܡܝ ܒܡܕܒܪܐ ܕܨܝܢ . ܒܡܨܘܬܐ ܕܟܢܘܫܬܐ . ܘܠܐ ܩܕܫܬܘܢܢܝ ܒܡ̈ܝܐ ܠܥܢܝ̈ܗܘܢ . ܗ̇ܢܘܢ ܐܢܘܢ ܡ̈ܝܐ ܕܡܨܘܬܐ ܕܪܩܡ ܒܡܕܒܪܐ ܕܨܝܢ .
Numbers 27:15 Numbers 27:16 ܢܦܩܘܕ ܡܪܝܐ ܐܠܗܐ ܕܪ̈ܘܚܬܐ ܕܟܠ ܒܣܪ ܓܒܪܐ ܥܠ ܟܢܘܫܬܐ .
Numbers 27:17 ܕܢܦܘܩ ܩܕܡܝܗܘܢ ܘܕܢܥܘܠ ܩܕܡܝܗܘܢ . ܘܕܢܦܩ ܐܢܘܢ ܘܕܢܥܠ ܐܢܘܢ . ܕܠܐ ܬܗܘܐ ܟܢܘܫܬܗ ܕܡܪܝܐ ܐܝܟ ܥܢܐ ܕܠܝܬ ܠܗ̇ ܪܥܝܐ .
Numbers 27:18 ܘܐܡܪ ܡܪܝܐ ܠܡܘܫܐ . ܕܒܪ ܠܟ ܠܝܫܘܥ ܒܪ ܢܘܢ ܓܒܪܐ ܕܪܘܚܐ ܒܗ . ܘܣܝܡ ܐܝܕܟ ܥܠܘܗܝ .
Numbers 27:19 ܘܐܩܝܡܝܗܝ ܩܕܡ ܐܠܝܥܙܪ ܟܗܢܐ ܘܩܕܡ ܟܠܗ̇ ܟܢܘܫܬܐ . ܘܦܩܕܝܗܝ ܠܥܢܝ̈ܗܘܢ .
Numbers 27:20 ܘܗܒ ܡܢ ܫܘܒܚܟ ܥܠܘܗܝ . ܕܢܫܡܥܘܢܗ ܟܘܠܗ̇ ܟܢܘܫܬܐ ܕܒܢ̈ܝ ܐܝܣܪܝܠ .
Numbers 27:21 ܘܩܕܡ ܐܠܝܥܙܪ ܟܗܢܐ ܢܩܘܡ . ܘܢܗܘܐ ܫ̇ܐܠ ܠܗ ܢܡܘܣܐ ܕܫܐܠܬܐ ܩܕܡ ܡܪܝܐ . ܒܡܠܬ ܦܘܡܗ ܢܗܘܘܢ ܢܦܩܝܢ . ܘܒܡܠܬ ܦܘܡܗ ܢܗܘܘܢ ܥܐܠܝܢ . ܗܘ ܘܟܠܗܘܢ ܒܢ̈ܝ ܐܝܣܪܝܠ ܥܡܗ . ܘܟܠܗ̇ ܟܢܘܫܬܐ .
Numbers 27:22 ܘܥܒܕ ܡܘܫܐ ܐܝܟ ܕܦܩܕܗ ܡܪܝܐ . ܘܕܒܪ ܠܝܫܘܥ ܘܐܩܝܡܗ ܩܕܡ ܐܠܝܥܙܪ ܟܗܢܐ ܘܩܕܡ ܟܠܗ̇ ܟܢܘܫܬܐ .
Numbers 27:23 ܘܣܡ ܐܝܕܗ ܥܠܘܗܝ . ܘܦܩܕܗ ܐܝܟ ܕܦܩܕ ܡܪܝܐ ܠܡܘܫܐ .
Numbers 28:1 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ .
Numbers 28:2 ܦܩܕ ܠܒܢ̈ܝ ܐܝܣܪܝܠ ܘܐܡܪ ܠܗܘܢ . ܩܘܪ̈ܒܢܝ ܘܠܚܡܐ ܕܩܘܪ̈ܒܢܝ ܘܪܝܚܐ ܕܣܘܬܐ . ܢܗܘܘܢ ܢ̇ܛܪܝܢ ܘܡܩܪܒܝܢ ܠܝ ܒ̈ܙܒܢܝܗܘܢ .
Numbers 28:3 ܘܐܡܪ ܠܗܘܢ ܗܢܐ ܩܘܪܒܢܐ ܕܬܗܘܘܢ ܡܩܪܒܝܢ ܠܡܪܝܐ . ܐܡܪ̈ܐ ܒܢ̈ܝ ܫܢܬܐ ܕܠܝܬ ܒܗܘܢ ܡܘܡܐ . ܬܪ̈ܝܢ ܒܝܘܡܐ ܠܝܩܕܐ ܫܠܡܐ ܐܡܝܢܐܝܬ .
