← All works

Peshitta Nehemia

Peshitta (Syriac Old Testament) · 405 sections

1. Nehemia 5:15

   ܘܫ̈ܠܝܛܐ ܕܩܕܡܝ ܫܥܒܕܘܗܝ ܠܥܡܐ ܘܢܣܒܘ ܡܢܗܘܢ ܚܡ̣ܪܐ ܘܠܚܡܐ ܘܟܣܦܐ ܣܓܝܐܐ ܠܡܕܐܬܐ ܥܕܡܐ ܠܣ̈ܠܥܝܢ ܐܪܒܥܝܢ ܐܦ ܥܒ̣̈ܕܝܗܘܢ ܐܫܠܛܘ ܥܠ ܥܡܐ ܘܐܫܬܠܛܘ ܥܠܝܗܘܢ ܘܐܫܬܢܕܘ ܒܗܘܢ ܘܐܢܐ ܠܐ ܥܒ̇ܕܬ ܗܟܢܐ ܡܢ ܩܕܡ ܕܚܠܬܗ ܕܐܠܗܐ

2. Nehemia 5:16

   ܐܦ ܒܥ̇ܒܕܐ ܕܫܘܪܐ ܗܢܐ ܛܒ ܐܬܥܫܢ̇ܬ ܘܚܩ̈ܠܬܐ ܠܐ ܙܒ̇ܢܬ ܘܟܠܗܘܢ ܛܠܝ̈ܐ ܒܢ̈ܝ ܝܗܘ̈ܕܝܐ ܐܬܟܢܫܘ ܘܩܡܘ ܬܡܢ ܥܠ ܥ̇ܒ̈ܕܐ

3. Nehemia 5:17

   ܘܪ̈ܘܪܒܢܐ ܘܫ̈ܠܝܛܢܐ ܡܐܐ ܘܚܡܫܝܢ ܓܒܪ̈ܝܢ ܘܕܐܬܝܢ ܠܘܬܢ ܡܢ ܥܡ̈ܡܐ ܕܚܕܪܝܢ ܐܬܝܢ ܠܘܬܢ ܐܢܫ ܒܦܬܘܪܗ

4. Nehemia 5:18

   ܘܓܒܪܐ ܕܥ̇ܒܕ ܗܘܐ ܠܚܡܐ ܡܝܬܐ ܗܘܐ ܠܥܒ̣̈ܕܐ ܕܥܒܕܝܢ ܬܘܪܐ ܚܕ ܘܥ̈ܢܐ ܫܬ ܫܡܝ̈ܢܬܐ ܘܨܦܪ̈ܝܐ ܐܬܥܒܕܘ ܠܢ ܘܚܕܐ ܠܥܣܪܐ ܝܘܡ̈ܝܢ ܚܡ̣ܪܐ ܣܓܝ ܘܥܡ ܗܕܐ ܠܚܡܐ ܘܫܠܝܛܘܬܐ ܠܐ ܒ̇ܥܝܬ ܡܛܠ ܕܥ̣ܫܢ ܥܒ̇ܕܐ ܥܠ ܥܡܐ ܗܢܐ

5. Nehemia 5:19

   ܐܬܕܟܪ ܠܝ ܐܠܗܝ ܠܛܒ ܟܠܡܕܡ ܕܥ̇ܒܕܬ ܚܠܦ ܥܡܐ ܗܢܐ

6. Nehemia 6:1

   ܗܝܕܝܢ ܟܕ ܐܫܬܡܥܬ ܡܠܬܐ ܠܣܡܒܠܝܛ ܘܠܛܘܒܝܐ ܘܠܓܫܘܡ ܥܪܒܝܐ ܘܠܫܪܟܐ ܕܒܥ̈ܠܕܒܒܝܢ ܕܒܢܝܢܝܗܝ ܠܫܘܪܐ ܘܠܐ ܒܗ ܬܘܪܥܬܐ ܘܥܕܡܐ ܠܗ ܠܙܒܢܐ ܗ̇ܘ ܦܪ̈ܘܣܬܕܐ ܕܬܪ̈ܥܐ ܥܕܟܝܠ ܠܐ ܐܩܝܡܝܢ

7. Nehemia 6:2

   ܘܫܕܪܘ ܠܘܬܝ ܣܡܒܠܝܛ ܘܓܫܘܡ ܘܐܡܪܝܢ ܠܝ ܬܐ ܢܐܙܠ ܐܟܚܕܐ ܘܢܫܪܐ ܐܝܟ ܓܝܣܐ ܒܦܩܥܬܐ ܕܐܝܢܘ ܘܗ̣ܢܘܢ ܡܬܪܥܝܢ ܗܘܘ ܠܡܥܒܕ ܠܝ ܒܝܫܬܐ

