Epidicus

Perseus Latin · Perseus Latin · 1,067 sections

3.2.342
ut facilem atque impetrabilem! sed ego hinc migrare cesso,
3.2.343
ut importem in coloniam hunc meo auspicio commeatum?
3.2.344
mihi cesso, cum sto. sed quid hoc? ante aedis duo sodales,
3.2.345
erum et Chaéribulum, conspicor. quid hic ágitis? accipe hoc sis.
3.2.346
Quantum hic inest?
3.2.346b
Quantum sat est, et plus satis: superfit.
3.2.347
decem minis plus attuli quam tu danistae debes.
3.2.348
dum tibi ego placeam atque obsequar, meum térgum flocci facio.
3.2.349
Nam quid ita?
3.2.349b
Quia ego tuom patrem faciam parenticidam.
3.2.350
Quid istúc est verbi?
3.2.350b
Nil moror vetera et volgata verba;
3.2.351
peratum ductarent: ego follitum ductitabo.
3.2.352
nam leno omne argentum abstulit pro fidicina (ego resolvi,
3.2.353
manibus his denúmeravi) pater suam natam quam esse credit;
3.2.354
nunc iterum ut fallatur pater tibique auxilium apparetur
3.2.355
inveni: nam ita suasi seni atque hanc habui orationem
3.2.356
ut cum rediisses ne tibi eius copia esset.
3.2.356b
Euge.
3.2.357
ea iam domist pro filia.
3.2.357b
Iam teneo.
3.2.357c
Nunc cautorem
3.2.358
dedit mihi ad hanc rem Apoecidem, is ápud forum manet me,
3.2.359
quasique amaret caveat.
3.2.359b
Haud male.
3.2.359c
Iam ípse cautor captust.
3.2.360
ipse in meo cóllo tuos pater cruminam collocavit;
3.2.361
is adornat, adveniens domi extemplo ut maritus fias.
3.2.362
Vno persuadebit modo, si illam, quae adducta est mecum,
3.2.363
mi adempsit Orcus.
3.2.363b
Nunc ego hanc astutiam institui.
3.2.364
deveniam ad lenonem domum egomet solus, eum ego docebo,
3.2.365
si quid ad eum adveniam, ut sibi essé datum argentum dicat
3.2.366
pro fidicina, argenti minas se habere quinquaginta
3.2.367
(quippe ego qui nudiustertius meis manibus denumeravi
3.2.368
pro illa tua amica, quam pater suam filiam esse retur):
3.2.369
ibi leno sceleratum caput suom imprudens alligabit,
3.2.370
quasi pro illa argentum acceperit, quae tecum adducta nunc est.
3.2.371
Vorsutior es quam rota figularis.
3.2.371b
Iam ego parabo
3.2.372
aliquam dolosam fidicinam, nummo conducta quae sit,
3.2.373
quae se emptam simulet, quae senes duo dócte ludificetur.
3.2.374
eam ducet simul Apoecides ad tuom patrem.
3.2.374b
Vt parate.
3.2.375
Eam pérmeditatam, meis dolis astutiisque onustam
3.2.376
mittam. sed nimis longum loquor, diu me éstis demorati.
3.2.377
haec scitis iam ut futura sint. abeo.—
3.2.377b
Bene ambulato.
3.2.378
Nimis dóctus ille est ad male faciendum.
3.2.378b
Me equidem certo
3.2.379
servavit consiliis suis.
3.2.379b
Abeamus intro hinc ad me.
3.2.380
Atque aliquantó lubentius quam abs te sum egressus intus;
3.2.381
virtute atque auspicio Epidici cum praeda in castra redeo.—
3.3.382
Non oris causa modo homines aequom fuit
3.3.383
sibi habere speculum, ubi os contemplarent suom,
3.3.384
sed qui perspicere possent cor sapientiae,
3.3.385
igitur perspicere ut possent cordis copiam
3.3.386
ubi id inspexissent, cogitarent postea,
3.3.387
vitam ut vixissent olim in adulescentia.
3.3.388
vel ego, qui dudum fili causa coeperam
3.3.389
ego med excruciare animi, quasi quid filius
3.3.390
meus déliquisset me erga aut quasi non plurima
3.3.391
male facta mea essent solida in adulescentia.
3.3.392
profecto deliramus interdum senes.
3.3.393
fuit conducibile hoc quidem mea sententia.
3.3.394
sed meus sodalis it cum praeda Apoecides.
3.3.395
venire salvom mercatorem gaudeo.
3.3.396
quid fit?
3.3.396b
Di deaeque te adiuvant.
3.3.396c
Omen placet.
3.3.397
Quin omini omnes suppetunt res prospere.
3.3.398
sed tu hanc iubé sis intro abduci.
3.3.398b
Heus, foras
3.3.399
exite huc aliquis. duce istam intro mulierem.
3.3.400
atque audin?
3.3.400b
Quid vis?
3.3.400c
Cave siris cum filia
3.3.401
mea cópulari hanc neque conspicere. iam tenes?
3.3.402
in aediculam istanc sorsum concludi volo.
3.3.403
divortunt mores virgini longe ac lupae.
3.3.404
Docte et sapienter dicis. † num nimis potest
3.3.405
pudicitiam quisquam suae servare filiae.
3.3.406
edepol ne ístam temperi gnato tuo
3.3.407
sumus praémercati.
3.3.407b
Quid iam?
3.3.407c
Quia dixit mihi
3.3.408
iam dudum se alius tuom vidisse hic filium:
3.3.409
hanc edepol rem apparabat.
3.3.409b
Planum hercle hoc quidem est.
3.3.410
Ne tú habes servom graphicum et quantivis preti,
3.3.411
non carust auro contra. ut ille fidicinam
3.3.412
fecit sese ut nesciret esse emptam tibi!
3.3.413
ita ridibundam atque hilaram huc adduxit simul.
3.3.414
Mirum hoc qui potuit fieri.
3.3.414b
Te pro filio
3.3.415
facturum dixit rem esse divinam domi,
3.3.416
quia Thebis salvos redierit.
3.3.416b
Rectam institit.
3.3.417
Immo ipsus illi dixit conductam esse eam,

Perseus Latin. CTS URN phi0119.phi009.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.