Carmina

Perseus Latin · Perseus Latin · 2,286 sections

lyrics.34.7
quam mater prope Deliam
lyrics.34.8
deposivit olivam,
lyrics.34.9
montium domina ut fores
lyrics.34.10
silvarumque virentium
lyrics.34.11
saltuumque reconditorum
lyrics.34.12
amniumque sonantum;
lyrics.34.13
tu Lucina dolentibus
lyrics.34.14
Iuno dicta puerperis,
lyrics.34.15
tu potens Trivia et notho es
lyrics.34.16
dicta lumine Luna.
lyrics.34.17
tu cursu, dea, menstruo
lyrics.34.18
metiens iter annuum
lyrics.34.19
rustica agricolae bonis
lyrics.34.20
tecta frugibus exples.
lyrics.34.21
sis quocumque tibi placet
lyrics.34.22
sancta nomine, Romulique,
lyrics.34.23
antique ut solita es, bona
lyrics.34.24
sospites ope gentem.
lyrics.35.1
Poetae tenero, meo sodali
lyrics.35.2
velim Caecilio, papyre, dicas,
lyrics.35.3
Veronam veniat, Novi relinquens
lyrics.35.4
Comi moenia Lariumque litus:
lyrics.35.5
nam quasdam volo cogitationes
lyrics.35.6
amici accipiat sui meique.
lyrics.35.7
quare, si sapiet, viam vorabit,
lyrics.35.8
quamvis candida milies puella
lyrics.35.9
euntem revocet manusque collo
lyrics.35.10
ambas iniciens roget morari,
lyrics.35.11
quae nunc, si mihi vera nuntiantur,
lyrics.35.12
illum deperit impotente amore:
lyrics.35.13
nam quo tempore legit incohatam
lyrics.35.14
Dindymi dominam, ex eo misellae
lyrics.35.15
ignes interiorem edunt medullam.
lyrics.35.16
ignosco tibi, Sapphica puella
lyrics.35.17
Musa doctior: est enim venuste
lyrics.35.18
Magna Caecilio incohata Mater.
lyrics.36.1
Annales Volusi, cacata charta,
lyrics.36.2
votum solvite pro mea puella:
lyrics.36.3
nam sanctae Veneri Cupidinique
lyrics.36.4
vovit, si sibi restitutus essem
lyrics.36.5
desissemque truces vibrare iambos,
lyrics.36.6
electissima pessimi poetae
lyrics.36.7
scripta tardipedi deo daturam
lyrics.36.8
infelicibus ustilanda lignis.
lyrics.36.9
et hoc pessima se puella vidit
lyrics.36.10
iocose lepide vovere divis.
lyrics.36.11
nunc, o caeruleo creata ponto,
lyrics.36.12
quae sanctum Idalium Uriosque apertos,
lyrics.36.13
quaeque Ancona Cnidumque harundinosam
lyrics.36.14
colis, quaeque Amathunta, quaeque Golgos,
lyrics.36.15
quaeque Durrachium Hadriae tabernam,
lyrics.36.16
acceptum face redditumque votum,
lyrics.36.17
si non inlepidum neque invenustum est.
lyrics.36.18
at vos interea venite in ignem,
lyrics.36.19
pleni ruris et inficetiarum
lyrics.36.20
Annales Volusi, cacata charta.
lyrics.37.1
Salax taberna vosque contubernales,
lyrics.37.2
a pilleatis nona fratribus pila,
lyrics.37.3
solis putatis esse mentulas vobis,
lyrics.37.4
solis licere quidquid est puellarum
lyrics.37.5
confutuere et putare ceteros hircos?
lyrics.37.6
an, continenter quod sedetis insulsi
lyrics.37.7
centum an ducenti, non putatis ausurum
lyrics.37.8
me una ducentos irrumare sessores?
lyrics.37.9
atqui putate: namque totius vobis
lyrics.37.10
frontem tabernae sopionibus scribam.
lyrics.37.11
puella nam mi, quae meo sinu fugit,
lyrics.37.12
amata tantum quantum amabitur nulla,
lyrics.37.13
pro qua mihi sunt magna bella pugnata,
lyrics.37.14
consedit istic. hanc boni beatique
lyrics.37.15
omnes amatis, et quidem, quod indignum est,
lyrics.37.16
omnes pusilli et semitarii moechi:
lyrics.37.17
tu praeter omnes une de capillatis,
lyrics.37.18
cuniculosae Celtiberiae fili,
lyrics.37.19
Egnati, opaca quem bonum facit barba
lyrics.37.20
et dens Hibera defricatus urina.
lyrics.38.1
Male est, Cornifici, tuo Catullo,
lyrics.38.2
male est me hercule ei et laboriose,
lyrics.38.3
et magis magis in dies et horas.
lyrics.38.4
quem tu, quod minimum facillimumque est,
lyrics.38.5
qua solatus es adlocutione?
lyrics.38.6
irascor tibi.sic meos amores?
lyrics.38.7
paulum quid libet adlocutionis,
lyrics.38.8
maestius lacrimis Simonideis.
lyrics.39.1
Egnatius, quod candidos habet dentes,
lyrics.39.2
renidet usque quaque.si ad rei ventum est
lyrics.39.3
subsellium, cum orator excitat fletum,
lyrics.39.4
renidet ille. si ad pii rogum fili
lyrics.39.5
lugetur, orba cum flet unicum mater,
lyrics.39.6
renidet ille.quidquid est, ubicumque est,
lyrics.39.7
quodcumque agit, renidet.hunc habet morbum
lyrics.39.8
neque elegantem, ut arbitror, neque urbanum.
lyrics.39.9
quare monendum est te mihi, bone Egnati.
lyrics.39.10
si urbanus esses aut Sabinus aut Tiburs
lyrics.39.11
aut parcus Umber aut obesus Etruscus
lyrics.39.12
aut Lanuvinus ater atque dentatus
lyrics.39.13
aut Transpadanus, ut meos quoque attingam,
lyrics.39.14
aut qui libet qui puriter lavit dentes,
lyrics.39.15
tamen renidere usque quaque te nollem;
lyrics.39.16
nam risu inepto res ineptior nulla est.

Perseus Latin. CTS URN phi0472.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.