8. Nehemia 6:3

   ܘܫ̇ܕܪܬ ܠܘܬܗܘܢ ܡܠܐܟܐ ܘܐܡ̇ܪܬ ܠܗܘܢ ܥ̇ܒܕܐ ܪܒܐ ܥ̇ܒܕ ܐܢܐ ܘܠܐ ܡܫܟܚ ܐܢܐ ܠܡܚܬ ܕܠܡܐ ܢܒܛܠ ܟܕ ܐܪܦܐ ܘܐܚܘܬ ܠܘܬܟܘܢ

9. Nehemia 6:4

   ܘܫܕܪܘ ܠܘܬܝ ܐܝܟ ܦܬܓܡܐ ܗܢܐ ܐܪܒܥ ܙܒ̈ܢܝܢ ܘܐܬܝ̇ܒܬ ܐܢܘܢ ܐܝܟ ܦܬܓܡܐ ܗܢܐ

10. Nehemia 6:5

    ܘܫܕܪܘ ܠܘܬܝ ܣܡܒܠܝܛ ܐܝܟ ܦܬܓܡܐ ܗܢܐ ܒܙܒܢܬܐ ܚܡܝܫܝܬܐ ܠܥܠܝܡܗ ܘܐܓܪܬܐ ܒܐܝܕܗ

11. Nehemia 6:6

    ܘܟܬܝܒ ܒܗ̇ ܒܥܡܡ̈ܐ ܐܫܬܡܥ ܘܓܫܘܡ ܐܡ̇ܪ ܐܢܬ ܘܝܗܘ̈ܕܝܐ ܡܬܪܥܝܢ ܠܡܡܪܕ ܡܛܠ ܗܢܐ ܐܢܬ ܒ̇ܢܐ ܫܘܪܐ ܘܐܢܬ ܗ̇ܘܐ ܠܗܘܢ ܡܠܟܐ ܐܝܟ ܦܬܓܡ̈ܐ ܗܠܝܢ

12. Nehemia 6:7

    ܐܦ ܢܒܝ̈ܐ ܐܩܝܡܬ ܠܡܬܢܒܝܘ ܥܠܝܟ ܒܐܘܪܫܠܡ ܘܐܡܪܝܢ ܕܗܐ ܐܡܠܟ ܥܙܪܐ ܒܝܗܘܕ ܘܡܟܝܠ ܐܫܬܡܥ ܠܡ̇ܠܟܐ ܐܝܟ ܡ̈ܠܐ ܗܠܝܢ ܡܟܝܠ ܬܘ ܢܬܡܠܟ ܐܟܚܕܐ

13. Nehemia 6:8

    ܘܫ̇ܕܪܬ ܠܘܬܗ ܘܐܡ̇ܪܬ ܠܗ ܠܐ ܫܦܝܪ ܕܢܗ̈ܘܝܢ ܐܝܟ ܡ̈ܠܐ ܗܠܝܢ ܕܐܢܬ ܐܡ̇ܪ ܡܛܠ ܕܡܢ ܠܒܟ ܐܢܬ ܐܡ̇ܪ ܠܗܝܢ

14. Nehemia 6:9

    ܡܛܠ ܕܟܘܠܗܘܢ ܡܕܚܠܝܢ ܠܢ ܘܐܡܪܝܢ ܡܬܪ̈ܦܝܢ ܐܝܕܝ̈ܗܘܢ ܡܢ ܥܒܝܕܬܐ ܘܐܡܪܝܢ ܠܢ ܕܠܐ ܬܥܒܕܘܢ ܡܟܝܠ ܐܥܫܢ ܐܝ̈ܕܝ

15. Nehemia 6:10

    ܘܐܢܐ ܥ̇ܠܬ ܠܒܝܬ ܫܡܥܝܐ ܒܪ ܕܠܝܐ ܒܪ ܡܗܛܒܐܝܠ ܘܗܘ ܟ̇ܠܐ ܗܘܐ ܘܐܡ̣ܪ ܠܝ ܬܐ ܢܬܘܥܕ ܠܒܝܬܗ ܕܡܪܝܐ ܠܓܘ ܗܝܟܠܐ ܘܢܐܚܘܕ ܬܪ̈ܥܐ ܕܗܝܟܠܐ ܡܛܠ ܕܐܬܝܢ ܠܡܩܛܠܟ ܘܒܠܠܝܐ ܐܬܝܢ ܠܡܩܛܠܟ

16. Nehemia 6:11

    ܘܐܡ̇ܪܬ ܓܒܪܐ ܕܐܟܘܬܝ ܢܥܪܘܩ ܚܣ ܠܝ ܕܐܥܪܘܩ ܘܐܥܘܠ ܠܗܝܟܠܐ

17. Nehemia 6:12

    ܚ̇ܟܡ ܐܢܐ ܕܝܢ ܕܠܐ ܗܘܐ ܐܠܗܐ ܫܕܪܗ ܥܠܝ ܘܐܦܠܐ ܒܝܕ ܢܒܝܐ ܐܬܐܡܪ ܠܝ ܕܩ̇ܛܠ ܠܝ ܛܘܒܝܐ ܘܣܡܒܠܝܛ ܘܚܒܪ̈ܘܗܝ ܐܓܪܘ ܘܫܕܪܘܗܝ ܥܠܝ ܠܡܩܛܠܢܝ

