Eunuchus

Perseus Latin · Perseus Latin · 1,575 sections

2.3.318
Flos ipse.
2.3.318b
Hanc tu mihi vel vi vel clam vel precario
2.3.319
Fac tradas: mea nihil refert, dum potiar modo.
2.3.320
Quid? virgo cuia est?
2.3.320b
Nescio hercle.
2.3.320c
Unde est?
2.3.320d
Tantundem.
2.3.320e
Ubi habitat?
2.3.321
Ne id quidem.
2.3.321b
Ubi vidisti?
2.3.321c
In via.
2.3.321d
Qua ratione amisti?
2.3.322
Id equidem adveniens mecum stomachabar modo;
2.3.323
Nec quenquam esse ego hominem arbitror cui magis bonae
2.3.324
Felicitates omnes adversae sient.
2.3.325
Quid hoc est sceleris?
2.3.325b
Perii.
2.3.325c
Quid factum est?
2.3.325d
Rogas?
2.3.326
Patris cognatum atque aequalem Archidemidem,
2.3.327
Novistin?
2.3.327b
Quidni?
2.3.327c
Is dum sequor hanc fit mihi obviam.
2.3.328
Incommode hercle.
2.3.328b
Immo enimvero infeliciter;
2.3.329
Nam incommoda alia sunt cicenda, Parmeno.
2.3.330
Illum liquet mihi deierare his mensibus
2.3.331
Sex septem prorsum non vidisse proximis,
2.3.332
Nisi nunc cum minime vellem minimeque opus fuit.
2.3.333
Eho nonne hoc monstri simile est? quid ais?
2.3.333b
Maxime.
2.3.334
Continuo accurrit ad me quam longe quidem,
2.3.335
Incurvus, tremulus, labiis demissis, gemens.
2.3.336
Heus! heus! tibi dico Chaerea, inquit. Restiti.
2.3.337
Scin quid ego te volebam? Dic. Cras est mihi
2.3.338
Iudicium. Quid tum? Ut diligenter nunties
2.3.339
Patri, advocatus mane mihi esse ut meminerit.
2.3.340
Dum haec dicit, abiit hora. Rogo numquid velit?
2.3.341
Recte, inquit. Abeo. Cum huc respicio ad virginem,
2.3.342
Illa sese interea commodum huc adverterat
2.3.343
In hanc nostram plateam.
2.3.343b
Mirum ni hanc dicit modo
2.3.344
Huic quae data est dono.
2.3.344b
Huc cum advenio nulla erat.
2.3.345
Comites secuti scilicet sunt virginem.
2.3.346
Verum: parasitus cum ancilla.
2.3.346b
Ipsa est: ilicet:
2.3.347
Desine: iam conclamatum est.
2.3.347b
Alias res agis.
2.3.348
Istuc ago quidem.
2.3.348b
Nostin quae sit? die mihi:
2.3.349
Aut vidistin?
2.3.349b
Vidi; novi; scio quo abducta sit.
2.3.350
Eho Parmeno mi nostin?
2.3.350b
Novi.
2.3.350c
Et scis ubi siet?
2.3.351
Huc deducta est ad meretricem Thaidem: ei dono data est.
2.3.352
Quis is est tam potens cum tanto munere hoc?
2.3.352b
Miles Thraso,
2.3.353
Phaedriae rivalis.
2.3.353b
Duras fratris partes praedicas.
2.3.354
Immo enim si scias quod donum huic dono contra comparet,
2.3.355
Tum id magis dicas.
2.3.355b
Quodnam quaeso hercle?
2.3.355c
Eunuchum.
2.3.355d
Illumne obsecro
2.3.356
Inhonestum hominem quem mercatus est heri, senem, mulierem?
2.3.357
Istune ipsum.
2.3.357b
Homo quatietur certe cum dono foras.
2.3.358
Sed istam Thaidem non scivi nobis vicinam.
2.3.358b
Haud diu est.
2.3.359
Perii! numquamne etiam me illam vidisse? ehodum dic mihi;
2.3.360
Estne ut fertur forma?
2.3.360b
Sane.
2.3.360c
At nihil ad nostram hanc.
2.3.360d
Alia res.
2.3.361
Obsecro hercle Parmeno fac ut potiar.
2.3.361b
Faciam sedulo ac
2.3.362
Dabo operam; adiuvabo: numquid me aliud vis?
2.3.362b
Quo nunc is?
2.3.362c
Domum,
2.3.363
Ut mancipia haec, ita ut iussit frater, ducam ad Thaidem.
2.3.364
O fortunatum istum eunuchum qui quidem in hanc detur domum!
2.3.365
Quid ita?
2.3.365b
Rogitas? Summa forma semper conservam domi
2.3.366
Videbit; colloquetur; aderit una in unis aedibus;
2.3.367
Cibum nonnumquam capiet cum ea; interdum propter dormiet.
2.3.368
Quid si nunc tute fortunatus fias?
2.3.368b
Qua re Parmeno?
2.3.369
Responde.
2.3.369b
Capias tu illius vestem.
2.3.369c
Vestem? quid tum postea?
2.3.370
Pro illo te ducam.
2.3.370b
Audio.
2.3.370c
Te esse illum dicam.
2.3.370d
Intelligo.
2.3.371
Tu illis fruare commodis quibus tu illum dicebas modo;
2.3.372
Cibum una capias, adsis, tangas, ludas, propter dormias;
2.3.373
Quandoquidem illarum neque te quisquam novit, neque scit qui sies.
2.3.374
Praeterea forma et aetas ipsa est facile ut pro eunucho probes.

Perseus Latin. CTS URN phi0134.phi003.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.