Epidicus

Perseus Latin · Perseus Latin · 1,067 sections

1.2.126
aggrediar hominem. advenientem péregre erum suom Stratippoclem
1.2.127
impertit salute servos Epidicus.
1.2.127b
Vbi is est?
1.2.127c
Adest.
1.2.128
salvom huc advenisse—
1.2.128b
Tam tibi istuc credo quam mihi.
1.2.129
Benene usque valuisti?
1.2.129b
A morbo valui, ab animo aeger fui.
1.2.130
Quod ad me attinuit, ego curavi: quod mandavisti mihi
1.2.131
impetratum est, empta ancilla, quod tute ad me litteras
1.2.132
missiculabas.
1.2.132b
Perdidisti omnem operam.
1.2.132c
Nam qui perdidi?
1.2.133
Quia meo neque cara est cordi neque placet.
1.2.133b
Quid retulit
1.2.134
mihi tanto opere te mandare et mittere ad me epistulas?
1.2.135
Illam amabam olím, nunc iam alia cura impendet pectori.
1.2.136
Hercle miserum est ingratum esse hómini id quod facias bene.
1.2.137
ego quod bene feci male feci, quia amor mutavit locum.
1.2.138
Desipiebam mentis, cum illa scripta mittebam tibi.
1.2.139
Men piacularem oportet fieri ob stultitiam tuam,
1.2.140
ut meum tergum tuae stultitiae subdas succidaneum?
1.2.141
Quid istic? verba facimus. huic homini ópust quadraginta minis
1.2.142
celeriter calidis, danistae quas resolvat, et cito.
1.2.143
Dic modo unde auferre me vis. a quo trápezita peto?
1.2.144
Vnde libet. nam ni ante solem occasum elo
1.2.145
meam domum ne inbitas: tu te in pistrinum
1.2.146
Facile tu istuc sine periclo et cura, corde libero
1.2.147
fabulare; novi ego nostros: mihi dolet cum ego vapulo.
1.2.148
Quid tu nunc? patierin ut ego me interimam?
1.2.148b
Ne feceris.
1.2.149
ego istuc accedam periclum potius atque audaciam.
1.2.150
Nunc places, nunc ego te laudo.
1.2.150b
Patiar ego istuc quod lubet.
1.2.151
Quid illa fiet fidicina igitur?
1.2.151b
Aliqua res reperibitur,
1.2.152
aliqua ope exsólvar, extricabor aliqua.
1.2.152b
Plenus consili es.
1.2.153
novi ego te.
1.2.153b
Est Euboicus miles locuples, multo auro potens,
1.2.154
qui úbi tibi istam emptam esse scibit atque hanc adductam alteram,
1.2.155
continuo te orabit ultro ut illam tramittas sibi.
1.2.156
sed ubi illa est quam tu adduxisti tecum?
1.2.156b
Iam faxo hic erit.
1.2.157
Quid hic nunc agimus?
1.2.157b
Eamus intro huc ad te, ut hunc hodie diem
1.2.158
luculentum habeamus.—
1.2.158b
Ite intro, ego de re argentaria
1.2.159
iam senatum convocabo in corde consiliarium,
1.2.160
quoi potissimum indicatur bellum unde argentum auferam.
1.2.161
Epidice, vide quid agas, ita res subito haec obiectast tibi;
1.2.162
non enim núnc tibi dormitandi neque cunctandi copia est:
1.2.163
adeundumst. senem oppugnare certumst consilium mihi.
1.2.164
i ábi intro atque ádulescenti dic iam nostro erili filio,
1.2.165
ne hinc foras ámbulet neve usquam óbviam veniat seni.—
2.1.166
Plérique homines, quós cum nil refért pudet,
2.1.167
úbi pudendum est íbi eos deserit pudor,
2.1.168
quom úsus est ut pudeat.
2.1.169
ís adeo tu és. quid est quód pudendúm siet,
2.1.170
génere natám bono paúperem domum
2.1.170a
dúcere te uxorem?
2.1.171
praesértim eam, qua ex tibi cómmemores hanc quaé domist
2.1.172
fíliam prognatam.
2.1.173
Révereor filium.
2.1.173b
At pól ego te crédidi
2.1.174
úxorem, quam tu éxtulistí, pudore éxsequi,
2.1.175
cúius quotiéns sepulcrúm vides, sácruficas
2.1.176
ílico Orco hóstiis, néque adeo iniúria,
2.1.177
quiá licitumst eam tíbi vivendo vincere.
2.1.177b
Oh,
2.1.178
Hércules égo fui, dum ílla mecúm fuit;
2.1.179
neque séxta aerumna acérbior Herculí, quam illa mihi obiéctast.
2.1.180
Pulcra édepol dos pecuniast.
2.1.180b
Quae quidem pol non maritast.
2.2.181
St, tacéte, habete animúm bonum.
2.2.182
liquido éxeo foras auspício, aví sinistra;
2.2.183
acútum cultrum habeó, senis qui exénterem marsúppium.
2.2.184_185
sed eccum ípsum ante aedis conspicor Apoecide†
2.2.186
qualis volo vetulos duo.
2.2.187
iam ego mé convortam in hirúdinem atque eorum éxsugebo sánguinem,
2.2.188
senáti qui columén cluent.
2.2.189_190
cóntinuo ut maritus fiat.
2.2.189_190b
Laudo consilium tuom.
2.2.191
nam égo illum audivi in amorem haerere apud néscio quam fidicinam,
2.2.192
íd ego excrucior.
2.2.192b
Di hercle omnis me ádiuvant augent amant:
2.2.193
ipsi hí quidem mihi dant viam, quo pacto ab se argentum auferam.
2.2.194
age núnciam orna te, Epidice, et palliolum in collum conice
2.2.195
itaque ádsimulato quasi per urbem totam hominem quaesiveris.
2.2.196
áge, si quid agis. di immortales, utinam conveniam domi
2.2.197
Periphanem, per omnem urbém quem sum defessus quaerere:
2.2.198
per medicinas, per tonstrinas, in gymnasio atque in foro,
2.2.199
per myropolia et lanienas circumque argentarias.
2.2.200
rogitando sum raucus factus, paene in cursu concidi.
2.2.201
Epidice.
2.2.201b
Epidicum quis est qui revocat?
2.2.201c
Ego sum, Periphanes.
2.2.202
Et ego Apoecides sum.
2.2.202b
Et ego quidem sum Epidicus. sed, ere, optuma
2.2.203
vos video opportunitate ambo advenire.

Perseus Latin. CTS URN phi0119.phi009.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.