Epidicus

Perseus Latin · Perseus Latin · 1,067 sections

2.2.271
nunc occasiost faciundi, prius quam in urbem advenerit,
2.2.272
sicut cras hic aderit, hodie non venit.
2.2.272b
Qui scis?
2.2.272c
Scio.
2.2.273
quia mihi alius dixit qui illinc venit, mane hic adfore.
2.2.274
Quin tu eloquere, quid faciemus?
2.2.274b
Sic faciundum censeo
2.2.275
quasi tu cupias liberare fidicinam animi gratia
2.2.276
quasique ames vehementer tu illam.
2.2.276b
Quam ad rem istuc refert?
2.2.276c
Rogas?
2.2.277
ut enim praestines argento, prius quam veniat filius,
2.2.278
atque ut eam te in libertatem dicas emere,
2.2.278b
Intellego.
2.2.279
Vbi erit empta, ut aliquo ex urbe amoveas; nisi quid est tua
2.2.280
secus sententia.
2.2.280b
Immo docte.
2.2.280c
Quid tua autem, Apoecides?
2.2.281
Quid ego iam nisi te commentum nimis astute intellego?
2.2.282
Iam simul igitur amota ei erit omnis consultatio
2.2.283
nuptiarum, ne gravetur quod velis.
2.2.283b
Vive sapis,
2.2.284
et placet.
2.2.284b
Tum tu igitur calide quidquid acturu'sacturus es age.
2.2.285
Rem hercle loquere.
2.2.285b
Et repperi, haec te qui abscedat suspicio.
2.2.286
Sine me scire.
2.2.286b
Scibis, audi.
2.2.286c
Sapit hic pleno pectore.
2.2.287
Opus est homine qui illo argentum deferat pro fidicina;
2.2.288
nam te nolo neque opus factost.
2.2.288b
Quid iam?
2.2.288c
Ne te censeat
2.2.289
fili causa facere,
2.2.289b
Docte.
2.2.289c
Quo illum ab illa prohibeas:
2.2.290
ne qua ob eam suspicionem difficultas evenat.
2.2.291
Quém hominem inveniemus ad eam rem utilem?
2.2.291b
Hic erit optimus,
2.2.292
hic poterit cavere recte, iura qui et leges tenet.
2.2.293
Epidico habeas gratiam.
2.2.293b
Sed ego istuc faciam sedulo:
2.2.294
ego illum conveniam atque adducam hunc ad eum quoiast fidicina,
2.2.295
atque argentum ego cum hoc feram.
2.2.295b
Quanti émi potest minimo?
2.2.295c
Illane?
2.2.296
ad quadraginta fortasse eam posse emi minimo minis.
2.2.297
verum si plus dederis, referam, nihil in ea re captiost.
2.2.298
atque id non decem occupatum tibi erit argentum dies.
2.2.299
Quidum?
2.2.299b
Quia enim mulierem alius illam adulescens deperit,
2.2.300
auro opulentus, magnus miles Rhodius, raptor hostium,
2.2.301
gloriosus: is emet illam de te et dabit aurum lubens.
2.2.302
face modo, est lucrum hic tibi amplum.
2.2.302b
Deos quidem oro.
2.2.302c
Impetras.
2.2.303
Quin tu is intro atque huic argentum promis? ego visam ad forum.
2.2.304
Epidice, eo veni.
2.2.304b
Ne abitas prius quam ego ad te venero.
2.2.305
Vsque opperiar.—
2.2.305b
Sequere tu intro.—
2.2.305c
I, numera, nil ego te moror.
2.3.306
nullum esse opinor ego agrum in agro Attico
2.3.307
aeque feracem quám hic est noster Periphanes:
2.3.308
quin ex occluso atque obsignato armario
2.3.309
decutio argenti tantum quantum mihi lubet.
2.3.310
quod pol ego metuo si senex resciverit,
2.3.311
ne ulmos parasitos faciat, quae usque attondeant.
2.3.312
sed me una turbat res ratioque, Apoecidi
2.3.313
quam ostendam fidicinam aliquam conducticiam.
2.3.314
atque id quoque habeo: mane me iussit senex
2.3.315
conducere aliquam fidicinam sibi huc domum,
2.3.316
quae, dum rem dinam faceret, cantaret sibi;
2.3.317
ea conducetur atque ei praemonstrabitur
2.3.318
quo pacto fiat subdola adversus senem.
2.3.319
ibo intro, argentum accipiam ab damnoso sene.—
3.1.320
Expectando éxedor míser atque exénteror,
3.1.321
quó modo mi Épidici blánda dicta évenant.
3.1.322
nímis diu máceror: sítne quid nécne sit,
3.1.323
scíre cupió.
3.1.323b
Per illám tibi cópiam
3.1.324
copíam parare aliám licet: scivi équidem in principio ilico
3.1.325
nullám tibi esse ín illo copiam.
3.1.325b
Interii hércle ego.
3.1.326
Ábsurde facis qui ángas te animi; si hércle ego illum semel préndero,
3.1.327
númquam inridére nos íllum inultúm sinam servom hominem.
3.1.328
Quíd illum facere vís, qui, tibi quoi dívitiae domi máxumae sunt,
3.1.329_330
is númmum nullum habés neque sodáli tuo in te cópiast.
3.1.331
Si hercle hábeam, polliceár lubens, verum áliquid aliqua aliquó modo
3.1.332
alicúnde ab alíqui aliqua tíbi spes est fore méliorem fortúnam.
3.1.333
Vaé tibi, muricide homo.
3.1.333b
Qui tibi lubet mihi male loqui?
3.1.334
Quippe tú mi aliquíd aliquo modo alicunde ab aliquibus blatis
3.1.335
quod nusquamst neque ego id inmitto in aures meas
3.1.336
nec míhi plus adiuménti †ades, quam ille quí numquam etiam nátust.
3.2.337
Fecísti iam officium tuom, me meum nunc facere oportet.
3.2.338
per hanc cúram quieto tibi licet esse—hoc quidem iam periit:
3.2.339
ne quid tibi hinc in spem referas, oppido hoc pollinctum est;
3.2.340
crede modo mihi: sic ego ago, sic egerunt nostri.
3.2.341
pro di immortales, mihi hunc diem dedistis luculentum,

Perseus Latin. CTS URN phi0119.phi009.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.