Epidicus
- 1.1.51
Quid istanc quam emit, quanti eam emit?
- 1.1.51b
Vili.
- 1.1.51c
Haud istuc te rogo.
- 1.1.52
Quid ígitur?
- 1.1.52b
Quot minis?
- 1.1.52c
Tot: quadraginta minis.
- 1.1.53
íd adeo argentum ab danista apud Thébas sumpsit faenore,
- 1.1.54
in dies minasque argenti singulas nummis.
- 1.1.54b
Papae.
- 1.1.55
Ét is danista advenit una cúm eo, qui argentum petit.
- 1.1.56
Di immortales, ut ego interii basilice.
- 1.1.56b
Quid iam? aut quid est,
- 1.1.57
Epídice?
- 1.1.57b
Perdidit me.
- 1.1.57c
Quís?
- 1.1.57d
Ille qui arma pérdidit.
- 1.1.58
Nam quíd ita?
- 1.1.58b
Quia cottidie ipse ad me ab legione epistulas
- 1.1.59
mittebat—sed taceam optumum est,
- 1.1.60
plus scire satiust quam loqui servom hominem. ea sapientia est.
- 1.1.61
Néscio edepol quid tu timidus es, trepidas, Epidice, ita voltum tuom†
- 1.1.62
videór videre commeruisse hic me absente in te aliquid mali.
- 1.1.63
Potin út molestus ne sies?
- 1.1.63b
Abeo.
- 1.1.63c
Asta, abire hinc non sinam.
- 1.1.64
Quíd nunc me retinés?
- 1.1.64b
Amatne ístam quam emit de praeda?
- 1.1.64c
Rogas?
- 1.1.65
deperit.
- 1.1.65b
Detegetur corium de tergo meo. †
- 1.1.66
Plusque amat quam te umquam amavit.
- 1.1.66b
Iuppiter te perduit.
- 1.1.67
Mítte nunciam, nam ílle me vetuit domum
- 1.1.68
venire, ad Chaeribulum iussit huc in proxumum;
- 1.1.69
íbi manere iussit, eo venturust ipsus.
- 1.1.69b
Quid ita?
- 1.1.69c
Dicam:
- 1.1.70
quía patrem prius convenire se non volt neque conspicari,
- 1.1.71
quám id argentum, quod debetur pro illa, denumeraverit.
- 1.1.72
Eú edepol res turbulentas.
- 1.1.72b
Mitte me ut eam nunciam.
- 1.1.73
Haécine ubi scibit senex,
- 1.1.74
púppis pereunda est probe.
- 1.1.75
Quíd istuc ad me attinet,
- 1.1.76
quó tu intereas modo?
- 1.1.77
Quía perire solus nolo, te cupio perire mecum,
- 1.1.78
benevolens cum benevolente.
- 1.1.78b
Abi ín malam rem maxumam a me
- 1.1.79
cum ístac condicione.
- 1.1.79b
I sane, siquidem festinas magis.
- 1.1.80
Numquam hominem quemquam conveni, unde abierim lubentius.—
- 1.1.81
Illic hinc abiit. solus nunc es. quo in loco haec res sit vides,
- 1.1.82
Epidice: nisi quid tibi in tete auxili est, absumptus es.
- 1.1.83
tantae in te impendent ruinae: nisi suffulcis firmiter,
- 1.1.84
non potes subsistere, itaque in te inruont montes mali.
- 1.1.85
néque ego nunc quó modo
- 1.1.86
me éxpeditum ex impedito faciam, consilium placet.
- 1.1.87
égo miser pérpuli
- 1.1.88
meís dolis senem, ut censeret suam sese emere filiam:
- 1.1.89
ís suo fílio
- 1.1.90
fídicinam emit, quam ipse amat, quam ábiens mandavit mihi.
- 1.1.91
sí sibi nunc álteram
- 1.1.91a
áb legione adduxit animi causa, corium perdidi.
- 1.1.92
nam úbi senex sénserit
- 1.1.93
síbi data esse verba, virgis dorsum despoliet meum.
- 1.1.94
át enim tu praecave.
- 1.1.95
át enim—bat enim, nihil est istuc. plane hoc corruptumst caput.
- 1.1.96
néquam homo es, Epidice.
- 1.1.97
quí lubidost male loqui?
- 1.1.97a
quía tu tete deseris.
- 1.1.98
quíd faciam? mén rogas?
- 1.1.99
tu quidem antehac aliis solebas dare consilia mutua.
- 1.1.100
aliquid aliqua reperiundumst. sed ego cesso ire obviam
- 1.1.101
adulescenti, ut quid negoti sit sciam. atque ipse illic est.
- 1.1.102
tristis est. cum Chaeribulo incedit aequali suo.
- 1.1.103
huc concedam, orationem unde horum placide persequar.
- 1.2.104
Rem tibi sum elocutus omnem, Chaeribule, atque admodum
- 1.2.105
meorum maerorum atque amorum summam edictavi tibi.
- 1.2.106
Praeter aetatem et virtutem stultus es, Stratippocles.
- 1.2.107
idne pudet te, quia captivam genere prognatam bono
- 1.2.108
de praeda es mercatus? quis erit, vitio qui id vortat tibi?
- 1.2.109
Qui invident omnes inimicos mi illoc facto repperi;
- 1.2.110
at pudicitiae eius numquam nec vim nec vitium attuli.
- 1.2.111
Iam istoc probior es meo quidem animo, cúm in amore temperes.
- 1.2.112
Nihil agit qui diffidentem verbis solatur suis;
- 1.2.113
is est amicus, qui in re dubia re iuvat, ubi rest opus.
- 1.2.114
Quid tibi me vis facere?
- 1.2.114b
Argenti dare quadraginta minas,
- 1.2.115
quod danistae detur, unde ego illud sumpsi faenore.
- 1.2.116
Si hercle haberem
- 1.2.116b
Nam quid te igitur retulit
- 1.2.117
beneficum esse oratione, si ad rem auxilium emortuom est?
- 1.2.118
Quin edepol egomet clamore differor, difflagitor.
- 1.2.119
Malim istius modi mihi amicos furno mersos quam foro.
- 1.2.120
sed operam Epidici nunc me emere pretio pretioso velim.
- 1.2.121
quem quidem égo hominem irrigatum plagis pistori dabo,
- 1.2.122
nisi hodie prius comparassit mihi quadraginta minas,
- 1.2.123
quam argenti fuero elocutus ei postremam syllabam.
- 1.2.124
Salva res est: bene promittit, spero servabit fidem.
- 1.2.125
sine meo sumptu paratae iam sunt scapulis symbolae.
← Previous · Next → — showing 101–200 of 1,067
Perseus Latin. CTS URN phi0119.phi009.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.