Numbers 28:4 ܐܡܪܐ ܚܕ ܩܪܒ ܒܨܦܪܐ . ܘܐܡܪܐ ܐܚܪܢܐ ܩܪܒ ܒܝܬ ܪ̈ܡܫܐ .
Numbers 28:5 ܘܚܕ ܡܢ ܥܣܪܐ ܠܣܐܬܐ ܢܫܝܦܐ . ܩܘܪܒܢܐ ܕܦܝܠ ܒܡܫܚܐ ܥܨܝܪܐ ܪܘܒܥܗ ܕܗܡܝܢܐ .
Numbers 28:6 ܝܩܕܐ ܫܠܡܐ ܐܡܝܢܐܝܬ . ܕܐܬܥܒܕ ܒܛܘܪܐ ܕܣܝܢܝ . ܠܪܝܚܐ ܕܣܘܬܐ ܩܘܪܒܢܐ ܠܡܪܝܐ .
Numbers 28:7 ܘܢܘܩܝܗ ܚܡܪܐ ܪܘܒܥܗ ܕܗܡܝܢܐ ܠܐܡܪܐ ܚܕ . ܒܩܘܕܫܐ ܢܬܢܩܐ ܢܘܩܝܐ ܕܥܬܝܩܐ ܩܕܡ ܡܪܝܐ .
Numbers 28:8 ܘܐܡܪܐ ܐܚܪܢܐ ܥܒܕ ܒܝܬ ܪ̈ܡܫܐ . ܐܝܟ ܩܘܪܒܢܐ ܕܨܦܪܐ ܘܐܝܟ ܢܘܩܝܗ . ܥܒܕ ܩܘܪܒܢܐ ܠܪܝܚܐ ܕܣܘܬܐ ܠܡܪܝܐ .
Numbers 28:9 ܘܒܝܘܡܐ ܕܫܒܬܐ . ܐܡܪ̈ܐ ܬܪ̈ܝܢ ܒ̈ܢܝ ܫܢܬܐ ܕܠܝܬ ܒܗܘܢ ܡܘܡܐ . ܘܬܪ̈ܝܢ ܥܣܪ̈ܘܢܝܢ ܢܫܝܦܐ ܕܩܘܪܒܢܐ ܕܦܝܠ ܒܡܫܚܐ . ܘܢܘܩܝܗ .
Numbers 28:10 ܝܩܕܐ ܫܠܡܐ ܕܫܒܬܐ ܒܫܒܬܐ . ܥܠ ܝܩܕܐ ܫܠܡܐ ܐܡܝܢܐܝܬ ܘܢܘܩܝܗ .
Numbers 28:11 ܘܒܪܝܫ ܝܪ̈ܚܝܟܘܢ ܩܪܒܘ ܝܩ̈ܕܐ ܫ̈ܠܡܐ ܠܡܪܝܐ . ܬܘܪ̈ܐ ܒ̈ܢܝ ܒܩܪܐ ܬܪ̈ܝܢ . ܘܕܟܪܐ ܚܕ . ܘܐܡܪ̈ܐ ܒܢ̈ܝ ܫܢܬܐ ܫܒܥܐ . ܕܠܝܬ ܒܗܘܢ ܡܘܡܐ .
Numbers 28:12 ܘܬܠܬܐ ܥܣܪ̈ܘܢܝܢ ܢܫܝܦܐ ܕܩܘܪܒܢܐ ܕܦܝܠ ܒܡܫܚܐ ܠܬܘܪܐ ܚܕ . ܘܬܪ̈ܝܢ ܥܣܪ̈ܘܢܝܢ ܢܫܝܦܐ ܕܦܝܠ ܒܡܫܚܐ ܠܕܟܪܐ ܚܕ .
Numbers 28:13 ܘܥܣܪܘܢܐ ܚܕ ܢܫܝܦܐ ܕܩܘܪܒܢܐ ܕܦܝܠ ܒܡܫܚܐ ܠܐܡܪܐ ܚܕ . ܝܩܕܐ ܫܠܡܐ ܠܪܝܚ ܣܘܬܐ ܠܡܪܝܐ .
Numbers 28:14 ܘܢܘܩܝܗܘܢ ܚܡܪܐ ܦܠܓܗ ܕܗܡܝܢܐ ܢܗܘܐ ܠܬܘܪܐ . ܘܬܘܠܬܗ ܕܗܡܝܢܐ ܢܗܘܐ ܠܕܟܪܐ . ܘܪܘܒܥܗ ܕܗܡܝܢܐ ܢܗܘܐ ܠܐܡܪܐ . ܗܢܐ ܗܘ ܝܩܕܐ ܫܠܡܐ ܕܪܝܫ ܝܪܚܐ ܒܝܪ̈ܚܐ ܕܫܢܬܐ .
