Epidicus

Perseus Latin · Perseus Latin · 1,067 sections

2.2.203b
Quid rei est?
2.2.204
Mane dum, sine respirem quaeso.
2.2.204b
Immo adquiesce.
2.2.204c
Animo malest.
2.2.205
Recipe anhelitum.
2.2.205b
Clementer, requiesce.
2.2.205c
Animum advortite.
2.2.206
a legione omnes remissi sunt domum Thebis.
2.2.206b
Quis hoc
2.2.207
dicit factum?
2.2.207b
Ego ita factum esse dico.
2.2.207c
Scin tu istuc?
2.2.207d
Scio.
2.2.208
Qui tu scis?
2.2.208b
Quia ego ire vidi milites plenis viis;
2.2.209
arma referunt et iumenta ducunt.
2.2.209b
Nimis factum bene.
2.2.210
Tum captivorum quid ducunt secum! pueros, virgines,
2.2.211
binos, ternos, alius quinque; fit concursus per vias,
2.2.212
filios suos quisque visunt.
2.2.212b
Hercle rem gestam bene.
2.2.213
Tum meretricum numerus tantus, quantum in urbe omni fuit,
2.2.214
obviam ornatae occurrebant suis quaeque amatoribus,
2.2.215
eos captabant. id adeo qui maxime animum advorterim?
2.2.216
pleraeque eae sub vestimentis secum habebant retia.
2.2.217
quom ad portam venio, átque ego illam ílli video praestolarier
2.2.218
et cum ea tibicinae ibant quattuor.
2.2.218b
Quicum, Epidice?
2.2.219
Cum illa quam tuos gnatus annos multos deamat, deperit,
2.2.220
ubi fidemque remque seque teque properat perdere;
2.2.221
ea praestolabatur illum apud pórtam.
2.2.221b
Viden veneficam?
2.2.222
Sed vestita, aurata, ornata ut lepide, ut concinne, ut nove.
2.2.223
Quid erat induta? an regillam induculam an mendiculam?
2.2.224
Inpluviatam, ut istaec faciunt vestimentis nomina.
2.2.225
Vtin inpluvium induta fuerit?
2.2.225b
Quid istuc tam mirabile est?
2.2.226
quasi non fundis exornatae multae incedant per vias.
2.2.227
at tributus quom imperatus est, negant pendi potis:
2.2.228
illis quibus tributus maior penditur, pendi potest.
2.2.229
quid istae, quae vesti quotannis nomina inveniunt nova?
2.2.230
tunicam rallam, tunicam spissam, linteolum caesicium,
2.2.231
indusiatam, patagiatam, caltulam aut crocotulam,
2.2.232
subparum aut subnimium, ricam, basilicum aut exoticum,
2.2.233
cumatile aut plumatile, carinum aut cerinum—gerrae maxumae.
2.2.234
cani quoque etiam ademptumst nomen.
2.2.234b
Qui?
2.2.234c
Vocant Laconicum.
2.2.235
haec vocabula auctiones subigunt ut faciant viros.
2.2.236
Quin tu ut occepisti loquere?
2.2.236b
Occepere aliae mulieres
2.2.237
duae post me sic fabulari inter sese—égo abscessi sciens
2.2.238
paulum ab illis, dissimulabam earum operam sermoni dare;
2.2.239
nec satis exaudibam, nec sermonis fallebar tamen,
2.2.240
quae loquerentur.
2.2.240b
Id lubidost scire.
2.2.240c
Ibi illarum altera
2.2.241
dixit illi quicum ipsa ibat—(
2.2.241b
Quid?
2.2.241c
Tace ergo, ut audias)
2.2.242
postquam illam sunt conspicatae, quam tuos gnatus deperit:
2.2.243
“quam facile et quam fortunate évenit illi, obsecro,
2.2.244
mulieri, quam liberare volt amator.” quisnam is est?
2.2.245
inquit altera illi. ibi illa nominat Stratippoclem
2.2.246
Periphanai filium.
2.2.246b
Perii hercle. quid ego ex te audio?
2.2.247
Hoc quod actum est. egomet postquam id illas audivi loqui,
2.2.248
coepi rursum vorsum ad illas pauxillatim accedere,
2.2.249
quasi retruderet hominum me vis invitum.
2.2.249b
Intellego.
2.2.250
Ibi illa interrogavit illam: qui scis? quis id dixit tibi?
2.2.251
“quin hodie adlatae tabellae sunt ad eam a Stratippocle,
2.2.252
eum argentum sumpsisse apud Thébas ab danista faenore,
2.2.253
id paratum et sese ob eam rem id ferre.”
2.2.253b
Certo ego occidi.
2.2.254
Haec sic aibat: sic audivisse ex eapse atque epistula.
2.2.255
Quid ego nunc faciam? consilium a te expetesso, Apoecides.
2.2.256
Reperiamus aliquid calidi conducibilis consili.
2.2.257
nam ille quidem aut iam hic aderit, credo hercle, aut iam adest.
2.2.257b
Si aequom siet
2.2.258
me plus sapere quam vos, dederim vobis consilium catum,
2.2.259
quod laudetis, ut ego opino, uterque,
2.2.259b
Ergo ubi id est, Epidice?
2.2.260
Atque ad eam rem conducibile.
2.2.260b
Quid istuc dubitas dicere?
2.2.261
Vos priores esse oportet, nos posterius dicere,
2.2.262
qui plus sapitis.
2.2.262b
Eia vero, age díc.
2.2.262c
At deridebitis.
2.2.263
Non edepol faciemus.
2.2.263b
Immo, si placebit, utitor,
2.2.264
consilium si non placebit, reperitote rectius.
2.2.265
mihi istic nec seritur nec metitur, nisi ea quae tu vis volo.
2.2.266
Gratiam habeo; fac participes nos tuae sapientiae.
2.2.267
Continuo arbitretur uxor tuo gnato atque ut fidicinam
2.2.268
illam quam is volt liberare, quae illum corrumpit tibi,
2.2.269
ulciscare atque ita curetur, usque ad mortem ut serviat.
2.2.270
Fieri oportet.
2.2.270b
Facere cupio quidvis, dum id fiat modo.
2.2.270c
Em,

Perseus Latin. CTS URN phi0119.phi009.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.