Carmina

Perseus Latin · Perseus Latin · 2,286 sections

lyrics.12.3
tollis lintea neglegentiorum.
lyrics.12.4
hoc salsum esse putas? fugit te, inepte!
lyrics.12.5
quamvis sordida res et invenusta est
lyrics.12.6
non credis mihi?crede Pollioni
lyrics.12.7
fratri, qui tua furta vel talento
lyrics.12.8
mutari velit; est enim leporum
lyrics.12.9
disertus puer ac facetiarum.
lyrics.12.10
quare aut hendecasyllabos trecentos
lyrics.12.11
exspecta, aut mihi linteum remitte,
lyrics.12.12
quod me non movet aestimatione,
lyrics.12.13
verum est mnemosynum mei sodalis.
lyrics.12.14
nam sudaria Saetaba ex Hiberis
lyrics.12.15
miserunt mihi muneri Fabullus
lyrics.12.16
et Veranius: haec amem necesse est
lyrics.12.17
et Veraniolum meum et Fabullum.
lyrics.13.1
Cenabis bene, mi Fabulle, apud me
lyrics.13.2
paucis, si tibi di favent, diebus,
lyrics.13.3
si tecum attuleris bonam atque magnam
lyrics.13.4
cenam, non sine candida puella
lyrics.13.5
et vino et sale et omnibus cachinnis.
lyrics.13.6
haec si, inquam, attuleris, venuste noster
lyrics.13.7
cenabis bene; nam tui Catulli
lyrics.13.8
plenus sacculus est aranearum.
lyrics.13.9
sed contra accipies meros amores
lyrics.13.10
seu quid suavius elegantiusve est:
lyrics.13.11
nam unguentum dabo, quod meae puellae
lyrics.13.12
donarunt Veneres Cupidinesque,
lyrics.13.13
quod tu cum olfacies, deos rogabis
lyrics.13.14
totum ut te faciant, Fabulle, nasum.
lyrics.14.1
Ni te plus oculis meis amarem,
lyrics.14.2
iucundissime Calve, munere isto
lyrics.14.3
odissem te odio Vatiniano:
lyrics.14.4
nam quid feci ego quidve sum locutus,
lyrics.14.5
cur me tot male perderes poetis?
lyrics.14.6
isti di mala multa dent clienti
lyrics.14.7
qui tantum tibi misit impiorum.
lyrics.14.8
quod si, ut suspicor, hoc novum ac repertum
lyrics.14.9
munus dat tibi Sulla litterator,
lyrics.14.10
non est mi male, sed bene ac beate,
lyrics.14.11
quod non dispereunt tui labores.
lyrics.14.12
di magni, horribilem et sacrum libellum,
lyrics.14.13
quem tu scilicet ad tuum Catullum
lyrics.14.14
misti, continuo ut die periret,
lyrics.14.15
Saturnalibus, optimo dierum!
lyrics.14.16
non, non hoc tibi, false, sic abibit:
lyrics.14.17
nam, si luxerit, ad librariorum
lyrics.14.18
curram scrinia, Caesios, Aquinos,
lyrics.14.19
Suffenum, omnia colligam venena,
lyrics.14.20
ac te his suppliciis remunerabor.
lyrics.14.21
vos hinc interea valete, abite
lyrics.14.22
illuc unde malum pedem attulistis,
lyrics.14.23
saecli incommoda, pessimi poetae.
lyrics.14a.1
Si qui forte mearum ineptiarum
lyrics.14a.2
lectores eritis manusque vestras
lyrics.14a.3
non horrebitis admovere nobis,
lyrics.15.1
Commendo tibi me ac meos amores,
lyrics.15.2
Aureli. Veniam peto pudentem,
lyrics.15.3
ut, si quicquam animo tuo cupisti
lyrics.15.4
quod castum expeteres et integellum,
lyrics.15.5
conserves puerum mihi pudice,
lyrics.15.6
non dico a populo: nihil veremur
lyrics.15.7
istos qui in platea modo huc modo illuc
lyrics.15.8
in re praetereunt sua occupati;
lyrics.15.9
verum a te metuo tuoque pene
lyrics.15.10
infesto pueris bonis malisque.
lyrics.15.11
quem tu qua libet, ut libet moveto
lyrics.15.12
quantum vis, ubi erit foris paratum:
lyrics.15.13
hunc unum excipio, ut puto, pudenter.
lyrics.15.14
quod si te mala mens furorque vecors
lyrics.15.15
in tantam impulerit, sceleste, culpam,
lyrics.15.16
ut nostrum insidiis caput lacessas,
lyrics.15.17
ah tum te miserum malique fati,
lyrics.15.18
quem attractis pedibus patente porta
lyrics.15.19
percurrent raphanique mugilesque.
lyrics.16.1
Pedicabo ego vos et irrumabo,
lyrics.16.2
Aureli pathice et cinaede Furi,
lyrics.16.3
qui me ex versiculis meis putastis,
lyrics.16.4
quod sunt molliculi, parum pudicum.
lyrics.16.5
nam castum esse decet pium poetam
lyrics.16.6
ipsum, versiculos nihil necesse est,
lyrics.16.7
qui tum denique habent salem ac leporem,
lyrics.16.8
si sunt molliculi ac parum pudici
lyrics.16.9
et quod pruriat incitare possunt,
lyrics.16.10
non dico pueris, sed his pilosis,
lyrics.16.11
qui duros nequeunt movere lumbos.
lyrics.16.12
vos quod milia multa basiorum
lyrics.16.13
legistis, male me marem putatis?
lyrics.16.14
pedicabo ego vos et irrumabo.
lyrics.17.1
O Colonia, quae cupis ponte ludere longo,
lyrics.17.2
et salire paratum habes, sed vereris inepta
lyrics.17.3
crura ponticuli assulis stantis in redivivis,
lyrics.17.4
ne supinus eat cavaque in palude recumbat,
lyrics.17.5
sic tibi bonus ex tua pons libidine fiat,
lyrics.17.6
in quo vel Salisubsili sacra suscipiantur,
lyrics.17.7
munus hoc mihi maximi da, Colonia, risus.
lyrics.17.8
quendam municipem meum de tuo volo ponte
lyrics.17.9
ire praecipitem in lutum per caputque pedesque,
lyrics.17.10
verum totius ut lacus putidaeque paludis
lyrics.17.11
lividissima maximeque est profunda vorago.
lyrics.17.12
insulsissimus est homo, nec sapit pueri instar

Perseus Latin. CTS URN phi0472.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.