18. Nehemia 6:13

    ܡܛܠ ܕܐܓܝܪܐ ܗܘ ܡܛܠ ܕܐܕܚܠ ܘܐܥ̇ܒܕ ܗܟܢܐ ܘܐܚ̇ܛܐ ܘܐܗ̇ܘܐ ܠܗܘܢ ܠܫܡܐ ܒܝܫܐ ܡܛܠ ܕܢܚܣܕܘܢܢܝ

19. Nehemia 6:14

    ܐܬܕܟܪ ܐܠܗܝ ܠܛܘܒܝܐ ܘܠܣܡܒܠܝܛ ܘܠܚܒܪ̈ܘܗܝ ܐܝܟ ܥ̇ܒ̈ܕܝܗܘܢ ܗܠܝܢ ܣܢܝ̈ܐ ܐܦ ܠܝܘܕܥܝܐ ܢܒܝܐ ܐܦ ܠܫܪܟܐ ܕܢܒܝ̈ܐ ܕܗܘܘ ܡܕܚܠܝܢ ܠܝ ܡܢܗܘܢ

20. Nehemia 6:15

    ܘܫ̣ܠܡ ܫܘܪܐ ܒܚܡܫܐ ܘܥܣܪܝܢ ܒܐܝܠܘܠ ܠܚܡܫܝܢ ܘܬܪܝܢ ܝܘܡ̈ܝܢ

21. Nehemia 6:16

    ܗܝܕܝܢ ܟܕ ܫܡܥܘ ܟܠܗܘܢ ܒܥ̈ܠܕܒܒܝܢ ܕܚܠܘ ܟܘܠܗܘܢ ܥܡܡ̈ܐ ܕܚܕܪܝܢ ܘܙܥܘ ܛܒ ܡܢ ܩܕܡܝܢ ܘܝܕܥܘ ܕܡܢ ܩܕܡ ܐܠܗܐ ܐܬܥܒܕܬ ܥܒܝܕܬܐ ܗܕܐ

22. Nehemia 6:17

    ܐܦ ܒܝܘܡ̈ܬܐ ܗ̇ܢܘܢ ܡܣܓܝܢ ܗܘܘ ܪ̈ܘܪܒܢܐ ܕܝܗܘ̈ܕܝܐ ܐܓܪ̈ܬܗܘܢ ܘܐܙ̈ܠܢ ܗܘ̈ܝ ܠܘܬ ܛܘܒܝܐ ܘܐܓܪ̈ܬܗ ܕܛܘܒܝܐ ܐܬܝ̈ܢ ܗܘ̈ܝ ܠܘܬܗܘܢ

23. Nehemia 6:18

    ܡܛܠ ܕܣܓܝܐ̈ܐ ܗܘܘ ܒܝܗܘܕ ܐܢܫܐ ܕܝܡܘ ܠܗ ܕܠܐ ܢܗܪܘܢܗ ܡܛܠ ܕܚܬܢܐ ܗܘܐ ܕܫܟܢܝܐ ܒܪ ܐܪܚ ܘܝܘܚܢܢ ܒܪܗ ܢ̣ܣܒ ܠܒܪܬ ܡܫܠܘܡ ܒܪ ܒܪܟܝܐ

24. Nehemia 6:19

    ܐܦ ܡ̈ܠܘܗܝ ܛܒ̈ܬܐ ܐܡܪܝܢ ܗܘܘ ܩܕܡܝ ܘܡܠܬܐ ܕܐܡ̇ܪ ܗ̇ܘܝܬ ܐܡܪܝܢ ܗܘܘ ܠܗ ܘܐܓܪ̈ܬܐ ܡܫܕܪ ܗܘܐ ܗܘ ܛܘܒܝܐ ܠܡܕܚܠܘܬܢܝ

25. Nehemia 7:1

    ܗܝܕܝܢ ܟܕ ܐܬܒܢܝ ܫܘܪܐ ܘܩܡ ܬܪ̈ܥܐ ܘܐܬܩܝܡܘ ܦܪ̈ܘܣܬܕܐ ܘܐܫܬܟܠܠܘ ܬܪ̈ܥܐ ܘܡܫܡ̈ܫܢܐ ܘܠܘ̈ܝܐ

26. Nehemia 7:2

    ܦ̇ܩܕܬ ܠܚܢܢܝ ܐܚܝ ܘܠܚܢܢܝܐ ܫܠܝܛܐ ܕܒܝܪܬܐ ܕܐܘܪܫܠܡ ܡܛܠ ܕܗܘ ܗ̣ܘܐ ܓܒܪܐ ܬܪܝܨܐ ܘܕܚ̇ܠ ܡܢ ܐܠܗܐ ܘܣܛܐ ܡܢ ܕܒܝܫ

