Andria

Perseus Latin · Perseus Latin · 1,454 sections

2.6.445
Ea res sibi esset, ut virum fortem decet:
2.6.446
Nunc uxore opus est: animum ad uxorem appulit.
2.6.447
Subtristis visus est esse aliquantulum mihi.
2.6.448
Nil propter hanc rem: sed est quod succenset tibi.
2.6.449
Quidnam est?
2.6.449b
Puerile est.
2.6.449c
Quid est?
2.6.449d
Nihil.
2.6.449e
Quin dic quid est?
2.6.450
Ait nimium parce facere sumptum.
2.6.450b
Mene?
2.6.450c
Te.
2.6.451
Vix, inquit, drachmis est obsonatum decem:
2.6.452
Num filio videtur uxorem dare?
2.6.453
Quem, inquit, vocabo ad coenam meorum aequalium
2.6.454
Potissimum nunc? et, quod dicendum hic siet,
2.6.455
Tu quoque perparce nimium. Non laudo.
2.6.455b
Tace.
2.6.456
Commovi.
2.6.456b
Ego istaec recte ut fiant videro.
2.6.457
Quidnam hoc rei est? quid hic vult veterator sibi?
2.6.458
Nam si hic mali est quicquam, hem illic est huic rei caput.
3.1.459
Ita pol quidem res est ut dixti Lesbia:
3.1.460
Fidelem haud ferme mulieri invenias virum.
3.1.461
Ab Andria est ancilla haec.
3.1.461b
Quid narras?
3.1.461c
Ita est.
3.1.462
Sed hic Pamphilus—
3.1.462b
Quid dicit?
3.1.462c
firmavit fidem.
3.1.462d
Hem.
3.1.463
Utinam aut hic surdus aut haec muta facta sit.
3.1.464
Nam quod peperisset iussit tolli.
3.1.464b
O Iupiter!
3.1.465
Quid ego audio? Actum est siquidem haec vera praedicat.
3.1.466
Bonum ingenium narras adolescentis.
3.1.466b
Optimum.
3.1.467
Sed sequere me intro, ne in mora illi sis.
3.1.467b
Sequor.
3.1.468
Quod remedium nunc huic malo inveniam?
3.1.468b
Quid hoc?
3.1.469
Adeone est demens? Ex peregrina? Iam scio; ah!
3.1.470
Vix tandem sensi stolidus.
3.1.470b
Quid hic sensisse ait?
3.1.471
Haec primum adfertur iam mihi ab hoc fallacia:
3.1.472
Hanc simulant parere quo Chremetem absterreant.
3.1.473
Iuno Lucina fer opem, serva me, obsecro.
3.1.474
Hui tam cito? ridiculum: postquam ante ostium
3.1.475
Me audivit stare approperat. Non sat commode
3.1.476
Divisa sunt temporibus tibi, Dave, haec.
3.1.476b
Mihin?
3.1.477
Num immemor es discipuli?
3.1.477b
Ego quid narres nescio.
3.1.478
Hicine me si imparatum in veris nuptiis
3.1.479
Adortus esset quos mihi ludos redderet?
3.1.480
Nunc huius periclo fit, ego in portu navigo.
3.2.481
Adhuc Archylis quae assolent quaeque oportet
3.2.482
Signa esse ad salutem omnia huic esse video.
3.2.483
Nunc primum fac istaec lavet: post deinde
3.2.484
Quod iussi ei dari bibere et quantum imperavi
3.2.485
Date: mox ego huc revertar.
3.2.486
Per ecastor scitus puer est natus Pamphilo.
3.2.487
Deos quaeso ut sit superstes, quandoquidem ipse est ingenio bono,
3.2.488
Cumque huic est veritus optimae adulescenti facere iniuriam.
3.2.489
Vel hoc quis non credat qui te norit abs te esse ortum?
3.2.489b
Quidnam id est?
3.2.490
Non imperabat coram quid opus facto esset puerperae:
3.2.491
Sed postquam egressa est illis quae sunt intus clamat de via.
3.2.492
O Dave, itan contemnor abs te? aut itane tandem idoneus
3.2.493
Tibi videor esse quem tam aperte fallere incipias dolis?
3.2.494
Saltem accurate, ut metui videar certe si resciverim.
3.2.495
Certe hercle nunc hic se ipsus fallit haud ego.
3.2.495b
Edixin tibi,
3.2.496
Interminatus sum ne faceres? num veritus? quid retulit?
3.2.497
Credon tibi hoc, nunc peperisse hanc e Pamphilo?
3.2.498
Teneo quid erret: et quid agam habeo.
3.2.498b
Quid taces?
3.2.499
Quid credas? quasi non tibi renunciata sint haec sic fore.
3.2.500
Mihin quisquam?
3.2.500b
Eho an tute intellexti hoc assimulari?
3.2.500c
Irrideor.
3.2.501
Renunciatum est: nam qui istaec tibi incidit suspicio?
3.2.502
Qui? quia te noram.
3.2.502b
Quasi tu dicas factum id consilio meo.
3.2.503
Certe enim scio.
3.2.503b
Non satis me pernosti etiam qualis sim Simo.
3.2.504
Ego non te?
3.2.504b
Sed si quid narrare occoepi, continuo dari
3.2.505
Tibi verba censes falso: itaque hercle nihil iam muttire audeo.
3.2.506
Hoc ego scio unum neminem peperisse hic.
3.2.506b
Intellexti.
3.2.507
Sed nihilo setius mox deferent puerum huc ante ostium.
3.2.508
Id ego iam nunc tibi renuntio here futurum, ut sis sciens.
3.2.509
Ne tu hoc mihi posterius dicas Davi factum consilio aut dolis.
3.2.510
Prorsus a me opinionem hanc tuam esse ego amotam volo.
3.2.511
Unde id scis?
3.2.511b
Audivi et credo: multa concurrunt simul
3.2.512
Qui coniecturam hanc nunc facio. Iam primum haec se e Pamphilo
3.2.513
Gravidam dixit esse; inventum est falsum: nunc, postquam videt
3.2.514
Nuptias domi apparari, missa est ancilla ilico

Perseus Latin. CTS URN phi0134.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.