Heptateuchos

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 5,575 sections

gen.401
ilicet impletur positis cultoribus orbis
gen.402
diuiduusque locus mox est Confusio dictus.
gen.403
Hos sequitur, domino multum qui credidit. Abram.
gen.404
quem genuit prisco de nomine Thara uocatus.
gen.405
iungitur et Lothus iuncto de sanguine frater.
gen.406
hi cum iam ualidi fierent pubentibus annis,
gen.407
coniugium iunxere sibi: Lod foedere Melchae
gen.408
gaudet, et Abramo ditescit coniuge Sarra,
gen.409
quae tamen ad senium duxit sine pignore uitam.
gen.410
hos Thara sollicite Chaldaeo de grege dempsit,
gen.411
dum Channana placent frondosis collibus arua.
gen.412
sed deus, electi qui sensum nosceret Abrae,
gen.413
imperat, ut sedes alia regione capessat:
gen.414
"Heia age, festinans patriis te dimoue terris
gen.415
cognatasque domus et limina sueta relinque;
gen.416
nam procerem inmensae faciam te iam fore gentis.
gen.417
insuper his addam, ut, te quicumque malignis
gen.418
uulnerat eloquiis, domini maledictus ab ore
gen.419
tristia quaeque ferat; at qui sermone benigno
gen.420
commoda denarrat. sit laeto grandior actu."
gen.421
mutantur sedes, Sychemis castra locantur,
gen.422
quae dominus uati longum despondit in aeuum.
gen.423
illic deproperans sacratas suscitat aras:
gen.424
conscendens montem, fractas qui respuit undas
gen.425
et rubicunda tumens prospectat lumina solis, ...
gen.426
hic etiam positis fundatur molibus altar
gen.427
oraturque deus, sola cum deinde per arua
gen.428
uates agit, qua terra iacet disiuncta colonis;
gen.429
quae dum perpetuo uenis sitientibus aret,
gen.430
incussit ieiuna famem, cui cura cohaeret.
gen.431
hoc fecunda metu Nilotica rura petuntur.
gen.432
et quia conspicuo canderet corpore Sarra,
gen.433
mandatur nullo nuptam se dicere uinclo,
gen.434
sed fore germanam, ne fors inmanibus ausis
gen.435
effrenis turbae zelum noxale marito
gen.436
gigneret atque aemulum tristis riualis haberet.
gen.437
hunc mirata quidem uenientem turba Canopi,
gen.438
omnimodis Sarram cupido de lumine lustrat.
gen.439
atque ubi per proceres laudata et tradita regi est,
gen.440
dulcibus accipitur uotis uerbisque propheta.
gen.441
non tamen inpositum uoluit rex aetheris illi;
gen.442
nam multis magnisque simul terroribus actum
gen.443
proturbat regem, noxalis qui reus ausi
gen.444
obiurgat procerem, germanam cur magis esse
gen.445
dixerit uxorem falsoque inluserit astu.
gen.446
inde iubet laetum nuptam deducere secum,
gen.447
armenti et quidquid patriis adduxerat oris.
gen.448
namque deus seruo semper concordia fanti
gen.449
ingentes census et maxima quaeque dicarat.
gen.450
accipit et Lodus, quaecumque aduexerat illic,
gen.451
et reduces patrias tandem sistuntur ad oras.
gen.452
atque ibi dum gregibus intercursantibus errant,
gen.453
pastores pecorum sese certamine pulsant,
gen.454
pascua quod fetas artarent parua duorum.
gen.455
sed pater. indomitas cupiens conponere rixas.
gen.456
optulit, ut frater, quae uellet, sumeret arua.
gen.457
ille libens paret, Iordanis litora poscens,
gen.458
qui fluuius dudum, Nili uice dum tumet undis,
gen.459
amne superfuso campos ditabat opimos.
gen.460
Channanaea senex uenienti iugera soi-te
gen.461
accipit et uirides sistit armenta per agros.
gen.462
sed non perpetuas licitum conponere sedes:
gen.463
namque pater iussus terram lustrare tuendo.
gen.464
flammeus e celsis quam sol utrumque recurrens
gen.465
aspicit aut gemini despectant usque triones,
gen.466
promissam generi tanto genitore creando.
gen.467
cuius qui numerum gestit conprendere fatu,
gen.468
stellarum citius turbas uel dicet harenae,
gen.469
quas pelagus dubio nonnumquam litore nudat.
gen.470
tendit et ad quercum prisco de nomine Mambram
gen.471
perpetuoque deo praecelsum dedicat altar.
gen.472
nec mora, diuiduos postquam concordia fratres
gen.473
fecerat optatos conponere regna per agros.
gen.474
consurgunt reges numerosa ex gente quaterni
gen.475
et Sodomam multo pugnaces milite uastant,
gen.476
quaternaeque acies bino bis principe fultae
gen.477
ualle tenus Salsa ferrum per nubila torquent.
gen.478
quinque fugam capiunt linquentes bella tyranni
gen.479
praecipitique fuga frondosis montibus abdunt,
gen.480
quod potuit superesse neci; qui nomine uero
gen.481
dicuntur Ariocha, Dachar, Godolla Gomurus
gen.482
atque etiam pulchris inhians Amarphalus annis.
gen.483
haec inter, quae multa fiunt discrimine belli,
gen.484
Lod etiam capitur tota cum stirpe domoque.
gen.485
quod ubi tristifico narrauit nuntius ore,
gen.486
consurgit uates, seruorum de grege multo
gen.487
ter centum famulos, nouies bis auctius addens,
gen.488
ad bellum dux ipse ciet ferrumque retractat.
gen.489
nocte super media nil iam metuentibus instat
gen.490
uictoresque fugat multosque interficit hostes.
gen.491
quin etiam fratrem tanto discrimine demptum
gen.492
accipit et praedam lato trahit agmine secum.
gen.493
excipitur laeta Sodomorum laude procorum
gen.494
pontificisque dei, sancto qui nobilis actu, —
gen.495
Melchisedechus erat, princeps rectorque Salemae —
gen.4951
et benedixit ei panem uinumque praesentans —
gen.496
et decimos fructus Abrami ex munere sumpsit. —
gen.497
is petit, ut captos dignetur reddere uictor,
gen.498
cetera pro meritis belli sub lege laturus.
gen.499
sed contenta suo uictrix moderamine uirtus

Corpus Scriptorum Ecclesiasticorum Latinorum. CTS URN stoa0104c.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.