27. Nehemia 7:3

    ܘܐܡ̇ܪܬ ܠܗܘܢ ܠܐ ܢܬܦܬܚܘܢ ܬܪ̈ܥܐ ܕܐܘܪܫܠܡ ܥܕܡܐ ܕܣ̇ܠܩ ܝܘܡܐ ܘܥܕ ܝܘܡܐ ܩܝܡ ܢܬܓܝܦܘܢ ܬܪ̈ܥܐ ܘܢܬܬܚܕܘܢ ܘܢܩܘܡܘܢ ܒܡܛܪܬܐ ܥܡܘܪ̈ܝܗ̇ ܕܐܘܪܫܠܡ ܓܒܪ ܒܡܛܪܬܗ ܘܓܒܪܐ ܠܘܩܒܠ ܒܝܬܗ

28. Nehemia 7:4

    ܘܡܕܝܢܬܐ ܪܒܐ ܘܦܬܝܐ ܘܥܡܐ ܙܥܘܪ ܗܘܐ ܒܓܘܗ̇ ܘܠܝܬ ܗܘܐ ܠܗܘܢ ܒ̈ܬܐ ܕܒ̣ܢܝܢ

29. Nehemia 7:5

    ܘܐܪܡܝ ܐܠܗܝ ܒܠܒܝ ܘܟ̇ܢܫܬ ܠܚܐܪ̈ܐ ܘܠܪ̈ܘܪܒܢܐ ܕܥܡܐ ܠܫܪ̈ܒܬܗܘܢ ܘܐܫ̇ܟܚܬ ܣܦ̣ܪܐ ܕܫܪ̈ܒܬܐ ܕܣ̣ܠܩܘ ܒܗ ܒܩܕܡ̈ܝܬܐ ܘܐܫ̇ܟܚܬ ܕܟܬܝܒ ܒܗ

30. Nehemia 7:6

    ܗܠܝܢ ܒܢ̈ܝ ܡܕܝܢܬܐ ܕܣܠܩܘ ܡܢ ܫܒܝܐ ܕܓܠܘܬܐ ܕܓܠܝ ܢܒܘܟܕܢܨܪ ܡܠܟܐ ܕܒܒܠ ܘܗܦܟܘ ܠܐܘܪܫܠܡ ܘܠܝܗܘܕ ܓܒܪܐ ܠܩܪܝܬܗ

31. Nehemia 7:7

    ܕܣܠܩܘ ܥܡ ܙܘܪܒܒܠ ܝܫܘܥ ܢܚܡܝܐ ܘܥܙܪܝܐ ܐܪܥܡܝܐ ܢܚܡܝܐܝܠ ܡܘܪܕܟܝ ܒܠܝܫܢ ܡܣܦܪܘܬ ܒܓܘܝ ܢܚܬܘܡ ܒܥܢܐ ܡܢܝܢܐ ܕܐܢܫܐ ܕܥܡܐ ܕܐܝܣܪܝܠ

