Heptateuchos

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 5,575 sections

gen.101
protinus ira dei turbatam territat Aeuuam,
gen.102
auctorem uetiti dum quaerit maximus acti.
gen.103
illa sub haec pandit: "Serpentis suasa loquella
gen.104
accepi, fallente dolo blandoque rogatu.
gen.105
nam sua uipereis intexens uerba uenenis
gen.106
haec mihi prae cunctis narrauit dulcia pomis."
gen.107
Ilicet omnipotens condemnat gesta draconis
gen.108
praecipiens cunctis inuisum uiuere monstrum,
gen.109
pectore mox fuso prorepere, tum sola morsu
gen.110
mandere, mansuro quaecumque in tempora bello
gen.111
humanos inter sensus ipsumque labentem.
gen.112
uertice ut abiecto pronus post crura uirorum
gen.113
serperet et calces, dum labens comminus instat.
gen.114
femina fraudigeris misere decepta suadellis
gen.115
praecipitur duro discrimine ponere partum
gen.116
seruitiumque sui studio perferre mariti.
gen.117
"Tu uero, cui uisa fuit sententia uerax
gen.118
coniugis, inmiti cessit quae uicta draconi,
gen.119
deflebis miserum per tempora longa laborem.
gen.120
nam tibi triticeae surget pro germine messis
gen.121
carduus et spinis multum paliurus acutis,
gen.122
ut cum uisceribus lassis et pectore maesto
gen.123
plurima sollicitos praestent suspiria uictus,
gen.124
donec in occiduo uenientis tempore mortis,
gen.125
unde geris corpus, terrae reddare iacenti."
gen.126
His actis dominus trepidis dat taedia uitae
gen.127
deiectosque procul sacratis dimouet hortis
gen.128
obuersosque locat medioque eliminat igni,
gen.129
in quo perceleri Cherubin euoluitur aestu.
gen.130
dum calidus deferuet apex flammasque uolutat.
gen.131
quis dominus, pigro ne frigore membra rigerent.
gen.132
consuit euulsas pecudum de uiscere pelles,
gen.133
operiens nudos calidis de uestibus artus.
gen.134
Ergo ubi coniugio sese iam fidus Adamus
gen.135
esse uirum sensit, nomen genetricis amatae
gen.136
exhibet uxori: binos e germine fetus
gen.137
continuo genitor diuersis nuncupat orsis:
gen.138
Cainis hic nomen habet, cui iunctus Abelus
gen.139
innocuas multa seruabat cura bidentes:
gen.140
ast alius curuo terram uertebat aratro.
gen.141
hi cum perpetuo ferrent sua dona tonanti,
gen.142
dissimiles fructus sensu suadente dedere.
gen.143
nam prior uberibus fuerant quae prosata glaebis,
gen.144
obtulit, ast alius miti se deuouet agno,
gen.145
exta gerens sincera manu adipemque niualem,
gen.146
confestimque placet domino pia uota tuenti.
gen.147
quod propter gelida Cain incanduit ira.
gen.148
quem deus adloquio dignatus talibus infit:
gen.149
\'Dic mihi, si rectum uiuas et noxia cernas,
gen.150
degere non possis contracto a crimine purus?
gen.151
desine mordaci fratrem disperdere sensu,
gen.152
qui tibi ceu domino subiectus colla praebebit.
gen.153
nec tamen his fractus fratrem deducit ad arua
gen.154
atque. ubi deprensum deserto in gramine uidit,
gen.155
elidit geminis frendens pia guttura palmis.
gen.156
quod factum dominus caelo speculatus ab alto
gen.157
disquirit, quonam terrarum degat Abelus?
gen.158
ille negat positum custodem se fore fratris.
gen.159
cui deus effatur: "Nonne uox sanguinis eius
gen.160
ad me missa sonat celsumque ascendit ac axem?"
gen.161
nosce igitur mansura tibi pro crimine tanto-;
gen.162
nam modo quae maduit germani sanguine terra,
gen.163
inuiso maledicta tibi conmissa negabit
gen.164
semina et absumptis fructum non proferet herbis,
gen.165
torpidus ut multo conlidens membra tremore
gen.166
funere ceu iuncto semper suspiria ducas.
gen.167
territus ille gemit mortemque a numine poscit:
gen.168
quae tamen infenso non est concessa tonante :
gen.169
nam mala promeritus signo fit notus inusto,
gen.170
sternere ne ferro liceat cuicumque nocentem,
gen.171
ne maius septena parent discrimina funus.
gen.172
ilicet a facie domini ceu perditus exit,
gen.173
aedibus obuersis Naidae in caespite terrae,
gen.174
nec minus ex natis, genetrix quos fida creauit,
gen.175
nomine primaeui sublimem condidit urbem.
gen.176
Enochus Gaidada creat, hic deinde Malelum
gen.177
quo Mathusalamus sensim genitore sub auras
gen.178
exiit et longae produxit tempora uitae.
gen.179
ast Lamech. dirum qui perculit ense Cainem,
gen.180
perpetitur caeso multum grauiora nocente;
gen.181
crimina nam meritum decies septena cohercent.
gen.182
coniugibus hic facta gemens sese increpat ultro,
gen.183
quaium prima fuit Ada atque altera Sella.
gen.184
Iabelum sed prima creat, qui pastor in aruis
gen.185
gramineis laeta pecudes pascebat in herba.
gen.186
lobalus quem deinde subit, qui musica plectra
gen.187
repperit et uario concordes murmure chordas.
gen.188
Tobelum mox Sella parit, cui fundere riuos
gen.189
aeris erat moris ferrumque incude subactum
gen.190
diuersis formare modis stridente camino:
gen.191
quem Noemma sequens uno genitore creata est.
gen.192
Haec inter uegetis Adam non languidus annis;
gen.193
Sethum progenerat post mortem mitis Abelis.
gen.194
Enochum is deinde creat, cui candida corda
gen.195
largitus dominus. hoc se poscente rogari
gen.196
adnuit et placidae suscepit munera mentis.
gen.197
nongentos igitur postquam conplerat Adamus
gen.198
ter denosque annos, sopitus morte quieuit.
gen.199
longaeuusque dehinc nongentos quinque per annos
gen.200
Enochus uixit, quem Cainanus adaequans

Corpus Scriptorum Ecclesiasticorum Latinorum. CTS URN stoa0104c.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.