← All works

Andria

Perseus Latin · Perseus Latin · 1,454 sections

1. 3.2.515

   Obstetricem arcessitum ad eam, et puerum ut afferret simul.

2. 3.2.516

   Hoc nisi fit puerum ut tu videas, nihil moventur nuptiae.

3. 3.2.517

   Quid ais? Quom intellexeras

4. 3.2.518

   Id consili capere, cur non dixti extemplo Pamphilo?

5. 3.2.519

   Quis igitur eum ab illa abstraxit nisi ego? nam omnes nos quidem

6. 3.2.520

   Scimus quam misere hanc amarit: nunc sibi uxorem expetit.

7. 3.2.521

   Postremo id mihi da negoti: tu tamen idem has nuptias

8. 3.2.522

   Perge facere ita ut facis: et id spero adiuturos deos.

9. 3.2.523

   Immo abi intro: ibi me opperire, et quod parato opus est para.

10. 3.2.524

    Non impulit me haec nunc omnino ut crederem:

11. 3.2.525

    Atque haud scio an quae dixit sint vera omnia:

12. 3.2.526

    Sed parvi pendo: illud mihi multo maximum est

13. 3.2.527

    Quod mihi pollicitus est ipse gnatus. Nunc Chremem

14. 3.2.528

    Conveniam: orabo gnato uxorem: si impetro,

15. 3.2.529

    Quid alias malim quam hodie has fieri nuptias?

16. 3.2.530

    Nam gnatus quod pollicitus est haud dubium est mihi

17. 3.2.531

    Si nolit quin eum merito possim cogere.

18. 3.2.532

    Atque adeo in ipso tempore eccum ipsum obviam.

19. 3.3.533

    Iubeo Chremetem.

20. 3.3.533b

    O, te ipsum quaerebam.

21. 3.3.533c

    Et ego te.

22. 3.3.533d

    Optato advenis.

23. 3.3.534

    Aliquot me adiere ex te auditum qui aiebant hodie filiam

24. 3.3.535

    Meam nubere tuo gnato: id viso tune an illi insaniant.

25. 3.3.536

    Ausculta paucis: et quid ego te velim et tu quod quaeris scies.

26. 3.3.537

    Ausculto: loquere quid velis.

27. 3.3.538

    Per te deos oro et nostram amicitiam Chreme

28. 3.3.539

    Quae incepta a parvis cum aetate accrevit simul,

29. 3.3.540

    Perque unicam gnatam tuam et gnatum meum,

30. 3.3.541

    Cuius tibi potestas summa servandi datur,

31. 3.3.542

    Ut me adiuves in hac re, atque ita ut nuptiae

32. 3.3.543

    Fuerant futurae fiant.

33. 3.3.543b

    Ah ne me obsecra:

34. 3.3.544

    Quasi hoc te orando a me impetrare oporteat.

35. 3.3.545

    Alium esse censes nunc me atque olim cum dabam?

36. 3.3.546

    Si in rem est utrique ut fiant, arcessi iube.

37. 3.3.547

    Sed si ex ea re plus mali est quam commodi

38. 3.3.548

    Utrique, id oro te in commune ut consulas,

39. 3.3.549

    Quasi illa tua sit, Pamphilique ego sim pater.

40. 3.3.550

    Immo ita volo itaque postulo ut fiat Chreme:

41. 3.3.551

    Neque postulem abs te nisi ipsa res moneat.

42. 3.3.551b

    Quid est?

43. 3.3.552

    Irae sunt inter Glycerium et gnatum.

44. 3.3.552b

    Audio.

45. 3.3.553

    Ita magnae ut sperem posse avelli.

46. 3.3.553b

    Fabulae.

47. 3.3.554

    Profecto sic est.

48. 3.3.554b

    Sic hercle ut dicam tibi:

49. 3.3.555

    Amantium irae amoris integratio est.

50. 3.3.556

    Hem, id te oro ut ante eamus dum tempus datur,

51. 3.3.557

    Dumque eius libido occlusa est contumeliis,

52. 3.3.558

    Prius quam harum scelera et lacrimae confictae dolis

53. 3.3.559

    Reducunt animum aegrotum ad misericordiam:

54. 3.3.560

    Uxorem demus: spero consuetudine et

55. 3.3.561

    Coniugio liberali devinctum Chreme

56. 3.3.562

    Dein facile ex illis sese emersurum malis.

57. 3.3.563

    Tibi ita hoc videtur: at ego non posse arbitror

58. 3.3.564

    Neque illum hanc perpetuo habere, neque me perpeti.

59. 3.3.565

    Qui scis ergo istuc nisi periclum feceris?

60. 3.3.566

    At istuc periclum in filia fieri grave est.

61. 3.3.567

    Nempe incommoditas denique huc omnis redit:

62. 3.3.568

    Si eveniat quod Di prohibeant, discessio.

63. 3.3.569

    At si corrigitur, quot commoditates vide:

64. 3.3.570

    Principio amico filium restitueris;

65. 3.3.571

    Tibi generum firmum et filiae invenias virum.

66. 3.3.572

    Quid istic? si ita istuc animum induxti esse utile,

67. 3.3.573

    Nolo tibi ullum commodum in me claudier.

68. 3.3.574

    Merito te semper maximi feci Chreme.

69. 3.3.575

    Sed quid ais?

70. 3.3.575b

    Quid?

71. 3.3.575c

    Qui scis eos nunc discordare inter se?

72. 3.3.576

    Ipsus mihi Davus qui intimus est eorum consiliis dixit;

73. 3.3.577

    Et is mihi suadet nuptias quantum queam ut maturem.

74. 3.3.578

    Num censes faceret filium nisi sciret eadem haec velle?

75. 3.3.579

    Tute adeo iam eius verba audies. Heus evocate huc Davum.

76. 3.3.580

    Atque eccum: video ipsum foras exire.

77. 3.4.580b

    Ad te ibam.

78. 3.4.580c

    Quidnam est?

79. 3.4.581

    Cur uxor non accersitur? iam advesperascit.

80. 3.4.581b

    Audin tu illum?

81. 3.4.582

    Ego dudum non nihil veritus sum Dave abs te, ne faceres idem

82. 3.4.583

    Quod vulgus servorum solet dolis ut me deluderes

83. 3.4.584

    Propterea quod amat filius.

84. 3.4.584b

    Egone istuc facerem?

85. 3.4.584c

    Credidi:

86. 3.4.585

    Idque adeo metuens vos celavi quod nunc dicam.

87. 3.4.585b

    Quid?

88. 3.4.585c

    Scies:

89. 3.4.586

    Nam propemodum habeo iam fidem.

90. 3.4.586b

    Tandem cognosti qui siem?

91. 3.4.587

    Non fuerant nuptiae futurae.

92. 3.4.587b

    Quid? non?

93. 3.4.587c

    Sed ea gratia

94. 3.4.588

    Simulavi vos ut pertentarem.

95. 3.4.588b

    Quid ais?

96. 3.4.588c

    Sic res est.

97. 3.4.588d

    Vide,

98. 3.4.589

    Numquam istuc ego quivi intellegere. Vah consilium callidum.

99. 3.4.590

    Hoc audi: ut hinc te introire iussi opportune hic fit mihi obviam.

100. 3.4.590b

     Hem,

← Previous · Next → — showing 701–800 of 1,454

Perseus Latin. CTS URN phi0134.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.