32. Nehemia 7:8

    ܒܢ̈ܝ ܦܪܥܫ ܬܪ̈ܝܢ ܐ̈ܠܦܝܢ ܘܡܐܐ ܘܫܒܥܝܢ ܘܬܪܝܢ

33. Nehemia 7:9

    ܒܢ̈ܝ ܫܦܛܝܐ ܬܠܬܡܐܐ ܘܫܒܥܝܢ ܘܬܪ̈ܝܢ

34. Nehemia 7:10

    ܒܢ̈ܝ ܐܪܚ ܫܬܡܐܐ ܘܚܡܫܝܢ ܘܬܪܝܢ

35. Nehemia 7:11

    ܒܢ̈ܝ ܫܘܠܛܢ ܡܘܐܒ ܠܒܢ̈ܝ ܝܫܘܥ ܘܝܘܐܒ ܬܪ̈ܝܢ ܐ̈ܠܦܝܢ ܘܬܡܢܡܐܐ ܘܬܡܢܬܥܣܪ

36. Nehemia 7:12

    ܒܢ̈ܝ ܥܝܠܡ ܐܠܦ ܘܡܐܬܝܢ ܘܚܡܫܝܢ ܘܐܪܒܥܐ

37. Nehemia 7:13

    ܒܢ̈ܝ ܙܬܝܐ ܬܡܢܡܐܐ ܘܚܡܫܝܢ ܘܐܪܒܥܐ

38. Nehemia 7:14

    ܒܢ̈ܝ ܙܟ̇ܝ ܫܒܥܡܐܐ ܘܫܬܝܢ

39. Nehemia 7:15

    ܒܢ̈ܝ ܒ̇ܢܝ ܫܬܡܐܐ ܘܐܪܒܥܝܢ ܘܐܪܒܥܐ

40. Nehemia 7:16

    ܒܢ̈ܝ ܒܟܝ ܫܬܡܐܐ ܘܥܣܪ̈ܝܢ ܘܬܡܢܝܐ

41. Nehemia 7:17

    ܒܢ̈ܝ ܥܙܓܪ ܬܪܝܢ ܐ̈ܠܦܝܢ ܘܬܠܬܡܐܐ ܘܥܣܪܝܢ ܘܬܪܝܢ

42. Nehemia 7:18

    ܒܢ̈ܝ ܐܪܢܩܘܡ ܫܬܡܐܐ ܘܫܬܝܢ ܘܫܒܥܐ

43. Nehemia 7:19

    ܒܢ̈ܝ ܒܓܘܝ̣ ܬܪܝܢ ܐ̈ܠܦܝܢ ܘܐܫܬܝܢ ܘܫܒܥܐ

44. Nehemia 7:20

    ܒܢ̈ܝ ܥܕܘܢ ܫܬܡܐܐ ܘܚܡܫܝܢ ܘܚܡܫܐ

45. Nehemia 7:21

    ܒܢ̈ܝ ܐܛܪ ܠܚܙܩܝܐ ܬܫܥܝܢ ܘܬܡܢܝܐ

46. Nehemia 7:22

    ܒܢ̈ܝ ܚܫܘܡ ܬܠܬܡܐܐ ܘܥܣܪܝܢ ܘܬܡܢܝܐ

47. Nehemia 7:23

    ܒܢ̈ܝ ܒܨܝ ܬܠܬܡܐܐ ܘܥܣܪܝܢ ܘܐܪܒܥܐ

48. Nehemia 7:24

    ܒܢ̈ܝ ܚܘܪܡ ܡܐܐ ܘܬܪܥܣܪ

49. Nehemia 7:25

    ܒܢ̈ܝ ܓܒܥܘܢ ܬܫܥܝܢ ܘܚܡܫܐ

50. Nehemia 7:26

    ܐܢ̈ܫܝ ܒܝܬ ܠܚܡ ܘܢܘܛܦܐ ܡܐܐ ܘܬܡܢܐܝܢ ܘܬܡܢܝܐ

51. Nehemia 7:27

    ܐܢ̈ܫܝ ܥܢܬܘܬ ܡܐܐ ܘܥܣܪܝܢ ܘܬܡܢܝܐ

52. Nehemia 7:28

    ܐܢ̈ܫܝ ܒܝܬ ܥܪܡܘܬ ܐܪܒܥܝܢ ܘܬܪܝܢ

53. Nehemia 7:29

    ܐܢ̈ܫܝ ܒܝܬ ܢܥܪܝܢ ܘܟܦܝܪܐ ܘܒܪܐܘܬ ܫܒܥܡܐܐ ܘܐܪܒܥܝܢ ܘܬܠܬܐ

54. Nehemia 7:30

    ܐܢ̈ܫܝ ܓܒܥ ܘܪܡܬܐ ܫܒܥܡܐܐ ܘܥܣܪܝܢ ܘܚܕ

55. Nehemia 7:31

    ܐܢ̈ܫܝ ܡܟܡܣ ܡܐܐ ܘܥܣܪܝܢ ܘܬܪܝܢ

56. Nehemia 7:32

    ܐܢ̈ܫܝ ܒܝܬ ܐܝܠ ܘܥܝ ܡܐܐ ܘܥܣܪܝܢ ܘܬܠܬܐ

57. Nehemia 7:33

    ܐܢ̈ܫܝ ܢܒܘ ܚܡܫܝܢ ܘܬܪܝܢ

58. Nehemia 7:34

    ܕܒܝܬ ܥܝܠܡ ܐܠܦ ܘܡܐܬܝܢ ܘܚܡܫܝܢ ܘܐܪܒܥܐ

59. Nehemia 7:35

    ܒܢ̈ܝ ܚܪܡ ܬܠܬܡܐܐ ܘܥܣܪܝܢ

60. Nehemia 7:36

    ܒܢ̈ܝ ܐܝܪܝܚܘ ܬܠܬܡܐܐ ܘܐܪܒܥܝܢ ܘܚܡܫܐ

