← All works

Heautontimorumenos

Perseus Latin · Perseus Latin · 1,535 sections

1. 2.3.250b

   Vae misero mihi, quanta de spe decidi!

2. 2.3.251

   Quid istuc? quae res te sollicitat autem?

3. 2.3.251b

   Rogitas quid siet?

4. 2.3.252

   Viden tu ancillas, aurum, vestem? quam ego cum una ancillula

5. 2.3.253

   Hic reliqui. Unde ea esse censes?

6. 2.3.253b

   Vah! nunc demum intelligo.

7. 2.3.254

   Di boni, quid turbae est? aedes nostrae vix capient, scio.

8. 2.3.255

   Quid comedent? quid ebibent? quid sene erit nostro miserius?

9. 2.3.256

   Sed video eccos quos volebam.

10. 2.3.256b

    O Iupiter, ubinam est fides?

11. 2.3.257

    Dum ego propter te errans patria careo demens, tu interea loci

12. 2.3.258

    Conlocupletasti te, Antiphila; et me in his deseruisti malis;

13. 2.3.259

    Propter quam in summa infamia sum, et meo patri minus obsequens;

14. 2.3.260

    Cuius nunc pudet me et miseret, qui harum mores cantabat mihi

15. 2.3.261

    Monuisse frustra; neque potuisse unquam ab hac me expellere;

16. 2.3.262

    Quod tamen nunc faciam: tum quum gratum mihi esse potuit nolui.

17. 2.3.263

    Nemo est miserior me.

18. 2.3.263b

    Hic de nostris verbis errat videlicet

19. 2.3.264

    Quae hic sumus locuti. Clinia, aliter tuum amorem atque est accipis:

20. 2.3.265

    Nam et vita est eadem, et animus te erga idem ac fuit;

21. 2.3.266

    Quantum ex ipsa re coniecturam cepimus.

22. 2.3.267

    Quid est, obsecro? nam mihi nunc nihil rerum omnium est

23. 2.3.268

    Quod malim quam me hoc falso suspicarier.

24. 2.3.269

    Hoc primum, ut ne quid huius rerum ignores; anus

25. 2.3.270

    Quae est dicta mater esse ei antehac non fuit:

26. 2.3.271

    Ea obiit mortem: hoc ipsa in itinere alterae

27. 2.3.272

    Dum narrat forte audivi.

28. 2.3.272b

    Quaenam est altera?

29. 2.3.273

    Mane: hoc quod coepi primum enarrem, Clitipho:

30. 2.3.274

    Post istuc veniam.

31. 2.3.274b

    Propera.

32. 2.3.274c

    Iam primum omnium,

33. 2.3.275

    Ubi ventum ad aedes est, Dromo pultat fores:

34. 2.3.276

    Anus quaedam prodit: haec ubi aperuit ostium,

35. 2.3.277

    Continuo hic se coniecit intro: ego consequor.

36. 2.3.278

    Anus foribus obdit pessulum; ad lanam redit.

37. 2.3.279

    Hinc sciri potuit, aut nusquam alibi, Clinia,

38. 2.3.280

    Quo studio vitam suam te absente exegerit,

39. 2.3.281

    Ubi de improviso interventum est mulieri:

40. 2.3.282

    Nam ea res dedit tum existimandi copiam

41. 2.3.283

    Quotidianae vitae consuetudinem,

42. 2.3.284

    Quae cuiusque ingenium ut sit declarat maxime:

43. 2.3.285

    Texentem telam studiose ipsam offendimus,

44. 2.3.286

    Mediocriter vestitam veste lugubri,

45. 2.3.287

    Eius anuis causa, opinor, quae erat mortua;

46. 2.3.288

    Sine auro, tum ornatam ita uti quae ornantur sibi;

47. 2.3.289

    Nulla mala re esse expolitam muliebri;

48. 2.3.290

    Capillus passus, prolixus, circum caput

49. 2.3.291

    Reiectus negligenter: pax.

50. 2.3.291b

    Syre mi, obsecro,

51. 2.3.292

    Ne me in laetitiam frustra coniicias.

52. 2.3.292b

    Anus

53. 2.3.293

    Subtemen nebat: praeterea una ancillula

54. 2.3.294

    Erat; ea texebat una, pannis obsita,

55. 2.3.295

    Neglecta, immunda illuvie.

56. 2.3.295b

    Si haec sunt, Clinia,

57. 2.3.296

    Vera, ita uti credo, quis te est fortunatior?

58. 2.3.297

    Scin tu hanc quam dicit sordidatam et sordidam?

59. 2.3.298

    Magnum hoc quoque signum est dominam esse extra noxiam,

60. 2.3.299

    Quum eius tam negliguntur internuntii:

61. 2.3.300

    Nam disciplina est eisdem munerarier

62. 2.3.301

    Ancillas primum ad dominas qui affectant viam.

63. 2.3.302

    Perge, obsecro te, et cave ne falsam gratiam

64. 2.3.303

    Studeas inire. Quid ait, ubi me nominas?

65. 2.3.304

    Ubi dicimus redisse te, et rogare uti

66. 2.3.305

    Veniret ad te, mulier telam deserit

67. 2.3.306

    Continuo, et lacrimis opplet os totum sibi, ut

68. 2.3.307

    Facile scires desiderio id fieri tuo.

69. 2.3.308

    Prae gaudio, ita me Di ament, ubi sim nescio:

70. 2.3.309

    Ita timui.

71. 2.3.309b

    At ego nihil esse scibam, Clinia.

72. 2.3.310

    Agedum vicissim, Syre, dic quae illa est altera?

73. 2.3.311

    Adducimus tuam Bacchidem.

74. 2.3.311b

    Hem, quid? Bacchidem?

75. 2.3.312

    Eho sceleste, quo illam ducis?

76. 2.3.312b

    Quo ego illam? ad nos scilicet.

77. 2.3.313

    Ad patremne?

78. 2.3.313b

    Ad eum ipsum.

79. 2.3.313c

    O hominis impudentem audaciam!

80. 2.3.313d

    Heus tu,

81. 2.3.314

    Non fit sine periclo facinus magnum et memorabile.

82. 2.3.315

    Hoc vide: in mea vita tu tibi laudem is quaesitum, scelus;

83. 2.3.316

    Ubi si paululum modo quid te fugerit, ego perierim.

84. 2.3.317

    Quid illo facias?

85. 2.3.317b

    At enim.

86. 2.3.317c

    Quid enim?

87. 2.3.317d

    Si sinas, dicam.

88. 2.3.317e

    Sine.

89. 2.3.318

    Sino.

90. 2.3.318b

    Ita res est haec nunc, quasi cum.—

91. 2.3.318c

    Quas, malum, ambages mihi

92. 2.3.319

    Narrare occipit?

93. 2.3.319b

    Syre, verum hic dicit; mitte: ad rem redi.

94. 2.3.320

    Enimvero reticere nequeo: multimodis iniurius,

95. 2.3.321

    Clitipho, es; neque ferri potis est.

96. 2.3.321b

    Audiendum hercle est: tace.

97. 2.3.322

    Vis amare; vis potiri; vis quod des illi effici:

98. 2.3.323

    Tuum esse in potiendo periclum non vis: haud stulte sapis;

99. 2.3.324

    Siquidem id sapere est, velle te id quod non potest contingere:

100. 2.3.325

     Aut haec cum illis sunt habenda, aut illa cum his mittenda sunt.

← Previous · Next → — showing 301–400 of 1,535

Perseus Latin. CTS URN phi0134.phi002.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.