Andria

Perseus Latin · Perseus Latin · 1,454 sections

3.4.591
Numnam periimus?
3.4.591b
Narro huic quae tu dudum narrasti mihi.
3.4.592
Quidnam audio?
3.4.592b
Gnatam ut det oro, vixque id exoro.
3.4.592c
Occidi.
3.4.592d
Hem,
3.4.593
Quid dixisti?
3.4.593b
Optime inquam factum.
3.4.593c
Nunc per hunc nulla est mora.
3.4.594
Domum modo ibo: ut apparentur dicam: atque huc renuntio.
3.4.595
Nunc te oro Dave quoniam solus mihi effecisti has nuptias—
3.4.596
Ego vero solus.
3.4.596b
corrigere mihi gnatum porro enitere.
3.4.597
Faciam hercle sedulo.
3.4.597b
Potes nunc dum animus irritatus est.
3.4.598
Quiescas.
3.4.598b
Age igitur ubi nunc est ipsus?
3.4.598c
Mirum ni domi est.
3.4.599
Ibo ad eum: atque eadem haec tibi quae dixi dicam itidem illi.
3.4.599b
Nullus sum.
3.4.600
Quid causae est quin hinc in pistrinum recta proficiscar via?
3.4.601
Nihil est preci loci relictum; iam perturbavi omnia:
3.4.602
Herum fefelli; in nuptias conieci herilem filium;
3.4.603
Feci hodie ut fierent insperante hoc atque invito Pamphilo. Hem
3.4.604
Astutias! quod si quiessem nihil evenisset mali.
3.4.605
Sed eccum video ipsum: occidi.
3.4.606
Utinam mihi esset aliquid hic quo me nunc praecipitem darem.
3.5.607
Ubi illic est scelus qui me perdidit?
3.5.607b
Perii.
3.5.607c
Atque hoc confiteor mihi
3.5.608
Iure obtigisse; quandoquidem tam iners tam nulli consili
3.5.609
Sum. Servon fortunas meas me commisisse futili?
3.5.610
Ergo pretium ob stultitiam fero: sed inultum numquam id auferet.
3.5.611
Posthac incolumem sat scio fore me nunc si hoc devito malum.
3.5.612
Nam quid ego nunc dicam patri? Negabon velle me modo
3.5.613
Qui sum pollicitus ducere? Qua fiducia id facere audeam?
3.5.614
Nec quid me nunc faciam scio.
3.5.614b
Nec quid me; atque id ago sedulo.
3.5.615
Dicam aliquid iam inventurum ut huic malo aliquam producam moram.
3.5.616
Ohe.
3.5.616b
Visus sum.
3.5.616c
Ehodum bone vir quid ais? viden me consiliis tuis
3.5.617
Miserum impeditum esse?
3.5.617b
At iam expediam.
3.5.617c
Expedies?
3.5.617d
Certe Pamphile.
3.5.618
Nempe ut modo.
3.5.618b
Immo melius spero.
3.5.618c
Oh tibi ego ut credam furcifer?
3.5.619
Tu rem impeditam et perditam restituas? Hem quo fretus siem,
3.5.620
Qui me hodie ex tranquillissima re coniecisti in nuptias.
3.5.621
Annon dixi esse hoc futurum?
3.5.621b
Dixti.
3.5.621c
Quid meritus?
3.5.621d
Crucem.
3.5.622
Sed sine paululum ad me redeam: iam aliquid dispiciam.
3.5.622b
Hei mihi
3.5.623
Cum non habeo spatium ut de te sumam supplicium ut volo:
3.5.624
Namque hoc tempus praecavere mihi me haud te ulcisci sinit.
4.1.625
Hocine est credibile aut memorabile
4.1.626
Tanta vecordia innata cuiquam ut siet
4.1.627
Ut malis gaudeant atque ex incommodis
4.1.628
Alterius sua ut comparent commoda? ah
4.1.629
Idne est verum? immo id est genus hominum pessimum in
4.1.630
Denegando modo quis pudor paululum adest:
4.1.631
Post ubi tempus promissa iam perfici,
4.1.632
Tum coacti necessario se aperiunt,
4.1.633
Et timent: et tamen res premit denegare:
4.1.634
Ibi tum eorum impudentissima oratio est,
4.1.635
Quis tu es? quis mihi es? cur meam tibi? Heus,
4.1.636
Proximus sum egomet mihi. Attamen Ubi fides,
4.1.637
Si roges, nihil pudet; hic ubi opus est
4.1.638
Non verentur: illic ubi nihil opus est ibi verentur.
4.1.639
Sed quid agam? adeamne ad eum, et cum eo iniuriam hanc expostulem?
4.1.640
Ingeram mala multa? Atque aliquis dicat, Nihil promoveris.
4.1.641
Multum: molestus certe ei fuero: atque animo morem gessero.
4.1.642
Charine et me et te imprudens, nisi quid Di respiciunt, perdidi.
4.1.643
Itane imprudens? tandem inventa est causa: solvisti fidem.
4.1.644
Quid tandem?
4.1.644b
Etiam nunc me ducere istis dictis postulas?
4.1.645
Quid istuc est?
4.1.645b
Postquam me amare dixi complacita est tibi.
4.1.646
Heu me miserum qui tuum animum ex animo spectavi meo.
4.1.647
Falsus es.
4.1.647b
Nonne tibi satis esse hoc visum solidum est gaudium,
4.1.648
Nisi me lactasses amantem et falsa spe produceres.
4.1.649
Habeas.
4.1.649b
Habeam? ah nescis quantis in malis verser miser;
4.1.650
Quantasque hic suis consiliis mihi confecit sollicitudines
4.1.651
Meus carnufex.
4.1.651b
Quid istuc tam mirum est de te si exemplum capit?
4.1.652
Haud istuc dicas si cognoris vel me vel amorem meum.
4.1.653
Scio: cum patre altercasti dudum: et is nunc propterea tibi
4.1.654
Succenset: nec te quivit hodie cogere illam ut duceres.
4.1.655
Immo etiam, quo tu minus scis aerumnas meas,
4.1.656
Hae nuptiae non apparabantur mihi:
4.1.657
Nec postulabat nunc quisquam uxorem dare.
4.1.658
Scio: tu coactus tua voluntate es.
4.1.658b
Mane:
4.1.659
Nondum scis.

Perseus Latin. CTS URN phi0134.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.