61. Nehemia 7:37

    ܒܢ̈ܝ ܠܘܕ ܘܐܘܢܘ ܫܒܥܡܐܐ ܘܥܣܪܝܢ ܘܚܕ

62. Nehemia 7:38

    ܒܢ̈ܝ ܣܢܐܐ ܬܠܬܐ ܐܠܦ̈ܝܢ ܘܬܫܥܡܐܐ ܘܬܠܬܝܢ

63. Nehemia 7:39

    ܟܗ̈ܢܐ ܒܢ̈ܝ ܝܕܥܝܐ ܠܒܝܬ ܝܫܘܥ ܬܫܥܡܐܐ ܘܫܒܥܝܢ ܘܬܠܬܐ

64. Nehemia 7:40

    ܒܢ̈ܝ ܐܡܝܪ ܐܠܦ ܘܚܡܫܝܢ ܘܬܪܝܢ

65. Nehemia 7:41

    ܒܢ̈ܝ ܦܫܚܘܪ ܐܠܦ ܘܡܐܬܝܢ ܘܐܪܒܥܝܢ ܘܫܒܥܐ

66. Nehemia 7:42

    ܒܢ̈ܝ ܚܕܘܡ ܐܠܦ ܘܫܒܬܥܣܪ

67. Nehemia 7:43

    ܠܘ̈ܝܐ ܒܢ̈ܝ ܝܫܘܥ ܠܩܕܡܐܝܠ ܠܒܢ̈ܝ ܗܘܕܝܐ ܫܒܥܝܢ ܘܐܪܒܥܐ

68. Nehemia 7:44

    ܡܫܡ̈ܫܢܐ ܒܢ̈ܝ ܐܣܦ ܡܐܐ ܘܐܪܒܥܝܢ ܘܬܡܢܝܐ

69. Nehemia 7:45

    ܘܬܪ̈ܥܐ ܒܢ̈ܝ ܫܠܘܡ ܒܢ̈ܝ ܐܛܪ ܒܢ̈ܝ ܐܛܠܡܢ ܒܢ̈ܝ ܥܩܘܦ ܒܢ̈ܝ ܚܛܘܛܐ ܒܢ̈ܝ ܫܒܝ ܡܐܐ ܘܬܠܬܝܢ ܘܬܡܢܝܐ

70. Nehemia 7:46

    ܓܒܪ̈ܐ ܒܢ̈ܝ ܐܨܚܐ ܒܢ̈ܝ ܚܫܘܦܐ ܒܢ̈ܝ ܛܒܥܘܬ

71. Nehemia 7:47

    ܒܢ̈ܝ ܩܪܣ ܒܢ̈ܝ ܫܥܝܐ ܒܢ̈ܝ ܦܪܘܢ

72. Nehemia 7:48

    ܒܢ̈ܝ ܠܒܢܐ ܒܢ̈ܝ ܚܓܒܐ ܒܢ̈ܝ ܫܠܡܝ

73. Nehemia 7:49

    ܒܢ̈ܝ ܚܢܢܝ ܒܢ̈ܝ ܥܕܐ ܒܢ̈ܝ ܚܓܪ

74. Nehemia 7:50

    ܒܢ̈ܝ ܐܢܐ ܒܢ̈ܝ ܕܝܨܘܢ ܒܢ̈ܝ ܕܩܘܪܐ

75. Nehemia 7:51

    ܒܢ̈ܝ ܓܙܡ ܒܢ̈ܝ ܥܕܐ ܒܢ̈ܝ ܦܣܝ

76. Nehemia 7:52

    ܒܢ̈ܝ ܒܣܝ ܒܢ̈ܝ ܡܬܥܢܝܡ ܒܢ̈ܝ ܝܦܘܣܝܢ

77. Nehemia 7:53

    ܒܢ̈ܝ ܒܩܒܘܩ ܒܢ̈ܝ ܚܩܘܦܐ ܒܢ̈ܝ ܚܪܚܘܪ

78. Nehemia 7:54

    ܒܢ̈ܝ ܒܨܠܐܘܬ ܒܢ̈ܝ ܡܚܕܝܐ ܒܢ̈ܝ ܚܪܫܐ

79. Nehemia 7:55

    ܒܢ̈ܝ ܒܙܘܩ ܒܢ̈ܝ ܣܝܣܪܐ ܒܢ̈ܝ ܬܡܢܥ

80. Nehemia 7:56

    ܒܢ̈ܝ ܢܨܝܚ ܒܢ̈ܝ ܚܛܘܦܐ

81. Nehemia 7:57

    ܒܢ̈ܝ ܥܒ̣̈ܕܝ ܫܠܝܡܘܢ ܒܢ̈ܝ ܣܛܝ ܒܢ̈ܝ ܣܦܪܬ ܒܢ̈ܝ ܦܪܘܝܐ

82. Nehemia 7:58

    ܒܢ̈ܝ ܥܠܐ ܒܢ̈ܝ ܕܪܥܘܢ ܒܢ̈ܝ ܓܕܠ

83. Nehemia 7:59

    ܒܢ̈ܝ ܫܦܛܝܐ ܒܢ̈ܝ ܢܚܛܝܐ ܒ̈ܢܝ ܟܒܪܘܬ ܒܢ̈ܝ ܨܘܒܝܢ ܒܢ̈ܝ ܐܡܘܢ

84. Nehemia 7:60

    ܟܠܗܘܢ ܢ̈ܬܢܝܐ ܘܒܢ̈ܝ ܥܒ̣̈ܕܝ ܫܠܝܡܘܢ ܬܠܬܡܐܐ ܘܬܫܥܝܢ ܘܬܪܝܢ

85. Nehemia 7:61

    ܗܠܝܢ ܕܣܠ̣ܩܘ ܡܢ ܬܠܡܠܚܐ ܠܬܠܥܒܐ ܘܠܟܘܪܒ ܗܠܝܢ ܐܡ̣ܪܘ ܘܠܐ ܐܫܟܚܘ ܠܡܚܘܝܘ ܫܪ̈ܒܬܐ ܕܐܒܗ̈ܝܗܘܢ ܘܙܪ̈ܥܝܬܗܘܢ ܐܠܐ ܕܡܢ ܐܝܣܪܐܝܠ ܐܢܘܢ