Numbers 28:15 ܘܨܦܪܝܐ ܚܕ ܕܥ̈ܙܐ ܚܠܦ ܚܛܗܐ ܠܡܪܝܐ . ܥܠ ܝܩܕܐ ܫܠܡܐ ܐܡܝܢܐܝܬ ܢܬܥܒܕ ܗܘ ܘܢܘܩܝܗ .
Numbers 28:16 ܘܒܐܪܒܥܣܪܐ ܒܝܪܚܐ ܩܕܡܝܐ ܦܨܚܐ ܗܘ ܠܡܪܝܐ .
Numbers 28:17 ܘܒܚܡܫܥܣܪܐ ܒܗ ܒܝܪܚܐ ܥܕܥܐܕܐ . ܫܒܥܐ ܝܘܡ̈ܝܢ ܦܛܝܪܐ ܢܬܐܟܠ .
Numbers 28:18 ܝܘܡܐ ܩܕܡܝܐ ܩܪܝܐ ܘܩܕܝܫܐ . ܘܟܠ ܥܒ̇ܕ ܕܦܘܠܚܢܐ ܠܐ ܬܥܒܕܘܢ .
Numbers 28:19 ܘܩܪܒܘ ܩܘܪܒܢܐ ܝܩ̈ܕܐ ܫ̈ܠܡܐ ܠܡܪܝܐ . ܬܘܪ̈ܐ ܒܢ̈ܝ ܒܩܪܐ ܬܪ̈ܝܢ . ܘܕܟܪܐ ܚܕ ܘܐܡܪ̈ܐ ܒܢ̈ܝ ܫܢܬܐ ܫܒܥܐ ܕܠܝܬ ܒܗܘܢ ܡܘܡܐ ܢܗܘܘܢ ܠܟܘܢ .
Numbers 28:20 ܘܩܘܪܒܢܗܘܢ ܢܫܝܦܐ ܕܦܝܠ ܒܡܫܚܐ . ܬܠܬܐ ܥܣܪ̈ܘܢܝܢ ܠܬܘܪܐ . ܘܬܪ̈ܝܢ ܥܣܪ̈ܘܢܝܢ ܠܕܟܪܐ ܬܥܒܕܘܢ .
Numbers 28:21 ܘܥܣܪܘܢܐ ܚܕ ܠܐܡܪܐ ܚܕ . ܗܟܢܐ ܥܒܕܘ ܠܫܒ̈ܥܬܝܗܘܢ ܐܡܪ̈ܐ .
Numbers 28:22 ܘܨܦܪܝܐ ܚܕ ܕܥ̈ܙܐ ܚܠܦ ܚܛܗܐ ܠܡܚܣܝܘ ܥܠܝܟܘܢ .
Numbers 28:23 ܠܒܪ ܡܢ ܝܩܕܐ ܫܠܡܐ ܕܨܦܪܐ . ܝܩܕܐ ܫܠܡܐ ܐܡܝܢܐܝܬ ܬܥܒܕܘܢ .
Numbers 28:24 ܗܠܝܢ ܗܘܝܬܘܢ ܥ̇ܒܕܝܢ ܒܟܠ ܝܘܡ ܫܒܥܐ ܝܘܡ̈ܝܢ . ܩܘܪܒܢܐ ܕܠܚܡܐ ܠܪܝܚܐ ܕܣܘܬܐ ܠܡܪܝܐ . ܥܠ ܝܩܕܐ ܫܠܡܐ ܐܡܝܢܐ ܢܬܥܒܕ ܗܘ ܘܢܘܩܝܗ .
Numbers 28:25 ܘܝܘܡܐ ܕܫܒܥܐ ܩܪܝܐ ܘܩܕܝܫܐ ܢܗܘܐ ܠܟܘܢ . ܘܟܠ ܥܒ̇ܕ ܕܦܘܠܚܢܐ ܠܐ ܬܥܒܕܘܢ .
Numbers 28:26 ܘܒܝܘܡܐ ܕܒܟܪ̈ܐ ܡܐ ܕܡܩܪܒܝܢ ܐܢܬܘܢ ܣܡܝܕܐ ܡܢ ܚܕܬܐ ܠܡܪܝܐ . ܒܫܒ̈ܘܥܝܟܘܢ ܩܪܝܐ ܘܩܕܝܫܐ ܢܗܘܐ ܠܟܘܢ . ܘܟܠ ܥܒ̇ܕ ܕܦܘܠܚܢܐ ܠܐ ܬܥܒܕܘܢ .
Electronic Peshitta Text, Peshitta Institute Amsterdam and the Eep Talstra Centre for Bible and Computer (ETCBC), via github.com/ETCBC/peshitta. Prepared by Constantijn Sikkel, Geert Jan Veldman and Willem van Peursen; Text-Fabric conversion by Dirk Roorda. Licensed CC BY-NC 4.0 as stated in the repository's docs/about.md; the ETCBC asks that commercial use be arranged with them or with Brill. The text follows the Vetus Testamentum Syriace where published and Codex Ambrosianus otherwise. Licence: CC BY-NC 4.0. Source .