Andria

Perseus Latin · Perseus Latin · 1,454 sections

2.3.377
Ipsus sibi esse iniurius videatur, neque id iniuria,
2.3.378
Prius quam tuum ut sese habeat animum ad nuptias perspexerit.
2.3.379
Sed si tu negaris ducere, ibi culpam in te transferet:
2.3.380
Tum illae turbae fient.
2.3.380b
Quidvis patiar.
2.3.380c
Pater est Pamphile.
2.3.381
Difficile est: tum haec sola est mulier: dictum ac factum invenerit
2.3.382
Aliquam causam quamobrem eiiciat oppido.
2.3.382b
Eiiciat?
2.3.382c
Cito.
2.3.383
Cedo igitur quid faciam Dave?
2.3.383b
Dic te ducturum.
2.3.383c
Hem.
2.3.383d
Quid est?
2.3.384
Egon dicam?
2.3.384b
Cur non?
2.3.384c
Numquam faciam.
2.3.384d
Ne nega.
2.3.385
Suadere noli.
2.3.385b
Ex ea re quid fiat vide.
2.3.386
Ut ab illa excludar huc concludar.
2.3.386b
Non ita est.
2.3.387
Nempe hoc sic esse opinor: dicturum patrem,
2.3.388
Ducas volo hodie uxorem: tu, ducam, inquies:
2.3.389
Cedo quid iurgabit tecum? Hic reddes omnia
2.3.390
Quae nunc sunt certa ei consilia incerta ut sient,
2.3.391
Sine omni periclo: nam hocce haud dubium est quin Chremes
2.3.392
Tibi non det gnatam. Nec tu ea causa minueris
2.3.393
Haec quae facis ne is mutet suam sententiam.
2.3.394
Patri dic velle, ut cum velit tibi iure irasci non queat.
2.3.395
Nam quod tu speres propulsabo facile. Uxorem his moribus
2.3.396
Dabit nemo; inveniet inopem potius quam te corrumpi sinat.
2.3.397
Sed si te aequo animo ferre accipiet, neglegentem feceris:
2.3.398
Aliam otiosus quaeret: interea aliquid acciderit boni.
2.3.399
Itan credis?
2.3.399b
Haud dubium id quidem est.
2.3.399c
Vide quo me inducas.
2.3.399d
Quin taces?
2.3.400
Dicam. Puerum autem ne resciscat mihi esse ex illa cautio est:
2.3.401
Nam pollicitus sum suscepturum.
2.3.401b
O facinus audax!
2.3.401c
Hanc fidem
2.3.402
Sibi me obsecravit qui se sciret non deserturum ut darem.
2.3.403
Curabitur. Sed pater adest. Cave te esse tristem sentiat.
2.4.404
Reviso quid agant aut quid captent consili.
2.4.405
Hic nunc non dubitat quin te ducturum neges.
2.4.406
Venit meditatus alicunde ex solo loco:
2.4.407
Orationem sperat invenisse se
2.4.408
Qui differat te: proin tu fac apud te ut sies.
2.4.409
Modo ut possim Dave.
2.4.409b
Crede inquam hoc mihi Pamphile,
2.4.410
Numquam hodie tecum commutaturum patrem
2.4.411
Unum esse verbum si te dices ducere.
2.5.412
Herus me relictis rebus iussit Pamphilum
2.5.413
Hodie observare, ut quid ageret de nuptiis
2.5.414
Scirem: id propterea nunc hunc venientem sequor.
2.5.415
Ipsum adeo praesto video cum Davo: hoc agam.
2.5.416
Utrumque adesse video.
2.5.416b
Hem, serva.
2.5.416c
Pamphile!
2.5.417
Quasi de inproviso respice ad eum.
2.5.417b
Ehem pater.
2.5.418
Probe.
2.5.418b
Hodie uxorem ducas ut dixi volo.
2.5.419
Nunc nostrae timeo parti quid hic respondeat.
2.5.420
Neque istic neque alibi tibi erit usquam in me mora.
2.5.420b
Hem.
2.5.421
Obmutuit.
2.5.421b
Quid dixit?
2.5.421c
Facis ut te decet
2.5.422
Cum istuc quod postulo impetro cum gratia.
2.5.423
Sum verus?
2.5.423b
Herus, quantum audio, uxore excidit.
2.5.424
I nunc iam intro; ne in mora cum opus sit sies.
2.5.425
Eo.
2.5.425b
Nullane in re esse homini cuiquam fidem?
2.5.426
Verum illud verbum est, vulgo quod dici solet,
2.5.427
Omnes sibi malle melius esse quam alteri.
2.5.428
Ego illam vidi virginem; forma bona
2.5.429
Memini videre: quo aequior sum Pamphilo,
2.5.430
Si se illam in somnis quam illum amplecti maluit.
2.5.431
Renuntiabo, ut pro hoc malo mihi det malum.
2.6.432
Hic nunc me credit aliquam sibi fallaciam
2.6.433
Portare, et ea me hic restitisse gratia.
2.6.434
Quid Davus narrat?
2.6.434b
Aeque quicquam nunc quidem.
2.6.435
Nihilne? hem.
2.6.435b
Nihil prorsus.
2.6.435c
Atqui expectabam quidem.
2.6.436
Praeter spem evenit: sentio: hoc male habet virum.
2.6.437
Potin es mihi verum dicere?
2.6.437b
Nihil facilius.
2.6.438
Num illi molestae quippiam hae sunt nuptiae
2.6.439
Huiusce propter consuetudinem hospitae?
2.6.440
Nihil hercle: aut, si adeo, bidui est aut tridui
2.6.441
Haec sollicitudo: nosti: deinde desinet.
2.6.442
Etenim ipsus secum recta reputavit via.
2.6.443
Laudo.
2.6.443b
Dum licitum est ei, dumque aetas tulit,
2.6.444
Amavit: tum id clam: cavit ne umquam infamiae

Perseus Latin. CTS URN phi0134.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.