86. Nehemia 7:62

    ܒܢ̈ܝ ܒ̇ܢܝ ܒܢ̈ܝ ܕܠܝܐ ܒܢ̈ܝ ܛܘܒܝܐ ܒܢ̈ܝ ܕܩܘܪܐ ܫܬܡܐܐ ܘܐܪܒܥܝܢ ܘܬܪܝܢ

87. Nehemia 7:63

    ܘܡܢ ܟܘܡܪ̈ܐ ܒܢ̈ܝ ܚܢܢܝܐ ܒܢ̈ܝ ܗܩܘܨ ܒܢ̈ܝ ܒܪܙܠܝ ܕܢܣ̣ܒ ܡܢ ܒܢ̈ܬ ܒܪܙܠܝ ܓܠܥܕܝܐ ܐܢܬܬܐ ܘܐܬܩܪܝ ܥܠ ܫܡܗܘܢ

88. Nehemia 7:64

    ܗܠܝܢ ܒܥܘ ܒܟܬܒܐ ܕܫܪ̈ܒܬܗܘܢ ܘܠܐ ܐܫܟܚܘ ܘܥܒ̣ܪܘ ܠܗܘܢ ܡܢ ܟܘܡܪܘܬܐ

89. Nehemia 7:65

    ܘܐܡ̣ܪܘ ܠܗܘܢ ܩܫܝ̈ܫܐ ܕܟܘܡܪ̈ܐ ܕܠܐ ܢܐܟܠܘܢ ܡܢ ܩܕܘܫ ܩܘܕܫ̈ܐ ܥܕܡܐ ܕܢܩܘܡ ܟܗܢܐ ܪܒܐ ܘܢܫܐܠ ܘܢܚܙܐ

90. Nehemia 7:66

    ܟܘܠܗ̇ ܟܢܘܫܬܐ ܐܟܚܕܐ ܐܪܒܥ ܪ̈ܒܘܢ ܘܬܪܝܢ ܐ̈ܠܦܝܢ ܘܐܪܒܥܡܐܐ ܘܫܒܥܝܢ

91. Nehemia 7:67

    ܠܒܪ ܡܢ ܥܒ̣̈ܕܝܗܘܢ ܘܐܡ̈ܗܬܗܘܢ ܗܠܝܢ ܫܒܥܐ ܐ̈ܠܦܝܢ ܘܬܠܬܡܐܐ ܘܬܠܬܝܢ ܘܬܠܬܐ ܟܠܗܘܢ ܡܫܡ̈ܫܢܐ ܘܡܫܡ̈ܫܢܝܬܐ ܡܐܬܝܢ ܘܐܪܒܥܝܢ ܘܚܡܫܐ

92. Nehemia 7:68

    ܓܡ̈ܠܐ ܐܪܒܥܡܐܐ ܘܬܠܬܝܢ ܘܚܡܫܐ ܚܡܪ̈ܐ ܫܬܐ ܐ̈ܠܦܝܢ ܘܫܒܥܡܐܐ ܘܥܣܪܝܢ

93. Nehemia 7:69

    ܘܡܢ ܪ̈ܝܫܐ ܕܐܒܗ̈ܬܐ ܕܝܗ̣ܒܘ ܠܥܒ̇ܕܐ ܕܒܝܬܐ ܩܫܝ̈ܫܐ ܕܟܘܡܪ̈ܐ ܝܗ̣ܒܘ ܠܒܝܬ ܓܙܐ ܕܗܒܐ ܕܪ̈ܝܟܘܢܐ ܐܠܦܐ ܚܕ ܦܛܩ̈ܐ ܚܡܫܝܢ ܟܘܬܝܢ̈ܝܬܐ ܠܟܘܡܪ̈ܐ ܚܡܫܡܐܐ ܘܬܠܬܝܢ

94. Nehemia 7:70

    ܘܡܢ ܪ̈ܝܫܝ ܐܒܗ̈ܬܐ ܝܗ̣ܒܘ ܠܓܙܐ ܕܥܒܝܕܬܐ ܕܗܒܐ ܕܪ̈ܝܟܘܢܐ ܬܪ̈ܬܝܢ ܪ̈ܒܘܢ ܟܣܦܐ ܡ̈ܢܝܢ ܬܪܝܢ ܐ̈ܠܦܝܢ ܘܡܐܬܝܢ

