Carmina

Perseus Latin · Perseus Latin · 2,286 sections

lyrics.46.1
Iam ver egelidos refert tepores,
lyrics.46.2
iam caeli furor aequinoctialis
lyrics.46.3
iucundis Zephyri silescit auris.
lyrics.46.4
linquantur Phrygii, Catulle, campi
lyrics.46.5
Nicaeaeque ager uber aestuosae:
lyrics.46.6
ad claras Asiae volemus urbes.
lyrics.46.7
iam mens praetrepidans avet vagari,
lyrics.46.8
iam laeti studio pedes vigescunt.
lyrics.46.9
o dulces comitum valete coetus,
lyrics.46.10
longe quos simul a domo profectos
lyrics.46.11
diversae variae viae reportant.
lyrics.47.1
Porci et Socration, duae sinistrae
lyrics.47.2
Pisonis, scabies famesque mundi,
lyrics.47.3
vos Veraniolo meo et Fabullo
lyrics.47.4
verpus praeposuit Priapus ille?
lyrics.47.5
vos convivia lauta sumptuose
lyrics.47.6
de die facitis? mei sodales
lyrics.47.7
quaerunt in trivio vocationes?
lyrics.48.1
Mellitos oculos tuos, Iuventi,
lyrics.48.2
siquis me sinat usque basiare,
lyrics.48.3
usque ad milia basiem trecenta,
lyrics.48.4
nec unquam videar satur futurus,
lyrics.48.5
non si densior aridis aristis
lyrics.48.6
sit nostrae seges osculationis.
lyrics.49.1
Disertissime Romuli nepotum,
lyrics.49.2
quot sunt quotque fuere, Marce Tulli,
lyrics.49.3
quotque post aliis erunt in annis,
lyrics.49.4
gratias tibi maximas Catullus
lyrics.49.5
agit pessimus omnium poeta,
lyrics.49.6
tanto pessimus omnium poeta
lyrics.49.7
quanto tu optimus omnium patronus.
lyrics.50.1
Hesterno, Licini, die otiosi
lyrics.50.2
multum lusimus in meis tabellis,
lyrics.50.3
ut convenerat esse delicatos.
lyrics.50.4
scribens versiculos uterque nostrum
lyrics.50.5
ludebat numero modo hoc modo illoc,
lyrics.50.6
reddens mutua per iocum atque vinum.
lyrics.50.7
atque illinc abii tuo lepore
lyrics.50.8
incensus, Licini, facetiisque,
lyrics.50.9
ut nec me miserum cibus iuvaret,
lyrics.50.10
nec somnus tegeret quiete ocellos,
lyrics.50.11
sed toto indomitus furore lecto
lyrics.50.12
versarer cupiens videre lucem,
lyrics.50.13
ut tecum loquerer simulque ut essem.
lyrics.50.14
at defessa labore membra postquam
lyrics.50.15
semimortua lectulo iacebant,
lyrics.50.16
hoc, iucunde, tibi poema feci,
lyrics.50.17
ex quo perspiceres meum dolorem.
lyrics.50.18
nunc audax cave sis, precesque nostras,
lyrics.50.19
oramus, cave despuas, ocelle,
lyrics.50.20
ne poenas Nemesis reposcat a te.
lyrics.50.21
est vehemens dea: laedere hanc caveto.
lyrics.51.1
Ille mi par esse deo videtur,
lyrics.51.2
ille, si fas est, superare divos
lyrics.51.3
qui sedens adversus identidem te
lyrics.51.4
spectat et audit
lyrics.51.5
dulce ridentem, misero quod omnis
lyrics.51.6
eripit sensus mihi: nam simul te,
lyrics.51.7
Lesbia, adspexi, nihil est super mi
lyrics.51.9
lingua sed torpet, tenuis sub artus
lyrics.51.10
flamma demanat, sonitu suopte
lyrics.51.11
tintinant aures, gemina teguntur
lyrics.51.12
lumina nocte.
lyrics.51.13
otium, Catulle, tibi molestum est:
lyrics.51.14
otio exsultas nimiumque gestis.
lyrics.51.15
otium et reges prius et beatas
lyrics.51.16
perdidit urbes.
lyrics.52.1
Quid est, Catulle? quid moraris emori?
lyrics.52.2
sella in curuli struma Nonius sedet,
lyrics.52.3
per consulatum perierat Vatinius:
lyrics.52.4
quid est, Catulle? quid moraris emori?
lyrics.53.1
Risi nescio quem modo e corona,
lyrics.53.2
qui, cum mirifice Vatiniana
lyrics.53.3
meus crimina Calvus explicasset,
lyrics.53.4
admirans ait haec manusque tollens
lyrics.53.5
di magni, salaputium disertum!
lyrics.54.1
Othonis caput oppido est pusillum,
lyrics.54.2
et eri rustica semilauta crura,
lyrics.54.3
subtile et leve peditum Libonis,
lyrics.54.4
si non omnia, displicere vellem
lyrics.54.5
tibi et Fuficio, seni recocto
lyrics.54.6
irascere iterum meis iambis
lyrics.54.7
immerentibus, unice imperator.
lyrics.55.1
Oramus, si forte non molestum est,
lyrics.55.2
demonstres ubi sint tuae tenebrae.
lyrics.55.3
te campo quaesivimus minore,
lyrics.55.4
te in circo, te in omnibus libellis,
lyrics.55.5
te in templo summi Iovis sacrato.
lyrics.55.6
in Magni simul ambulatione
lyrics.55.7
femellas omnes, amice, prendi,
lyrics.55.8
quas vultu vidi tamen serenas.
lyrics.55.9
† A velte sic ipse flagitabam:
lyrics.55.10
camerium mihi, pessimae puellae!
lyrics.55.11
quaedam inquit nudum † reduc †
lyrics.55.12
en hic in roseis latet papillis.
lyrics.55.13
sed te iam ferre Herculi labos est:
lyrics.55.23
Non custos si fingar ille Cretum,
lyrics.55.24
non si Pegaseo ferar volatu,
lyrics.55.25
non Ladas ego pinnipesve Perseus,
lyrics.55.26
non Rhesi niveae citaeque bigae:

Perseus Latin. CTS URN phi0472.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.