Eunuchus

Perseus Latin · Perseus Latin · 1,575 sections

2.2.251
Quicquid dicunt laudo: id rursum si negant, laudo id quoque.
2.2.252
Negat quis? nego: ait? aio. Postremo imperavi egomet mihi
2.2.253
Omnia assentari. Is quaestus nunc est multo uberrimus.
2.2.254
Scitum hercle hominem! hic homines prorsum ex stultis insanos facit.
2.2.255
Dum haec loquimur interea loci ad macellum ubi advenimus,
2.2.256
Concurrunt laeti mihi obviam cupediarii omnes,
2.2.257
Cetarii, lanii, coqui, fartores, piscatores;
2.2.258
Quibus et re salva et perdita profueram, et prosum saepe.
2.2.259
Salutant; ad coenam vocant; adventum gratulantur.
2.2.260
Ille ubi miser famelicus videt me esse in tanto honore,
2.2.261
Et tam facile victum quaerere, ibi homo coepit me obsecrare
2.2.262
Ut sibi liceret discere id de me: sectari iussi;
2.2.263
Si potis est, tanquam philosophorum habent disciplina ex ipsis
2.2.264
Vocabula, parasiti item ut Gnathonici vocentur.
2.2.265
Viden otium et cibus quid faciat alienus?
2.2.265b
Sed ego cesso
2.2.266
Ad Thaidem hanc deducere, et rogitare ad coenam ut veniat?
2.2.267
Sed Parmenonem ante ostium Thaidis tristem video,
2.2.268
Rivalis servum. Salva res est: nimirum homines frigent.
2.2.269
Nebulonem hunc certum est ludere.
2.2.269b
Hice hoc munere arbitrantur
2.2.270
Suam Thaidem esse.
2.2.270b
Plurima salute Parmenonem
2.2.271
Summum suum impertit Gnatho. Quid agitur?
2.2.271b
Statur.
2.2.271c
Video.
2.2.272
Numquidnam quod nolis vides?
2.2.272b
Te.
2.2.272c
Credo; at numquid aliud?
2.2.273
Quidum?
2.2.273b
Quia tristis es.
2.2.273c
Nihil equidem.
2.2.273d
Ne sis: sed quid videtur
2.2.274
Hoc tibi mancipium?
2.2.274b
Non malum hercle.
2.2.274c
Uro hominem.
2.2.274d
Ut falsus animi est!
2.2.275
Quam hoc munus gratum Thaidi arbitrare esse?
2.2.275b
Hoc nunc dicis,
2.2.276
Eiectos hinc nos: omnium rerum, heus, vicissitudo est.
2.2.277
Sex ego te totos Parmeno hos menses quietum reddam,
2.2.278
Ne sursum deorsum cursites, neve usque ad lucem vigiles.
2.2.279
Ecquid beo te?
2.2.279b
Men? papae!
2.2.279c
Sic soleo amicos.
2.2.279d
Laudo.
2.2.280
Detineo te fortasse: tu profectus alio fueras.
2.2.281
Nusquam.
2.2.281b
Tum tu igitur paululum da mihi operae: fac ut admittar
2.2.282
Ad illam.
2.2.282b
Age modo; nunc tibi patent fores hae, quia istam ducis.
2.2.283
Numquam evocari hinc vis foras?
2.2.283b
Sine biduum hoc praetereat:
2.2.284
Qui mihi nunc uno digitulo fores aperis fortunatus
2.2.285
Nae tu istas faxo calcibus saepe insultabis frustra.
2.2.286
Etiam nunc hic stas Parmeno? eho numnam hic relictus custos,
2.2.287
Ne quis forte internuntius clam a milite ad istam curset?
2.2.288
Facete dictum: mira vero militi quae placeant.
2.2.289
Sed video herilem filium minorem huc advenire.
2.2.290
Miror quid ex Piraeeo abierit; nam ibi custos publice est nunc.
2.2.291
Non temere est; et properans venit: nescio quid circumspectat.
2.3.292
Occidi.
2.3.293
Neque virgo est usquam; neque ego, qui illam e conspectu amisi meo.
2.3.294
Ubi quaeram? Ubi investigem? Quem perconter? Quam insistam viam?
2.3.295
Incertus sum: una haec spes est; ubi ubi est, diu celari non potest.
2.3.296
O faciem pulchramn! deleo omnes dehinc ex animo mulieros.
2.3.297
Taedet quotidianarum harum formarum.
2.3.297b
Ecce autem alterum!
2.3.298
Nescio quid de more loquitur.
2.3.298b
O infortunatum senem!
2.3.299
Hic vero est qui si occeperit lucidum iocumque dices
2.3.300
Illum alterum fuisse praeut quae dabit huius rabies.
2.3.301
Ut illum Di Deaeque senium perdant qui me hodie remoratus est,
2.3.302
Meque adeo qui restiterim; tum autem qui illum floccifecerim.
2.3.303
Sed eccum Parmenonem: salve.
2.3.303b
Quid tu es tristis? quidve es alacris?
2.3.304
Unde is?
2.3.304b
Egone? nescio hercle, neque unde eam, neque quorsumn eam:
2.3.305
Ita prorsum oblitus sum mei.
2.3.306
Qui quaeso?
2.3.306b
Amo.
2.3.306c
Hem!
2.3.306d
Nunc Parmeno te ostendes qui vir sies.
2.3.307
Scis te mihi saepe pollicitum esse; Chaerea aliquid inveni
2.3.308
Modo quod ames: in ea re utilitatem ego faciam ut cognoscas meam;
2.3.309
Cum in cellulam ad te patris penum omnem congerebam clanculum.
2.3.310
Age, inepte.
2.3.310b
Hoc hercle factum est: fac sis nunc promissa appareant;
2.3.311
Sive adeo digna res est ubi tu nervos intendas tuos.
2.3.312
Haud similis virgo est virginum nostrarum quas matres student
2.3.313
Demissis humeris esse, vincto pectore, ut gracilae sient.
2.3.314
Si qua est habitior paulo, pugilem esse aiunt, deducunt cibum.
2.3.315
Tametsi bona est natura, reddunt curatura iunceas:
2.3.316
Itaque ergo amantur.
2.3.316b
Quid tua istaec?
2.3.316c
Nova figura oris.
2.3.316d
Papae!
2.3.317
Color verus, corpus solidum et succi plenum.
2.3.317b
Anni?
2.3.317c
Anni? sedecim.

Perseus Latin. CTS URN phi0134.phi003.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.