95. Nehemia 7:71

    ܘܝܗ̣ܒܘ ܫܪܟܐ ܕܥܡܐ ܕܗܒܐ ܕܪ̈ܝܟܘܢܐ ܬܪ̈ܬܝܢ ܪ̈ܒܘܢ ܘܟܣܦܐ ܡ̈ܢܝܢ ܬܪܝܢ ܐܠܦܝܢ ܘܟܘ̈ܬܝܢܝܬܐ ܠܟܘܡܪ̈ܐ ܐܫܬܝܢ ܘܫܒܥ

96. Nehemia 7:72

    ܘܗܦܟܘ ܟܘܡܪ̈ܐ ܘܠܘ̈ܝܐ ܘܬܪ̈ܥܐ ܘܡܫܡ̈ܫܢܐ ܘܡܢ ܥܡܐ ܘܢܬ̈ܢܝܐ ܘܟܘܠܗ ܐܝܣܪܐܝܠ ܠܩܘܪ̈ܝܗܘܢ ܘܟܕ ܡ̣ܛܐ ܝܪܚܐ ܫܒܝܥܝܐ ܘܒܢ̈ܝ ܐܝܣܪܝܠ ܒܩܘܪ̈ܝܗܘܢ

97. Nehemia 8:1

    ܘܐܬܟܢܫܘ ܥܡܐ ܟܠܗ ܐܝܟ ܓܒܪܐ ܚܕ ܠܫܘܩܐ ܕܐܝܬ ܩܕܡ ܬܪܥܐ ܕܡܝ̈ܐ ܘܐܡܪܝܢ ܠܥܙܪܐ ܣ̇ܦܪܐ ܠܡܝܬܝܘ ܣ̣ܦܪܐ ܕܢܡܘܣܐ ܕܡܘܫܐ ܕܦ̇ܩܕ ܡܪܝܐ ܥܠ ܐܝܣܪܝܠ

98. Nehemia 8:2

    ܘܐܝܬܝ ܥܙܪܐ ܟܗܢܐ ܣ̣ܦܪܐ ܕܢܡܘܣܐ ܩܕܡ ܥܡܐ ܡܢ ܓܒܪ̈ܐ ܘܥܕܡܐ ܠܢܫ̈ܐ ܘܟܠ ܡ̇ܢ ܕܐܬܛܝܒ ܠܡܫܡܥ ܒܚܕ ܒܝܪܚܐ ܫܒܝܥܝܐ

99. Nehemia 8:3

    ܘܩ̣ܪܐ ܣ̣ܦܪܐ ܒܫܘܩܐ ܕܬܪܥܐ ܕܡܝ̈ܐ ܡܢ ܨܦܪܐ ܘܥܕܡܐ ܠܦܠܓܗ ܕܝܘܡܐ ܩܕܡ ܓܒܪ̈ܐ ܘܢܫ̈ܐ ܘܩܕܡ ܐܝܠܝܢ ܕܫܡܥܝܢ ܘܐܕܢܝ̈ܗܘܢ ܕܥܡܐ ܨܠܝ̈ܢ ܗ̈ܘܝ ܘܨܝܬܝܢ ܠܦ̈ܘܩܕܢܐ ܕܢܡܘܣܐ

100. Nehemia 8:4

     ܘܩܡ ܥܙܪܐ ܣ̇ܦܪܐ ܥܠ ܡܓܕܠܐ ܕܩܝܣܐ ܕܥܒ̣ܕ ܕܢܗܘܐ ܡܡܠܠ ܥܠܘܗܝ ܘܩܡ ܠܘܬܗ ܡܬܝܬܐ ܘܫܡܘܥ ܘܥܢܢܝܐ ܘܐܘܪܝܐ ܘܚܠܩܝܐ ܘܡܥܣܝܐ ܩܡܘ ܡܢ ܝܡܝܢܗ ܘܡܢ ܣܡܠܗ ܩܡܘ ܦܪܝܐ ܘܡܫܐܝܠ ܘܡܠܟܝܐ ܘܚܫܘܡ ܘܚܫܒܝܐ ܘܙܟܪܝܐ ܘܡܫܠܘܡ

← Previous · Next → — showing 101–200 of 405

Electronic Peshitta Text, Peshitta Institute Amsterdam and the Eep Talstra Centre for Bible and Computer (ETCBC), via github.com/ETCBC/peshitta. Prepared by Constantijn Sikkel, Geert Jan Veldman and Willem van Peursen; Text-Fabric conversion by Dirk Roorda. Licensed CC BY-NC 4.0 as stated in the repository's docs/about.md; the ETCBC asks that commercial use be arranged with them or with Brill. The text follows the Vetus Testamentum Syriace where published and Codex Ambrosianus otherwise. Licence: CC BY-NC 4.0. Source.