Epidicus
- 1.1.1
Heús, adulescens.
- 1.1.1b
Quís properantem mé reprehendit pállio?
- 1.1.2
Familiaris.
- 1.1.2b
Fateor, nam odio es nimium familiariter.
- 1.1.3
Réspice vero, Thésprio.
- 1.1.3b
Oh,
- 1.1.4
Epidicumne ego conspicor?
- 1.1.5
Satis recte oculis uteris.
- 1.1.6
Salve.
- 1.1.6b
Di dent quae velis.
- 1.1.7
veníre salvom gaudeo.
- 1.1.7b
Quid ceterum?
- 1.1.7c
Quod eo adsolet:
- 1.1.8
cena tibi dabitur.
- 1.1.8b
Spondeo.
- 1.1.8c
Quid?
- 1.1.8d
Me accepturum, si dabis.
- 1.1.9
Quid tú agis? ut vales? exemplum adesse intellego. euge,
- 1.1.10
córpulentior videre atque habitior.
- 1.1.10b
Huic gratia.
- 1.1.11
Quám quidem te iam diu
- 1.1.11a
perdidisse oportuit.
- 1.1.12
Mínus iam furtificus sum quam antehac.
- 1.1.12b
Quid ita?
- 1.1.12c
Rapio propalam.
- 1.1.13
Di immortales te infelicent, ut tu es gradibus grandibus.
- 1.1.14
nam út apud portum te conspexi, curriculo occepi sequi:
- 1.1.15
vix adipiscendi potestas modo fuit.
- 1.1.15b
Scurra es.
- 1.1.15c
Scio
- 1.1.16
te esse equidem hominem militarem.
- 1.1.16b
Audacter quam vis dicito.
- 1.1.17
quid ais? perpetuen valuisti?
- 1.1.17b
Varie.
- 1.1.17c
Qui varie valent,
- 1.1.18
capreáginum hominum nón placet mihi néque pantherinúm genus.
- 1.1.19
Quid tíbi vis dicam nisi quod est? ut illaé res? responde.
- 1.1.19b
Probe.
- 1.1.20
Quid erílis noster filius?
- 1.1.20b
Valet púgilice atque athletice.
- 1.1.21
Voluptábilem mihi nuntium tuo advéntu adportas, Thesprio.
- 1.1.22
sed ubíst is?
- 1.1.22b
Advenit simul.
- 1.1.22c
Vbi is ergo est? nisi si in vidulo
- 1.1.23
aut si in mellina attulisti.
- 1.1.23b
Di te perdant.
- 1.1.23c
Te volo—
- 1.1.24
percóntari: operam da, ópera reddetúr tibi.
- 1.1.25
Ius dícis.
- 1.1.25b
Me decet.
- 1.1.25c
Iam tu autem nobis praeturam geris?
- 1.1.26
Quem díces digniorem esse hominem hódie Athenis alterum?
- 1.1.26a
At únum a praetura tua,
- 1.1.27
Epídice, abest.
- 1.1.27b
Quidnam?
- 1.1.27c
Scies:
- 1.1.28
lictores duo, duo ulmei
- 1.1.28a
fasces virgarum.
- 1.1.28b
Vae tibi.
- 1.1.29
sed quíd ais?
- 1.1.29b
Quid rogas?
- 1.1.29c
Vbi árma sunt Stratíppocli?
- 1.1.30
Pól illa ad hostis transfugerunt.
- 1.1.30b
Armane?
- 1.1.30c
Atque equidem cito.
- 1.1.30a
Sérione dicis tu?
- 1.1.31a
Sério, inquam: hostes habent.
- 1.1.32
Édepol facinus improbum.
- 1.1.32b
At iam ante alii fecerunt idem.
- 1.1.33
erit illi illa res honori.
- 1.1.33b
Qui?
- 1.1.33c
Quia ante aliis fuit.
- 1.1.34
Mulciber, credo, arma fecit quaé habuit Stratippocles:
- 1.1.35
travolaverunt ad hostis.
- 1.1.35b
Tum ille prognatus Theti
- 1.1.36
sine perdat: alia apportabunt éi Nerei filiae.
- 1.1.37
id módo videndum est, ut materies suppetat scutariis,
- 1.1.38
si in singulis stipendiis is ad hostis exuvias dabit.
- 1.1.39
Supersede istis rebus iam.
- 1.1.39b
Tu ipse, ubi lubet, finem face.
- 1.1.40
Desiste percontarier.
- 1.1.40b
Loquere ipse: ubist Stratippocles?
- 1.1.41
Est causa qua causa simul mecum ire veritust.
- 1.1.41b
Quidnam id est?
- 1.1.42
Patrem videre se nevolt etiam nunc.
- 1.1.42b
Quapropter?
- 1.1.42c
Scies.
- 1.1.43
quia forma lepida et liberali captivam adulescentulam
- 1.1.44
dé praeda mercatust.
- 1.1.44b
Quid ego ex te audio?
- 1.1.44c
Hoc quod fabulor.
- 1.1.45
Cúr eam emit?
- 1.1.45b
Animi causa.
- 1.1.45c
Quót illic homo animos habet?
- 1.1.46
nam cérto, prius quam hinc ád legionem abiít domo,
- 1.1.47
ipsús mandavit mi, áb lenone ut fídicina,
- 1.1.48
quam amábat, emeretúr sibi. id ei ímpetratum réddidi.
- 1.1.49
Vtcúmque in alto ventust, Epidice, exim velum vortitur.
- 1.1.50
Vaé misero mihí, male perdidit me.
- 1.1.50b
Quíd istuc? quidnam est?
Next → — showing 1–100 of 1,067
Perseus Latin. CTS URN phi0119.phi009.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.