Andria

Perseus Latin · Perseus Latin · 1,454 sections

2.1.322b
Quid ita?
2.1.322c
Hei mihi,
2.1.323
Vereor dicere: huic dic quaeso Byrrhia.
2.1.323b
Ego dicam.
2.1.323c
Quid est?
2.1.324
Sponsam hic tuam amat.
2.1.324b
Nae iste haud mecum sentit: Ehodum dic mihi:
2.1.325
Numquidnam amplius tibi cum illa fuit Charine?
2.1.325b
Ah Pamphile
2.1.326
Nihil.
2.1.326b
Quam vellem.
2.1.326c
Nunc te per amicitiam et per amorem obsecro
2.1.327
Principio ut ne ducas.
2.1.327b
Dabo equidem operam.
2.1.327c
Sed si id non potes,
2.1.328
Aut tibi nuptiae haec sunt cordi.
2.1.328b
Cordi?
2.1.328c
Saltem aliquot dies
2.1.329
Profer, dum proficiscor aliquo ne videam.
2.1.329b
Audi nunc iam.
2.1.330
Ego Charine neutiquam officium liberi esse hominis puto
2.1.331
Cum is nihil promereat postulare id gratiae adponi sibi.
2.1.332
Nuptias effugere ego istas malo, quam tu adipiscier.
2.1.333
Reddidisti animum.
2.1.333b
Nunc si quid potes aut tute aut hic Byrrhia,
2.1.334
Facite, fingite, invenite, efficite qui detur tibi:
2.1.335
Ego id agam qui mihi ne detur.
2.1.335b
Sat habeo.
2.1.335c
Davom optume
2.1.336
Video cuius consilio fretus sum.
2.1.336b
At tu hercle haud quidquam mihi;
2.1.337
Nisi ea quae nihil opus sunt sciri. Fugin’ hinc?
2.1.337b
Ego vero ac libens.
2.2.338
Di boni, boni quid porto! sed ubi inveniam Pamphilum,
2.2.339
Ut metum in quo nunc est adimam, atque expleam animum gaudio?
2.2.340
Laetus est nescio quid.
2.2.340b
Nihil est: nondum haec rescivit mala.
2.2.341
Quem ego nunc credo, si iam audierit sibi paratas nuptias—
2.2.342
Audin’ tu illum?
2.2.342b
toto me oppido exanimatum quaerere.
2.2.343
Sed ubi quaeram? quo nunc primum intendam?
2.2.343b
Cessas adloqui?
2.2.344
Abeo.
2.2.344b
Dave: ades. Resiste.
2.2.344c
Quis homo est, qui me? O Pamphile,
2.2.345
Te ipsum quaero. Euge Charine: ambo opportune. Vos volo.
2.2.346
Dave, perii.
2.2.346b
Quin tu hoc audi.
2.2.346c
Interii.
2.2.346d
Quid timeas scio.
2.2.347
Mea quidem hercle certe in dubio vita est.
2.2.347b
Et quid tu scio.
2.2.348
Nuptiae mihi.
2.2.348b
Etsi scio.
2.2.348c
Hodie.
2.2.348d
Obtundis, tametsi intellego.
2.2.349
Id paves ne ducas tu illam, tu autem ut ducas.
2.2.349b
Rem tenes.
2.2.350
Istuc ipsum.
2.2.350b
Atque istuc ipsum nihil pericli est: me vide.
2.2.351
Obsecro te, quam primum hoc me libera miserum metu.
2.2.351b
Hem,
2.2.352
Libero; tibi uxorem non dat iam Chremes.
2.2.352b
Qui scis?
2.2.352c
Scies.
2.2.353
Tuus pater me modo prehendit: ait tibi uxorem dari
2.2.354
Hodie; item alia multa quae nunc non est narrandi locus.
2.2.355
Continuo ad te properans percurro ad forum ut dicam tibi haec.
2.2.356
Ubi te non invenio ibi ascendo in quendam excelsum locum.
2.2.357
Circumspicio; nusquam. Ibi forte huius video Byrrhiam;
2.2.358
Rogo: negat vidisse. Mihi molestum. Quid agam, cogito.
2.2.359
Redeunti interea ex ipsa re mihi incidit suspicio: hem,
2.2.360
Paululum obsoni: ipsus tristis: de improviso nuptiae:
2.2.361
Non cohaerent.
2.2.361b
Quorsumnam istuc?
2.2.361c
Ego me continuo ad Chremem.
2.2.362
Cum illo advenio solitudo ante ostium: iam id gaudeo.
2.2.363
Recte dicis.
2.2.363b
Perge.
2.2.363c
Maneo: interea introire neminem
2.2.364
Video exire neminem, matronam nullam in aedibus,
2.2.365
Nil ornati, nil tumulti: accessi: intro aspexi.
2.2.365b
Scio.
2.2.366
Magnum signum.
2.2.366b
Num videntur convenire haec nuptiis?
2.2.367
Non opinor Dave.
2.2.367b
Opinor narras? non recte accipis.
2.2.368
Certa res est. Etiam puerum inde abiens conveni Chremi
2.2.369
Olera et pisciculos minutos ferre obolo in coenam seni.
2.2.370
Liberatus sum hodie Dave tua opera.
2.2.370b
Ac nullus quidem.
2.2.371
Quid ita? Nempe huic prorsus illam non dat.
2.2.371b
Ridiculum caput,
2.2.372
Quasi necesse sit, si huic non dat, te illam uxorem ducere:
2.2.373
Nisi vides, nisi senis amicos oras, ambis.
2.2.373b
Bene mones.
2.2.374
Ibo: etsi hercle saepe iam me spes haec frustrata est. Vale.
2.3.375
Quid igitur sibi vult pater? cur simulat?
2.3.375b
Ego dicam tibi.
2.3.376
Si id succenseat nunc quia non det tibi uxorem Chremes,

Perseus Latin. CTS URN phi0134.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.