Heautontimorumenos

Perseus Latin · Perseus Latin · 1,535 sections

2.4.393
Cuius mos maxime est consimilis vostrum, hi se ad vos applicant.
2.4.394
Hoc beneficio utrique ab utrisque vero devincimini,
2.4.395
Ut numquam ulla amori vestro incidere possit calamitas.
2.4.396
Nescio alias: me quidem semper scio fecisse sedulo
2.4.397
Ut ex illius commodo meum compararem commodum.
2.4.397b
Ah!
2.4.398
Ergo, mea Antiphila, tu nunc sola reducem me in patriam facis:
2.4.399
Nam, dum abs te absum, omnes mihi labores fuere quos cepi leves
2.4.400
Praeterquam tui carendum quod erat.
2.4.400b
Credo.
2.4.400c
Syre, vix suffero.
2.4.401
Hocine me miserum non licere meo modo ingenium frui?
2.4.402
Immo, ut patrem tuum vidi esse habitum, diu etiam duras dabit.
2.4.403
Quisnam hic adolescens est qui intuitur nos?
2.4.403b
Ah, retine me, obsecro.
2.4.404
Amabo, quid tibi est?
2.4.404b
Disperii, perii misera.
2.4.404c
Quid stupes,
2.4.405
Antiphila?
2.4.405b
Videon Cliniam an non?
2.4.405c
Quem vides?
2.4.406
Salve, anime mi.
2.4.406b
O mi exspectate, salve.
2.4.406c
Ut vales?
2.4.407
Salvum advenisse gaudeo.
2.4.407b
Teneone te,
2.4.408
Antiphila, maxime animo exoptata meo?
2.4.409
Ite intro: nam vos iamdudum exspectat senex.
3.1.410
Luciscit hoc iam: cesso pultare ostium
3.1.411
Vicini, primum ex me ut sciat sibi filium
3.1.412
Redisse? etsi adolescentem hoc nolle intelligo.
3.1.413
Verum quum videam miserum hunc tam excruciarier
3.1.414
Eius abitu, celem tam insperatum gaudium,
3.1.415
Cum illi pericli nihil ex indicio siet?
3.1.416
Haud faciam: nam, quod potero, adiutabo senem;
3.1.417
Ita ut filium meum amico atque aequali suo
3.1.418
Video inservire, et socium esse in negotiis;
3.1.419
Nos quoque senes est aequum senibus obsequi.
3.1.420
Aut ego profecto ingenio egregie ad miserias
3.1.421
Natus sum: aut illud falsum est, quod vulgo audio
3.1.422
Dici, diem adimere aegritudinem hominibus:
3.1.423
Nam mihi quidem quotidie augescit magis
3.1.424
De filio aegritudo; et quanto diutius
3.1.425
Abest, magis cupio tanto et magis desidero.
3.1.426
Sed ipsum foras egressum video: ibo, alloquar.
3.1.427
Menedeme, salve: nuntium apporto tibi,
3.1.428
Cuius maxime te fieri participem cupis.
3.1.429
Numquidnam de gnato meo audisti, Chreme?
3.1.430
Valet atque vivit.
3.1.430b
Ubinam est, quaeso?
3.1.430c
Apud me domi.
3.1.431
Meus gnatus?
3.1.431b
Sic est.
3.1.431c
Venit?
3.1.431d
Certe.
3.1.431e
Clinia
3.1.432
Meus venit?
3.1.432b
Dixi.
3.1.432c
Eamus: duc me ad eum, obsecro.
3.1.433
Non vult te scire se redisse etiam, et tuum
3.1.434
Conspectum fugitat, propter peccatum; tum hoc timet,
3.1.435
Ne tua duritia antiqua illa etiam adaucta sit.
3.1.436
Non tu ei dixisti ut essem?
3.1.436b
Non.
3.1.436c
Quamobrem, Chreme?
3.1.437
Quia pessime istoc in te atque in illum consulis,
3.1.438
Si te tam leni et victo animo esse ostenderis.
3.1.439
Non possum: satis iam satis pater durus fui.
3.1.439b
Ah!
3.1.440
Vehemens in utramque partem, Menedeme, es nimis,
3.1.441
Aut largitate nimia, aut parsimonia.
3.1.442
In eandem fraudem ex hac re atque ex illa incides.
3.1.443
Primum; olim potius quam paterere filium
3.1.444
Commetare ad mulierculam, quae paululo
3.1.445
Tum erat contenta, cuique erant grata omnia,
3.1.446
Proterruisti hinc: ea coacta ingratiis
3.1.447
Postilla coepit victum vulgo quaerere.
3.1.448
Nunc cum sine magno intertrimento non potest
3.1.449
Haberi, quidvis dare cupis: nam ut tu scias
3.1.450
Quam ea nunc instructa pulchre ad perniciem siet,
3.1.451
Primum, iam ancillas secum adduxit plus decem,
3.1.452
Oneratas veste atque auro. Satrapes si siet
3.1.453
Amator, nunquam sufferre eius sumtus queat;
3.1.454
Nedum tu possis.
3.1.454b
Estne ea intus?
3.1.454c
Sit rogas?
3.1.455
Sensi: namque ei unam coenam atque eius comitibus
3.1.456
Dedi; quod si iterum mihi sit danda, actum siet.
3.1.457
Nam ut alia omittam, pytissando modo mihi
3.1.458
Quid vini absumsit! Sic hoc, dicens; Asperum,
3.1.459
Pater, hoc est; aliud lenius sodes vide.
3.1.460
Relevi dolia omnia, omnes serias;
3.1.461
Omnes sollicitos habui: atque haec una nox.
3.1.462
Quid te futurum censes quem assidue exedent?
3.1.463
Sic me Di amabunt, ut me tuarum miseritum est,
3.1.464
Menedeme, fortunarum.
3.1.464b
Faciat quod libet:
3.1.465
Sumat, consumat, perdat, decretum est pati,
3.1.466
Dum illum modo habeam mecum.
3.1.466b
Si certum est tibi

Perseus Latin. CTS URN phi0134.phi002.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.