Heptateuchos

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 5,575 sections

gen.301
qui leuibus pinnis uolucri dum flamine fertur,
gen.302
non rediit, iusti suspendens uota prophetae.
gen.303
post hunc albentem mittit per stagna columbam,
gen.304
quae super aequoreum campum defessa uolatu,
gen.305
nusquam nancta solum, uati se reddidit almo.
gen.306
cumque recurrentis fulgerent septima solis
gen.307
lumina. dimittit pinna plaudente uolucrem,
gen.308
quae nemore inuento ramis praepinguis oliuae
gen.309
ora referta tulit, cum iam per sidera uesper
gen.310
surgeret ac tremulo noctem praecurreret igni.
gen.311
inde iterum septem transcursis rite diebus
gen.312
mittitur in pelagus ales, quae lapsa meatu
gen.313
perceleri numquam sociae se reddidit aulae.
gen.314
sescentos igitur iam tum transgressus et unum
gen.315
orbes erat uates. primo iam mense secuto
gen.316
atque die mensis primo, cum libera tellus
gen.317
uisa aperire procul montes ac uoluere fumum,
gen.318
quos super undarat ter quinas pontus in ulnas:
gen.319
decurso iam mense dehinc cum trina secundo
gen.320
lumina restarent, toto iam libera fluctu
gen.321
terra fuit propriumque ostendit laeta uirorem.
gen.322
ergo ubi nudatis consedit montibus arca.
gen.323
Araratum qui nomen habent sermone uetusto,
gen.324
laxat claustra senex reddens noua semina terrae
gen.325
exstruxitque libens sacraria festa tonanti
gen.326
atque memor uoti adolet dum altaria flammis,
gen.327
hostia digna fuit, mites dum gignit odores,
gen.328
qui dominum coram laetis cum flatibus halant.
gen.329
tum. ne consimili pereat discrimine terra,
gen.330
diluuium dominus uentura in tempora tollit,
gen.331
festinos menses et tempora mobilis anni
gen.332
inrequieta iubens consuetos uoluere cursus:
gen.333
sed croceum tantum curuandum in nubibus arcum,
gen.334
candida cum sudo praerorant sidera nimbo.
gen.335
prosequitur uatem domini benedictio mitem,
gen.336
scilicet ut cunctis. quae tellus et mare gignit,
gen.337
imperitet fidus, cum sint subiecta regenti;
gen.338
admonitus pecudum carnes secernere mensis,
gen.339
quae non laxato uitam liquere cruore:
gen.340
idcirco quoniam multis haec indita mens est.
gen.341
"Ast homo si ferro fuerit uel dente ferino
gen.342
perditus, inquiram," dixit, "qui talia faxunt;
gen.343
similibus dant colla modis fusura cruorem."
gen.344
diuidit hinc dominus placiti mox pignora uatis
gen.345
fecundasque iubet discretim sumere terras,
gen.346
ut uacuum denso conplerent germine mundum.
gen.347
accipit hoc meritum domino donante propheta,
gen.348
vitis ut inuentor delibet candida uina.
gen.349
quem propere expletum cyathis somnoque grauatum
gen.350
derisit Chamus, de quo Channana iuuentus
gen.351
nascitur et proceris dixit de nomine gentem,
gen.352
fratribus ostentans nudatum membra parentem.
gen.353
qui pariles pietate tegunt uelantque iacentem:
gen.354
tergoribus studio iunctis dum lumina uertunt,
gen.355
sopitum gessere senem, nec turpia dictu
gen.356
membra uident, tenero flectentes colla pudore.
gen.357
id pietatis opus postquam iam mente serena
gen.358
cognouit uates, grassatum damnat in aeuum,
gen.359
germanis faciens ut sit postremus et acro
gen.360
subditus imperio fortesque exterritus oret.
gen.361
inde senex functus nongentos transit in annos,
gen.362
quinquies et denos, ut legis formula cauit.
gen.363
cuius progenies, properat dum ducere muros,
gen.364
condidit eximias uastis suspectibus urbes.
gen.365
dumque operi instantes certatim moenia condunt,
gen.366
nominibus signant Tharsum Citiumque Rodumque,
gen.367
exstantes portis, fluctu quas adluit aequor.
gen.368
Channanus hinc nomen habet, hinc Sidona surgit,
gen.369
inde Iebusaeus, Cethaeo adiunctus Amorrus,
gen.370
Gergessus ueget, Euaeus, Arucus, Asennus,
gen.371
Samarus, Aradius Orusque, et moenia quisquis
gen.372
Gaza colit, G Gomorra quibus Sodomaque iugantur
gen.373
atque Adama et Sebona, quis iunctim Lasa cohaeret.
gen.374
quin etiam et Massam faciunt similemque Sopheram
gen.375
celsiiugum et collem, nimbosas qui leuat arces,
gen.376
qua primum albentis prorumpit flamma diei.
gen.377
corpore de quorum Nembrodus nascitur, acro
gen.378
venatu adsuetus et membris grandibus exstans
gen.379
atque deum gaudens contra se adtollere sanctum,
gen.380
heroum de more ferox, quos ardua ceruix
gen.381
inmensumque caput sublimes tollit in auras.
gen.382
hic Babylona locat Orichamque Archata et Acallam
gen.383
Sinnacheros inter saltus; Assura deinde
gen.384
condit et eximiam tectis Nineua locauit
gen.385
et Robotham, Calchamque dehinc. Dasemata quarum
gen.386
distinguit saltus medioque in limite surgit.
gen.387
Dumque alacres certant et nomina moenibus indunt,
gen.388
in campum ueniunt Sennarum nomine dictum,
gen.389
molitique cauas ad sidera tollere turres
gen.390
non calcem faciunt, qua saxa inserta ligantur,
gen.391
sed lateres tosta lutei fornace coquuntur,
gen.392
ut prius inmensis fulgerent moenia tectis,
gen.393
quam noua discretas faceret migratio gentes.
gen.394
bitumen pro calce fuit, quod uellere molli
gen.395
ducitur et lento constringit corpore cautes.
gen.396
namque penes cunctos sermonis conscia lingua
gen.397
per similes fatus et ciuica uerba locuta est.
gen.398
denique descendit dominus et moenia uidit,
gen.399
praecipiens uarias raptim prorumpere uoces
gen.400
diuersosque sonos. quis gentes quaeque locuntur.

Corpus Scriptorum Ecclesiasticorum Latinorum. CTS URN stoa0104c.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.