Carmina

Perseus Latin · Perseus Latin · 2,286 sections

lyrics.39.17
nunc Celtiber es: Celtiberia in terra,
lyrics.39.18
quod quisque minxit, hoc sibi solet mane
lyrics.39.19
dentem atque russam defricare gingivam,
lyrics.39.20
ut quo iste vester expolitior dens est,
lyrics.39.21
hoc te amplius bibisse praedicet loti.
lyrics.40.1
Quaenam te mala mens, miselle Ravide,
lyrics.40.2
agit praecipitem in meos iambos?
lyrics.40.3
quis deus tibi non bene advocatus
lyrics.40.4
vecordem parat excitare rixam?
lyrics.40.5
an ut pervenias in ora vulgi?
lyrics.40.6
quid vis? qua libet esse notus optas?
lyrics.40.7
eris, quandoquidem meos amores
lyrics.40.8
cum longa voluisti amare poena.
lyrics.41.1
Ameana puella defututa
lyrics.41.2
tota milia me decem poposcit,
lyrics.41.3
ista turpiculo puella naso,
lyrics.41.4
decoctoris amica Formiani.
lyrics.41.5
propinqui, quibus est puella curae,
lyrics.41.6
amicos medicosque convocate:
lyrics.41.7
non est sana puella, nec rogare
lyrics.41.8
qualis sit solet aes imaginosum.
lyrics.42.1
Adeste, hendecasyllabi, quot estis
lyrics.42.2
omnes undique, quotquot estis omnes.
lyrics.42.3
iocum me putat esse moecha turpis
lyrics.42.4
et negat mihi vestra reddituram
lyrics.42.5
pugillaria, si pati potestis.
lyrics.42.6
persequamur eam, et reflagitemus.
lyrics.42.7
quae sit quaeritis? illa quam videtis
lyrics.42.8
turpe incedere, mimice ac moleste
lyrics.42.9
ridentem catuli ore Gallicani.
lyrics.42.10
circumsistite eam, et reflagitate:
lyrics.42.11
moecha putida, redde codicillos,
lyrics.42.12
redde, putida moecha, codicillos.
lyrics.42.13
non assis facis? o lutum, lupanar,
lyrics.42.14
aut si perditius potes quid esse.
lyrics.42.15
sed non est tamen hoc satis putandum.
lyrics.42.16
quod si non aliud potest, ruborem
lyrics.42.17
ferreo canis exprimamus ore.
lyrics.42.18
conclamate iterum altiore voce
lyrics.42.19
moecha putida, redde codicillos,
lyrics.42.20
redde, putida moecha, codicillos.
lyrics.42.21
sed nil proficimus, nihil movetur.
lyrics.42.22
mutanda est ratio modusque nobis,
lyrics.42.23
si quid proficere amplius potestis,
lyrics.42.24
pudica et proba, redde codicillos.
lyrics.43.1
Salve, nec minimo puella naso
lyrics.43.2
nec bello pede nec nigris ocellis
lyrics.43.3
nec longis digitis nec ore sicco
lyrics.43.4
nec sane nimis elegante lingua,
lyrics.43.5
decoctoris amica Formiani.
lyrics.43.6
ten provincia narrat esse bellam?
lyrics.43.7
tecum Lesbia nostra comparatur?
lyrics.43.8
o saeclum insapiens et infacetum!
lyrics.44.1
O funde noster seu Sabine seu Tiburs
lyrics.44.2
(nam te esse Tiburtem autumant quibus non est
lyrics.44.3
cordi Catullum laedere: at quibus cordi est
lyrics.44.4
quovis Sabinum pignore esse contendunt),
lyrics.44.5
sed seu Sabine sive verius Tiburs,
lyrics.44.6
fui libenter in tua suburbana
lyrics.44.7
villa malamque pectore expuli tussim,
lyrics.44.8
non immerenti quam mihi meus venter,
lyrics.44.9
dum sumptuosas adpeto, dedit, cenas.
lyrics.44.10
nam, Sestianus dum volo esse conviva,
lyrics.44.11
orationem in Antium petitorem
lyrics.44.12
plenam veneni et pestilentiae legi.
lyrics.44.13
hic me gravido frigida et frequens tussis
lyrics.44.14
quassavit usque dum in tuum sinum fugi
lyrics.44.15
et me recuravi otioque et urtica.
lyrics.44.16
quare refectus maximas tibi grates
lyrics.44.17
ago, meum quod non es ulta peccatum.
lyrics.44.18
nec deprecor iam, si nefaria scripta
lyrics.44.19
Sesti recepso, quin gravedinem et tussim
lyrics.44.20
non mi, sed ipsi Sestio ferat frigus,
lyrics.44.21
qui tunc vocat me cum malum librum legi.
lyrics.45.1
Acmen Septimius suos amores
lyrics.45.2
tenens in gremio mea, inquit, Acme,
lyrics.45.3
ni te perdite amo atque amare porro
lyrics.45.4
omnes sum adsidue paratus annos
lyrics.45.5
quantum qui pote plurimum perire,
lyrics.45.6
solus in Libya Indiaque tosta
lyrics.45.7
caesio veniam obvius leoni.
lyrics.45.8
hoc ut dixit, Amor, sinistra ut ante,
lyrics.45.9
dextra sternuit adprobationem.
lyrics.45.10
at Acme leviter caput reflectens
lyrics.45.11
et dulcis pueri ebrios ocellos
lyrics.45.12
illo purpureo ore saviata
lyrics.45.13
sic, inquit, mea vita, Septimille,
lyrics.45.14
huic uni domino usque serviamus,
lyrics.45.15
ut multo mihi maior acriorque
lyrics.45.16
ignis mollibus ardet in medullis.
lyrics.45.17
hoc ut dixit, Arnor, sinistra ut ante,
lyrics.45.18
dextra sternuit adprobationem.
lyrics.45.19
nunc ab auspicio bono profecti
lyrics.45.20
mutuis animis amant amantur.
lyrics.45.21
unam Septimius misellus Acmen
lyrics.45.22
mavult quam Syrias Britanniasque:
lyrics.45.23
uno in Septimio fidelis Acme
lyrics.45.24
facit delicias libidinesque.
lyrics.45.25
quis ullos homines beatiores
lyrics.45.26
vidit, quis Venerem auspicatiorem?

Perseus Latin. CTS URN phi0472.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.