Carmina

Perseus Latin · Perseus Latin · 2,286 sections

lyrics.17.13
bimuli tremula patris dormientis in ulna:
lyrics.17.14
cui cum sit viridissimo nupta flore puella
lyrics.17.15
(et puella tenellulo delicatior haedo,
lyrics.17.16
adservanda nigerrimis diligentius uvis),
lyrics.17.17
ludere hanc sinit ut libet, nec pili facit uni,
lyrics.17.18
nec se sublevat ex sua parte, sed velut alnus
lyrics.17.19
in fossa Liguri iacet suppernata securi,
lyrics.17.20
tantundem omnia sentiens quam si nulla sit usquam
lyrics.17.21
talis iste meus stupor nil videt, nihil audit,
lyrics.17.22
ipse qui sit, utrum sit an non sit, id quoque nescit.
lyrics.17.23
nunc eum volo de tuo ponte mittere pronum,
lyrics.17.24
si pote stolidum repente excitare veternum
lyrics.17.25
et supinum animum in gravi derelinquere caeno,
lyrics.17.26
ferream ut soleam tenaci in voragine mula.
lyrics.21.1
Aureli, pater esuritionum,
lyrics.21.2
non harum modo, sed quot aut fuerunt
lyrics.21.3
aut sunt aut aliis erunt in annis,
lyrics.21.4
pedicare cupis meos amores.
lyrics.21.5
nec clam: nam simul es, iocaris una,
lyrics.21.6
haerens ad latus omnia experiris.
lyrics.21.7
frustra: nam insidias mihi instruentem
lyrics.21.8
tangam te prior irrumatione.
lyrics.21.9
atque id si faceres satur, tacerem:
lyrics.21.10
nunc ipsum id doleo, quod esurire,
lyrics.21.11
ah me me, puer et sitire discet.
lyrics.21.12
quare desine, dum licet pudico,
lyrics.21.13
ne finem facias, sed irrumatus.
lyrics.22.1
Suffenus iste, Vare, quem probe nosti,
lyrics.22.2
homo est venustus et dicax et urbanus,
lyrics.22.3
idemque longe plurimos facit versus.
lyrics.22.4
puto esse ego illi milia aut decem aut plura
lyrics.22.5
perscripta, nec sic, ut fit, in palimpsesto
lyrics.22.6
relata: chartae regiae, novi libri,
lyrics.22.7
novi umbilici, lora, rubra membrana,
lyrics.22.8
derecta plumbo et pumice omnia aequata.
lyrics.22.9
haec cum legas tu, bellus ille et urbanus
lyrics.22.10
Suffenus unus caprimulgus aut fossor
lyrics.22.11
rursus videtur: tantum abhorret ac mutat.
lyrics.22.12
hoc quid putemus esse? Qui modo scurra
lyrics.22.13
aut si quid hac re tritius videbatur,
lyrics.22.14
idem infaceto est infacetior rure
lyrics.22.15
simul poemata attigit, neque idem unquam
lyrics.22.16
aeque est beatus ac poema cum scribit:
lyrics.22.17
tam gaudet in se tamque se ipse miratur.
lyrics.22.18
nimirum idem omnes fallimur, neque est quisquam
lyrics.22.19
quem non in aliqua re videre Suffenum
lyrics.22.20
possis. Suus cuique attributus est error,
lyrics.22.21
sed non videmus manticae quod in tergo est.
lyrics.23.1
Furi, cui neque servus est neque arca
lyrics.23.2
nec cimex neque araneus neque ignis,
lyrics.23.3
verum est et pater et noverca, quorum
lyrics.23.4
dentes vel silicem comesse possunt,
lyrics.23.5
est pulchre tibi cum tuo parente
lyrics.23.6
et cum coniuge lignea parentis.
lyrics.23.7
nec mirum: bene nam valetis omnes,
lyrics.23.8
pulchre concoquitis, nihil timetis,
lyrics.23.9
non incendia, non graves ruinas,
lyrics.23.10
non furta impia, non dolos veneni,
lyrics.23.11
non casus alios periculorum.
lyrics.23.12
atqui corpora sicciora cornu
lyrics.23.13
aut si quid magis aridum est habetis
lyrics.23.14
sole et frigore et esuritione.
lyrics.23.15
quare non tibi sit bene ac beate?
lyrics.23.16
a te sudor abest, abest saliva,
lyrics.23.17
mucusque et mala pituita nasi.
lyrics.23.18
hanc ad munditiem adde mundiorem,
lyrics.23.19
quod culus tibi purior salillo est,
lyrics.23.20
nec toto decies cacas in anno;
lyrics.23.21
atque id durius est faba et lapillis,
lyrics.23.22
quod tu si manibus teras fricesque,
lyrics.23.23
non unquam digitum inquinare possis.
lyrics.23.24
haec tu commoda tam beata, Furi,
lyrics.23.25
noli spernere nec putare parvi,
lyrics.23.26
et sestertia quae soles precari
lyrics.23.27
centum desine: nam satis beatu's.
lyrics.24.1
O qui flosculus es Iuventiorum,
lyrics.24.2
non horum modo, sed quot aut fuerunt
lyrics.24.3
aut posthac aliis erunt in annis,
lyrics.24.4
mallem divitias Midae dedisses
lyrics.24.5
isti cui neque servus est neque arca,
lyrics.24.6
quam sic te sineres ab illo amari.
lyrics.24.7
quid? Non est homo bellus? inquies. est:
lyrics.24.8
sed bello huic neque servus est neque arca.
lyrics.24.9
hoc tu quam libet abice elevaque:
lyrics.24.10
nec servum tamen ille habet neque arcam.
lyrics.25.1
Cinaede Thalle, mollior cuniculi capillo
lyrics.25.2
vel anseris medullula vel imula auricilla
lyrics.25.3
vel pene languido senis situque araneoso,
lyrics.25.4
idemque Thalle turbida rapacior procella,
lyrics.25.5
cum † diva mulier aries ostendit oscitantes,
lyrics.25.6
remitte pallium mihi meum quod involasti
lyrics.25.7
sudariumque Saetabum catagraphosque Thynos,
lyrics.25.8
inepte, quae palam soles habere tanquam avita.
lyrics.25.9
quae nunc tuis ab unguibus reglutina et remitte,
lyrics.25.10
ne laneum latusculum manusque mollicellas
lyrics.25.11
inusta turpiter tibi flagella conscribillent,
lyrics.25.12
et insolenter aestues velut minuta magno
lyrics.25.13
deprensa navis in mari vesaniente vento.
lyrics.26.1
Furi, villula vestra non ad Austri
lyrics.26.2
flatus opposita est neque ad Favoni

Perseus Latin. CTS URN phi0472.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.