Heptateuchos

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 5,575 sections

gen.600
ne puerum celeri linquat, dum praeterit, actu
gen.601
pacificusque suae dignetur tegmina quercus
gen.602
atque pedes geminos frigenti ut perluat unda
gen.603
ac positos panes mensae dignetur amicae.
gen.604
adnuitur iussaque citus ueneranda facessit.
gen.605
ipse etiam properans sese dat Sarra uideri
gen.606
mensurasque libens ternas ex polline profert,
gen.607
quas dederat tosto cinerum torrere uapore.
gen.608
tum uitulus tumida procuruans. cornua fronte
gen.609
deligitur, nullo fuscatus tergora naeuo,
gen.610
et modo constricti ponuntur fercula lactis..
gen.611
dumque deum trina positum sub imagine pascit,
gen.612
dulcia sanctificis delibat gaudia dictis:
gen.613
,,Quid rerum nunc Sarra gerit? (namque abdita tectis
gen.614
tunc erat) et coeptas iterat lux uera loquellas:
gen.615
"Euge memor uates. pleno non setius anno
gen.616
mater erit;" cum laeta procul sub talia risit
gen.617
femina et annoso desperat corpore partum.
gen.618
quaeritur haec inter. fuerit quae causa cachinni?
gen.619
illa negat facili concussam se fore risu,
gen.620
dum timet et tacito uoluit sub pectore culpam.
gen.621
consurgunt iuuenes parili fulgore decentes
gen.622
et Sodomam toto subiectam lumine uisunt.
gen.623
tum dominus uati nil promptum non fore passus,
gen.624
eloquitur, quae causa graues se ducat ad urbes:
gen.625
"Clamore immodico Sodomae iunctaeque Gomorrae
gen.626
excitus ueni uerumque inuisere curo,"
gen.627
ut. quod turba nocens, quod uox horrenda laborat,
gen.628
oppida bina simul caelesti ex fulmine flagrent*.
gen.629
hic trepidus uates famulo sermone poposcit.
gen.630
noxia qui numerus sanctorum moenia seruet?
gen.631
quinquies ex denis capiens primordia summae,
gen.632
a bis quinque uiris cognoscit tegmine forti
gen.633
oppressum uitiis populum uitare ruinam.
gen.634
ilicet ad Sodomam ueniunt duo. Natus et Altor,
gen.635
hesperus umenti cum iam prorumperet igni.
gen.636
illic pro foribus Lodus de more sedebat.
gen.637
cumque uiros simili lustrasset corpore claros,
gen.638
pronus adoratos consueta ad limina duxit,
gen.639
optantes media potius habitare platea.
gen.640
azyma quos tenui de polline candida pascit.
gen.641
sopitaque dehinc conponunt membra cubili.
gen.642
ecce furens tota procurrit turba Gomorrae.
gen.643
seditione truci circumdans atria Lotis,
gen.644
atque uiros poscens tumido dilitigat ore.
gen.645
ille memor pacis temptat mollire frementes
gen.646
atque etiam natas cupide dementibus offert,
gen.647
ut licito potius luxu peruersa uoluptas
gen.648
aestuet. a simili disiungens turpia sexu.
gen.649
sed nil dicta mouent. franguntur limina ferro.
gen.650
ac dum se glomerant, dum fortia claustra reuellunt,
gen.651
lumina saepta sibi piceis gemuere tenebris.
gen.652
his actis, auferre procul sua pignora iussus,
gen.653
inuitat generos sensu torpente negantes.
gen.654
quod tamen adsiduo potuit mens blanda rogare.
gen.655
eduxit natas coram genetrice sequentes.
gen.656
ac dum progreditur, dum scandit culmina collis
gen.657
oppositi secumque putat, quid deinde sequatur,
gen.658
femina postergum positas dum respicit arces,
gen.659
diriguit. speciemque salis pro corpore sumpsit.
gen.660
ille subit celsae securus tecta Segorae.
gen.661
mox fragor horrisono de sidere fulmina torquet
gen.662
sulpureaeque ruunt olido cum turbine flammae,
gen.663
quae pariter muros atque ardua culmina lambunt.
gen.664
omnibus in cinerem celeri cum labe reuulsis
gen.665
cernebat rutilo surgentes uertice flammas
gen.666
eminus Abramus, memori cum pectore tractans
gen.667
in uerbis domini numquam se adiungere mendum.
gen.668
nec minus et Lodus tuta conpostus in aula
gen.669
solamen tenero natis praestabat amore,
gen.670
quae sine coniugibus nequibant edere prolem.
gen.671
hae, cum perspicerent sublatum germinis usum
gen.672
maternumque decus solo genitore relicto,
gen.673
conponunt epulas ac promunt uina parenti,
gen.674
nescius ut uetitum natarum nosceret usum.
gen.675
nec mora, femineis concrescit sarcina fibris
gen.676
et parili ambarum uitalia fomite turgent.
gen.677
prima creat puerum patrio sermone Moabum,
gen.678
altera disparibus Ammanum nuncupat orsis.
gen.679
hic pater Ammorum, genitor Moabitibus ille est.
gen.680
Interea excedit positis de sedibus Abram
gen.681
et Gerarum ad terras socia cum coniuge transit.
gen.682
hic Abimelechus cupiens consortia Sarrae
gen.683
principis arbitrio (germanam nam fore uates
gen.684
dixerat eximius, fraudem ne forma pararet
gen.685
coniugis innocuo, riuales dum cauet iras)
gen.686
nec tamen eualuit ualidis terroribus actus.
gen.687
qui mentem adficiunt, quotiens peruersa libido est:
gen.688
nam deus inmisso torsit lictore tyrannum,
gen.689
qui cum terrifico rupisset somnia uisu,
gen.690
prosequitur trepidus uatem uix mente reuersa,
gen.691
cui Sarra sit dicta soror, ceu nulla mariti
gen.692
uincla ligent nuptam, quae sit coniuncta prophetae.
gen.693
ille docet causas seseque a crimine purgat,
gen.694
mentitus nihilum; patris nam germine creta
gen.695
Sarra fuit. iuncta deducens linea sanguem.
gen.696
haec ubi constiterant, rector dat mille talenta
gen.697
et famulos; his molle pecus armentaque iungit.
gen.698
iugera quin etiam latos diffusa per agros,
gen.699
dummodo promeritum lenirent dona reatum.

Corpus Scriptorum Ecclesiasticorum Latinorum. CTS URN stoa0104c.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.