Carmina

Perseus Latin · Perseus Latin · 2,286 sections

lyrics.26.3
nec saevi Boreae aut Apeliotae,
lyrics.26.4
verum ad milia quindecim et ducentos.
lyrics.26.5
o ventum horribilem atque pestilentem!
lyrics.27.1
Minister vetuli puer Falerni
lyrics.27.2
inger mi calices amariores,
lyrics.27.3
ut lex Postumiae iubet magistrae,
lyrics.27.4
ebrioso acino ebriosioris.
lyrics.27.5
at vos quo libet hinc abite, lymphae,
lyrics.27.6
vini pernicies, et ad severos
lyrics.27.7
migrate: hic merus est Thyonianus.
lyrics.28.1
Pisonis comites, cohors inanis
lyrics.28.2
aptis sarcinulis et expeditis,
lyrics.28.3
Verani optime tuque mi Fabulle,
lyrics.28.4
quid rerum geritis? Satisne cum isto
lyrics.28.5
vappa frigoraque et famem tulistis?
lyrics.28.6
ecquidnam in tabulis patet lucelli
lyrics.28.7
expensum, ut mihi, qui meum secutus
lyrics.28.8
praetorem refero datum lucello,
lyrics.28.9
o Memmi, bene me ac diu supinum
lyrics.28.10
tota ista trabe lentus irrumasti.
lyrics.28.11
sed, quantum video, pari fuistis
lyrics.28.12
casu: nam nihilo minore verpa
lyrics.28.13
farti estis. pete nobiles amicos.
lyrics.28.14
at vobis mala multa di deaeque
lyrics.28.15
dent, opprobria Romuli Remique.
lyrics.29.1
Quis hoc potest videre, quis potest pati,
lyrics.29.2
nisi impudicus et vorax et aleo,
lyrics.29.3
Mamurram habere quod comata Gallia
lyrics.29.4
habebat ante et ultima Britannia?
lyrics.29.5
Cinaede Romule, haec videbis et feres?
lyrics.29.6
et ille nunc superbus et superfluens
lyrics.29.7
perambulabit omnium cubilia
lyrics.29.8
ut albulus columbus aut Adoneus?
lyrics.29.9
cinaede Romule, haec videbis et feres?
lyrics.29.10
es impudicus et vorax et aleo.
lyrics.29.11
eone nomine, imperator unice,
lyrics.29.12
fuisti in ultima occidentis insula,
lyrics.29.13
ut ista vestra diffututa mentula
lyrics.29.14
ducenties comesset aut trecenties?
lyrics.29.15
quid est alid sinistra liberalitas?
lyrics.29.16
parum expatravit an parum elluatus est?
lyrics.29.17
paterna prima lancinata sunt bona;
lyrics.29.18
secunda praeda Pontica; inde tertia
lyrics.29.19
Hibera, quam scit amnis aurifer Tagus.
lyrics.29.20
nunc Galliae timetur et Britanniae.
lyrics.29.21
quid hunc malum fovetis? aut quid hic potest
lyrics.29.22
nisi uncta devorare patrimonia?
lyrics.29.23
eone nomine † urbis opulentissime
lyrics.29.24
socer generque, perdidistis omnia?
lyrics.30.1
Alfene immemor atque unanimis false sodalibus,
lyrics.30.2
iam te nil miseret, dure, tui dulcis amiculi?
lyrics.30.3
iam me prodere, iam non dubitas fallere, perfide?
lyrics.30.4
nec facta impia fallacum hominum caelicolis placent;
lyrics.30.5
quae tu neglegis, ac me miserum deseris in malis.
lyrics.30.6
eheu, quid faciant, dic, homines, cuive habeant fidem?
lyrics.30.7
certe tute iubebas animam tradere, inique, me
lyrics.30.8
inducens in amorem, quasi tuta omnia mi forent.
lyrics.30.9
idem nunc retrahis te ac tua dicta omnia factaque
lyrics.30.10
ventos irrita ferre ac nebulas aerias sinis.
lyrics.30.11
si tu oblitus es, at di meminerunt, meminit Fides,
lyrics.30.12
quae te ut paeniteat postmodo facti faciet tui.
lyrics.31.1
Paene insularum, Sirmio, insularumque
lyrics.31.2
ocelle, quascumque in liquentibus stagnis
lyrics.31.3
marique vasto fert uterque Neptunus,
lyrics.31.4
quam te libenter quamque laetus inviso,
lyrics.31.5
vix mi ipse credens Thyniam atque Bithynos
lyrics.31.6
liquisse campos et videre te in tuto!
lyrics.31.7
o quid solutis est beatius curis,
lyrics.31.8
cum mens onus reponit, ac peregrino
lyrics.31.9
labore fessi venimus larem ad nostrum
lyrics.31.10
desideratoque adquiescimus lecto?
lyrics.31.11
hoc est quod unum est pro laboribus tantis.
lyrics.31.12
salve, o venusta Sirmio, atque ero gaude;
lyrics.31.13
gaudete vosque, o Lydiae lacus undae;
lyrics.31.14
ridete, quidquid est domi cachinnorum.
lyrics.32.1
Amabo, mea dulcis Ipsithilla,
lyrics.32.2
meae deliciae, mei lepores,
lyrics.32.3
iube ad te veniam meridiatum.
lyrics.32.4
et si iusseris illud, adiuvato,
lyrics.32.5
ne quis liminis obseret tabellam,
lyrics.32.6
neu tibi libeat foras abire;
lyrics.32.7
sed domi maneas paresque nobis
lyrics.32.8
novem continuas fututiones.
lyrics.32.9
verum, si quid ages, statim iubeto:
lyrics.32.10
nam pransus iaceo et satur supinus
lyrics.32.11
pertundo tunicamque palliumque.
lyrics.33.1
O furum optime balneariorum
lyrics.33.2
Vibenni pater, et cinaede fili,
lyrics.33.3
(nam dextra pater inquinatiore,
lyrics.33.4
culo filius est voraciore)
lyrics.33.5
cur non exsilium malasque in oras
lyrics.33.6
itis, quandoquidem patris rapinae
lyrics.33.7
notae sunt populo, et natis pilosas,
lyrics.33.8
fili, non potes asse venditare?
lyrics.34.1
Dianae sumus in fide
lyrics.34.2
puellae et pueri integri;
lyrics.34.3
Dianam pueri integri
lyrics.34.4
puellaeque canamus.
lyrics.34.5
O Latonia, maximi
lyrics.34.6
magna progenies Iovis,

Perseus Latin. CTS URN phi0472.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.