Heautontimorumenos

Perseus Latin · Perseus Latin · 1,535 sections

2.3.326
Harum duarum conditionum nunc utram malis vide;
2.3.327
Etsi consilium quod cepi rectum esse et tutum scio:
2.3.328
Nam apud patrem tua amica tecum sine metu ut sit copia est.
2.3.329
Tum quod illi argentum es pollicitus eadem hac inveniam via;
2.3.330
Quod ut efficerem orando surdas iam aures reddideras mihi.
2.3.331
Quid aliud tibi vis?
2.3.331b
Siquidem hoc fit.
2.3.331c
Siquidem. Experiundo scies.
2.3.332
Age, age, cedo istuc tuum consilium: quid id est?
2.3.332b
Adsimulabimus
2.3.333
Tuam amicam huius esse.
2.3.333b
Pulchre: cedo quid hic faciet sua?
2.3.334
An ea quoque dicetur huius, si una haec dedecori est parum?
2.3.335
Immo ad tuam matrem abducetur.
2.3.335b
Quid eo?
2.3.335c
Longum est, Clitipho,
2.3.336
Si tibi narrem. Quamobrem id faciam vera causa est.
2.3.336b
Fabulae!
2.3.337
Nihil satis firmi video quamobrem accipere hunc mihi expediat metum.
2.3.338
Mane. Habeo aliud, si istud metuis; quod ambo confiteamini
2.3.339
Sine periclo esse.
2.3.339b
Huiusmodi, obsecro, aliquid reperi.
2.3.339c
Maxime.
2.3.340
Ibo obviam hinc: dicam ut revertantur domum.
2.3.340b
Hem!
2.3.341
Quid dixti?
2.3.341b
Ademtum tibi iam faxo omnem metum,
2.3.342
In aurem utramvis otiose ut dormias.
2.3.343
Quid ago nunc?
2.3.343b
Tune? quod boni est—
2.3.343c
Syre, dic modo
2.3.344
Verum.
2.3.344b
Age modo, hodie sero ac nequicquam voles.
2.3.345
Datur: fruare dum licet, nam nescias—
2.3.346
Syre, inquam.
2.3.346b
Perge porro; tamen istuc ago.
2.3.347
Eius sit potestas posthac an nunquam tibi.
2.3.348
Verum hercle istuc est. Syre, Syre inquam, heus, heus, Syre.
2.3.349
Concaluit: quid vis?
2.3.349b
Redi, redi.
2.3.349c
Adsum: dic quid est?
2.3.350
Iam hoc quoque negabis tibi placere?
2.3.350b
Immo, Syre,
2.3.351
Et me, et meum amorem, et famam permitto tibi.
2.3.352
Tu es iudex: ne quid accusandus sis vide.
2.3.353
Ridiculum est te istuc me admonere, Clitipho;
2.3.354
Quasi istic minor mea res agatur quam tua.
2.3.355
Hic si quid nobis forte adversi evenerit,
2.3.356
Tibi erunt parata verba, huic homini verbera;
2.3.357
Quapropter haec res neutiquam neglectu est mihi.
2.3.358
Sed istunc exora ut suam esse assimulet.
2.3.358b
Scilicet
2.3.359
Facturum me esse: in eum iam res rediit locum
2.3.360
Ut sit necessus.
2.3.360b
Amo te merito, Clinia.
2.3.361
Verum illa ne quid titubet.
2.3.361b
Perdocta est probe.
2.3.362
At hoc demiror, qui tam facile potueris
2.3.363
Persuadere illi quae solet quos spernere!
2.3.364
In tempore ad eam veni, quod rerum omnium est
2.3.365
Primum: nam quendam misere offendi militem
2.3.366
Eius noctem orantem: haec arte tractabat virum,
2.3.367
Ut illius animum cupidum inopia incenderet;
2.3.368
Eademque ut esset apud te hoc quam gratissimum.
2.3.369
Sed heus tu, vide sis ne quid imprudens ruas:
2.3.370
Patrem novisti ad has res quam sit perspicax:
2.3.371
Ego te autem novi quam esse soleas impotens:
2.3.372
Inversa verba, eversas cervices tuas,
2.3.373
Gemitus, screatus, tussis, risus abstine.
2.3.374
Laudabis.
2.3.374b
Vide sis.
2.3.374c
Tutemet mirabere.
2.3.375
Sed quam cito sunt consecutae mulieres!
2.3.376
Ubi sunt? cur retines?
2.3.376b
Iam nunc haec non est tua.
2.3.377
Scio; apud patrem: at nunc interim.
2.3.377b
Nihilo magis.
2.3.378
Sine.
2.3.378b
Non sinam, inquam.
2.3.378c
Quaeso, paulisper.
2.3.378d
Veto.
2.3.379
Saltem salutare.
2.3.379b
Abeas, si sapis.
2.3.379c
Eo.
2.3.380
Quid istic?
2.3.380b
Manebit.
2.3.380c
O hominem felicem!
2.3.380d
Ambula.
2.4.381
Edepol te, mea Antiphila, laudo et fortunatam iudico,
2.4.382
Id quum studuisti, isti formae ut mores consimiles forent:
2.4.383
Minimeque, ita me Di ament, miror, si te sibi quisque expetit.
2.4.384
Nam mihi quale ingenium haberes fuit indicio oratio.
2.4.385
Et quum egomet nunc mecum in animo vitam tuam considero,
2.4.386
Omniumque adeo vestrarum vulgus quae abs se segregant;
2.4.387
Et vos esse istiusmodi, et nos non esse, haud mirabile est.
2.4.388
Nam expedit bonas esse vobis: nos quibuscum est res non sinunt.
2.4.389
Quippe forma impulsi nostra nos amatores colunt:
2.4.390
Haec ubi immutata est, illi suum animum alio conferunt.
2.4.391
Nisi si prospectum interea aliquid est, desertae vivimus.
2.4.392
Vobis cum uno semel ubi aetatem agere decretum est viro,

Perseus Latin. CTS URN phi0134.phi002.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.